AC Tunnel: ନାଁକୁ ତିଆରି ହେଲା କି ଏସି ସେଡ୍, ତାତିରେ ଡ଼ହଳବିକଳ ହେଉଛନ୍ତି ଭକ୍ତ...

ବଡ଼ଦାଣ୍ଡ ମରିଚକୋଟ ଛକରେ ଜୋତାଷ୍ଟାଣ୍ଡ୍ । ସେପଟେ ଦୋଳବେଦି କୋଣ ଏସି ସେଡ଼ ଠାରୁ ୨୦୦ ମିଟର ଦୂର ଖୋଲା ଆକାଶ ତଳେ ଶ୍ରୀମନ୍ଦିର ସିଂହଦ୍ୱାର ନିକଟରେ ପହଞ୍ଚିବା ବେଳକୁ ପାଦ ତାତି ଯାଉଛି। ସେପଟେ ଶ୍ରୀ ମନ୍ଦିର ଭିତରେ ଶ୍ରୀଜିଉଙ୍କ ଦର୍ଶନ ଓ କୁରୁମବେଢ଼ାରେ ବୁଲି ପାର୍ଶ୍ଵ ଦେବାଦେବୀ ଦର୍ଶନ କରି ପୁଣି ଜୋତାଷ୍ଟାଣ୍ଡ ନିକଟକୁ ଫେରିବା ବେଳକୁ ପାଦର ଅବସ୍ଥା ପୂରା ଖରାପ ହୋଇଯାଉଛି । ଖାଲି ପାଦରେ ବଡ଼ଦାଣ୍ଡରୁ ଚାଲିଚାଲି ଶ୍ରୀମନ୍ଦିର ପର୍ଯ୍ୟନ୍ତ ଯିବା ଓ ସେଠାରେ ଠାକୁର ଦର୍ଶନ କରି ପରିକ୍ରମା ମାର୍ଗର ପଥର ଓ ପିଚୁ ଉପରେ ପ୍ରାୟ ଏକ କିଲୋମିଟର ଖାଲି ପାଦରେ ଚାଲି ବଡ଼ଦାଣ୍ଡରେ ପହଞ୍ଚିବା ବେଳକୁ ପାଦ ଫୋଟକା ହୋଇଯାଉଛି। ତେବେ ଭକ୍ତଙ୍କ ଯନ୍ତ୍ରଣା ଦେଖି ମଧ୍ୟ ନିରାକରଣ କରୁନାହାନ୍ତି ଶ୍ରୀମନ୍ଦିର ପ୍ରଶାସନ ପାଦ ଯେପରି ଫୋଟକା ନହେବ ସେଥି ନିମନ୍ତେ ଛାଇ ଓ ପାନୀୟଜଳ ବ୍ୟବସ୍ଥା କରିବା ଆବଶ୍ୟକ।