Hindu muslim marriage: ଝାଡଖଣ୍ଡର କୋଡରମାଠାରେ ଜଣେ ବିଧବା ମୁସଲିମ ମହିଳା ସନ୍ତାନଙ୍କ ଭବିଷ୍ୟତ ପାଇଁ ଜଣେ ହିନ୍ଦୁ ଯୁବକକୁ ବିବାହ କରିଥିଲେ । ଝିଅର ଏହି ନିଷ୍ପତ୍ତିରେ ପରିବାରର କୌଣସି ଅସୁବିଧା ନଥିଲା। କିନ୍ତୁ, ଜଣେ ବ୍ୟକ୍ତି ଥିଲେ ଯିଏ ଏଥିରେ ଅସନ୍ତୁଷ୍ଟ ଥିଲେ । ବିବାହ ସମୟରେ ମଧ୍ୟ ସେ ତାଙ୍କୁ ଧମକ ଦେଇଥିଲେ । ସେତେବେଳେ କେହି ଏଥିପ୍ରତି ଅଧିକ ଧ୍ୟାନ ଦେଇନଥିଲେ । କିନ୍ତୁ, ମହିଳା ଜଣକ ଜାଣି ନଥିଲେ ଯେ ସେହି ଧମକ ଦିନେ ତାଙ୍କ ଘରକୁ ନଷ୍ଟ କରିଦେବ ଓ ଏହି କାମ ଆଉ କେହି ନୁହେଁ ବରଂ ତାଙ୍କ ମାମୁଁଙ୍କ ଦ୍ୱାରା ଘଟିଛି ।
କୋଡର୍ମାର ଡୋମଚୌର ବାସିନ୍ଦା ସୁଲତାନାଙ୍କ ଏହି ଯନ୍ତ୍ରଣାଦାୟକ କାହାଣୀ । ସ୍ୱାମୀଙ୍କ ମୃତ୍ୟୁ ପରେ ୩ ବର୍ଷ ପର୍ଯ୍ୟନ୍ତ ବିଧବା ରହିଥିବା ସୁଲତାନା ତାଙ୍କର ଦୁଇ ସନ୍ତାନଙ୍କୁ ପାଳନ ପୋଷଣ କରିବା ପାଇଁ ଘନଶ୍ୟାମ ଦାସଙ୍କ ସହ ପ୍ରେମ ବିବାହ କରିଥିଲେ । ସେ ଏକ କୋର୍ଟ ବିବାହ ମଧ୍ୟ କରିଥିଲେ । ବିବାହର ୧୦ ମାସ ଯାଏଁ ସବୁକିଛି ଠିକ୍ ଚାଲିଥିଲା ।
'ମାମୁଁ ସୁଲେମାନ ଜଣେ ହିନ୍ଦୁ ପୁଅକୁ ବିବାହ କରିଥିବାରୁ ଅସନ୍ତୁଷ୍ଟ ଥିଲେ'
ଡିସେମ୍ବର ୧୩ରେ ସୁଲତାନଙ୍କ ସ୍ୱାମୀଙ୍କୁ ହତ୍ୟା କରାଯାଇଥିଲା । ଅଭିଯୋଗ ହୋଇଛି ଯେ ଏହି ଘଟଣା ତାଙ୍କ ମାମୁଁ ସୁଲେମାନ ହିଁ ଘଟାଇ ଥିଲେ । ସ୍ୱାମୀଙ୍କ ହତ୍ୟା ମାମଲାରେ ନ୍ୟାୟ ପାଇବା ପାଇଁ ସୁଲତାନ ପୋଲିସ ଷ୍ଟେସନରୁ ଏସପି କାର୍ଯ୍ୟାଳୟକୁ ଯାଇ ନ୍ୟାୟ ପାଇଁ ନିବେଦନ କରୁଛନ୍ତି । ସୁଲତାନା କହିଛନ୍ତି ଯେ ଜଣେ ମୁସଲମାନ ହୋଇ ଜଣେ ହିନ୍ଦୁ ପୁଅକୁ ବିବାହ କରିବା ଗ୍ରାମବାସୀ ଏବଂ ବିଶେଷକରି ତାଙ୍କ ମାମୁଁ ସୁଲେମାନ ଅସନ୍ତୁଷ୍ଟ ଥଲେ । ଡିସେମ୍ବର ୧୩ରେ, ସୁଲେମାନ ତାଙ୍କ ସ୍ୱାମୀଙ୍କୁ ମଦରେ ବିଷରେ ମିଶାଇ ପିଆଇ ଦେଇଥିଲେ। ଏହାହିଁ ତାଙ୍କ ମୃତ୍ୟୁର କାରଣ ଥିଲା । ଜଣେ ଅଣ ମୁସଲମାନ ପୁଅ ସହିତ ତାଙ୍କର ଦ୍ୱିତୀୟ ବିବାହକୁ ନେଇ ପରିବାରର କୌଣସି ଆପତ୍ତି ନଥିଲା। ତାଙ୍କ ମା’ଙ୍କ ସହମତିରେ ସେ ଘନଶ୍ୟାମ ଦାସଙ୍କ ସହ କୋର୍ଟ ବିବାହ କରିଥିଲେ ।
'ବିବାହ ସମୟରେ ସୁଲେମାନଙ୍କ ଧମକ ବାସ୍ତବରେ ପରିଣତ ହୋଇଥିଲା'
ସୁଲତାନଙ୍କ ମା କୁହନ୍ତି, ସୁଲତାନା ଜଣେ ହିନ୍ଦୁ ପୁଅକୁ ବିବାହ କରିବା ଏହା ତାଙ୍କ ଭାଇକୁ ପସନ୍ଦ ନଥିଲା। ଦ୍ୱିତୀୟ ବିବାହ ପରେ, ୧୦ ମାସ ପର୍ଯ୍ୟନ୍ତ ସବୁକିଛି ଠିକ୍ ରହିଲା । କିନ୍ତୁ, ବିବାହ ସମୟରେ ସୁଲେମାନଙ୍କ ଦ୍ୱାରା ଦିଆଯାଇଥିବା ଧମକ ବର୍ତ୍ତମାନ ବାସ୍ତବରେ ପରିଣତ ହୋଇଛି । ସୁଲତାନାଙ୍କ ଦ୍ୱିତୀୟ ସ୍ୱାମୀଙ୍କ ମୃତ୍ୟୁ ପରେ ଡୋମଚାଞ୍ଚ ପୋଲିସ ଷ୍ଟେସନରେ ହତ୍ୟା ମାମଲାରେ ଏଫଆଇଆର ପଞ୍ଜିକୃତ ହୋଇଛି । ପୋଲିସ ଏହି ଘଟଣାର ତଦନ୍ତ କରୁଛି ଏସଡିପିଏଙ୍କ ନେତୃତ୍ୱରେ ଏହି ଘଟଣାର ଅନୁସନ୍ଧାନ କରାଯାଉଛି। ରିପୋର୍ଟ ଆଧାରରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଏସପି ଅନୁଦୀପ ସିଂ କହିଛନ୍ତି । ଅନୁସନ୍ଧାନ ଏବଂ କାର୍ଯ୍ୟର ଆଶ୍ୱାସନା ମଧ୍ୟରେ ସୁଲତାନା ସବୁଆଡେ ନ୍ୟାୟ ପାଇଁ ନିବେଦନ କରୁଛନ୍ତି । ୧୩ ଡିସେମ୍ବରରେ ତାଙ୍କ ସ୍ୱାମୀଙ୍କ ମୃତ୍ୟୁ ପରେ ୧୪ ଡିସେମ୍ବରରେ ହତ୍ୟା ମାମଲାରେ ଏଫଆଇଆର ମଧ୍ୟ ଦାଖଲ କରାଯାଇଥିଲା। କିନ୍ତୁ ଏପର୍ଯ୍ୟନ୍ତ ଏହି ଘଟଣାରେ ପୋଲିସର କାର୍ଯ୍ୟାନୁଷ୍ଠାନ ଇଞ୍ଚେ ମଧ୍ୟ ବଢ଼ି ନାହିଁ।
Also Read- ଲଦାଖ ସୀମାରେ ପରିସ୍ଥିତି ସ୍ବଭାବିକ ନାହିଁ, କାଶ୍ମୀରରେ ପାକ୍ ଆତଙ୍କୀ ଷଡ଼ଯନ୍ତ୍ର: ସାମରିକ କମାଣ୍ଡର
Also Read- ବନ ବିଭାଗକୁ ବଡ଼ ସଫଳତା, ବଜ୍ରକାପ୍ତା ଚାଲାଣ ସମୟରେ ଧରାପଡିଲେ ୩ ବ୍ୟକ୍ତି