MS Dhoni Video: ଭାରତ-ମାଳଦ୍ୱୀପ ବିବାଦ ମଧ୍ୟରେ ଭାଇରାଲ ହେଉଛି ଧୋନିଙ୍କ ଏହି ଭିଡିଓ, ଜାଣନ୍ତୁ କାରଣ

India-Maldives dispute: ଭାରତ-ମାଳଦ୍ୱୀପ ମଧ୍ୟରେ ବିବାଦ ଲାଗିରହିଛି। ଏହି ବିବାଦ ପିଏମ ମୋଦୀଙ୍କ ଲକ୍ଷାଦ୍ୱୀପ ଗସ୍ତ ପରେ ଆରମ୍ଭ ହୋଇଥିଲା। କହିରଖୁଛୁ ଯେ ଗତ ସପ୍ତାହରେ ପ୍ରଧାନମନ୍ତ୍ରୀ ମୋଦୀ ଲକ୍ଷାଦ୍ୱୀପ ଗସ୍ତର ଯାଇଥିଲେ ଓ ଏହି ଗସ୍ତର କିଛି ଫଟୋ ସୋସିଆଲ ମିଡିଆ ପ୍ଲାଟଫର୍ମ 'X' ରେ ସେୟାର କରିଥିଲେ। ଯାହା ଉପରେ ମାଳଦ୍ୱୀପ ମନ୍ତ୍ରୀଙ୍କ କିଛି ବିବାଦୀୟ ବୟାନ ସମ୍ନାକୁ ଆସିଥିଲା। ଏହି ପ୍ରସଙ୍ଗରେ ଭାରତ ସରକାର ମାଳଦ୍ୱୀପ କୂଟନୀତିଜ୍ଞଙ୍କୁ ଡକାଇ ନିଜର କଡ଼ା ଆଭିମୁଖ୍ୟ ପ୍ରକାଶ କରିଥିଲେ। ଏହା ସମେତ ପ୍ରତ୍ୟେକ ଭାରତୀୟ ସୋସିଆଲ ମିଡିଆରେ ଏହି ବିଷୟରେ ନିଜର କ୍ରୋଧ ପ୍ରକାଶ କରୁଛନ୍ତି। କ୍ରିକେଟରମାନେ ମଧ୍ୟ ଏଥିରେ ପଛରେ ନାହାଁନ୍ତି। ବିରେନ୍ଦର ସେହୱାଗ ଠାରୁ ଇରଫାନ ପଠାନ ପର୍ଯ୍ୟନ୍ତ ଅନେକ କ୍ରିକେଟର ଭାରତ ଓ ପ୍ରଧାନମନ୍ତ୍ରୀ ମୋଦୀଙ୍କ ପ୍ରତି ଏହି ଅପମାନକୁ ନେଇ ନିରାଶ ହୋଇଛନ୍ତି। ଏସବୁ ମଧ୍ୟରେ ଏମଏସ ଧୋନିଙ୍କ ଏକ ପୁରୁଣା ଭିଡିଓ ମଧ୍ୟ ଭାଇରାଲ ହେବାରେ ଲାଗିଛି। ଏହି ଭିଡିଓ ଏହି ବିବାଦରେ ସମ୍ପୂର୍ଣ୍ଣ ଫିଟ୍ ହେଉଛି।

ସୋସିଆଲ ମିଡିଆରେ ଭାରତୀୟ ସୋସିଆଲ ମିଡିଆ ବ୍ୟବହାରକାରୀମାନେ ପିଏମ ମୋଦୀଙ୍କ ଉପରେ ମାଲଦ୍ୱୀପ ମନ୍ତ୍ରୀଙ୍କ ମନ୍ତବ୍ୟକୁ ଲଜ୍ଜାଜନକ ବୋଲି କହିଛନ୍ତି। ଏହା ସମେତ ମାଳଦ୍ୱୀପ ପରିବର୍ତ୍ତେ ଭାରତରେ ପର୍ଯ୍ୟଟନ ପାଇଁ ବିଭିନ୍ନ ସୁନ୍ଦର ସ୍ଥାନ ବାଛିବା ପାଇଁ ଭାରତୀୟମାନଙ୍କୁ ଅନୁରୋଧ କରିଛନ୍ତି। ଭାରତର ଅନେକ ବଡ ବ୍ୟକ୍ତିତ୍ୱ ମଧ୍ୟ ମାଳଦ୍ୱୀପ ପରିବର୍ତ୍ତେ ଭାରତ ଅନୁସନ୍ଧାନ କରିବାକୁ ପରାମର୍ଶ ଦେଉଛନ୍ତି। ଏହି କ୍ରମରେ ଧୋନିଙ୍କ ପୁରୁଣା ଭିଡିଓ ସେୟାର କରାଯାଉଛି। ଏହି ଭିଡିଓରେ ଧୋନି କହୁଛନ୍ତି ଯେ ବର୍ତ୍ତମାନ ସେ ପ୍ରଥମେ ଭାରତ ଭ୍ରମଣ କରିବାକୁ ଚାହୁଁଛନ୍ତି।

ଧୋନି ଏହି ଭିଡିଓରେ କହିଛନ୍ତି, "ମୁଁ ବହୁତ ଯାତ୍ରା କରିଛି କିନ୍ତୁ ଛୁଟିଦିନ ଉଦ୍ଦେଶ୍ୟରେ ନୁହେଁ। ମୋର କ୍ରିକେଟ୍ ଖେଳ ଦିନ, ମୁଁ ବିଭିନ୍ନ ଦେଶ ପରିଦର୍ଶନ କରିଥିଲି କିନ୍ତୁ ମୁଁ ଅଧିକ ଦେଖି ନଥିଲି କାରଣ ମୋର ଧ୍ୟାନ କେବଳ କ୍ରିକେଟ୍ ଉପରେ ଥିଲା। ମୋ ପତ୍ନୀ ଭ୍ରମଣ କରିବାକୁ ପସନ୍ଦ କରନ୍ତି। ତେଣୁ ବର୍ତ୍ତମାନ ମୋର ଯୋଜନା ହେଉଛି ଯଦି ଆମେ ସମୟ ପାଉ, ତେବେ ଯାତ୍ରା କରିବା ଉଚିତ୍। ଆମେ ଭାରତକୁ ଦେଖିବା ପାଇଁ ଆମର ଯାତ୍ରା ଆରମ୍ଭ କରିବାକୁ ଚାହୁଁଛୁ। ଆମର ଏଠାରେ ଅନେକ ସୁନ୍ଦର ସ୍ଥାନ ଅଛି। ତେଣୁ ଅନ୍ୟ କୌଣସି ସ୍ଥାନକୁ ଯିବା ପୂର୍ବରୁ ମୁଁ ଏଗୁଡିକ ଦେଖିବାକୁ ଚାହେଁ।"

First priority for Indian tourism places then others. This is why #ExploreIndianIslands #Maldives pic.twitter.com/8iOvsmEs5h

— ` (@WorshipDhoni) January 7, 2024

ଧୋନିଙ୍କ ଏହି ଭିଡିଓ ସୋସିଆଲ ମିଡିଆରେ ସେୟାର କରିବା ସହ ସୋସିଆଲ ମିଡିଆ ବ୍ୟବହାରକାରୀମାନେ ଲେଖିଛନ୍ତି ଯେ ମାଳଦ୍ୱୀପ ବଦଳରେ ପ୍ରଥମେ ଭାରତର ପର୍ଯ୍ୟଟନ ସ୍ଥାନ ପରିଦର୍ଶନ କରନ୍ତୁ। ଧୋନି ମଧ୍ୟ ସମାନ କଥା କହୁଛନ୍ତି।

କ’ଣ ଏହି ବିବାଦ?
୪ ଜାନୁଆରୀରେ ପ୍ରଧାନମନ୍ତ୍ରୀ ମୋଦୀ ଲାକ୍ଷାଦ୍ୱୀପ ଗସ୍ତର ଫଟୋ ସେୟାର କରିଥିଲେ। ଏହା ପରେ ଲୋକମାନେ କହିବା ଆରମ୍ଭ କଲେ ଯେ ବର୍ତ୍ତମାନ ଭାରତୀୟମାନେ ମାଲଦ୍ୱୀପ ନୁହେଁ ଲକ୍ଷାଦ୍ୱୀପକୁ ଯିବା ଉଚିତ୍। ଏହି ପ୍ରସଙ୍ଗ ସୋସିଆଲ ମିଡିଆରେ ଟ୍ରେଣ୍ଡ କରୁଥିଲା। ଏହି ସମୟରେ ମାଲଦ୍ୱୀପର ମୁଇଜୁ ସରକାରରେ ମନ୍ତ୍ରୀ ମରିୟମ ଶିଉନା କିଛି ଆପତ୍ତିଜନକ ଟ୍ୱିଟ୍ କରିଥିଲେ। ଏଠାରେ ସେ ପିଏମ ମୋଦୀଙ୍କୁ ମଧ୍ୟ ପରିହାସ କରିଥିଲେ। ଏହା ବ୍ୟତୀତ ସେ ଲାକ୍ଷାଦ୍ୱୀପକୁ ନୋଇ ପରିହାସ କରୁଥିବା ମଧ୍ୟ ଦେଖିବାକୁ ମିଳିଥିଲା। ତାଙ୍କ ପରେ ମାଲଦ୍ୱୀପର ନେତା ମାଲଶା ସରିଫ ଓ ମହଜୁମ ମାଜିଦ୍ ମଧ୍ୟ କିଛି ଆପତ୍ତିଜନକ ପୋଷ୍ଟ କରିଥିଲେ। ଏହି କାରଣରୁ ମାଲଦ୍ୱୀପକୁ ନେଇ ଭାରତରେ କ୍ରୋଧ ରହିଛି।