Underwear Sale: ଅନେକ ଦିନ ହେବ ଆମେରିକା (America) ସମେତ ବିଶ୍ୱର ଅନେକ ଦେଶରେ ବିମୁଦ୍ରାକରଣର ଭୟ ରହିଥିବା ଜଣାପଡିଛି । ନିକଟରେ ଅର୍ଥନୈତିକ ବ୍ୟବସ୍ଥା (Economic system)ରେ ଚୀନ୍ ମଧ୍ୟ ଅନେକ ଅସୁବିଧାର ସମ୍ମୁଖୀନ ହୋଇଛି। କିନ୍ତୁ ଭାରତ କଥା କହିବାକୁ ଗଲେ ଆମ ଦେଶ ବର୍ତ୍ତମାନ ପର୍ଯ୍ୟନ୍ତ ଏଥିରୁ ରକ୍ଷା ପାଇଥିଲା। କିନ୍ତୁ ନିକଟରେ ଏକ ସୂଚନା ବିଶେଷଜ୍ଞମାନଙ୍କୁ ସତର୍କ କରାଇଥିବା ଜଣାପଡିଛି। ତାହା ହେଉଛି ଦେଶରେ ଅନ୍ତ ବସ୍ତ୍ର ବିକ୍ରିରେ ହ୍ରାସ ଘଟିଛି। ଇକୋନୋମିକ୍ ଟାଇମ୍ସରେ ପ୍ରକାଶିତ ଏକ ରିପୋର୍ଟ ଅନୁଯାୟୀ, ଅନ୍ତବସ୍ତ୍ର ବିକ୍ରୟ ହ୍ରାସ ପାଇଥିବାବେଳେ ଅନ୍ତ ବସ୍ତ୍ର ପ୍ରସ୍ତୁତକାରୀ କମ୍ପାନୀର ତାଲିକା ବୃଦ୍ଧି ପାଇଛି। ଅର୍ଥନୀତିଜ୍ଞଙ୍କ ଅନୁଯାୟୀ, ଯେତେବେଳେ ମୁଦ୍ରାସ୍ଫୀତି କାରଣରୁ ଲୋକଙ୍କ ବଜେଟ୍ ଏପଟସେପଟ ହୋଇଯାଏ ସେତେବେଳେ ସେମାନେ ପ୍ରଥମେ ଅନ୍ତ ବସ୍ତ୍ର ପରି ଜରୁରୀ ଜିନିଷ କିଣିବାକୁ ବନ୍ଧ କରିଦିଅନ୍ତି । ବର୍ତ୍ତମାନ ପ୍ରାୟ ସମସ୍ତ ବିଭାଗରେ ଅନ୍ତ ବସ୍ତ୍ର ବିକ୍ରିରେ ଯଥେଷ୍ଟ ହ୍ରାସ (reduction) ଘଟିଛି । ଉଭୟ ସହର ଏବଂ ଗ୍ରାମାଞ୍ଚଳ (City and countryside)ରେ ଅନ୍ତ ବସ୍ତ୍ରର ବିକ୍ରି ହ୍ରାସ ପାଇଛି।
ଗତ ବର୍ଷ ତୁଳନାରେ ଚଳିତ ଆର୍ଥିକ ବର୍ଷର ପ୍ରଥମ ତ୍ରୈ ମାସିକରେ ଅନ୍ତ ବସ୍ତ୍ର ବିକ୍ରିରେ ହ୍ରାସ ହୋଇଥିବା ଜଣାପଡିଛି। ଅନ୍ତ ବସ୍ତ୍ରର ବିକ୍ରି ହ୍ରାସ କାରଣରୁ କମ୍ପାନୀ ଗୁଡିକ ଅନେକ ଆହ୍ୱାନର ସମ୍ମୁଖୀନ ହେଉଥିବା ସୂଚନା ରହିଛି । ଏହି ଅବଧି ମଧ୍ୟରେ ଲୋକଙ୍କର ପ୍ରିୟ ବ୍ରାଣ୍ଡ୍ ଜକିର ଅନ୍ତ ବସ୍ତ୍ର ଉତ୍ପାଦନକାରୀ କମ୍ପାନୀ ପେଜ୍ ଇଣ୍ଡଷ୍ଟ୍ରିଜର ରୋଜଗାର ହ୍ରାସ ପାଇବା ସହିତ ବିକ୍ରୟ ମଧ୍ୟ କମିଛି । ହଠାତ୍ ବିକ୍ରୟରେ ପରିବର୍ତ୍ତନ କାରଣରୁ ଅତିରିକ୍ତ ଭଣ୍ଡାର ତଥା ଗୋଦାମ ଗୃହରେ ଗଛିତ କରାଯାଇଛି । ବିଗତ କିଛି ମାସ ହେବ ଆମ ଦେଶରେ ମୁଦ୍ରାସ୍ଫୀତି ଆରବିଆଇର ସୀମା ଅତିକ୍ରମ କରିଆସୁଛି। ରିପୋର୍ଟରେ ପ୍ରକାଶିତ ତଥ୍ୟ ଅନୁସାରେ ମୁଦ୍ରାସ୍ଫୀତି ସାଧାରଣ ଲୋକଙ୍କ ବଜେଟ୍ ନଷ୍ଟ କରେ । ଏହି କାରଣରୁ ଗ୍ରାହକଙ୍କ ଭାବନା ପ୍ରଭାବିତ ହୁଏ ।
ଅନ୍ତ ବସ୍ତ୍ର ଓ ଅର୍ଥନୀତିର ସଂଯୋଗ
ବିଶେଷଜ୍ଞଙ୍କ କହିବା ଅନୁଯାୟୀ ଅନ୍ତ ବସ୍ତ୍ର ବିକ୍ରି ହ୍ରାସ ଆମ ଅର୍ଥନୀତି ପାଇଁ ଭଲ ସଙ୍କେତ ନୁହେଁ। ଆମେରିକାର ସେଣ୍ଟ୍ରାଲ ବ୍ୟାଙ୍କ ଫେଡେରାଲ ରିଜର୍ଭର ପୂର୍ବତନ ମୁଖ୍ୟ ଆଲାନ ଗ୍ରୀନ୍ସପନ୍ ଅର୍ଥନୀତିକୁ ଅନୁଧ୍ୟାନ କରିବା ପାଇଁ ପୁରୁଷ ଅନ୍ତ ବସ୍ତ୍ର ସୂଚକାଙ୍କ ତିଆରି କରିଥିଲେ। ଉକ୍ତ ସୂଚକାଙ୍କ ଅନୁଯାୟୀ, ଯେତେବେଳେ ଦେଶରେ ପୁରୁଷଙ୍କ ଅନ୍ତ ବସ୍ତ୍ର ବିକ୍ରିରେ ହ୍ରାସ ଘଟେ, ଏହା ଅର୍ଥନୀତିରେ ବିମୁଦ୍ରାକରଣର ସଙ୍କେତ ଅଟେ। ୨୦୦୭ ରୁ ୨୦୦୯ ମଧ୍ୟରେ ଆମେରିକାରେ ଘଟିଥିବା ଅର୍ଥନୈତିକ ଅବନତି ପୂର୍ବରୁ ଅନ୍ତ ବସ୍ତ୍ର ବିକ୍ରି ହ୍ରାସ ପାଇଥିଲା।
ଆଉ ଏକ ତଥ୍ୟ ଉପସ୍ଥାପନ କରିବା ଜରୁରୀ ଯେ, ଗ୍ରୀନ୍ସପନ୍ ୧୯୭୦ ଦଶକରେ ପୁରୁଷ ଅଣ୍ଡରୱେର୍ ଇଣ୍ଡେକ୍ସର ସିଦ୍ଧାନ୍ତ ନେଇ ଆସିଥିଲେ । ଉକ୍ତ ସିଦ୍ଧାନ୍ତରେ ପୁରୁଷଙ୍କ ଅନ୍ତ ବସ୍ତ୍ରର ବିକ୍ରୟ ଆକଳନ ଏକ ଗୁରୁତ୍ୱପୂର୍ଣ୍ଣ ଅର୍ଥନୈତିକ ସୂଚକ ଅଟେ। ଅନ୍ତ ବସ୍ତ୍ର ହେଉଛି ସଭିଙ୍କର ବ୍ୟକ୍ତିଗତ ପୋଷାକ ଏବଂ ଏହାକୁ ସମସ୍ତେ ଲୁଚାଇ ପିନ୍ଧିଥାନ୍ତି । ଏପରି ପରିସ୍ଥିତିରେ, ଯେତେବେଳେ ଆର୍ଥିକ ଅବସ୍ଥା ଖରାପ ହୁଏ, ଜଣେ ବ୍ୟକ୍ତି ପ୍ରଥମେ ନିଜର ଅନ୍ତ ବସ୍ତ୍ର କିଣିବା ବନ୍ଦ କରିଦେଇଥାଏ । ଏହା ଆଗାମୀ ସମୟରେ ବିମୁଦ୍ରାକରଣ କିମ୍ବା ଅର୍ଥନୈତିକ ମନ୍ଥରତାକୁ ସୂଚିତ କରିଥାଏ । ୨୦୦୭ ରୁ ୨୦୦୯ ମଧ୍ୟରେ ଆମେରିକା ଏକ ଭୟଙ୍କର ବିମୁଦ୍ରାକରଣ ପରିସ୍ଥିତି ଦେଇ ଗତି କରିଥିଲା । ୨୦୦୭ ଆରମ୍ଭରୁ ଦେଶରେ ପୁରୁଷଙ୍କ ଅନ୍ତ ବସ୍ତ୍ର ବିକ୍ରିରେ ଅନେକ ହ୍ରାସ ଘଟିଛି। ପରେ ୨୦୧୦ ମସିହା ସମୟରେ ଯେତେବେଳେ ଆର୍ଥିକ ସ୍ଥିତିରେ ଉନ୍ନତି ଆସିଲା ସେତେବେଳେ ପୁରୁଷଙ୍କ ଅନ୍ତ ବସ୍ତ୍ରର ବିକ୍ରି ମଧ୍ୟ ବୃଦ୍ଧି ପାଇଥିଲା ।
Also Read- ଆସନ୍ତାକାଲି ବିଧାନସଭା ଅଧିବେଶନ, ସୁରକ୍ଷା ବଳୟରେ ବିଧାନସଭା
Also Read- Indian railway: ରେଳ ଦୁର୍ଘଟଣାର ଶିକାର ଲୋକଙ୍କୁ ମିଳିବ ୧୦ ଗୁଣ ଅଧିକ କ୍ଷତି ପୂରଣ, ଜାଣନ୍ତୁ କାହାକୁ ମିଳିବ କେତେ?