Weather Update Today: ପାଣିପାଗ ବିଭାଗ ପକ୍ଷରୁ ରେଡ ଆଲର୍ଟ ଜାରି; କ'ଣ ରହିଛି ଶୀତ ଲହରୀ ସ୍ଥିତି?

Weather Forecast Today: ସମଗ୍ର ଉତ୍ତର ଭାରତରେ ପ୍ରବଳ ଥଣ୍ଡା ସହ କୁହୁଡ଼ି ଜାରି ରହିଛି। ବର୍ତ୍ତମାନ ପାଗରେ କୌଣସି ପରିବର୍ତ୍ତନ ହେବାର ସମ୍ଭାବନା ନାହିଁ। ଜାନୁୟାରୀ ୨୧ ତାରିଖ ରବିବାର ପାଣିପାଗ ବିଭାଗ ପକ୍ଷରୁ ଜାରି ହୋଇଛି ରେଡ ଆଲର୍ଟ। ଆସନ୍ତା ୨ ଦିନ ପାଇଁ ଉତ୍ତର ଭାରତରେ ଘନ କୁହୁଡି ଏବଂ ଅତ୍ୟଧିକ ଥଣ୍ଡା ଅନୁଭୂତ ହେବା ଜାରି ରହିବ। ଆଗାମୀ ୩-୪ ଦିନ ମଧ୍ୟରେ ପଞ୍ଜାବ, ହରିୟାଣା, ଚଣ୍ଡିଗଡ଼ ଏବଂ ଉତ୍ତର ରାଜସ୍ଥାନରେ ଶୀତ ଲହରୀ ଆହୁରି ଅଧିକ ବଢିବାର ସମ୍ଭାବନା ରହିଛି ବୋଲି ପୂର୍ବାନୁମାନ କରାଯାଇଛି।

ପାଣିପାଗ ବିଭାଗ ପୂର୍ବାନୁମାନ ଅନୁଯାୟୀ ଉତ୍ତର ଭାରତର ଅନେକ ଅଞ୍ଚଳ ବିଶେଷ କରି ହରିୟାଣା, ପଞ୍ଜାବ ଏବଂ ଚଣ୍ଡିଗଡ଼ ଠାରେ ସକାଳେ କୁହୁଡ଼ି ପରିସ୍ଥିତି ସୃଷ୍ଟି ହେବ। ଆହୁରି ମଧ୍ୟ, ଘନ କୁହୁଡି ଏବଂ ଅତ୍ୟଧିକ ଥଣ୍ଡା ଅବସ୍ଥା ଆଗାମୀ ୨ ଦିନ ପର୍ଯ୍ୟନ୍ତ କେତେକ ସ୍ଥାନରେ ରହିବା ନେଇ ପୂର୍ବାନୁମାନ କରାଯାଇଛି। ପାଣିପାଗ ବିଭାଗ ଆହୁରି କହିଛି ଯେ ସମୁଦ୍ର ପତ୍ତନ ଠାରୁ ୧୨.୬. କିଲୋମିଟର ଉଚ୍ଚତାରେ ଉତ୍ତର ଭାରତର ସମତଳ ଅଞ୍ଚଳରେ ୧୪୦-୧୬୦ କ୍ରମର ଜେଟ୍ ଷ୍ଟ୍ରୀମ୍ ପବନ ପ୍ରବାହିତ ହେଉଛି। ଏହି କାରଣରୁ ଗୋଟିଏ ପଟେ ଉତ୍ତର ଭାରତରେ ଶୀତଳ ପବନ ହ୍ରାସ ପାଉଛି। ଅନ୍ୟପଟେ ଶୀତ ଲହରୀ/ଶୀତ ଦିନର ଅବସ୍ଥା ବୃଦ୍ଧି ପାଉଛି। ଜେଟ୍ ଷ୍ଟ୍ରୀମ ପବନର ସମାନ ତୀବ୍ରତା ଆଗାମୀ ୩-୪ ଦିନ ପର୍ଯ୍ୟନ୍ତ ଜାରି ରହିବ। 

Also Read: Weather Update Today: ଜାରି ରହିଛି ଶୀତ ଲହରୀ; କେବେ ମିଳିବ ଥଣ୍ଡାରୁ ଆଶ୍ୱସ୍ତି?

ଆସନ୍ତା ୨୬ ତାରିଖ ସକାଳ ପର୍ଯ୍ୟନ୍ତ ପଞ୍ଜାବ, ହରିୟାଣା, ଚଣ୍ଡିଗଡ଼ ଏବଂ ଉତ୍ତର ପ୍ରଦେଶର କିଛି ଅଞ୍ଚଳରେ ରାତି/ସକାଳେ ସମୟରେ ଘନ କୁହୁଡ଼ି ପରିସ୍ଥିତି ଉପୁଜିପାରେ। ପାଣିପାଗ ବିଭାଗ ପୂର୍ବାନୁମାନ ଅନୁଯାୟୀ ଜାନୁଆରୀ ୨୨ ତାରିଖ ରାତିରୁ ଜାନୁୟାରୀ ୨୫ ତାରିଖ ସକାଳ ପର୍ଯ୍ୟନ୍ତ ଉତ୍ତର ଭାରତର ବିଭିନ୍ନ ସ୍ଥାନରେ ଘନ କୁହୁଡ଼ି ହେବାର ସମ୍ଭାବନା ରହିଛି। ସେହିପରି ଉତ୍ତର ରାଜସ୍ଥାନରେ ଜାନୁୟାରୀ ୨୧ ତାରିଖ ରବିବାର ଠାରୁ ଜାନୁୟାରୀ ୨୩ ମଙ୍ଗଳବାର ପର୍ଯ୍ୟନ୍ତ ଶୀତ ଲହରୀ ଜାରି ରହିବାର ସମ୍ଭାବନା ରହିଛି। ଅନ୍ୟପଟେ ୨୨ ତାରିଖରେ ଉତ୍ତରାଖଣ୍ଡର ବିଭିନ୍ନ ସ୍ଥାନରେ ଥଣ୍ଡା ଆହୁରି ଅଧିକ ହେବାର ସମ୍ଭାବନା ରହିଛି।