Sudan Conflict 2023: ବିଗତ ପାଞ୍ଚ ସପ୍ତାହ ଧରି ପୂର୍ବ ଆଫ୍ରିକୀୟ ଦେଶ ସୁଦାନ ଠାରେ ଜାରି ରହିଛି ସଂଘର୍ଷ। ଗତ ୧୫ ଅପ୍ରେଲରେ ସୁଦାନ ସଶସ୍ତ୍ର ବାହିନୀ ଏବଂ ପ୍ରତିଦ୍ୱନ୍ଦ୍ୱୀ ରାପିଡ୍ ଫୋର୍ସ ମଧ୍ୟରେ ଯୁଦ୍ଧ ଆରମ୍ଭ ହୋଇଥିଲା। ସେବେଠାରୁ ଉଭୟ ପକ୍ଷ ମଧ୍ୟରେ କ୍ରମାଗତ ରକ୍ତାକ୍ତ ସଂଘର୍ଷ ଚାଲିଥିଲା। ଏହି ସମୟରେ ଭାରତ ସରକାର ବହୁ ସଂଖ୍ୟକ ପ୍ରବାସୀ ଭାରତୀୟଙ୍କୁ ସେଠାରୁ ନିରାପଦରେ ଉଦ୍ଧାର କରିଥିଲେ। ମେ ୨୨ ତାରିଖ ସୋମବାର ଉଭୟ ପକ୍ଷର ସହମତି କ୍ରମେ ୭ ଦିନିଆ ଅସ୍ତ୍ରବିରତି ଆରମ୍ଭ ହୋଇଥିଲା। ହେଲେ ଅସ୍ତ୍ରବିରତି ଆରମ୍ଭ ହେବା ମାତ୍ରେ ପୁଣିଥରେ ବିମାନ ଆକ୍ରମଣ ସହ ଯୁଦ୍ଧ ଆରମ୍ଭ ହୋଇଯାଇଛି। ସୁଦାନ ଠାରେ ଚାଲିଥିବା ଏହି କ୍ରମାଗତ ସଂଘର୍ଷ କୋଲା ଏବଂ ପେପସିକୋ ସମେତ ସମଗ୍ର ବିଶ୍ୱରେ ଥିବା ସମସ୍ତ ମୃଦୁ ପାନୀୟ କମ୍ପାନୀ ଲାଗି ଚିନ୍ତା ବଢାଇ ଦେଇଛି।
ମୃଦୁ ପାନୀୟ କମ୍ପାନୀ ସହିତ ଅନେକ ଫାର୍ମାସ୍ୟୁଟିକାଲ୍ ଏବଂ କସମେଟିକ୍ କମ୍ପାନୀ ମଧ୍ୟ ସୁଦାନ ଠାରେ ଚାଲିଥିବା ଯୁଦ୍ଧକୁ ଅସୁବିଧାରେ ପଡ଼ିଛନ୍ତି। କ'ଣ ଆପଣ ଜାଣିଛନ୍ତି ସୁଦାନ ସହିତ ଏହି ସଂସ୍ଥାର କ'ଣ ସମ୍ପର୍କ ରହିଛି କିମ୍ବା ସେମାନେ ସେଠାରୁ କ'ଣ ପାଇଥନ୍ତି? ଯେଉଁ କାରଣରୁ ସେମାନେ ଚିନ୍ତିତ ହୋଇପଡ଼ିଛନ୍ତି। ଏକ ବିଶେଷ ପ୍ରକାରର ଜିନିଷ ଯାହା ଥଣ୍ଡା ପାନୀୟ, ପ୍ରସାଧନ ସାମଗ୍ରୀ ଏବଂ କିଛି ଔଷଧରେ ମିଶ୍ରିତ ହୋଇଥାଏ। ଯାହାର ୮୦ ପ୍ରତିଶତ କେବଳ ସୁଦାନ ଭଳି ଦେଶରୁ ମିଳିଥାଏ। ଯଦି ଏହି ବିଶେଷ ଜିନିଷ ଥଣ୍ଡା ପାନୀୟରେ ମିଶ୍ରିତ ହେବନାହିଁ, ତାହେଲେ ଆମର ମୃଦୁ ପାନୀୟର ସ୍ୱାଦ ବର୍ତ୍ତମାନ ଅନୁଭବ କରୁଥିବା ଭଳି ହେବ ନାହିଁ।
ସୁଦାନ ଠାରେ ମିଳିଥାଏ ଅକେସିଆ ଗଛ
ଏପରି ଗୋଟିଏ ଗଛ ସୁଦାନ ଜଙ୍ଗଲରେ ଦେଖିବାକୁ ମିଳେ। ଯାହା ଏଠାରେ ଅଧିକ ମାତ୍ରାରେ ଦେଖିବାକୁ ମିଳିଥାଏ। ଅକେସିଆ ନାମକ ଏହି ଗଛରୁ ଏକ ପ୍ରକାର ଗୁଣ୍ଡ ବାହାରିଥାଏ। ଯାହା ଭାରତରେ ମିଳୁଥିବା ବବୁଲ ଗଛର ଗୁଣ୍ଡ ସହିତ ପ୍ରାୟ ସମାନ। ହେଲେ ଏହି ଗୁଣ୍ଡ ଅତ୍ୟନ୍ତ ମୂଲ୍ୟବାନ ଏବଂ ବିରଳ। ହେଲେ ଏହି ସାଧାରଣ ଗୁଣ୍ଡରୁ ଅନେକ ଲାଭ ମିଳିଥାଏ। ଅନ୍ୟପକ୍ଷରେ ଅକେସିଆ ଗଛରୁ ମିଳିଥିବା ଗୁଣ୍ଡକୁ ମୃଦୁ ପାନୀୟ, ସୋଡା, କ୍ୟାଣ୍ଡ, ମେକଅପ୍ ଉତ୍ପାଦ ଏବଂ ଔଷଧ ତିଆରିରେ ବ୍ୟବହାର କରାଯାଏ। ଏହି ଗୁଣ୍ଡର ପ୍ରାୟ ୮୦ ପ୍ରତିଶତ ଅଂଶ କେବଳ ସୁଦାନ ଯୋଗାଇଥାଏ।
ମାଟିର ଉର୍ବରତା ବୃଦ୍ଧି କରିଥାଏ ଅକେସିଆ ଗଛ
ସୁଦାନ ସେନା ଏବଂ ଦେଶର ଅର୍ଦ୍ଧ ସାମରିକ ସାମରିକ ବାହିନୀ ମଧ୍ୟରେ ଜାରି ରହିଥିବା ଯୁଦ୍ଧ ହେତୁ ବିଶ୍ୱର ବଡ ମୃଦୁପାନୀୟ ନିର୍ମାଣକାରୀ ସଂସ୍ଥା ଏହି ଗୁଣ୍ଡର ଯୋଗାଣ ପାଇବାରେ ଅସମର୍ଥ ହୋଇପଡ଼ିଛନ୍ତି। ଚୁଇଙ୍ଗମ୍ ତିଆରିରେ ଏହି ଗୁଣ୍ଡ ମଧ୍ୟ ବ୍ୟବହୃତ ହୋଇଥାଏ। ଅକେସିଆ ଗଛ ମାଟିର ଉର୍ବରତା ମଧ୍ୟ ବଢାଇ ଥାଏ। ଯାହା ଫସଲ ଉତ୍ପାଦନ ବୃଦ୍ଧି ପାଇଥାଏ। ଅକେସିଆ ଗଛରୁ ଗୁଣ୍ଡ ସଂଗ୍ରହ କରିବାକୁ ଚାଷୀଙ୍କୁ ଖରା ତାଉରେ ଚାଲିବାକୁ ପଡ଼ିଥାଏ। ସୁଜାନ ସରକାରଙ୍କ ଅଧୀନରେ ପ୍ରାୟ ୩୦ କିଲୋମିଟର ବ୍ୟାସାର୍ଦ୍ଧ ମଧ୍ୟରେ ବ୍ୟାପିଥିବା ଜଙ୍ଗଲରେ ଅକେସିଆ ଗଛରୁ ମିଳୁଥିବା ଗୁଣ୍ଡ ସଂଗ୍ରହ କରିବା ଏତେ ସହଜ ନୁହେଁ।
ଚିନ୍ତାରେ ମୃଦୁ ପାନୀୟ ପ୍ରସ୍ତୁତକାରୀ କମ୍ପାନୀ
ସୁଦାନ ଲୋକେ ବହୁ କଷ୍ଟରେ କେବଳ ପେଟ ପୋଷିବା ପାଇଁ ଆବଶ୍ୟକ ହେଉଥିବା ପରିମାଣର ଅକେସିଆ ଗଛରୁ ମିଳୁଥିବା ଗୁଣ୍ଡ ସଂଗ୍ରହ କରୁଛନ୍ତି। ହେଲେ ତଥାପି କିଛି ଲୋକ ପୃଥକ ଭାବରେ ଅକେସିଆ ଗଛ ଚାଷ କରିବା ଭଳି ବଢାଇଥାନ୍ତି। ଯଦି ଦୀର୍ଘ ଦିନ ଧରି ସୁଦାନ ଭଳି ଦେଶର ଯୁଦ୍ଧ ଅବସ୍ଥା ଲାଗି ରହେ, ତାହେଲେ ବିଶ୍ୱର ଅନେକ ମୃଦୁ ପାନୀୟ କମ୍ପାନୀ ସାମ୍ନାରେ ଏକ ବଡ ସମସ୍ୟା ଉପୁଜିବ। ସେଥିପାଇଁ କୋକା କୋଲା ଏବଂ ପେପସିକୋ ଭଳି କମ୍ପାନୀ ଗମ୍ ଅରେବିକ୍ ଗଚ୍ଛିତ କରିବା ଆରମ୍ଭ କରିଛନ୍ତି। ଗମ୍ ଅରେବି ହେଉଛି ଏକ ପ୍ରାକୃତିକ ଗୁଣ୍ଡ ଯାହା ଅକେସିଆ ଗଛରୁ ମିଳିଥାଏ। ଏହି ଗୁଣ୍ଡକୁ ଗମ୍ ସୁଦାନୀ, ଗୁମ୍ ଅକେସିଆ, ସେନେଗଲ୍ ଗୁମ୍ ମଧ୍ୟ କୁହାଯାଏ।
ପାଣିରେ ମିଳେଇଯାଏ ଅକେସିଆ ଗଛର ଗୁଣ୍ଡ
ଅକେସିଆ ଗଛରୁ ମିଳିଥିବା ଗମ୍ ଅରେବିକ୍ ମଧ୍ୟ ଇରିଟ୍ରିଆ, ଚାଦ, ନାଇଜର, ନାଇଜେରିଆ, ମାଲି, ସେନେଗାଲ ଭଳି ଦେଶରେ ଉତ୍ପାଦିତ ହୋଇଥାଏ। ଅବଶ୍ୟ ଏହା ପ୍ରାୟତ କେବଳ ସୁଦାନ ଜଙ୍ଗଲରେ ଉତ୍ପାଦିତ ହୋଇଥାଏ। ଏହି ଗୁଣ୍ଡ ପାଣିରେ ସମ୍ପୂର୍ଣ୍ଣ ଦ୍ରବୀଭୂତ ହୋଇଯାଏ। ଏହା କେବଳ ଖାଦ୍ୟ ପ୍ରକ୍ରିୟା କରଣ ଶିଳ୍ପରେ ବ୍ୟବହୃତ ହୋଇଥାଏ। ଯେକେହି ଏହାକୁ ଖାଇ ପାରିବେ। ଏହା ବ୍ୟତୀତ ପ୍ରିଣ୍ଟିଂ, ପେଣ୍ଟିଂ ଏବଂ ପ୍ରସାଧନ ସାମଗ୍ରୀ ଶିଳ୍ପରେ ଏହି ବିଶେଷ ଗୁଣ୍ଡ ବହୁଳ ଭାବରେ ବ୍ୟବହୃତ ହୋଇଥାଏ। କେବଳ ଏତିକି ନୁହେଁ, ଏହା ବୟନ ଶିଳ୍ପରେ ମଧ୍ୟ ବ୍ୟବହୃତ ହୁଏ।