Success story: ଉତ୍ତରପ୍ରଦେଶର ବାଲିଆରେ ରହୁଥିବା ଦୁଇ ଭଉଣୀଙ୍କ ଜୀବନ କୌଣସି ଏକ ଚଳଚ୍ଚିତ୍ର କାହାଣୀଠାରୁ କମ୍ ନୁହେଁ। ସେମାନଙ୍କ ସଂଘର୍ଷକୁ କଳ୍ପନା କରିବା ମଧ୍ୟ ସହଜ ନୁହେଁ । ବାପା ପୋଲିସରେ ଥିଲେ, ଏକ ଏନକାଉଣ୍ଟର ସମୟରେ ନିଜ ଦଳର ପୋଲିସ୍ ତାଙ୍କୁ ହତ୍ୟା କରିଥିଲେ (ଡିଏସପି କେପି ସିଂ)। ନ୍ୟାୟ ପାଇବା ଆଶାରେ ସେ ନିଜ ମାଆ ସହିତ ଘର ଘର ବୁଲି ବୁଲିଥିଲେ।
ହେଲେ ଏତିକିରେ ସରିନଥିଲ ଦୁଃଖ। ଯାତ୍ରା ମଝିରେ ମା'ଙ୍କର ମୃତ୍ୟୁ ହୋଇଥିଲା। ଭଉଣୀମାନେ ନିଜ ଚେଷ୍ଟାରେ ଅଧ୍ୟୟନ ସମାପ୍ତ କଲେ । UPSC ପରୀକ୍ଷାରେ ଉତ୍ତୀର୍ଣ୍ଣ ହେଲେ। ଜଣେ ସରକାରୀ ଅଧିକାରୀ ହୋଇ ସେ ପିତାଙ୍କ ମୃତ୍ୟୁର ପ୍ରତିଶୋଧ ନେଇ ତାଙ୍କୁ ନ୍ୟାୟ ପ୍ରଦାନ କଲେ। ଆଇଏଏସ୍ କିଞ୍ଜଲ ସିଂ ଏବଂ ଆଇଆରଏସ ପ୍ରାଞ୍ଜଲ ସିଂଙ୍କ ସଂଘର୍ଷପୂର୍ଣ୍ଣ କାହାଣୀ କାହାକୁ ବା ଉତ୍ସାହିତ ନ କରିବ । ଉଭୟ ଭଉଣୀଙ୍କ ସଫଳତାର କାହାଣୀ ବିସ୍ତୃତ ଭାବରେ ପଢ଼ନ୍ତୁ । କିଞ୍ଜଲ ସିଂ ଏବେ ୟୁପିରେ ମେଡିକାଲ ଶିକ୍ଷା ବିଭାଗର ମହାନିର୍ଦ୍ଦେଶକ ଅଟନ୍ତି।
ବାପାଙ୍କୁ ହତ୍ୟା କରାଯାଇଥିଲା
କେପି ସିଂ ଡେପୁଟି ପୋଲିସ୍ ଅଧୀକ୍ଷକ ଭାବରେ କାର୍ଯ୍ୟ କରୁଥିଲେ। ତାଙ୍କର ସହଯୋଗୀମାନେ ଉତ୍ତରପ୍ରଦେଶର ଗୋଣ୍ଡାଠାରେ ଏକ ନକଲି ଏନକାଉଣ୍ଟରରେ ତାଙ୍କୁ ହତ୍ୟା କରିଥିଲେ। ସେତେବେଳେ ତାଙ୍କ ପତ୍ନୀ ବିଭା ସିଂ ଦ୍ୱିତୀୟ ସନ୍ତାନ ପାଇଁ ଗର୍ଭବତୀ ଥିଲେ। ସେତେବେଳେ ତାଙ୍କ ବଡ଼ ଝିଅ କିଞ୍ଜଲ ସିଂଙ୍କୁ ମାତ୍ର ୨ବର୍ଷ ହୋଇଥିଲା। ପ୍ରସବ ପରେ ବିଭା ସିଂ ତାଙ୍କ ସ୍ୱାମୀଙ୍କ ନ୍ୟାୟ ପାଇବା ପାଇଁ ପୋଲିସ ଷ୍ଟେସନ ଏବଂ କୋର୍ଟ ବୁଲିବା କରିବା ଆରମ୍ଭ କରିଥିଲେ।
ସୁପ୍ରିମକୋର୍ଟ ପର୍ଯ୍ୟନ୍ତ ଏହି ମାମଲା ଜାରି ରହିଲା ଏବଂ ସେହି ସମୟରେ ବିଭା ସିଂ ତାଙ୍କ ସ୍ୱାମୀଙ୍କ ସ୍ଥାନରେ ବାରାଣାସୀର ଟ୍ରେଜେରୀ କାର୍ଯ୍ୟାଳୟରେ ଚାକିରି ପାଇଲେ। ଏହି ମାମଲା ସିବିଆଇକୁ ହସ୍ତାନ୍ତର କରାଯାଇଥିଲା। ବିଭା ସିଂ ଉଭୟ ଝିଅଙ୍କୁ କୋଳରେ ଧରି ଦିଲ୍ଲୀର ସିବିଆଇ କୋର୍ଟକୁ ଯାଉଥିଲେ। ତାଙ୍କ ବେତନର ଏକ ବଡ ଅଂଶ କୋର୍ଟ ଯିବା ଓ ଓକିଲ ଫି ପାଇଁ ଖର୍ଚ୍ଚ ହେବା ଆରମ୍ଭ ହେଲା। ଏହା ପରେ ସେ ନିଷ୍ପତ୍ତି ନେଇଥିଲେ ଯେ ସେ ତାଙ୍କ ଝିଅ ମାନଙ୍କୁ ସରକାରୀ କର୍ମଚାରୀ କରିବେ।
କିଞ୍ଜଲ ଦିଲ୍ଲୀରୁ ଅଧ୍ୟୟନ କରିଥିଲେ ଦ୍ୱାଦଶ ପାସ୍ କରିବା ପରେ କିଞ୍ଜଲ ସିଂ ଦିଲ୍ଲୀ ବିଶ୍ୱବିଦ୍ୟାଳୟର ଶ୍ରୀ ରାମ କଲେଜରେ ଆଡମିଶନ ନେଇଥିଲେ। ସ୍ନାତକୋତ୍ତର ପ୍ରଥମ ସେମିଷ୍ଟାରରେ ସେ ଜାଣିବାକୁ ପାଇଲେ ଯେ ତାଙ୍କ ମାଆ କର୍କଟରେ ପୀଡିତ ଅଛନ୍ତି। ଯେତେବେଳେ ତାଙ୍କ ମା ବିଭା ସିଂଙ୍କ ସ୍ୱାସ୍ଥ୍ୟ ଖରାପ ହେବାକୁ ଲାଗିଲା, କିଞ୍ଜଲ ତାଙ୍କୁ ଆଇଏଏସ୍ ଅଧିକାରୀ ହେବେ ଏବଂ ତାଙ୍କ ପିତାଙ୍କ ହତ୍ୟାକାରୀଙ୍କୁ ଦଣ୍ଡିତ କରିବେ ବୋଲି ପ୍ରତିଶୃତି ଦେଇଥିଲେ । ୨୦୦୪ ମସିହାରେ ତାଙ୍କ ମାଙ୍କର ମୃତ୍ୟୁ ହୋଇଥିଲା।
ମା'ଙ୍କର ସ୍ୱପ୍ନ ପୂରଣ ହେଲା
ମା' ବିଳା ସିଂଙ୍କ ମୃତ୍ୟୁ ପରେ କିଞ୍ଜଲ ତାଙ୍କ ଭଉଣୀ ପ୍ରାଞ୍ଜଲ ସିଂଙ୍କୁ ଦିଲ୍ଲୀ ଡାକିଲେ। ଉଭୟ ଭଉଣୀ ଅଧ୍ୟୟନ ସହିତ UPSC ପରୀକ୍ଷା ପାଇଁ ପ୍ରସ୍ତୁତି ଆରମ୍ଭ କଲେ । ୨୦୦୮ ମସିହାରେ, କିଞ୍ଜଲ ସିଂ ଦ୍ୱିତୀୟ ପ୍ରୟାସରେ ୨୫ ତମ ପଦବୀ ପାଇ ଆଇଏଏସ ଅଧିକାରୀ ହୋଇଥିଲେ । ସେହି ବର୍ଷ ତାଙ୍କ ଭଉଣୀ ଆଇଆରଏସ ପାଇଁ ମନୋନୀତ ହୋଇଥିଲେ। ସରକାରୀ ଚାକିରି ପାଇବା ପରେ ଉଭୟ ଭଉଣୀ ନିଜ ବାପାଙ୍କୁ ନ୍ୟାୟ ଦେବା ପାଇଁ ଚେଷ୍ଟା ଆରମ୍ଭ କଲେ ।
ସରକାରୀ ଅଧିକାରୀ ହେବା ପରେ କିଞ୍ଜଲ ସିଂ ପିତାଙ୍କ ପାଇଁ ନ୍ୟାୟ ପାଇବାରେ ସମ୍ପୂର୍ଣ୍ଣ ଚେଷ୍ଟା ଲଗାଇଥିଲେ । ଉଭୟ ଭଉଣୀ ଏହି ମାମଲାରେ ଜୋରଦାର ଲଢ଼ିଥିଲେ। ତାଙ୍କର ନିଷ୍ଠା ନ୍ୟାୟ ବ୍ୟବସ୍ଥାକୁ ଥରାଇ ଦେଇଥିଲା। ଶେଷରେ, ୩୧ ବର୍ଷ ପରେ, ଜୁନ୍ ୫, ୨୦୧୩ ରେ, ଲକ୍ଷ୍ନୌ ସିବିଆଇ ସ୍ୱତନ୍ତ୍ର କୋର୍ଟ ୧୮ ଜଣ ପୋଲିସ କର୍ମଚାରୀଙ୍କୁ ଡିଏସପି କେପି ସିଂ ହତ୍ୟା ମାମଲାରେ ଦୋଷୀ ସାବ୍ୟସ୍ତ କରିଥିଲେ ଏବଂ ସେମାନଙ୍କୁ ଦଣ୍ଡିତ କରିଥିଲେ। କିଞ୍ଜଲ ସିଂ ସେତେବେଳେ ବାହରାଇଚର ଡିଏମ ଥିଲେ।
Also Read- Bollywood News: କୋରିଓଗ୍ରାଫର ମୁଦାସର ଖାନଙ୍କ ବିବାହ ଉତ୍ସବରେ ବଲିଉଡ୍ ଭାଇଜାନ୍, ଭିଡିଓ ଭାଇରାଲ
Also Read- ନୂଆ ଜୀବନ ପାଇଲା ଦନ୍ତାହାତୀ, ଉଦ୍ଧାରକଲା ବନ ବିଭାଗ