Seema Sachin Love Story: ସୀମା ହାୟଦରଙ୍କ ଚାଲିଚଳଣିକୁ ନେଇ ସନ୍ଦେହ କରୁଛି ଯାଞ୍ଚକାରୀ ସଂସ୍ଥା, ପାକିସ୍ତାନୀ ସଂଯୋଗକୁ ନେଇ କରାଯାଉଛି ଯାଞ୍ଚ

Seema Haider Sachin Love Story: ସମସ୍ତ ବାଧାବିଘ୍ନ ଅତିକ୍ରମ କରି ନିଜ ପ୍ରେମିକ ସଚିନଙ୍କୁ (Sachin Meena) ପାଇଥିବା ପାକିସ୍ତାନର ସିମା ହାୟଦର (Seema Haider) ବର୍ତ୍ତମାନ ଚର୍ଚ୍ଚାରେ ରହିଛନ୍ତି । ସିମା ନେପାଳ (Nepal) ଦେଇ ଭାରତରେ ପହଞ୍ଚି ଗ୍ରେଟର ନୋଏଡାରେ ତାଙ୍କ ପ୍ରେମିକ ସଚିନଙ୍କ ସହ ରହୁଛନ୍ତି । ଭାରତରେ ପହଞ୍ଚିବା ପରେ ସୀମା ନିଜକୁ ସୁରକ୍ଷିତ ମଣୁଛନ୍ତି, କିନ୍ତୁ ସେ ଗୋଟିଏ କଥା ପାଇଁ ଚିନ୍ତିତ ଅଛନ୍ତି । ଯଦି ତାଙ୍କୁ ପାକିସ୍ତାନକୁ ପଠାଯାଏ ତେବେ ତାଙ୍କ ସହିତ କ’ଣ ହେବ । ଯେତେବେଳେ ବି ପାକିସ୍ତାନକୁ ଫେରିବା ପ୍ରଶ୍ନ ସୀମାଙ୍କୁ ପଚାରା ଯାଏ, ସେ କାନ୍ଦି ଉଠନ୍ତି ।

ସିମା ହାୟଦର ଓ ସଚିନ ମିନା ପ୍ରେମ କାହାଣୀ (Seema Haider Sachin Meena Love Story)

ପାକିସ୍ତାନରୁ ଭାରତ ଆସିଥିବା ସୀମା ହାୟଦର ଓ ପ୍ରୟାଗରାଜର ସଚିନଙ୍କ ପ୍ରେମ କାହାଣୀ ଆଜିକାଲି ସମସ୍ତଙ୍କ ମୁହଁରେ ଅଛି । ପାକିସ୍ତାନରୁ ଶାରଜା । ଶାରଜାରୁ ନେପାଳ ଓ ତା’ପରେ ନେପାଳରୁ ଭାରତ । ଏଠାରେ ପହଞ୍ଚିବା ପାଇଁ ସୀମା ହାୟଦରଙ୍କ ଯାତ୍ରା ନିଶ୍ଚିତ ଭାବରେ କଷ୍ଟସାଧ୍ୟ ଥିଲା । କିନ୍ତୁ ବର୍ତ୍ତମାନ ସଚିନଙ୍କୁ ପାଇବା ପରେ ସେ ବହୁତ ଖୁସି ଅଛନ୍ତି । ସେ ବର୍ତ୍ତମାନ କେବଳ ଭାରତରେ ରହିବାକୁ ଚାହୁଁଛନ୍ତି । ସେ କହିଥିଲେ ଯେ ଏପରି ଏକ ସମୟ ଥିଲା ଯେତେବେଳେ ସେ ସ୍ୱୀକାର କରି ନେଇଥିଲେ ଯେ ସେ ହୁଏତ ଆଉ ସଚିନଙ୍କୁ ଭେଟି ପାରିବେ ନାହିଁ ।

ତା’ପରେ ସୀମା ସ୍ଥିର କଲେ ଯେ ଯାହା ହେଉନା କାହିଁକି, ସେ ନିଶ୍ଚିତ ଭାବରେ ନିଜ ପିଲାମାନଙ୍କ ସହିତ ଭାରତ ଆସିବେ ଓ ଏଥିପାଇଁ ତାଙ୍କ ସହିତ ଯାହା ହେଉଛି ହେଉ । ପବଜି ଗେମରୁ ଆରମ୍ଭ ହୋଇଥିବା ପ୍ରେମକୁ ପାଇବା ପାଇବା ପାଇଁ ସେ ଅନେକ ଉଦ୍ୟମ କରିଛନ୍ତି । ସୀମାର ଏହି ପ୍ରୟାସ ମଧ୍ୟ ଫଳ ଦେଇଥିଲା । ସେ ଜଣେ ଟ୍ରାଭେଲ ଏଜେଣ୍ଟଙ୍କ ସାହାଯ୍ୟ ନେଇଥିଲେ । ସେ କିପରି ଭାରତ ଯାଇପାରିବେ ସେ ତାଙ୍କୁ କହିଥିଲେ । ମାର୍ଚ୍ଚରେ ନେପାଳରେ ସଚିନ ଓ ସୀମା ପରସ୍ପର ଭେଟିଥିଲେ । ଉଭୟ ନେପାଳରେ ୭ ଦିନ ଏକାଠି ରହିଥିଲେ ।

ଯାଞ୍ଚ କାରୀ ଏଜେନ୍ସିର ରାଡାରରେ ଅଛନ୍ତି ସିମା

ପାକିସ୍ତାନରୁ ପଳାଇ ଆସି ଦିଲ୍ଲୀ ନିକଟରେ ଥିବା ଗ୍ରେଟର ନୋଏଡାର ରାବପୁରାରେ ରବୁଥିବା ସୀମା ହାଇଦର ଏବେ ମଧ୍ୟ ଯାଞ୍ଚ କାରୀ ଏଜେନ୍ସିର ରାଡାରରେ ଅଛନ୍ତି । ବେଆଇନ ଭାବେ ଭାରତରେ ପ୍ରବେଶ କରି ଗିରଫ ହୋଇଥିବା ସୀମା ହାୟଦାର ବର୍ତ୍ତମାନ ଅନେକ ଏଜେନ୍ସିର ପ୍ରଶ୍ନର ସମ୍ମୁଖୀନ ହୋଇଛନ୍ତି, କିନ୍ତୁ ବର୍ତ୍ତମାନ ବହୁତ କିଛି ଏପରି କଥା ଅଛି ଯାହାକୁ ନେଇ ତାଙ୍କୁ କ୍ଲିନ୍ ଚିଟ୍ ଦିଆଯାଇନାହିଁ ।

ବାସ୍ତବରେ ସୀମାର କଥିତ ଭାଷା ସମ୍ପୂର୍ଣ୍ଣ ଭିନ୍ନ । ହିନ୍ଦୀ ଭାଷାରେ ତାଙ୍କର ଭଲ କମାଣ୍ଡ ଅଛି । ମୂଳତଃ ପାକିସ୍ତାନର ବଲୁଚିସ୍ତାନରୁ ଆସିଥିବା ସିମା ହିନ୍ଦୀ ଭାଷାରେ ପାରଙ୍ଗମ ଓ ମାତୃଭାଷା ବାଲୋଚ ହୋଇଥିଲେ ମଧ୍ୟ ଇଂରାଜୀ ଭାଷାରେ ଭଲଭାବେ କହିପାରନ୍ତି । ସୀମା ହାୟଦାର କହିଛନ୍ତି ଯେ ତାଙ୍କ ଘର ସିନ୍ଧ ପ୍ରଦେଶରେ ଥିଲା ଓ ସେ ଅଧିକ ଶିକ୍ଷିତ ନୁହଁନ୍ତି । କିନ୍ତୁ ସେ ବର୍ତ୍ତମାନ ପର୍ଯ୍ୟନ୍ତ ପୋଲିସ ଓ ଗଣମାଧ୍ୟମକୁ ସେ ଯେପରି ଉତ୍ତର ଦେଉଛନ୍ତି, ତାହା ଯାଞ୍ଚକାରୀ ସଂସ୍ଥାଗୁଡ଼ିକର ସନ୍ଦେହକୁ ଆହୁରି ବଢାଇ ଦେଇଛି ।

ମୋବାଇଲ୍, ଠିକଣା ଓ ପାସପୋର୍ଟର ଯାଞ୍ଚ ଚାଲିଛି 
ଯାଞ୍ଚକାରୀ ସଂସ୍ଥା ସିମାଙ୍କ ମୋବାଇଲ୍ ଫୋନର ପୁଙ୍ଖାନୁପୁଙ୍ଖ ଯାଞ୍ଚ କରୁଛନ୍ତି ଓ ତାଙ୍କ ଠିକଣା ଏବଂ ସମଗ୍ର ପରିବାର ବିଷୟରେ ମଧ୍ୟ ତଥ୍ୟ ସଂଗ୍ରହ କରୁଛନ୍ତି । ଏହା ସହିତ ସୀମା ନିକଟରୁ ମିଳିଥିବା ଚାରି ପିଲାଙ୍କ ପାସପୋର୍ଟ ମଧ୍ୟ ଯାଞ୍ଚ କରାଯାଉଛି ।

ସିମା ଦାବି କରିଛନ୍ତି ଯେ ପାକିସ୍ତାନର ସେ ଯେଉଁଠାରୁ ଆସିଛନ୍ତି ସେହି ଅଞ୍ଚଳରେ ମହିଳାଙ୍କ ଉପରେ ଅନେକ ଅତ୍ୟାଚାର ହେଉଛି । ଏପରି ପରିସ୍ଥିତିରେ, ଯଦି ସେ ବର୍ତ୍ତମାନ ଫେରିଯାଆନ୍ତି, ତେବେ ତାଙ୍କ ଜୀବନ ମଧ୍ୟ ବିପଦରେ ଅଛି । ଏହି ସମୟରେ, ଟିଭିର ଏକ କାର୍ଯ୍ୟକ୍ରମରେ ସୀମା ସାଉଦି ଆରବରେ ରହୁଥିବା ତାଙ୍କ ସ୍ୱାମୀଙ୍କ ସହ ମୁହାଁମୁହିଁ ହୋଇଥିଲେ, ଯେଉଁଥିରେ ଉଭୟଙ୍କ ମଧ୍ୟରେ ତୀବ୍ର ଯୁକ୍ତିତର୍କ ହୋଇଥିଲା । କିଛି ସମୟ ପରେ ୟୁପି ପୋଲିସର ଏକ ଟିମ୍ ସୀମା ଓ ସଚିନଙ୍କୁ ପୁଣି ପଚରାଉଚରା କରିଥିଲେ । ପ୍ରାୟ ଏକ ଘଣ୍ଟା ଧରି ଉଭୟଙ୍କୁ ପଚରାଉଚରା କରାଯାଇଥିଲା ଓ ସେମାନଙ୍କ ବିୟାନ ନିଆଯାଇଥିଲା।

ଯଦିଓ ସୀମା ଭାରତୀୟ ନାଗରିକତ୍ୱ ପାଇଁ ସରକାରଙ୍କୁ କ୍ରମାଗତ ଭାବରେ ନିବେଦନ କରୁଛନ୍ତି, ତଥାପି ସେ ସଚିନଙ୍କୁ ଆଇନଗତ ଭାବରେ ବିବାହ ନକରିବା ଓ ପତ୍ନୀଙ୍କ ଅଧିକାର ନ ପାଇବା ପର୍ଯ୍ୟନ୍ତ ସିମା ଭାରତୀୟ ନାଗରିକତା ପାଇପାରିବେ ନାହିଁ ।

ଏହା ବି ପଢ଼ନ୍ତୁ: World Cup Records: ଦିନିକିଆ ବିଶ୍ୱକପ ଇତିହାସରେ ଭାରତ ପାଇଁ ସର୍ବାଧିକ ସ୍କୋର କରିଛନ୍ତି ଏହି ୫ ଭାରତୀୟ ଖେଳାଳି

ଏହା ବି ପଢ଼ନ୍ତୁ: ଶାହାରୁଖ ଖାନଙ୍କଠାରୁ 'ରାଜ ସିଂହାସନ' ଛଡ଼ାଇ ନେଲେ ତମନ୍ନା ଭାଟିଆ, ଏହି ତାଲିକାରେ ହେଲେ ନମ୍ବର ୱାନ୍