Mumbai Bomb Threat Mail: ମୁମ୍ବାଇ ସ୍ଥିତ ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ (RBI), HDFC ବ୍ୟାଙ୍କ ଓ ଆଇସିଆଇସିଆଇ ସମେତ ଅନେକ ବ୍ୟାଙ୍କକୁ ବମରେ ଉଡ଼ାଇଦେବାକୁ ଧମକ ଦିଆଯାଉଛି। ଇମେଲ ମାଧ୍ୟମରେ ଦିଆଯାଇଥିବା ଧମକରେ ଦର୍ଶାଯାଇଛି ଯେ ଆରବିଆଇ ଗଭର୍ଣ୍ଣର ଶକ୍ତିକାନ୍ତ ଦାସ ଓ ଅର୍ଥମନ୍ତ୍ରୀ ନିର୍ମଳା ସୀତାରମଣ ସେମାନଙ୍କ ପଦରୁ ଇସ୍ତଫା ଦିଅନ୍ତୁ। ଧମକପୂର୍ଣ୍ଣ ଇମେଲରେ କୁହାଯାଇଛି ଯେ ୧୧ଟି ସ୍ଥାନରେ ବମ୍ ଲଗାଯାଇଛି। ଧମକ ପାଇବା ପରେ ପୋଲିସ ସର୍ଚ୍ଚ ଅପରେସନ ଆରମ୍ଭ କରିଥିଲା, ଯଦିଓ କୌଣସି ସ୍ଥାନରେ ସନ୍ଦେହଜନକ ସାମଗ୍ରୀ ମିଳି ନଥିଲା। ଏମଆରଏ ମାର୍ଗ (MRA Marg) ପୋଲିସ ଷ୍ଟେସନ ମାମଲା ରୁଜୁ କରି ତଦନ୍ତ ଆରମ୍ଭ କରିଛି।
ଅଭିଯୋଗ ହୋଇଛି ଯେ ଅର୍ଥମନ୍ତ୍ରୀ ନିର୍ମଳା ସୀତାରମଣ ଏବଂ ଆରବିଆଇ ଗଭର୍ଣ୍ଣର ଶକ୍ତିକାନ୍ତ ଦାସ ଇତିହାସରେ ସବୁଠାରୁ ବଡ ଘୋଟାଲା କରିଛନ୍ତି। ଇମେଲରେ ଏହା ମଧ୍ୟ କୁହାଯାଇଛି ଯେ ବୋମା ବିସ୍ଫୋରଣ ଅପରାହ୍ନ ୧.୩୦ ରେ ହେବ।
ରିପୋର୍ଟ ଅନୁଯାୟୀ, ଏହା ଧମକପୂର୍ଣ୍ଣ ଇମେଲରେ ଲେଖାଥିଲା, 'ଆମେ ମୁମ୍ବାଇର ବିଭିନ୍ନ ସ୍ଥାନରେ ୧୧ଟି ବୋମା ଲଗାଇଛୁ। ଘରୋଇ କ୍ଷେତ୍ର ବ୍ୟାଙ୍କଗୁଡିକ ସହିତ ଆରବିଆଇ ଭାରତ ଇତିହାସରେ ସବୁଠୁ ବଡ ସ୍କାମ କରିଛି। ଏହି ଘୋଟାଲାରେ ଆରବିଆଇ ଗଭର୍ଣ୍ଣର ଶକ୍ତିକାନ୍ତ ଦାସ ଏବଂ ଅର୍ଥମନ୍ତ୍ରୀ ନିର୍ମଳା ସୀତାରମଣ ଜଡିତ ଅଛନ୍ତି। ଏହା ବ୍ୟତୀତ ଭାରତର କିଛି ଜଣାଶୁଣା ମନ୍ତ୍ରୀ ଏବଂ ଅଧିକାରୀ ମଧ୍ୟ ଏହାର ଏକ ଅଂଶ ଅଟନ୍ତି। ଏଥିପାଇଁ ଆମର ମଧ୍ୟ ଯଥେଷ୍ଟ ପ୍ରମାଣ ଅଛି ।'
RBI receives bomb threat via email; senders demand resignation of Shaktikanta Das, Nirmala Sitharaman
Read @ANI Story | https://t.co/ST2GQ9KNSV#RBI #NirmalaSitharaman #bomb #threat #ShaktikantaDas pic.twitter.com/cM2PngcXud
— ANI Digital (@ani_digital) December 26, 2023
ଏହି ଇମେଲ ଆହୁରି କୁହାଯାହିଛି, 'ଆମେ ଆରବିଆଇ ଗଭର୍ଣ୍ଣର ଓ ଅର୍ଥମନ୍ତ୍ରୀଙ୍କ ତୁରନ୍ତ ଇସ୍ତଫା ଦାବି କରୁଛୁ। ସ୍କାମର ସମ୍ପୂର୍ଣ୍ଣ ବିବରଣୀ ଦେବା ପରେ ସେମାନେ ସେମାନଙ୍କର ପୋଷ୍ଟ ଛାଡିବା ଉଚିତ୍। ଏହା ବ୍ୟତୀତ ଏହି କ୍ଷତି ସହ ଜଡିତ ଅନ୍ୟ ଲୋକମାନେ ମଧ୍ୟ ଇସ୍ତଫା ଦେବା ଉଚିତ୍। ସେମାନଙ୍କୁ ଦଣ୍ଡ ଦିଆଯିବା ଉଚିତ୍। ଯଦି ଆମର ଦାବି ଅପରାହ୍ନ ୧.୩୦ ସୁଦ୍ଧା ପୂରଣ ନହୁଏ, ତେବେ ସମସ୍ତ ବୋମା ବିସ୍ଫୋରଣ ହେବ।' ଆରବିଆଇ ମୁଖ୍ୟ ରାକ୍ଷୀ ସଞ୍ଜୟ ହରିଚନ୍ଦ୍ର ପାୱାରଙ୍କ ଅଭିଯୋଗ ଉପରେ ଏକ ମାମଲା ରୁଜୁ ହୋଇଛି। ସୂଚନାନୁସାରେ, ମଙ୍ଗଳବାର ଅପରାହ୍ନ ୨ ଟାରେ ଧମକପୂର୍ଣ୍ଣ ମେଲ ଆସିଥିଲା।