PMGKAY, Ration Card: ଯଦି ଆପଣ ସରକାରଙ୍କ ମାଗଣା ରାସନ ଯୋଜନା (Free Ration Schem) ଅଧୀନରେ ପ୍ରତି ମାସରେ ରାସନ ହେଉଛନ୍ତି । ତେବେ ଏହି ଖବର ଆପଣଙ୍କ ପାଇଁ ଉପଯୋଗୀ । ଅଯୋଗ୍ୟ ରାସନ କାର୍ଡଧାରୀ (Ration Card Holders) ଙ୍କ ବିରୋଧରେ ସରକାର ଏକ ଅଭିଯାନ ଚଳାଉଛନ୍ତି । ଏହା ଅଧୀନରେ ବିଗତ ଦିନରେ ହରିୟାଣାରେ ୯ ଲକ୍ଷ ରାସନ କାର୍ଡ (Ration Card) ବାତିଲ କରାଯାଇଛି । ଏ ସମ୍ପର୍କରେ ସୂଚନା ଦେଇ ହରିୟାଣା ମୁଖ୍ୟମନ୍ତ୍ରୀ ମନୋହର ଲାଲ ଖଟ୍ଟର କହିଛନ୍ତି ଯେ ରାଜ୍ୟ ସରକାର ଗତ ବର୍ଷ ବଜେଟରେ କରିଥିବା ୮୦ ପ୍ରତିଶତ ଘୋଷଣା ପୂରଣ କରିଛନ୍ତି । ଏପ୍ରିଲ୍ ୨୦୨୩ରୁ ବଜେଟର ନୂତନ ବ୍ୟବସ୍ଥା ଉପରେ କାର୍ଯ୍ୟ ଆରମ୍ଭ ହେବ ।
ହରିୟାଣା ମୁଖ୍ୟମନ୍ତ୍ରୀ ମନୋହର ଲାଲ କହିଛନ୍ତି ଯେ, ଟେକ୍ନୋଲୋଜିର ବ୍ୟବହାର ସହିତ ଅନଲାଇନ୍ ଓ ଅନ୍ତ୍ୟେଦୟ ସୁବିଧା ଉପରେ ଗୁରୁତ୍ୱ ଦିଆଯାଉଛି । ଯାହାଫଳରେ ଯୋଗ୍ୟ ବ୍ୟକ୍ତିମାନେ ଏହି ଯୋଜନାଗୁଡିକର ଲାଭ ପାଇପାରିବେ । ପିପିଜି ମାଧ୍ୟମରେ ୧୨ ଲକ୍ଷ ନୂତନ ରାସନ କାର୍ଡ (Ration Card) ତିଆରି କରାଯାଇଛି । ୯ ଲକ୍ଷ ନକଲି ରାସନ କାର୍ଡ ବାତିଲ କରାଯାଇଛି । ସେ କହିଛନ୍ତି ଯେ ୯ ଲକ୍ଷ ମଧ୍ୟରୁ ୩ ଲକ୍ଷ ଲୋକ ଆୟକର ପୈଠ କରିଛନ୍ତି । କେବଳ ଏତିକି ନୁହେଁ, ଯେଉଁମାନଙ୍କ ରାସନ କାର୍ଡ ବାତିଲ ହୋଇଛି ସେମାନଙ୍କ ମଧ୍ୟରେ ୮୦ ହଜାର ସରକାରୀ କର୍ମଚାରୀ ମଧ୍ୟ ଅଛନ୍ତି ।
ଆପଣଙ୍କୁ କହିରଖୁଛୁ ଯେ, ପ୍ରଧାନମନ୍ତ୍ରୀ ଗରିବ କଲ୍ୟାଣ ଅନ୍ନା ଯୋଜନା (PMGKAY) ଅଧୀନରେ ମୋଦି ସରକାରଙ୍କ ତରଫରୁ ଦେଶର ୮୦ କୋଟି ଲୋକଙ୍କୁ ମାଗଣା ରାସନ ଯୋଗାଇ ଦିଆଯାଉଛି । ଏହା ବ୍ୟତୀତ ବିଭିନ୍ନ ରାଜ୍ୟ ସରକାର ମଧ୍ୟ ଗରିବ ଲୋକଙ୍କୁ ରାସନ ଯୋଗାଉଛନ୍ତି । ରାସନ ଯୋଗାଇବା ପାଇଁ ସରକାରଙ୍କ ଦ୍ୱାରା ସର୍ତ୍ତଗୁଡିକ ରଖାଯାଇଛି । ଏହା ସରକାରଙ୍କ ନଜରକୁ ଆସିଛି ଯେ ଗତ କିଛି ଦିନ ମଧ୍ୟରେ ଏହି ଯୋଜନା ପାଇଁ ଯୋଗ୍ୟ ନଥିବା ଲୋକମାନେ ଏହି ମାଗଣା ରାସନ ଯୋଜନାର ଲାଭ ଉଠାଇଥିଲେ ।
ଅଧିକ ପଢ଼ନ୍ତୁ:-ହୋଲି ପୂର୍ବରୁ କେନ୍ଦ୍ର କର୍ମଚାରୀଙ୍କୁ ଏକାଥରେ ମିଳିବ ୨-୨ଟି ବଡ଼ ଖୁସି ଖବର, ମହଙ୍ଗା ଭତ୍ତା ବଢ଼ିବା ସହ ବେସିକ୍ ଦରମାରେ ହେବ ବୃଦ୍ଧି!
ଅଧିକ ପଢ଼ନ୍ତୁ:-କେତେ ସମ୍ପତ୍ତିର ମାଲିକ ଶୁଭମାନ ଗିଲ; ଜାଣନ୍ତୁ ତାଙ୍କର କ'ଣ ରହିଛି ଶିକ୍ଷାଗତ ଯୋଗ୍ୟତା
ଅଧିକ ପଢ଼ନ୍ତୁ:- ହୋଲି ପୂର୍ବରୁ ଆସିଲା ବଡ଼ ଖୁସି ଖବର, ଶସ୍ତାରେ ମିଳୁଛି ଗ୍ୟାସ ସିଲିଣ୍ଡର!
ଏହି ଲୋକଙ୍କ ନାମ ମଧ୍ୟ ହଟିବ
NFSA ଦ୍ୱାରା ପ୍ରାପ୍ତ ସୂଚନା ଅନୁଯାୟୀ, ଯଦି କୌଣସି ରାସନ କାର୍ଡଧାରୀ କ୍ରମାଗତ ୪-୬ ମାସ ଧରି କାର୍ଡ ମାଧ୍ୟମରେ ରାସନ ନେଉନାହାଁନ୍ତି, ତେବେ ତାଙ୍କ ନାମ ମଧ୍ୟ ରାସନ କାର୍ଡରୁ ହଟାଯିବ ।
ଏପରି ପରିସ୍ଥିତିରେ ଯଦି ଆପଣଙ୍କର ରାସନ କାର୍ଡ ବାତିଲ ହୁଏ, ତେବେ ଆପଣ ଏହାକୁ ପୁନର୍ବାର ସକ୍ରିୟ କରିପାରିବେ । ଏଥିପାଇଁ ଆପଣଙ୍କୁ ନିଜ ରାଜ୍ୟରେ AePDS ର ଅଫିସିଆଲ୍ ୱେବସାଇଟ୍ ଭିଜିଟ୍ କରି କିଛି ଔପଚାରିକତା କରିବାକୁ ପଡିବ । କେବଳ ଏତିକି ନୁହେଁ, ଆପଣ ସମଗ୍ର ଭାରତରେ AePDS ରାସନ କାର୍ଡ ପୋର୍ଟାଲ ଭିଜିଟ କରି ଏହାକୁ ସକ୍ରିୟ ବା ଆକ୍ଟିଭ କରିପାରିବେ ।
୧. ପ୍ରଥମେ ଆପଣ ରାଜ୍ୟ କିମ୍ବା କେନ୍ଦ୍ରୀୟ AePDS ପୋର୍ଟାଲକୁ ଯାଆନ୍ତୁ ।
୨. ବର୍ତ୍ତମାନ 'ରାସନ କାର୍ଡ ସଂଶୋଧନ' ବିକଳ୍ପ ଖୋଜନ୍ତୁ ଓ ଏଥିରେ କ୍ଲିକ୍ କରନ୍ତୁ ।
୩. ବର୍ତ୍ତମାନ ଆପଣ ରାସନ କାର୍ଡ ସଂଶୋଧନ ପୃଷ୍ଠାକୁ ଯାଆନ୍ତୁ ଓ ଆପଣଙ୍କର ରାସନ ନମ୍ବର ଖୋଜିବା ପାଇଁ ଫର୍ମ ପୂରଣ କରନ୍ତୁ ।
୪. ବର୍ତ୍ତମାନ ଯଦି ଆପଣଙ୍କର ରାସନ କାର୍ଡ ସୂଚନାରେ କୌଣସି ତ୍ରୁଟି ଅଛି, ତେବେ ଏହାକୁ ସଂଶୋଧନ କରନ୍ତୁ ।
୫. ସଂଶୋଧନ କରିବା ପରେ ସ୍ଥାନୀୟ PDS କାର୍ଯ୍ୟାଳୟ ପରିଦର୍ଶନ କରନ୍ତୁ ଓ ପୁନର୍ବିଚାର ଆବେଦନ ଜମା କରନ୍ତୁ ।
୬. ଯଦି ଆପଣଙ୍କର ରାସନ୍ କାର୍ଡ ଆକ୍ଟିଭେସନ୍ ଆବେଦନ ଗ୍ରହଣ କରାଯାଏ, ତେବେ ଆପଣଙ୍କର ବାତିଲ୍ ହୋଇଥିବା ରାସନ କାର୍ଡ ପୁନର୍ବାର ସକ୍ରିୟ ହେବ ।