Holika Dahan on Holi: ସମଗ୍ର ଦେଶରେ ରଙ୍ଗର ପର୍ବ ହୋଲି ପାଳନ କରିବା ପାଇଁ ପ୍ରସ୍ତୁତି ଜୋରସୋରରେ ଚାଲିଛି। ବରସାନର ଲଠମାର ହୋଲି ଠାରୁ ଆରମ୍ଭ କରି ଜୟପୁରର ଫୁଲ ହୋଲି ପର୍ଯ୍ୟନ୍ତ ହୋଲି ଦେଶର ବିଭିନ୍ନ ସ୍ଥାନରେ ଅନେକ ଉପାୟରେ ପାଳନ କରାଯାଇଥାଏ। ସେହିଭଳି ଶୈଳୀ ରାଜସ୍ଥାନର ଉଦୟପୁରରେ ମଧ୍ୟ ହୋଲି ଏକ ନିଆରା ଢଙ୍ଗରେ ପାଳନ କରାଯାଏ।
ରାଜସ୍ଥାନ (Rajasthan) ଉଦୟପୁର ଜିଲ୍ଲାର (Udaipur District) ସେମାରି ଅଞ୍ଚଳରେ (Semari Area) ଅବସ୍ଥିତ ରହିଥିବା କରକେଲା ଧାମର (Karkela Dham) ନଡ଼ିଆ ହୋଲି (Coconut Holi) ଦୀର୍ଘ ଦିନ ଧରି ଲୋକଙ୍କୁ ଆକର୍ଷିତ କରିଆସୁଛି। କରକେଲା ଧାମରେ ନଡ଼ିଆ ସହିତ ହୋଲି (Holi) ଖେଳିବାର ଏକ ପରମ୍ପରା ରହିଛି। ବରସାନ ଠାରେ ଖେଳା ଯାଉଥିବା ଲାଠିମାର ହୋଲି ଭଳି ପରସ୍ପର ଉପରକୁ ନଡ଼ିଆ ମାରି ହୋଲି ଖେଳାଯାଏ ନାହିଁ। କରକେଲା ଧାମରେ ଲୋକେ ହୋଲିକାକୁ (Holika) ନଡ଼ିଆ ଅର୍ପଣ କରି ହୋଲି ପାଳନ କରିଥାନ୍ତି।
ଉଦୟପୁର ଜିଲ୍ଲାର ସେମାରି ଅଞ୍ଚଳର ଧନକାୱାଡା ଗ୍ରାମ ପଞ୍ଚାୟତ ଠାରୁ ଦେଢେ କିଲୋମିଟର ଦୂରରେ ଅବସ୍ଥିତ କରକେଲା ଧାମ। ଯାହା ଆଦିବାସୀଙ୍କ ଏକ ପବିତ୍ର ଧାର୍ମିକ ସ୍ଥାନ ଭାବରେ ପରିଗଣିତ। ସ୍ଥାନୀୟ ଆଦିବାସୀଙ୍କ ବିଶ୍ୱାସ ଅନୁଯାୟୀ ହୋଲିକାକୁ ସେମାନେ ନିଜର ଝିଅ ଭଳି ଦେଖିଥାନ୍ତି। ଆଦିବାସୀ ବିଶ୍ୱାସ କରନ୍ତି ଯେ ହୋଲିକା ସେମାନଙ୍କର ଝିଅ ଥିଲା। କରକେଲା ଧାମ ଏକ ପାହାଡ ଉପରେ ଅବସ୍ଥିତ।
Also Read: Laddu Holi 2023: ମଥୁରାରେ ଖେଳାଯାଏ ଲଡୁ ହୋଲି, ଅବିର ବଦଳରେ ଲଡୁରେ ଖେଳାଯାଏ ହୋଲି
ହୋଲି ପ୍ରଥମେ ଆଦିବାସୀଙ୍କ ଧାର୍ମିକ ସ୍ଥାନ କରକେଲା ଧାମରେ ପ୍ରଥମେ ହୋଲି ପ୍ରଜ୍ୱଳିତ ହେଉଥିଲା। ଏହି ଧାମ ଏକ ପାହାଡ ଉପରେ ଥିବାରୁ ହୋଲିକା ଦହନ ଦୂରରୁ ଦେଖିବାକୁ ମିଳେ। ପ୍ରଥମେ କରକେଲା ଧାମରେ ହୋଲି ଜଳାଯିବା ପରେ ଆଖପାଖ ଅଞ୍ଚଳରେ ହୋଲି ଜଳାଯାଏ। ଏହା ଏକ ବିଶ୍ୱାସ କରାଯାଏ ଯେ ସର୍ବପ୍ରଥମେ ହୋଲି କରକେଲା ଧାମରେ ପ୍ରଜ୍ୱଳିତ ହେବା ଆବଶ୍ୟକ। ଏଠାରେ ହୋଲି ଦହନରୁ ବାହାରୁଥିବା ନିଆଁକୁ ଦେଖିବା ପରେ ଲୋକେ ହୋଲି ଜାଳିବାକୁ ପ୍ରସ୍ତୁତ ହୋଇଥାନ୍ତି।
ଏଠାକାର ଲୋକଙ୍କ କହିବା କଥା ଯେ, ଆଦିବାସୀ ବିଶ୍ୱାସ କରନ୍ତି ଯେ ହୋଲିକା ପର୍ବତରେ ଅବସ୍ଥିତ କରକେଲା ଧାମ ନିକଟରେ ପ୍ରହ୍ଲାଦଙ୍କୁ କୋଳରେ ଧରି ନିଆଁରେ ବସିଥିଲେ। ଭଗବାନ ବିଷ୍ଣୁ ତାଙ୍କ ଭକ୍ତ ପ୍ରହ୍ଲାଦଙ୍କୁ ବଞ୍ଚାଇବା ପାଇଁ ଏକ ଲୀଲା କରିଥିଲେ। ଯେଉଁଥିପାଇଁ ହୋଲିକା ନିଆଁରେ ପୋଡି ହୋଇଯାଇଥିଲା। ଆଉ ଭଗବାନଙ୍କ ଭକ୍ତ ପ୍ରହ୍ଲାଦ ଉଦ୍ଧାର ପାଇଯାଇଥିଲ। ଆଦିବାସୀ ବିଶ୍ୱାସ କରନ୍ତି ଯେ ହୋଲିକା ଏଠାକାର ବାସିନ୍ଦା ଥିଲେ। ଏହି କାରଣରୁ ଆଦିବାସୀଙ୍କ ମଧ୍ୟରେ ହୋଲିକାକୁ ବିଦାୟ ଦେବା ପାଇଁ ନଡ଼ିଆ ଅର୍ପଣ କରାଯାଏ। କରକେଲା ଧାମରେ ହୋଲିକା ସହିତ ଏଠାରେ ନଡ଼ିଆର ହୋଲି ଜଳାଯାଇଥାଏ। ଏହା ମଧ୍ୟ ବିଶ୍ୱାସ ରହିଛି ଯେ, ଯଦି କୌଣସି ବ୍ୟକ୍ତି ହୋଲିକାକୁ ନଡ଼ିଆ ଅର୍ପଣ କରି କୌଣସି କଥା ମାଗିଥାନ୍ତି, ତାହେଲେ ଏହା ନିଶ୍ଚିତ ଭାବରେ ପୂରଣ ହୋଇଥାଏ। କରକେଲା ଧାମରେ ଧୁନି କ୍ରମାଗତ ଭାବରେ ଜଳିଥାଏ।