Rajasthans Anju Return from Pakistan: ପାକିସ୍ତାନର ଫାତିମା ହୋଇଥିବା ରାଜସ୍ଥାନର ଅଞ୍ଜୁ ଚାରିମାସ ପରେ ବୁଧବାର ଦିନ ଭାରତ ଫେରିଛନ୍ତି । ଅଞ୍ଜୁଙ୍କୁ ତାଙ୍କ ସ୍ୱାମୀ ନାସରୁଲ୍ଲା ପାକିସ୍ତାନର ୱାଗା ବୋର୍ଡ଼ରରେ ଛାଡି ଦେଇଥିଲେ । ଚଳିତ ବର୍ଷ ୨୧ ଜୁଲାଇରେ ସେ ରାଜସ୍ଥାନର ଅଲୱାର ଜିଲ୍ଲାରୁ ଭିସା ନେଇ ପାକିସ୍ତାନ ଯାଇଥିଲେ । ସେ ନିଜେ ୨୫ ଜୁଲାଇରେ ପାକିସ୍ତାନରେ ନାସରୁଲ୍ଲାଙ୍କୁ ବିବାହ କରିଥିଲେ । ଏପରି ଅଞ୍ଜୁ ଫାତିମା ହୋଇ ଯାଇଥିଲେ । ରାଜସ୍ଥାନରେ ଥିବାବେଳେ ଅଞ୍ଜୁର ଭାରତୀୟ ସ୍ୱାମୀ ଅରବିନ୍ଦ ଓ ପିଲାମାନେ ଏହା ଶୁଣି ଆଶ୍ଚର୍ଯ୍ୟ ହୋଇଯାଇଥିଲେ । ଅଞ୍ଜୁ ଅଟାରୀ ବୋର୍ଡ଼ରରେ ପହଞ୍ଚି କହିଥିଲେ ଯେ ସେ ତାଙ୍କ ପିଲାମାନଙ୍କୁ ଭେଟିବାକୁ ଆସିଛନ୍ତି ।
ବାସ୍ତବରେ, ଅଞ୍ଜୁ ଓ ନାସରୁଲ୍ଲା ଚାରି ବର୍ଷ ପୂର୍ବେ ସୋସିଆଲ ମିଡିଆ ମାଧ୍ୟମରେ ବନ୍ଧୁ ହୋଇଥିଲେ । ଉଭୟ ବିବାହ କରିବାକୁ ରାଜି ହୋଇଥିଲେ । ଚଳିତ ବର୍ଷ ୨୧ ଜୁଲାଇରେ ଅଞ୍ଜୁ ଘର ଛାଡି ପାକିସ୍ତାନରେ ପହଞ୍ଚିଥିଲେ । ଏହାପରେ ଅଞ୍ଜୁଙ୍କ ଭାରତୀୟ ସ୍ୱାମୀ ଅରବିନ୍ଦ ଅଲୱାର ପୋଲିସ ଷ୍ଟେସନରେ ତାଙ୍କ ବିରୋଧରେ ଏଫଆଇଆର ଦାଖଲ କରିଥିଲେ ।
#WATCH | Amritsar, Punjab: Anju, who had travelled to Pakistan in July returns to India
"I am happy...I have no other comments", says Anju pic.twitter.com/vKPUTsx4jx
— ANI (@ANI) November 29, 2023
ସୋସିଆଲ ମିଡିଆରେ ଆଲୋଚନା କରି ଅଞ୍ଜୁ କହିଛନ୍ତି ଯେ ପାକିସ୍ତାନ ଆସିବା ପୂର୍ବରୁ ମୁଁ ଜାଣି ନଥିଲି ଯେ ମୁଁ ଏଠାରେ ଏତେ ପ୍ରସିଦ୍ଧ ହେବି । ଅଞ୍ଜୁ ରାଜସ୍ଥାନର ବାସିନ୍ଦା ଅରବିନ୍ଦଙ୍କୁ ବିବାହ କରିଥିଲେ । ତାଙ୍କର ୧୫ ବର୍ଷର ଝିଅ ଓ ଛଅ ବର୍ଷର ପୁଅ ଅଛି । ସେ ତାଙ୍କ ସ୍ୱାମୀ ଅରବିନ୍ଦଙ୍କୁ କହିଥିଲେ ଯେ ସେ କିଛି ଦିନ ଜୟପୁର ଯାଉଛନ୍ତି । ତେବେ ପରେ ତାଙ୍କ ସ୍ୱାମୀ ଜାଣିବାକୁ ପାଇଲେ ଯେ ସେ ପାକିସ୍ତାନ ଯାଇଛନ୍ତି ।
ବର୍ତ୍ତମାନ ଭାରତକୁ କାହିଁକି ଆସିଛନ୍ତି ଅଞ୍ଜୁ?
ଅଞ୍ଜୁ ଓରଫ୍ ଫାତିମାଙ୍କ ଭାରତକୁ ଫେରିବା ପଛର କାରଣ ବିଷୟରେ ଗଣମାଧ୍ୟମକୁ କିଛି କହିନାହାଁନ୍ତି । ତେବେ କିଛି ଦିନ ପୂର୍ବରୁ ପାକିସ୍ତାନୀ ଗଣମାଧ୍ୟମକୁ ଦେଇଥିବା ଏକ ସାକ୍ଷାତକାରରେ ତାଙ୍କ ସ୍ୱାମୀ ନାସରୁଲ୍ଲା କହିଥିଲେ ଯେ ଅଞ୍ଜୁ ନିଜ ପିଲାମାନଙ୍କୁ ଭେଟିବା ପାଇଁ ଭାରତ ଫେରୁଛନ୍ତି । ଏହା ସହ ସେ କହିଥିଲେ ଯେ ସେ ପୁଣି ପାକିସ୍ତାନ ଫେରିବେ । ଯଦି ଆମେ ଏହି ଦାବିକୁ ଦେଖିବା, ଏଥର ଅଞ୍ଜୁଙ୍କ ପିଲାମାନେ ମଧ୍ୟ ତାଙ୍କ ସହ ପାକିସ୍ତାନ ଯାଇପାରନ୍ତି ।