Pakistan Blast: ପାକିସ୍ତାନର ଏକ ମସଜିଦରେ ବଡ଼ ଧରଣର ବୋମା ବିସ୍ଫୋରଣ ହୋଇଛି । ସୋମବାର ଦିନ (୩୦ ଜାନୁଆରୀ) ଅପରାହ୍ନରେ ପେଶୱାରର (Peshawar) ପୋଲିସ୍ ଲାଇନ୍ ଅଞ୍ଚଳରେ ଏକ ମସଜିଦରେ ବିସ୍ଫୋରଣ (Blast in Mosque) ହୋଇଥିବା ସୂଚନା ମିଳିଛି । ଏହି ଅଞ୍ଚଳରେ ପ୍ରଚଣ୍ଡ ବିସ୍ଫୋରଣର ଶବ୍ଦ ଶୁଣିବାକୁ ମିଳିଛି । ସୂଚନା ଅନୁଯାୟୀ, ଏହି ବିସ୍ଫୋରଣ ଯୋଗୁଁ ପ୍ରବଳ କ୍ଷୟକ୍ଷତିର ଖବର ରହିଛି । ଗଣମାଧ୍ୟମ ରିପୋର୍ଟ ଅନୁଯାୟୀ ଏହି ବିସ୍ଫୋରଣରେ ୨୮ ଜଣଙ୍କର ମୃତ୍ୟୁ ହୋଇଥିବାବେଳେ ଅନେକ ଲୋକ ଆହତ ହୋଇଥିବା କୁହାଯାଉଛି । ମୃତକଙ୍କ ସଂଖ୍ୟା ଆହୁରି ବଢିପାରେ ।
ପାକିସ୍ତାନର ଜିଓ ନ୍ୟୁଜ୍ ରିପୋର୍ଟ ଅନୁଯାୟୀ ଏହି ବିସ୍ଫୋରଣରେ ୨୮ ଜଣ ପ୍ରାଣ ହରାଇଛନ୍ତି । ଏଥିରେ ଦୁଇ ଜଣ ପୋଲିସ କର୍ମଚାରୀ ମଧ୍ୟ ପ୍ରାଣ ହରାଇଛନ୍ତି । ୧୫୦ ରୁ ଅଧିକ ଲୋକ ଆହତ ହୋଇଛନ୍ତି । ଅନେକ ଲୋକଙ୍କ ଅବସ୍ଥା ଗୁରୁତର ବୋଲି କୁହାଯାଉଛି । ଅନେକ ଲୋକଙ୍କୁ ଭଗ୍ନାବଶେଷ ତଳେ ପୋତି ହୋଇଥିବାର ଭୟ ରହିଛି । ବିସ୍ଫୋରଣ ପରେ ଉକ୍ତ ଅଞ୍ଚଳରେ ଜରୁରୀକାଳୀନ ପରିସ୍ଥିତି ଲାଗୁ କରାଯାଇଛି । ବର୍ତ୍ତମାନ ପାକିସ୍ତାନୀ ସେନା ଏହି ଅଞ୍ଚଳକୁ ଘେରି ରହିଛନ୍ତି । କୁହାଯାଉଛି ଯେ ବିସ୍ଫୋରଣ ଘଟିଥିବା ସ୍ଥାନ ନିକଟରେ ସେନା ୟୁନିଟ୍ କାର୍ଯ୍ୟାଳୟ ମଧ୍ୟ ଅଛି ।
At least 90 injured in suicide blast at a mosque in Peshawar in northwest Pakistan: media reports
— Press Trust of India (@PTI_News) January 30, 2023
ଗଣମାଧ୍ୟମ ରିପୋର୍ଟ ଅନୁଯାୟୀ, ପେଶୱାରର ମସଜିଦରେ ବିସ୍ଫୋରଣର ଶବ୍ଦ ୨ କିଲୋମିଟର ଦୂରକୁ ଶୁଣିବାକୁ ମିଳିଥିଲା । ପେଶୱାର ପୋଲିସ୍ ଲାଇନରେ ଉପସ୍ଥିତ ଥିବା ଲୋକମାନେ କହିଛନ୍ତି ଯେ ବିସ୍ଫୋରଣ ପରେ ଆକାଶ ଧୂଳି ଓ ଧୂଆଁରେ ଆଚ୍ଛାଦିତ ହୋଇଯାଇଥିଲା । ସୁରକ୍ଷା ଅଧିକାରୀଙ୍କ କହିବାନୁସାରେ, ଆତ୍ମଘାତୀ ବିସ୍ଫୋରଣକାରୀ ମସଜିଦରେ ନମାଜ ପଢ଼ିବା ସମୟରେ ଆଗ ଧାଡ଼ିରେ ଉପସ୍ଥିତ ଥିଲେ ଓ ପରେ ନିଜକୁ ବିସ୍ଫୋରଣ କରି ଉଡାଇ ଦେଇଥିଲେ । ଆପଣଙ୍କୁ କହି ରଖୁଛୁ ଯେ, ଗତ ବର୍ଷ ଡିସେମ୍ବର ମାସରେ ମଧ୍ୟ ପାକିସ୍ତାନରେ ଏକ ବଡ଼ ଆକ୍ରମଣ ହୋଇଥିଲା । ଦେଶର ରାଜଧାନୀ ଇସଲାମାବାଦରେ ଏକ ଆତଙ୍କବାଦୀ ଆକ୍ରମଣରେ ଜଣେ ପୋଲିସର ମୃତ୍ୟୁ ଘଟିଛି । ଏହା ବ୍ୟତୀତ ଅନେକ ଲୋକ ଆହତ ହୋଇଥିଲେ ।
ଏହା ବି ପଢ଼ନ୍ତୁ: Adani group: ହିନ୍ଦେନବର୍ଗର ୪୧୩ ପୃଷ୍ଠାର ରିପୋର୍ଟ ଉପରେ ଜବାବ ରଖିଲା ଅଦାନୀ ଗ୍ରୁପ, ଜାଣନ୍ତୁ ପୂରା ମାମଲା
ଏହା ବି ପଢ଼ନ୍ତୁ: ସୁପ୍ରିମକୋର୍ଟରେ ପହଞ୍ଚିଲା BBC ଡକ୍ୟୁମେଣ୍ଟାରୀ ବ୍ୟାନ ମାମଲା, ଏହି ଦିନ ହେବ ଶୁଣାଣି
ଏହା ବି ପଢ଼ନ୍ତୁ: U19 T20 World Cup Final: ଧୋନିଙ୍କ ପରି ଇତିହାସ ରଚିଲେ ଶେଫାଳି ଭର୍ମା, ବ୍ରିଟିଶକୁ ମାତ୍ ଦେଇ ଭାରତକୁ କଲେ ବିଶ୍ୱ ବିଜେତା