Monsoon 2023 Update: ଶେଷ ହେଲା ମୌସୁମୀ ପାଇଁ ଅପେକ୍ଷା, ଆସନ୍ତା ୪୮ ଘଣ୍ଟାରେ ପହଞ୍ଚିବ କେରଳ!

Monsoon 2023 Status: ଶେଷ ହେବାକୁ ଯାଉଛି ମୌସୁମୀ ଲାଗି ଅପେକ୍ଷା। ଭାରତୀୟ ପାଣିପାଗ ବିଭାଗ ପକ୍ଷରୁ ମିଳିଥିବା ସଦ୍ୟତମ ତଥ୍ୟ ଅନୁସାରେ ଆସନ୍ତା ୪୮ ଘଣ୍ଟା ମଧ୍ୟରେ ମୌସୁମୀ କେରଳ ଛୁଇଁବ। ଏନେଇ ଆଇଏମଡି ପକ୍ଷରୁ କୁହାଯାଇଛି ଯେ ଆଗାମୀ ୪୮ ଘଣ୍ଟା ମଧ୍ୟରେ କେରଳରେ ମୌସୁମୀ ପାଇଁ ଅବସ୍ଥା ଅନୁକୂଳ ହୋଇଯାଇଛି। ପାଣିପାଗ ବିଭାଗ ସୂତ୍ରରୁ ଏହି ତଥ୍ୟ ମିଳିଛି। 

ଚଳିତ ବର୍ଷ ଜୁନ ୪ ତାରିଖରେ ମୌସୁମୀ କେରଳ ଛୁଇଁବା ନେଇ ପୂର୍ବାନୁମାନ କରିଥିଲା ଭାରତୀୟ ପାଣିପାଗ ବିଭାଗ। ହେଲେ ଗତ ମୌସୁମୀ କେରଳ ପହଞ୍ଚିନଥିଲା। ମୌସୁମୀ ପହଞ୍ଚିବାକୁ ଆହୁରି ତିନି ଚାରି ଦିନ ସମୟ ଲାଗିବ ବୋଲି ପୂର୍ବାନୁମାନ କରିଥିଲା ଆଇଏମଡ଼ି। ଦକ୍ଷିଣ-ପଶ୍ଚିମ ମୌସୁମୀ ସାଧାରଣତ ଜୁନ୍ ୧ ତାରିଖରେ କେରଳ ଛୁଇଁଥାଏ। ଏହାର ପ୍ରଭାବ ୭ ଦିନ ପୂର୍ବରୁ କିମ୍ବା ୭ ଦିନ ପରେ ଆରମ୍ଭ ହୋଇପାରେ।

ଗତ ମେ ମାସ ମଧ୍ୟଭାଗରେ ଭାରତୀୟ ପାଣିପାଗ ବିଭାଗ ପକ୍ଷରୁ ହୋଇଥିବା ପୂର୍ବାନୁମାନ ଅନୁସାରେ ଚଳିତ ବର୍ଷ ଜୁନ୍ ୪ ତାରିଖ ପର୍ଯ୍ୟନ୍ତ କେରଳରେ ମୌସୁମୀ ବର୍ଷା ହୋଇପାରେ। ଆଇଏମଡି ପୂର୍ବରୁ କହିଥିଲା ​​ଯେ ଏଲ୍ ନିନୋ ସ୍ଥିତିର ବିକାଶ ସତ୍ତ୍ୱେ ଦକ୍ଷିଣ-ପଶ୍ଚିମ ମୌସୁମୀ ସମୟରେ ଦେଶରେ ସ୍ୱାଭାବିକ ବୃଷ୍ଟିପାତ ହେବାର ସମ୍ଭବନା ରହିଛି।

Also Read: Monsoon 2023 Date: ଶୀଘ୍ର ନାଁ ବିଳମ୍ବ କେବେ ପହଞ୍ଚିବ ମୌସୁମୀ? ଜାଣନ୍ତୁ କ'ଣ କହୁଛି ପାଣିପାଗ ବିଭାଗ?

 

ରବିବାର ଆଇଏମଡି ପକ୍ଷରୁ ଜାରି ହୋଇଥିବା ବିବୃତ୍ତିରେ କୁହାଯାଇଛି ଯେ ଦକ୍ଷିଣ ଆରବ ସାଗରରେ ପଶ୍ଚିମ ପବନର ବୃଦ୍ଧି ସହିତ ପାଗ ଅନୁକୂଳ ହେବାରେ ଲାଗିଛି। ଆହୁରି ମଧ୍ୟ, ପଶ୍ଚିମ ପବନର ଗଭୀରତା ଧିରେ ଧିରେ ବୃଦ୍ଧି ପାଉଛି। ଜୁନ୍ ୪ ତାରିଖରେ ପଶ୍ଚିମ ପବନର ଗଭୀରତା ସମୁଦ୍ର ପତ୍ତନ ଠାରୁ ୨.୧ କିଲୋମିଟର ଉପରେ ପହଞ୍ଚିଛି। ହେଲେ ମୌସୁମୀ ଆରମ୍ଭରେ ଏହି ବିଳମ୍ବ ଦେଶରେ ଖରିଫ ଚାଷ ଏବଂ ସମୁଦାୟ ବୃଷ୍ଟିପାତ ଉପରେ ପ୍ରଭାବ ପକାଇବ ନାହିଁ ବୋଲି କହିଛନ୍ତି ପାଣିପାଗ ବିଜ୍ଞାନୀ। ଗତ ବର୍ଷ ମେ ୨୯ ତାରିଖରେ ଦକ୍ଷିଣ ପଶ୍ଚିମ ମୌସୁମୀ କେରଳ ଛୁଇଁଥିଲା।

ମୌସୁମୀ କ'ଣ 
ମୌସୁମୀ ଶବ୍ଦ ଆରବୀ ଶବ୍ଦ ମୌସିମରୁ ଉତ୍ପନ୍ନ। ଯାହାର ଅର୍ଥ ହେଉଛି ପବନରେ ଏକ ଋତୁ ପରିବର୍ତ୍ତନ। ନଭେମ୍ବରରୁ ମାର୍ଚ୍ଚ ପର୍ଯ୍ୟନ୍ତ ଉତ୍ତର-ପୂର୍ବ ଦିଗରୁ ଦକ୍ଷିଣ-ପଶ୍ଚିମ ଦିଗକୁ ପବନ ବହିଲେ ଏହାକୁ ଶୀତ ମୌସୁମୀ କୁହାଯାଏ। ଅନ୍ୟପଟେ ଯଦି ଜୁନ୍ ମାସରୁ ସେପ୍ଟେମ୍ବର ମଧ୍ୟରେ ଏହି ପବନ ଦକ୍ଷିଣ-ପଶ୍ଚିମ ଦିଗରୁ ଉତ୍ତର-ପୂର୍ବ ଦିଗକୁ ଗତି କରେ, ତାହେଲେ ଏହାକୁ ଗ୍ରୀଷ୍ମ ମୌସୁମୀ କୁହାଯାଏ।

କିପରି କରାଯାଏ ମୌସୁମୀ ସମ୍ପର୍କିତ ପୂର୍ବାନୁମାନ
କୌଣସି ଦେଶରେ ମୌସୁମୀର ଆଗମନ ପୂର୍ବାନୁମାନ ମାଧ୍ୟମରେ ଆଗରୁ କରାଯାଇଥାଏ। ଭାରତରେ ବର୍ଷା ଋତୁ ସାଧାରଣତ ଜୁନ୍ ପହିଲାରୁ ଆରମ୍ଭ ହୋଇଥାଏ। ହେଲେ ବେଳେବେଳେ ଏହା ବିଳମ୍ବ ହୋଇଯାଏ। ମୌସୁମୀ ସମ୍ପର୍କରେ ପୂର୍ବାନୁମାନ କରିବା ଏକ କଷ୍ଟକର କାର୍ଯ୍ୟ। ପ୍ରାୟ ୧୬ ମାନକକୁ ବିସ୍ତୃତ ଭାବରେ ଅଧ୍ୟୟନ କରିବା ପରେ ମୌସୁମୀ ସମ୍ପର୍କିତ ପୂର୍ବାନୁମାନ କରାଯାଏ। ମୌସୁମୀ ସମ୍ପର୍କରେ ଭାରତୀୟ ପାଣିପାଗ ବିଭାଗର ପୂର୍ବାନୁମାନର ସଠିକତା ୭୦-୮୦ ପ୍ରତିଶତ ମଧ୍ୟରେ ରହିଛି। ଆଜିର ଆଧୁନିକ ସମୟରେ ମଧ୍ୟ ମୌସୁମୀ ସମ୍ପର୍କିତ ପୂର୍ବାନୁମାନ ଏବଂ ପ୍ରକୃତ ଅବସ୍ଥା ମଧ୍ୟରେ ସାମାନ୍ୟ ପାର୍ଥକ୍ୟ ରହିଛି।

ଭାରତ ପାଇଁ କାହିଁକି ଗୁରୁତ୍ୱପୂର୍ଣ୍ଣ ମୌସୁମୀ?

ମୌସୁମୀର ଆଗମନ କେବଳ ଉତ୍ତାପରୁ ଆରାମ ଦେଇନଥାଏ ବରଂ ଭାରତୀୟ ଅର୍ଥନୀତି ଏବଂ କୃଷି କ୍ଷେତ୍ରକୁ ଏକ ସ୍ୱାଭାବିକ ଉପାୟରେ ଚଳାଇବାରେ ମଧ୍ୟ ସାହାଯ୍ୟ କରିଥାଏ। ବର୍ଷା ଆସିବା ମାତ୍ରେ ଦେଶର କୃଷକ ଖରିଫ ଫସଲ ଯଥା ଚାଉଳ, ଡାଲି, ତେଲ ପରି ଫସଲ ଚାଷ କରିବା ଆରମ୍ଭ କରିଥାନ୍ତି। ବର୍ଷା ଖରିପ ଋତୁରେ ଚାଷ ହେଉଥିବା ପ୍ରମୁଖ ଫସଲର ଅମଳ ଉପରେ ମଧ୍ୟ ପ୍ରଭାବ ପକାଇଥାଏ। ଉପଯୁକ୍ତ ମୌସୁମୀ କୃଷି ଉତ୍ପାଦନ ବୃଦ୍ଧି କରିଥାଏ। ବର୍ଷା ଋତୁ ଭୂମି, ପୋଖରୀ କିମ୍ବା ନଦୀକୁ ପାଣିରେ ଭରିଦିଏ। ଯାହା ଜଳସେଚନରେ ସାହାୟକ ହୋଇଥାଏ। ଜଳରୁ ବିଦ୍ୟୁତ୍ ଉତ୍ପାଦନ ମଧ୍ୟ ବୃଦ୍ଧି ପାଇଥାଏ। ଅର୍ଥନୀତି ଉପରେ ଏହାର ଭଲ ପ୍ରଭାବ ପଡିଥାଏ। ଏହା ସହିତ ଏକ ଖରାପ ମୌସୁମୀ ଭାରତୀୟ ଅର୍ଥନୀତି ଏବଂ ବିକାଶ ଉପରେ ଖରାପ ପ୍ରଭାବ ପକାଇପାରେ।