KS Bhagwan On Ramayana: 'ବାଲ୍ମିକୀ ରାମାୟଣ ଅନୁଯାୟୀ ଭଗବାନ ରାମ ପ୍ରତିଦିନ ଅପରାହ୍ନରେ ସୀତାଙ୍କ ସହ ବସି ପିଉଥିଲେ ମଦ'

KS Bhagwan On Ramayana: ବିଶିଷ୍ଟ ଲେଖକ ତଥା ତର୍କବାଦୀ କେ.ଏସ୍ ଭଗବାନ (KS Bhagwan) ରାମାୟଣ (Ramayana) ଙ୍କୁ ନେଇ ବିବାଦୀୟ ମନ୍ତବ୍ୟ ଦେଇଛନ୍ତି । କେ.ଏସ୍ ଭଗବାନ ରାମାୟଣ ଓ ରାମ (Lord Ram) ଙ୍କୁ ଏପରି କିଛି କହିଛନ୍ତି, ଯାହାକୁ ନେଇ ବିବାଦ ସୃଷ୍ଟି ହୋଇଛି । 'ବାଲ୍ମିକୀ ରାମାୟଣ' (Valmiki Ramayana) ରେ ଉଲ୍ଲେଖ କରାଯାଇଛି କି ପ୍ରଭୁ ରାମ ପ୍ରତିଦିନ ଅପରାହ୍ନରେ ତାଙ୍କ ପତ୍ନୀ ସୀତା (Sita) ଙ୍କ ସହ ବସି ମଦ ପିଉଥିଲେ ବୋଲି କେ.ଏସ୍ ଭଗବାନ (KS Bhagwan) ଦାବି କରିଛନ୍ତି । ଜାନୁଆରୀ ୨୦ରେ କର୍ଣ୍ଣାଟକର ମାଣ୍ଡିଆରେ ଏକ କାର୍ଯ୍ୟକ୍ରମକୁ ସମ୍ବୋଧିତ କରି କେ.ଏସ୍ ଭଗବାନ (KS Bhagwan) କହିଛନ୍ତି ଯେ, "ଅପରାହ୍ନରେ ରାମଙ୍କର ମୁଖ୍ୟ କାର୍ଯ୍ୟକଳାପ ସୀତାଙ୍କ ସହ ବସିବା ଓ ମଦ ପିଇବା ଥିଲା । ମୁଁ ଏହା କହୁ ନାହିଁ । ଦସ୍ତାବିଜ ଏହା ହିଁ କୁହେ ।"

ଏହା ପ୍ରଥମ ଥର ନୁହେଁ ଯେ କେଏସ ଭଗବାନ (KS Bhagwan) ପ୍ରଭୁ ରାମ (Lord Ram) ଙ୍କ ଉପରେ ଆପତ୍ତିଜନକ ମନ୍ତବ୍ୟ ଦେଇଛନ୍ତି । ୨୦୧୯ରେ ଲେଖକ ଏକ ବଡ଼ ବିବାଦର ସମ୍ମୁଖୀନ ହୋଇଥିଲେ ଯେତେବେଳେ ସେ କହିଥିଲେ ଯେ,  ବାଲ୍ମିକୀ ରାମାୟଣ ଅନୁଯାୟୀ ପ୍ରଭୁ ରାମା 'ନିଶା' ପିଉଥିଲେ ଓ ସୀତାଙ୍କୁ ମଧ୍ୟ ଏହାର ସେବନ କରାଉଥିଲେ । ସେ ତାଙ୍କ ପୁସ୍ତକ 'ରାମ ମନ୍ଦିର ୟେକେ ବେଡ଼ା'ରେ ଏହି ଟିପ୍ପଣୀ କରିଛନ୍ତି । ଏହା ପରେ କେତେକ ହିନ୍ଦୁ ସଂଗଠନ କେ.ଏସ୍ ଭଗବାନଙ୍କ ଟିପ୍ପଣୀକୁ ଦୃଢ଼ ବିରୋଧ କରିଥିଲେ । ଏହାସହ ଲେଖକଙ୍କ ବାସଭବନ ବାହାରେ 'ପୂଜା' କରିବାକୁ ଚେଷ୍ଟା କରିଥିଲେ ।

ସଂଗଠନର ସଦସ୍ୟମାନଙ୍କୁ ଏହି ଅନୁଷ୍ଠାନ ନକରିବାକୁ ରାଜ୍ୟ ସରକାରଙ୍କୁ କେ.ଏସ୍ ଭଗବାନ (KS Bhagwan) ଙ୍କ ବାସଭବନ ବାହାରେ ସୁରକ୍ଷା ବଢ଼ାଇବାକୁ ପଡିଥିଲା । ପରବର୍ତ୍ତୀ ସମୟରେ, କେ.ଏମ ନିଶାନ୍ତ (KM Nishanth) ଙ୍କ ନେତୃତ୍ୱରେ ଏକ ହିନ୍ଦୁ ସଂଗଠନ କୁଭେମ୍ପୁନଗରରେ କେ.ଏସ୍ ଭଗବାନ (KS Bhagwan) ଙ୍କ ବାସସ୍ଥାନ ବାହାରେ ପୂଜା କରିବାକୁ ଚେଷ୍ଟା କରାଯାଇଥିଲା । କେ.ଏମ୍ ନିଶାନ୍ତ କହିଛନ୍ତି ଯେ, "ବାଲ୍ମିକୀ ରାମାୟଣ (Valmiki Ramayana) ର ଶେଷ ଅଧ୍ୟାୟ ଉତ୍ତର କାଣ୍ଡର ଛନ୍ଦଗୁଡ଼ିକ ଉଲ୍ଲେଖ ତାଙ୍କ ପୁସ୍ତକ' ରାମ ମନ୍ଦିର ୟେକ ବେଡ଼ା' (Ram Mandir Yake Beda) ରେ କରିଛନ୍ତି, ତାଙ୍କୁ ଜ୍ଞାତ ରହିବା ଆବଶ୍ୟକ ଯେ ହିନ୍ଦୁମାନେ ଉତ୍ତର କାଣ୍ଡ (Uttar Kand) ସହ ସହମତ ନୁହଁନ୍ତି । କାରଣ ଆମେ ବିଶ୍ୱାସ କରୁ ଯେ ବାଲ୍ମିକୀ (Valmiki) ଏହି ଅଧ୍ୟାୟ ଲେଖି ନାହାଁନ୍ତି । ରାମାୟଣରେ ପୂରା ୨୪,୦୦୦ ଶ୍ଲୋକ ଅଛି ଓ ଉତ୍ତର କାଣ୍ଡର କୌଣସି ସନ୍ଦର୍ଭ ନାହିଁ ।"

ଅଧିକ ପଢ଼ନ୍ତୁ:-ମୋଦି ସରକାରଙ୍କ ମାଷ୍ଟର ଷ୍ଟ୍ରୋକ, ରାସନକୁ ନେଇ ସାରା ଦେଶରେ ଲାଗୁ ହେଲା ନୂଆ ନିୟମ

ଅଧିକ ପଢ଼ନ୍ତୁ:-Jio ଓ Airtelକୁ ମାତ୍ ଦେବାକୁ ଆସିଲା ଏହି Broadband! ୨ ମାସ ଯାଏ ମିଳିବ ମାଗଣା ଇଣ୍ଟରନେଟ୍; ମୂଲ୍ୟ ବି କମ୍

ଅଧିକ ପଢ଼ନ୍ତୁ:-ଆଜି କୋହଲି ନିଜ ନାମରେ କରିବେ ଏହି ମହାରେକର୍ଡ! ଦୁନିଆର କୌଣସି ଆକ୍ଟିଭ ବ୍ୟାଟ୍ସମ୍ୟାନ୍ କରିପାରିନାହାଁନ୍ତି ଏପରି

ଫେବୃଆରୀ ୨୦୨୧ରେ ମୀରା ରାଘବେନ୍ଦ୍ର ନାମକ ଜଣେ ମହିଳା ଓକିଲ ବେଙ୍ଗାଲୁରୁ କୋର୍ଟରେ ପ୍ରଭୁ ରାମଙ୍କ ଅସ୍ତିତ୍ୱ ଉପରେ ପ୍ରଶ୍ନ ଉଠାଇଥିବା କେଏସ୍ ଭଗବାନଙ୍କ ମୁହଁକୁ କାଳି ଫିଙ୍ଗିଥିଲେ ।