International Border of India: ଗତ ୭ ତାରିଖରେ ଗାଜା ସୀମାରୁ ଇସ୍ରାଏଲ ଉପରେ ଆତର୍କିତ ଆକ୍ରମଣ କରିଥିଲା ହମାସ। ଏହି ଆକ୍ରମଣ କରିବା ପାଇଁ ପାଲେଷ୍ଟାଇନ ଗାଜା ସହ ଲାଗି ରହିଥିବା ଇସ୍ରାଏଲ ସୀମାକୁ ପାର କରିବା ପାଇଁ ପାରା ଗ୍ଲାଇଡର୍ ବ୍ୟବହାର କରିଥିଲା ହମାସ। ଇସ୍ରାଏଲ ଉପରେ ହମାସ ପକ୍ଷରୁ କରାଯାଇଥିବା ଏଭଳି ଅଚାନକ ଆକ୍ରମଣ ସୀମାରେ ଭାରତୀୟ ସୁରକ୍ଷା ବଳର ଚିନ୍ତା ବଢାଇ ଦେଇଛି। ଭବିଷ୍ୟତରେ ଏପରି କୌଣସି ଆକ୍ରମଣ ଯୋଜନାର ମୁକାବିଲା କରିବା ପାଇଁ କେନ୍ଦ୍ରୀୟ ପ୍ରତିରକ୍ଷା ଏଜେନ୍ସି ଅନେକ ବୈଷୟିକ ଦିଗ ଉପରେ କାର୍ଯ୍ୟ କରୁଛି। ଯେଉଁଥିରେ ଡ୍ରୋନ୍ ସେମାନଙ୍କୁ ଏପରି ଆକ୍ରମଣରୁ ରକ୍ଷା କରିପାରିବ ନାଁ ନାହିଁ ସେ ନେଇ ଅନୁସନ୍ଧାନ କରାଯାଉଛି।
ଏଭଳି ସମସ୍ୟାର ମୁକାବିଲା ପାଇଁ ଭାରତୀୟ ସୁରକ୍ଷା ଅଧିକାରୀ ଡ୍ରୋନ୍ ଟେକ୍ନୋଲୋଜି (Drone Technology for Border Security) ସାହାଯ୍ୟରେ ସୀମାର ସମ୍ବେଦନଶୀଳ ଅଞ୍ଚଳ ଉପରେ ନଜର ରଖିବାକୁ ଚାହୁଁଛନ୍ତି। ପ୍ରତିରକ୍ଷା ଅଧିକାରୀ ବିଶ୍ୱାସ କରନ୍ତି ଯେ ଭାରତୀୟ ସୀମା (India Border) ଏହାର ଅନେକ ପଡୋଶୀ ଦେଶ ସହ ଲାଗି ରହିଛି। ସୀମାର ବିଭିନ୍ନ କ୍ଷେତ୍ରର ଭିନ୍ନ ଭିନ୍ନ ଭୌଗୋଳିକ ଅବସ୍ଥା ରହିଛି। ଯାହାକୁ ମଧ୍ୟ ଧ୍ୟାନରେ ରଖିବାକୁ ହେବ। ଏଭଳି ପରିସ୍ଥିତିରେ ଡ୍ରୋନ୍ ଟେକ୍ନୋଲୋଜି ସାହାଯ୍ୟରେ ଅପହଞ୍ଚ ଅଞ୍ଚଳ ଉପରେ ସତର୍କ ନଜର ରଖିବାର ଆବଶ୍ୟକତା ରହିଛି।
ସୁରକ୍ଷା ଏଜେନ୍ସି ଅନେକ ଡ୍ରୋନ୍ ବିକ୍ରେତାଙ୍କୁ ଭେଟିଥିଲେ
କେନ୍ଦ୍ରୀୟ ସୁରକ୍ଷା ଏଜେନ୍ସି ସହ ଜଡ଼ିତ ପ୍ରତିରକ୍ଷା ଅଧିକାରୀ ଗତ ସପ୍ତାହରେ ଅନେକ ଘରୋଇ ଡ୍ରୋନ ବିକ୍ରେତାଙ୍କୁ ଭେଟିଥିଲେ। ଏହି ଅନୁସନ୍ଧାନକାରୀ ସତର୍କ ନଜର ରଖିବାକୁ ସକ୍ଷମ ହୋଇଥାଏ। ଆଗାମୀ ଦିନରେ ସେମାନଙ୍କ ଉପଯୋଗୀତା ଅନୁଯାୟୀ ଖୁବ୍ ଶୀଘ୍ର ଏକ ଟେଣ୍ଡର ଡକାଯିବ ବୋଲି ଆଶା କରାଯାଉଛି। ସେନା ସୂତ୍ରରୁ ପ୍ରକାଶ ଯେ ଏହା ସମଗ୍ର ସୀମାକୁ ବିଭିନ୍ନ ଜୋନ୍ ଅନୁଯାୟୀ ବିଭକ୍ତ କରାଯିବ। ଆସନ୍ତା ବର୍ଷ ମେ ପୂର୍ବରୁ ସୀମାରେ ଡ୍ରୋନ୍ ବ୍ୟବସ୍ଥାର ପରୀକ୍ଷା କରାଯିବ।
ପାକିସ୍ତାନ-ଚୀନ୍ ସୀମାରେ ପ୍ରାଥମିକତା ଭିତ୍ତିରେ ହେବ ନିୟୋଜନ
ଭାରତୀୟ ସେନା ସୂତ୍ରରୁ ପ୍ରକାଶ ଯେ ହିମାଳୟ ପାର୍ବତ୍ୟାଞ୍ଚଳରେ ଚୀନ୍-ପାକିସ୍ଥାନ ସୀମାରେ (Indian Border with China-Pakistan) ଭାରତ ପ୍ରାଥମିକତା ଆଧାରରେ ସତର୍କ ନଜର ରଖୁଥିବା ସେହି ଡ୍ରୋନ ଉପରେ ପରୀକ୍ଷଣ କରି ଏହାକୁ ନିୟୋଜନ କରିବ। ଏହି ଅଞ୍ଚଳ ଅତ୍ୟନ୍ତ ଦୁର୍ଗମ ହୋଇଥିବା ବେଳେ ଏଠାକାର ସୀମା ଉପରେ ସତର୍କ ନଜର ରଖିବା ଅନେକ ଦୃଷ୍ଟିକୋଣରୁ ସଂଘର୍ଷପୂର୍ଣ୍ଣ। ସେନା ପ୍ରଥମେ ଏହି ସ୍ଥାନ ଉପରେ ଡ୍ରୋନ୍ ମାଧ୍ୟମରେ ନଜର ରଖିବାକୁ ଚାହୁଁଛି। ଋଷିଆ-ୟୁକ୍ରେନ ଯୁଦ୍ଧ (Russia-Ukraine War) ଆରମ୍ଭରୁ ଭାରତୀୟ ସେନା ପୁଣିଥରେ ଏହାର ଅସ୍ତ୍ରଶସ୍ତ୍ର ଭଣ୍ଡାରକୁ ନବୀକରଣ କରିବା ଆରମ୍ଭ କଲା। ଏହି କ୍ରମରେ ଅନେକ ବୈଷୟିକ ନୀତି ଏବଂ ଭିତ୍ତିଭୂମି ନୂତନ ଉପାୟରେ ବିକଶିତ କରାଯାଇଛି।