G20 Summit 2023: ୫ ଦିନ ପାଇଁ ଲାଇଫ ଲାଇନ ପାର୍କିଂ ବନ୍ଦ, ଜାଣନ୍ତୁ କାରଣ

G20 Summit 2023: ଆସନ୍ତା ଶନିବାର ଠାରୁ ଆୟୋଜିତ ହେଉଛି ଜି-୨୦ ଶିଖର ସମ୍ମିଳନୀ। ଏନେଇ ଜୋରସୋରରେ ଚାଲିଛି ପ୍ରସ୍ତୁତି। ଜି-୨୦ ଶିଖର ସମ୍ମିଳନୀରେ ଯୋଗ ଦେବା ଲାଗି ନିଜର ଗସ୍ତ ଆରମ୍ଭ କରିବା ପ୍ରସ୍ତୁତ ହେଉଛନ୍ତି ବିଦେଶୀ ରାଷ୍ଟ୍ରମୁଖ୍ୟ। ସେମାନଙ୍କ ଗସ୍ତକୁ ନେଇ ସୁରକ୍ଷା ବ୍ୟବସ୍ଥା ମଜବୁତ କରାଯାଇଛି। ବିଦେଶୀ ରାଷ୍ଟ୍ରମୁଖ୍ୟଙ୍କ ଗସ୍ତକୁ ନେଇ ଆବଶ୍ୟକୀୟ ପ୍ରସ୍ତୁତି ଶେଷ ପର୍ଯ୍ୟାୟରେ ପହଞ୍ଚିଛି। 

ଆସନ୍ତା ୯-୧୦ ତାରିଖରେ ରାଷ୍ଟ୍ରୀୟ ରାଜଧାନୀ ଦିଲ୍ଲୀରେ (National Capital Delhi) ଆୟୋଜିତ ହେଉଛି ଜି-୨୦ ଶିଖର ସମ୍ମିଳନୀ (G20 Summit 2023)। ଏନେଇ ଜୋରସୋରରେ ଚାଲିଛି ପ୍ରସ୍ତୁତି। ୨୦୨୩ ଜି-୨୦ ଶିଖର ସମ୍ମିଳନୀ ଲାଗି ମଜବୁତ ସୁରକ୍ଷା ବ୍ୟବସ୍ଥା (Security Arrangements for 2023 G20 Summit) ଗ୍ରହଣ କରାଯାଇଛି। ଏହି କ୍ରମରେ ଦିଲ୍ଲୀ ପୋଲିସ କମିଶନର (Delhi Police Commissioner) ଥାନା ଅଧିକାରୀଙ୍କୁ ଏହା ସୁନିଶ୍ଚିତ କରିବା ଲାଗି ନିର୍ଦ୍ଦେଶ ଦେଇଛନ୍ତି ଯେ ମେଟ୍ରୋ ପାର୍କିଂ (Metro Parking Delhi) ଆସନ୍ତା ଗୁରୁବାର ସକାଳ ୦୬:୦୦ ସମୟରୁ ୧୧ ସେପ୍ଟେମ୍ବର ପର୍ଯ୍ୟନ୍ତ ବନ୍ଦ ରହିବ କି ନାହିଁ। ଦିଲ୍ଲୀ ମେଟ୍ରୋ ଡିସିପି (DCP Metro Delhi) ଜି.ରାମ ଗୋପାଳ ନାୟକଙ୍କ ଦ୍ୱାରା ଜାରି କରାଯାଇଥିବା ନିର୍ଦ୍ଦେଶରେ କୁହାଯାଇଛି ଯେ, "ଜି-୨୦ ସମ୍ମିଳନୀ ୨୦୨୩ ପାଇଁ ସୁରକ୍ଷା ବ୍ୟବସ୍ଥାକୁ ଦୃଷ୍ଟିରେ ରଖି ସମସ୍ତ ମେଟ୍ରୋ ୟୁନିଟ୍ (Metro Unit Delhi) ଏବଂ ଥାନା ଅଧିକାରୀ (Station House Officer Delhi Police) ମେଟ୍ରୋ ପାର୍କିଂ ବନ୍ଦ କରିବାକୁ ନିଶ୍ଚିତ କରିବା ନେଇ ନିର୍ଦ୍ଦେଶ ଦେଇଛନ୍ତି।

Also Read: G20 Summit 2023: ଜି-୨୦ ଅତିଥିଙ୍କ ପାଇଁ ପ୍ରସ୍ତୁତ ହୋଇଛି ଜରୁରୀ ସ୍ୱାସ୍ଥ୍ୟ ଯୋଜନା; କିପରି ହେବ କୌଣସି ବିପର୍ଯ୍ୟୟର ମୁକାବିଲା?

ଏହି ନିର୍ଦ୍ଦେଶରେ କୁହାଯାଇଛି ଯେ ୨୦୨୩ ଜି-୨୦ ଶିଖର ସମ୍ମିଳନୀକୁ ଦୃଷ୍ଟିରେ ରଖି ୭ ସେପ୍ଟେମ୍ବର ସକାଳ ୦୬:୦୦ ସମୟରୁ ୧୧ ସେପ୍ଟେମ୍ବର ମଧ୍ୟାହ୍ନ ୧୨:୦୦ ପର୍ଯ୍ୟନ୍ତ ମେଟ୍ରୋ ୟୁନିଟ ଠାରେ ରହିଥିବା ସମସ୍ତ ପାର୍କିଂ ବନ୍ଦ ରହିବ ଏବଂ ସେଠାରୁ ସମସ୍ତ ଯାନବାହନ ହଟାଯିବ। ମେଟ୍ରୋ ସେବା (Metro Service Delhi) ବାବଦରେ ପ୍ରତିକ୍ରିୟା ରଖି ଜଣେ ବରିଷ୍ଠ ପୋଲିସ ଅଧିକାରୀ କହିଛନ୍ତି ସେହି ସମୟ ଅବଧି ମଧ୍ୟରେ ସୁପ୍ରିମକୋର୍ଟ ମେଟ୍ରୋ  ଷ୍ଟେସନ (Supreme Court Metro Station) ବ୍ୟତୀତ ଏହା ସାଧାରଣ ଭାବରେ ଚାଲିବ।

ହେଲେ ତଥାପି କେତେକ ବିଦେଶୀ ଅତିଥିଙ୍କ ଗତିବିଧି ଏବଂ ସୁରକ୍ଷା ପ୍ରତିବନ୍ଧକ ହେତୁ କେତେକ ମେଟ୍ରୋ ଷ୍ଟେସନ ଠାରେ ୧୦-୧୫ ମିନିଟ୍ ପାଇଁ ଫାଟକକୁ ସାମୟିକ ଭାବରେ ବନ୍ଦ ହୋଇପାରେ। ଆପଣଙ୍କୁ କହିରଖୁଛୁ ଯେ ନୂତନ ଭାବେ ନିର୍ମିତ ଭାରତ ମଣ୍ଡପମ୍ ସମ୍ମିଳନୀ କେନ୍ଦ୍ର (Bharat Mandapam Convention Centre) ଶିଖର ସମ୍ମିଳନୀ ପାଇଁ ସମ୍ପୂର୍ଣ୍ଣ ପ୍ରସ୍ତୁତ ହୋଇସାରିଛି। ଏଭଳି ପରିସ୍ଥିତିରେ ରାଜଧାନୀ ଦିଲ୍ଲୀରେ ପ୍ରବେଶ ଏବଂ ପ୍ରସ୍ଥାନ ସୀମିତ ରହିବ। 

Also Read: G20 Summit: ରାଜଧାନୀରେ ୧୬୦ ଉଡ଼ାଣ ରଦ୍ଦ, ଜାଣନ୍ତୁ କାରଣ

ଦିଲ୍ଲୀ ଟ୍ରାଫିକ ପୋଲିସ ତଥ୍ୟ ଅନୁସାରେ ସେପ୍ଟେମ୍ବର ୮ ତାରିଖରୁ ନୂଆଦିଲ୍ଲୀର ସମସ୍ତ ପ୍ରତିଷ୍ଠାନ ଯେପରିକି ରେସ୍ତୁରାଁ, ମଲ୍, ଅଫିସ୍, ବଜାର ବନ୍ଦ ରହିବ। ଅଧିକାରୀଙ୍କ କହିବା ଅନୁଯାୟୀ କେବଳ ଏହି ଅଞ୍ଚଳରେ ରହୁଥିବା ଲୋକଙ୍କୁ ପ୍ରବେଶ ଏବଂ ପ୍ରସ୍ଥାନ ଅନୁମତି ଦିଆଯିବ। ବାହାରୁ ଦିଲ୍ଲୀ ଆସୁଥିବା ଲୋକଙ୍କ ପାଖରେ ଏକ ସ୍ୱତନ୍ତ୍ର ପାସ୍ ରହିବା ଆବଶ୍ୟକ। ଆହୁରି ମଧ୍ୟ, ସମସ୍ତ ଅଣ-ଗନ୍ତବ୍ୟ ସ୍ଥଳ ଯାନ ପୂର୍ବ ଏବଂ ପଶ୍ଚିମ ପେରିଫେରାଲ୍ ଏକ୍ସପ୍ରେସୱେ ଏବଂ ଅନ୍ୟାନ୍ୟ ବିକଳ୍ପ ମାର୍ଗକୁ ସ୍ଥାନାନ୍ତରିତ ହେବ।