Flight Attendant Reveals Top Secret: ବିମାନ ଯାତ୍ରା କରିବା ସମୟରେ ପ୍ରାୟ ପ୍ରତ୍ୟେକ ଯାତ୍ରୀଙ୍କ ଅଭିଜ୍ଞତା ଭଲ ରହିଥାଏ। ବିମାନ କର୍ମଚାରୀଙ୍କ ପ୍ରତ୍ୟେକ ଯାତ୍ରୀଙ୍କ ପକ୍ଷରୁ ପଚରା ଯାଇଥିବା ପ୍ରଶ୍ନର ଉତ୍ତର ଖୁସିରେ ଖୁସିରେ ଦେଇଥାନ୍ତି। ଆପଣଙ୍କ ପକ୍ଷରୁ ପଚରା ଯାଇଥିବା ସମସ୍ତ ପ୍ରଶ୍ନର ଉତ୍ତର ଅତି ସହଜରେ ମିଳି ଯାଇଥାଏ। ହେଲେ କ'ଣ ଆପଣ ଜାଣିଛନ୍ତି, ବେଳେବେଳେ ଆପଣଙ୍କୁ ପକ୍ଷରୁ ପଚରା ଯାଇଥିବା ପ୍ରଶ୍ନର ଉତ୍ତର ମିଥ୍ୟା ବୋଲି ପ୍ରମାଣିତ ହୋଇଥାଏ।
ସଦ୍ୟ ଗଣମାଧ୍ୟମରେ ପ୍ରକାଶିତ ଏକ ରିପୋର୍ଟ ଅନୁସାରେ, ବିମାନ କର୍ମଚାରୀଙ୍କୁ ବେଳେବେଳେ ଯାତ୍ରୀଙ୍କୁ ମିଛ କହିବାକୁ ପଡ଼ିଥାଏ। ଜଣେ ବିମାନ କର୍ମଚାରୀଙ୍କ ପ୍ରଶ୍ନ ଏବଂ ଉତ୍ତର ପରେ ଏହି ରିପୋର୍ଟ ସାମ୍ନାକୁ ଆସିଛି। ଯାତ୍ରୀଙ୍କୁ ମିଛ କହିବା ବିଷୟରେ ବିମାନ କର୍ମଚାରୀ ଆଶ୍ଚର୍ଯ୍ୟଜନକ ତଥ୍ୟ ଦେଇଛନ୍ତି। କର୍ମଚାରୀ ଜଣଙ୍କ କହିଛନ୍ତି ଯେ ଅନେକ କ୍ଷେତ୍ରରେ ଫ୍ଲାଇଟ ଆଟେଣ୍ଡାଣ୍ଟ୍ ହସିଥାନ୍ତି ଏବଂ ଯାତ୍ରୀଙ୍କୁ ମିଛ କହିଥାନ୍ତି। ଏହି ଫ୍ଲାଇଟ୍ ଆଟେଣ୍ଡାଣ୍ଟ ଜଣଙ୍କ "କନଫେସନ୍ ଅଫ୍ ଏ ଟ୍ରଲି ଡଲି" (Confessions of a Trolley Dolly) ୱେବସାଇଟ୍ ପାଖରେ ଏହି ସବୁ କଥା ସ୍ୱୀକାର କରିଛନ୍ତି। ଯାତ୍ରୀଙ୍କୁ ବିମାନ କର୍ମଚାରୀଙ୍କ ପକ୍ଷରୁ କୁହାଯାଉଥିବା ପାଞ୍ଚଟି ମିଛ ସମ୍ପର୍କରେ ଜଣାଇଛନ୍ତି ଫ୍ଲାଇଟ ଆଟେଣ୍ଡାଣ୍ଟ୍।
'ଆମେ ବର୍ତ୍ତମାନ ଅଧିକ ସୂଚନା ସହିତ ଆସିଛୁ, ହେଲେ କେବେ ଆସନ୍ତି ନାହିଁ
ଫ୍ଲାଇଟ ଆଟେଣ୍ଡାଣ୍ଟ୍ ଜଣଙ୍କ କହିଛନ୍ତି ଯେ ବେଳେବେଳେ ଯାତ୍ରୀଙ୍କ ପକ୍ଷରୁ ପଚାର ଯାଇଥିବା ପ୍ରଶ୍ନର ଉତ୍ତରରେ ସେମାନଙ୍କୁ କହିବାକୁ ପଡିଥାଏ ଯେ ସେମାନେ ସେମାନଙ୍କ ପ୍ରଶ୍ନ ବିଷୟରେ ଅଧିକ ତଥ୍ୟ ସଂଗ୍ରହ କରିବା ପରେ ଯାଇ ଆସିବେ। ହେଲେ ପରେ ଫ୍ଲାଇଟ ଆଟେଣ୍ଡାଣ୍ଟ୍ ଯାତ୍ରୀଙ୍କ ପାଖକୁ ଯାଇନଥାନ୍ତି। ହେଲେ ଯେତେବେଳେ ଯାତ୍ରୀ ଏହାକୁ କ୍ରୋଧିତ ହୋଇ ଉଠନ୍ତି କିମ୍ବା ସେ ପଚାରିଥିବା ପ୍ରଶ୍ନକୁ ବାରମ୍ବାର ଦୋହରାଇଥାନ୍ତି, ସେତେବେଳେ ଫ୍ଲାଇଟ ଆଟେଣ୍ଡାଣ୍ଟ୍ ଯାତ୍ରୀଙ୍କୁ ଅନେକ କାରଣ କହିଥାନ୍ତି। ହେଲେ ଯାତ୍ରୀଙ୍କ ପକ୍ଷରୁ ପଚରା ଯାଇଥିବା ପ୍ରଶ୍ନର ଉତ୍ତର ଦେଇନଥାନ୍ତି।
ବିମାନକୁ ସବୁଠାରୁ ସୁରକ୍ଷିତ ବୋଲି କହିଥାନ୍ତି
ଅନେକ ଥର ବିମାନ ଯାତ୍ରା କରିବା ସମୟରେ ଯାତ୍ରୀଙ୍କୁ ବିମାନର ବିଭିନ୍ନ ଅଂଶ ଭାଙ୍ଗିରୁଜି ଯାଇଥିବାର ଦେଖିବାକୁ ମିଳିଥାଏ। ଯାହା ମଧ୍ୟରେ ଲଗେଜ ରହୁଥିବା କିମ୍ବା ଶୌଚାଳୟ ରହିଥାଏ। ଏହାକୁ ଦେଖିବା ପରେ ଯେତେବେଳେ ଯାତ୍ରୀ ବିମାନ କର୍ମଚାରୀଙ୍କୁ ପଚାରନ୍ତି ଏହି ବିମାନରେ ଯାତ୍ରା କରିବା ସୁରକ୍ଷିତ ନା ନୁହେଁ? ଏହି ପ୍ରଶ୍ନର ଉତ୍ତରରେ ଫ୍ଲାଇଟ ଆଟେଣ୍ଡାଣ୍ଟ୍ ହସି ହସି କହିଥାନ୍ତି ଯେ ସବୁକିଛି ଠିକ ଅଛି। ଯାତ୍ରୀଙ୍କୁ କହିବାକୁ ପଡ଼ିଥାଏ ଯେ ବିମାନ ହେଉଛି ସବୁଠାରୁ ସୁରକ୍ଷିତ। ହେଲେ ନିଜେ ଫ୍ଲାଇଟ ଆଟେଣ୍ଡାଣ୍ଟ୍ ଜାଣିନଥାନ୍ତି ଯେ ବିମାନ ସୁରକ୍ଷିତ ନା ନୁହେଁ।
ଯାତ୍ରୀଙ୍କ ପସନ୍ଦୀୟ ପାନୀୟ ପ୍ରତିଜ୍ଞା ପୂରଣ କରନ୍ତି ନାହିଁ
ଫ୍ଲାଇଟ ଆଟେଣ୍ଡାଣ୍ଟ୍ ଜଣଙ୍କ କହିଛନ୍ତି ଯେ କିଛି ଯାତ୍ରୀ ଅଛନ୍ତି ଯେଉଁମାନେ ପ୍ରାୟତଃ ବିମାନ ଯୋଗେ ଯାତ୍ରା କରିଥାନ୍ତି ଏବଂ ନିଜ ପସନ୍ଦର ପାନୀୟ ଅର୍ଡର କରିଥାନ୍ତି। ଡ୍ରିଙ୍କ୍ସ ଅର୍ଡର ଆସିବା ପରେ ଫ୍ଲାଇଟ ଆଟେଣ୍ଡାଣ୍ଟ୍ କହିଥାନ୍ତି ଯେ, ଏହି ପାନୀୟ ଉପଲବ୍ଧ ନାହିଁ। ଯାତ୍ରୀଙ୍କୁ ଅନ୍ୟ କିଛି ଅର୍ଡର କରିବାକୁ କହିଥାନ୍ତି। ଯାତ୍ରୀଙ୍କୁ ସେମାନଙ୍କ ଖାଦ୍ୟ କିମ୍ବା ପାନୀୟ ସମ୍ପର୍କରେ ବିମାନ କର୍ମଚାରୀଙ୍କ ଦ୍ୱାରା ଅନେକ ସମୟରେ ମିଛ କୁହାଯାଇଥାଏ।
ଯାତ୍ରୀଙ୍କୁ ଭୟଭୀତ ନ ହେବାକୁ କହିଥାନ୍ତି
ଅନେକ ସମୟରେ ବିମାନରେ ଏକ ଅଜବ ଧରଣର ଶବ୍ଦ ଶୁଣିବାକୁ ମିଳିଥାଏ। ବେଳେବେଳେ ଅଜବ ଗନ୍ଧ ଏବଂ ଧୂଆଁ ମଧ୍ୟ ଅନୁଭୂତ ହୋଇଥାଏ। ଏଭଳି ପରିସ୍ଥିତିରେ ଯେତେବେଳେ ଯାତ୍ରୀ ବିମାନ କର୍ମଚାରୀଙ୍କୁ ଘଟଣା ସମ୍ପର୍କରେ କୌଣସି ପ୍ରଶ୍ନ ପଚାରିଥାନ୍ତି କିଛି ଅସୁବିଧା ହୋଇଛି? ଏହି ପ୍ରଶ୍ନର ଉତ୍ତରରେ ଫ୍ଲାଇଟ ଆଟେଣ୍ଡାଣ୍ଟ୍ ହସି ହସି କହିଥାନ୍ତି ଯେ, ବିମାନରେ ଏହା ସାଧାରଣ ଘଟଣା। ହେଲେ ଭିତରେ ଭିତରେ ନିଜେ ଫ୍ଲାଇଟ ଆଟେଣ୍ଡାଣ୍ଟ୍ ଭୟଭୀତ ହୋଇ ରହିଥାନ୍ତି।
ବିନା କୌଣସି ଭୁଲ କରି ଉଦ୍ଦେଶ୍ୟମୂଳକ ଭାବେ କହିଥାନ୍ତି "ସରି" (Sorry)
ବିମାନରେ ଯାତ୍ରା ସମୟରେ ଅନେକ ଥର ବିମାନ କର୍ମଚାରୀଙ୍କୁ କୌଣସି ଭୁଲ ନକରି ଯାତ୍ରୀଙ୍କୁ "ସରି" (Sorry) କହିବାକୁ ପଡ଼ିଥାଏ। ଯାହାର ଅର୍ଥ ହେଉଛି କୌଣସି ଭୁଲ ନକରି ଫ୍ଲାଇଟ ଆଟେଣ୍ଡାଣ୍ଟ୍ ଯାତ୍ରୀଙ୍କ ଠାରୁ ଭୁଲ ମାଗିଥାନ୍ତି। ଏହାର କାରଣ ହେଉଛି ଯାତ୍ରୀ ଯେପରି ଭଲ ଅନୁଭବ କରିବେ। ହେଲେ "ସରି" କହିବା ପରେ ମଧ୍ୟ ବିମାନ କର୍ମଚାରୀ ଭିତରୁ ଖୁସି ହୋଇନଥାନ୍ତି।