t20 world cup Ind vs Pak: ନୂଆଦିଲ୍ଲୀ; ମେଲବର୍ଣ୍ଣରେ ପାକିସ୍ତାନ ବିପକ୍ଷ ମ୍ୟାଚରେ ବିରାଟ କୋହଲି ଭାରତର ବିଜୟର ହିରୋ ଥିଲେ। ପୂର୍ବତନ ଭାରତୀୟ ଅଧିନାୟକ ଟିମ୍ ଇଣ୍ଡିଆ ପାଇଁ ପ୍ରାୟ ହାରିଯାଇଥିବା ମ୍ୟାଚ୍ ଜିତିବା ପାଇଁ କଠିନ ପରିସ୍ଥିତିରେ ୫୩ ବଲରୁ ଅପରାଜିତ ୮୨ ରନ୍ କରିଥିଲେ। ଏହି ବିଜୟରେ ଏକ ବଡ଼ ଭାଗିଦାରୀ ବିରାଟ କୋହଲିଙ୍କ ରହିଥିଲା। ତେବେ ଏହି ବିଜୟ ପରେ ଭାରତୀୟ ଖେଳାଳିମାନେ ବେଶ ଭାବ ବିହ୍ୱଳ ହୋଇ ପଡ଼ିଥିଲେ।
ଟିମ୍ ଇଣ୍ଡିଆର କୋଚ୍ ରାହୁଲ ଦ୍ରାବିଡ ଏହି ବଡ ବିଜୟ ପରେ ଜବରଦସ୍ତ ଆଗ୍ରେସିଭ ହୋଇ ବିଜୟୋତ୍ସବ ପାଳନ କରିଥିଲେ। ମ୍ୟାଚ ଜିତିବା ପରେ ବିରାଟ କୋହଲି ପ୍ରଶଂସକଙ୍କୁ ଦେଖିବା ପରେ ଭାବପ୍ରବଣ ହୋଇଥିଲେ। ଦିନକୁ ଦିନ ଭାଇରାଲ ହେବାରେ ଲାଗିଥିବା ପାକିସ୍ତାନ ବିପକ୍ଷରେ ଟିମ୍ ଇଣ୍ଡିଆର ବିଜୟ ପରେ ଆଇସିସି ଏପରି ଏକ ଭିଡିଓ ସେୟାର କରିଛି ଯାହାକୁ କେହି ଦେଖିନଥିବେ।
ଏହି ମ୍ୟାଚରେ ପାକିସ୍ତାନ ବିପକ୍ଷ ରୋମାଞ୍ଚକର ବିଜୟ ପରେ ଆଇସିସି ଏହି ଭିଡିଓ ସେୟାର କରିଛି। ଏହି ଭିଡିଓରେ ପ୍ରଥମ ଥର ପାଇଁ ଟିମ୍ ଇଣ୍ଡିଆ କୋଚ୍ ରାହୁଲ ଦ୍ରାବିଡ ବେଶ ଉତ୍ସାହିତ ହୋଇ ପଡ଼ିଥିବା ଦେଖିବାକୁ ମିଳିଛି। ଏଥି ସହିତ ପାକିସ୍ତାନ ବିପକ୍ଷ ମ୍ୟାଚ୍ ଜିତି ଇନିଂସ ଖେଳିବା ପରେ ବିରାଟ ପ୍ରଶଂସକଙ୍କୁ ଦେଖିବା ପରେ ଭାବପ୍ରବଣ ହୋଇଥିଲେ। ଏହି ଭିଡିଓରେ ଟିମ୍ ଇଣ୍ଡିଆର ଅଧିନାୟକ ରୋହିତ ଶର୍ମା ବିରାଟଙ୍କୁ ତାଙ୍କ କୋଳରେ ଉଠାଇଥିବାର ନଜର ଆସିଛନ୍ତି। ଆଇସିସି ଦ୍ୱାରା ସେୟାର ହୋଇଥିବା ଏହି ଭିଡିଓ ସୋସିଆଲ ମିଡିଆରେ ଅଧିକ ଭାଇରାଲ ହେବାରେ ଲାଗିଛି।
୧୬୦ ରନର ଲକ୍ଷ୍ୟକୁ ପଛରେ ପକାଇ ଭାରତୀୟ ଦଳର ଆରମ୍ଭ ମଧ୍ୟ ଖରାପ ଥିଲା। ଭାରତୀୟ ଦଳ ୩୧ ରନ୍ ପାଇଁ ଚାରିଟି ୱିକେଟ୍ ହରାଇଥିଲା। ଏଠାରୁ ବିରାଟ କୋହଲି ଏବଂ ହାର୍ଦ୍ଦିକ ପାଣ୍ଡ୍ୟା ରୋମାଞ୍ଚକର ଇନିଂସ ଖେଳିଥିଲେ। ଉଭୟଙ୍କ ମଧ୍ୟରେ ପଞ୍ଚମ ୱିକେଟ୍ ପାଇଁ ୮୨ ବଲରେ ୧୧୩ ରନର ଭାଗିଦାରୀ ହୋଇଥିଲା। ଏହି ଭାଗିଦାରୀ ଭାରତକୁ ବିଜୟର ଦ୍ୱାରଦେଶକୁ ନେଇଗଲା।
ଏହି ମ୍ୟାଚ ବେଶ ରୋମାଞ୍ଚକର ରହିଥିଲା। ପ୍ରତିଟି ମୂହୁର୍ତ୍ତରେ ରଙ୍ଗ ବଦଳାଇଥିଲା ଖେଳ। ଶେଷ ବଲ ପର୍ଯ୍ୟନ୍ତ ହାରଜିତକୁ ନେଇ ଦ୍ୱନ୍ଦ୍ୱ ସୃଷ୍ଟି ହୋଇଥିଲା। ଉଭୟ ଦଳ ଜିତିବା ପାଇଁ ଲଢେଇକୁ ଜୋରଦାର କରିନେଇଥିଲେ। ତେବେ ଶେଷ ବଲରେ ଅଶ୍ୱିନ ଗୋଟିଏ ରନ ନେଇ ଭାରତ ପାଇଁ ବିଜୟ ଆଣି ଦେଇଥିଲେ। ଫଳରେ ଭାରତ ୪ଟି ଓ୍ୱିକେଟରେ ଏହି ବିଜୟ ସୁନିଶ୍ଚିତ କରିନେଇଥିଲା।