how much alcohol should be served to passengers on flight: ବିମାନ ଯାତ୍ରା ବେଳେ ଯାତ୍ରୀଙ୍କୁ କେତେ ମାତ୍ରାରେ ମଦ୍ୟ ଦିଆଯିବ? ବେସାମରିକ ବିମାନ ଚଳାଚଳ ନିର୍ଦ୍ଦେଶାଳୟ (ଡିଜିସିଏ) ଏ ସମ୍ପର୍କରେ ଜବାବ ରଖିଛି। ଏନେଇ ଡିଜିସିଏ ପକ୍ଷରୁ କୁହାଯାଇଛି ଯେ ଯାତ୍ରୀଙ୍କୁ କେତେ ପରିମାଣରେ ମଦ ଦିଆଯିବ ତାହା ବିମାନ କମ୍ପାନୀ ଦ୍ୱାରା ସ୍ଥିର ହୋଇଥାଏ। ବିମାନରେ ଯାତ୍ରୀଙ୍କୁ ମଦ ପ୍ରଦାନ କରିବା ସମ୍ପର୍କରେ ନିଷ୍ପତ୍ତି ବିମାନ କମ୍ପାନୀ ନେଇଥାଏ ବୋଲି ଡିଜିସିଏ ସୁପ୍ରିମକୋର୍ଟ ଠାରେ ଏକ ସତ୍ୟପାଠ ଦାଖଲ କରିଛି।
ଗତ ୨୦୨୨ ନଭେମ୍ବର-ଡିସେମ୍ବର ମାସରେ, ଦୁଇଟି ଏୟାର ଇଣ୍ଡିଆ ବିମାନରେ ନିଶାସକ୍ତ ବ୍ୟକ୍ତିଙ୍କ ଦ୍ୱାରା ପରିସ୍ରା କରାଯିବା ଘଟଣା ସାମ୍ନାକୁ ଆସିଥିଲା। ଏଭଳି ଘଟଣାକୁ ରୋକିବା ପାଇଁ ଜଣେ ୭୨ ବର୍ଷୀୟା ମହିଳା ତୁରନ୍ତ ମାନକ ସଞ୍ଚାଳୟ ପ୍ରକ୍ରିୟା (Standard Operating Procedure) ଏସଓପି (SOP) ଗଠନ ପାଇଁ ସୁପ୍ରିମକୋର୍ଟ ଠାରେ ଆବେଦନ କରିଥିଲେ। ଏହା ପରେ, ପ୍ରଶ୍ନ ଉଠିଥିଲା ଯେ ସର୍ବାଧିକ ବିମାନ ଯାତ୍ରା ବେଳେ ଯାତ୍ରୀଙ୍କୁ କେତେ ପରିମାଣରେ ମଦ୍ୟ ପାନୀୟ ଆକାରରେ ଯୋଗାଇ ଦିଆଯାଇ ପାରିବ। ଯାହା ଦ୍ୱାରା ସେମାନେ ଯାତ୍ରା ଶାନ୍ତ ରହିବେ ଏବଂ କୌଣସି ପ୍ରକାରର ବିଶୃଙ୍ଖଳିତ ଆଚରଣ ପ୍ରଦର୍ଶନ କରିବେ ନାହିଁ।
କାହିଁକି ଏକଥା କହିଲା ଡିଜିସିଏ?
ସୁପ୍ରିମକୋର୍ଟ (Supreme Court of India) ଠାରେ ମହିଳାଙ୍କ ପକ୍ଷରୁ ହୋଇଥିବା ଆବେଦନ ଉପରେ ଜବାବ ରଖିଥିଲା ବେସାମରିକ ବିମାନ ଚଳାଚଳ ନିର୍ଦ୍ଦେଶାଳୟ (Directorate General of Civil Aviation) ଡିଜିସିଏ (DGCA)। ଏନେଇ ଦେଶର ସର୍ବୋଚ୍ଚ ନ୍ୟାୟାଳୟରେ ଡିଜିସିଏ ପକ୍ଷରୁ ଦାଖଲ ହୋଇଥିବା ସତ୍ୟପାଠରେ (DGCA Affidavit at Supreme Court) କୁହାଯାଇଛି ଯେ ଅନିୟନ୍ତ୍ରିତ ଯାତ୍ରୀଙ୍କ ସହ ମୁକାବିଲା କରିବା ପାଇଁ "ସିଭିଲ ଆଭିଏସନ୍ ରିକ୍ୟୁୟାରମେଣ୍ଟସ୍" (Civil Aviation Requirements) ସିଏଆର (CAR) ରହିଛି। ବିମାନ ଯାତ୍ରା ବେଳେ ପ୍ରଦାନ କରାଯାଉଥିବା ମଦ୍ୟର ସୀମା ଉପରେ ଜବାବ ରଖି ଡିଜିସିଏ କହିଛି ଯେ, ସିଏଆର ଧାରା ୪.୩ ଅନୁଯାୟୀ, ପ୍ରତ୍ୟେକ ବିମାନ ସେବା ପ୍ରଦାନକାରୀ ସଂସ୍ଥା ଯାତ୍ରୀ ମଦ୍ୟ ପ୍ରଦାନ କରିବା ସମ୍ପର୍କରେ ନୀତି ପ୍ରଣୟନ କରିବାର ଆବଶ୍ୟକତା ରହିଛି। ଯାହା ଦ୍ୱାରା ଯାତ୍ରୀଙ୍କୁ ନିଶାସକ୍ତ ଅବସ୍ଥାରେ ଛଡ଼ାଯିବ ନାହିଁ କିମ୍ବା ସେମାନଙ୍କୁ କୌଣସି ପ୍ରକାରର ବିଶୃଙ୍ଖଳିତ ଆଚରଣ ପ୍ରଦର୍ଶନ କରିବାକୁ ଦିଆଯିବ ନାହିଁ।
ନିଜର ଆବେଦନରେ କ'ଣ କହିଥିଲେ ମହିଳା?
ମହିଳା ଜଣଙ୍କ ତାଙ୍କ ଆବେଦନ ମାଧ୍ୟମରେ ଦେଶର ସର୍ବୋଚ୍ଚ ନ୍ୟାୟାଳୟଙ୍କୁ ଅନୁରୋଧ କରିଥିଲେ ଯେ ବିମାନରେ ଅଯଥା/ବିଭ୍ରାନ୍ତିକର ଆଚରଣକୁ କଠୋର ଭାବେ ମୁକାବିଲା କରିବା ପାଇଁ ଶୂନ୍ୟ ସହନଶୀଳତା ଏସଓପି (Zero Tolerance SOP) ଏବଂ ନିୟମ ଗଠନ କରିବାକୁ ଡିଜିସିଏ ଉଦ୍ଦେଶ୍ୟରେ ନିର୍ଦ୍ଦେଶ ଦିଆଯାଉ। ଏହା ସହିତ ଏହାକୁ ସମସ୍ତ ବିମାନ ସେବା ପ୍ରଦାନକାରୀ ସଂସ୍ଥା ଦ୍ୱାରା କାର୍ଯ୍ୟକାରୀ କରାଯିବା ଆବଶ୍ୟକ। ଏହି ଆବେଦନ ଉପରେ ଶୁଣାଣି ସମୟରେ ଡିଜିସିଏ ଏହାର ଏକ ସତ୍ୟପାଠ ଦାଖଲ କରି ମତାମତ ଉପସ୍ଥାପନ କରିଥିଲେ।
ଏୟାର ଇଣ୍ଡିଆ ବିରୋଧରେ ଗୁରୁତର ଅଭିଯୋଗ ଆଣିଥିଲେ ମହିଳା
ମହିଳା ଜଣଙ୍କ ଏୟାର ଇଣ୍ଡିଆ ବିରୋଧରେ ଗୁରୁତର ଅଭିଯୋଗ ଆଣିଛନ୍ତି। ଏନେଇ ସେ କହିଛନ୍ତି ଏୟାର ଇଣ୍ଡିଆ ଚାଳକ ଦଳ ସଦସ୍ୟ ସମ୍ବେଦନଶୀଳ ସମସ୍ୟାର ସମାଧାନ କରିବାରେ ଅବହେଳା କରୁଛନ୍ତି। ଏହି କାରଣରୁ ତାଙ୍କର ସମ୍ମାନ ବହୁ କ୍ଷତିଗ୍ରସ୍ତ ହୋଇଥିଲା। ମହିଳା ଜଣକ କହିଛନ୍ତି ଯେ ଏୟାର ଇଣ୍ଡିଆ କର୍ମଚାରୀ ପ୍ରଥମେ ଅଭିଯୁକ୍ତ ସହ ଯାତ୍ରୀଙ୍କୁ ଅତ୍ୟଧିକ କଠୋର ପାନୀୟ ପ୍ରଦାନ କରିଥିଲେ। ହେଲେ ବିବାଦ ହେବା ପରେ ଅଭିଯୁକ୍ତଙ୍କ ସହ ଆପୋଷ ବୁଝାମଣା କରିବାକୁ ଚାପ ପକାଇଥିଲେ। ଏହା ବ୍ୟତୀତ ସେ ଘଟଣା ବିଷୟରେ ପୋଲିସ ବିଭାଗକୁ ଏହି ଘଟଣା ସମ୍ପର୍କରେ ଜଣାଇବାରେ ବିଫଳ ହୋଇଥିଲେ। ସେ କହିଛନ୍ତି ଯେ ଡିଜିସିଏ ବିମାନ ଯାତ୍ରା ବେଳେ ମଦ୍ୟପାନକୁ ଅନିୟନ୍ତ୍ରିତ କିମ୍ବା ବିଭ୍ରାନ୍ତିକର ଆଚରଣ ଭାବେ ବିଚାର କରିବା ଆବଶ୍ୟକ।