Holi 2024: ହୋଲିରେ ଉତ୍ସବ ମୁଖର ହୋଇଉଠିଲା ମଥୁରା-ବୃନ୍ଦାବନ; ରାଧାକୃଷ୍ଣଙ୍କ ସହ ରଙ୍ଗ ଖେଳିଲେ ଭକ୍ତ

Holi Celebration in Mathura Vrindavan: ମାର୍ଚ୍ଚ ୨୫ ତାରିଖ ସୋମବାର ସମଗ୍ର ଦେଶରେ ଆନନ୍ଦ ଉଲ୍ଲାସର ସହ ପାଳିତ ହେଉଛି ରଙ୍ଗର ପର୍ବ ହୋଲି। ଦେଶରେ ଅନେକ ସ୍ଥାନ ଅଛି ଯେଉଁଠିକାର ହୋଲି ହେଉଛି ବିଶ୍ୱ ପ୍ରସିଦ୍ଧ। ଯାହା ମାଧ୍ୟରୁ ଅନ୍ୟତମ ହେଉଛି ମଥୁରା-ବୃନ୍ଦାବନ। ଏଠାରେ ବିଭିନ୍ନ ପ୍ରକାରର ହୋଲି ଖେଳିବାର ପରମ୍ପରା ବର୍ଷ ବର୍ଷ ଧରି ଚାଲିଆସୁଛି। ଆପଣ ଭଗବାନ ଶ୍ରୀକୃଷ୍ଣଙ୍କ ନଗରୀ ମଥୁରା ଠାରେ ଏକ ଅନନ୍ୟ ପ୍ରକାରର ହୋଲି ପାଳନ ହେଉଥିବାର ଦେଖିବାକୁ ପାଇବେ। ଦେଶ ତଥା ବିଦେଶରୁ ଅନେକ ଲୋକ ହୋଲି ଖେଳିବା ପାଇଁ ମଥୁରା ନଗରୀ ଆସିଥାନ୍ତି।

ଶ୍ରୀ ରାଧାବଲ୍ଲଭ ଜୀ ମନ୍ଦିରର ହୋଲି
ହୋଲି ଉତ୍ସବ ମଥୁରା-ବୃନ୍ଦାବନ ଠାରେ ବସନ୍ତ ପଞ୍ଚମୀ ଠାରୁ ଆରମ୍ଭ ହୋଇଥାଏ। କେବଳ ଦେଶ ନୁହେଁ ସମଗ୍ର ବିଶ୍ୱରୁ ଭକ୍ତ ପ୍ରାୟ ୪୦ ଦିନିଆ ହୋଲି ପର୍ବରେ ଭାଗ ନେବାକୁ ଏଠାକୁ ଆସିଥାନ୍ତି। ଏଥର ହୋଲି ଅବସରରେ ହଜାର ହଜାର କୃଷ୍ଣ ଭକ୍ତ ଶ୍ରୀ ରାଧାବଲ୍ଲଭ ଜୀ ମନ୍ଦିରର ଅବିର ସହ ହୋଲି ଖେଳୁଛନ୍ତି। 

#WATCH | Uttar Pradesh | People gather at Shri Radhavallabh Lal Ji Temple in Vrindavan in large numbers to celebrate #Holi pic.twitter.com/a6ROzd5kVR

— ANI (@ANI) March 25, 2024

ପ୍ରିୟାକାନ୍ତ ଜୁ ମନ୍ଦିରରେ ଖେଳାଗଲା ହୋଲି
ଗତକାଲି (୨୪) ହୋଲିକା ଦହନ ପରେ ହୋଲି ପ୍ରିୟାକାନ୍ତ ଜୁ ମନ୍ଦିରରେ ଆନନ୍ଦ ଉଲ୍ଲାସର ଖେଳାଯାଇଥିଲା। ଦେଶ ବିଦେଶରୁ ବହୁ ସଂଖ୍ୟକ ଲୋକ ଭାଗବତାଚାର୍ଯ୍ୟ ଦେବକୀନନ୍ଦନ ଠାକୁରଙ୍କ ମନ୍ଦିର ପ୍ରିୟାକାନ୍ତ ଜୁ ଠାରେ ପ୍ରିୟଙ୍କା ଜୁରେ ହୋଲି ଖେଳିବା ପାଇଁ ପହଞ୍ଚିଥିଲେ। ଦେବକାନନ୍ଦନ ଠାକୁର ଏଠାରେ ଘଣ୍ଟା ଘଣ୍ଟା ଧରି ରଙ୍ଗ ବର୍ଷା କରିଥିଲେ। ଆପଣଙ୍କୁ କହିରଖୁଛୁ ଯେ ପ୍ରିୟାକାନ୍ତ ପ୍ରାଣୀ ଉଦ୍ୟାନରେ ବିଶ୍ୱ ଶାନ୍ତି ସେବା ଚାରିଟେବୁଲ୍ ଟ୍ରଷ୍ଟ ଦ୍ୱାରା ପ୍ରତିବର୍ଷ ହୋଲି ମହୋତ୍ସବ ଆୟୋଜିତ ହୋଇଥାଏ।

#WATCH उत्तर प्रदेश: मथुरा के वृन्दावन में श्री प्रियाकांत जू मंदिर में होली उत्सव में लोग बड़ी संख्या में पहुंचे हैं। pic.twitter.com/9OjNrvsTnt

— ANI_HindiNews (@AHindinews) March 24, 2024

ପ୍ରିୟାକାନ୍ତ ଜୁ ମନ୍ଦିରରେ ହାଇଡ୍ରୋଲିକ୍ ସ୍ପ୍ରିଙ୍କଲର ସାହାଯ୍ୟରେ ଭକ୍ତଙ୍କ ଉପରେ ଟେସୁ ରଙ୍ଗ ବର୍ଷା କରାଯାଇଥିଲା। ଏହା ବ୍ୟତୀତ ବହୁ ସଂଖ୍ୟାରେ ଭକ୍ତଙ୍କ ମଧ୍ୟରେ ଲଡୁ-ଜିଲାପି ବଣ୍ଟନ କରାଯାଇଥିଲା। ଏହି ମନ୍ଦିରରେ ଆୟୋଜିତ ହୋଲି ଉତ୍ସବରେ କଳାକାର ମଧ୍ୟ ଭାଗ ନେଇଥିଲେ। ହୋଲି ଖେଳିବା ପାଇଁ ପ୍ରିୟାକାନ୍ତ ଜୁ ମନ୍ଦିରରେ ଏକାଠି ହୋଇଥିବା ଭକ୍ତ କଳାକାରଙ୍କ ନାଚ ଗୀତରେ ହୋଲି ଆନନ୍ଦକୁ ଦ୍ୱିଗୁଣିତ କରି ଦେଇଥିଲେ।