Gujarat High Court: ଅନେକ ବର୍ଷ ପୂର୍ବରୁ ୧୪-୧୫ ବର୍ଷ ବୟସରେ ବିବାହ କରିବା ଏବଂ ୧୭ ବର୍ଷ ବୟସରେ ମାଆ (mother) ହେବା ଆମ ସମାଜରେ ଏକ ସ୍ୱାଭାବିକ ପ୍ରକ୍ରିୟା ଥିଲା ।' ଏପରି ଏକ ମନ୍ତବ୍ୟ ଗୁଜୁରାଟ ହାଇକୋର୍ଟ ଏକ ମାମଲା ଶୁଣାଣି ସମୟରେ କହିଛନ୍ତି । ଜଣେ ୧୭ ବର୍ଷର ନାବାଳିକା (minor girl) ସାତ ମାସର ଗର୍ଭସ୍ଥ ଶିଶୁର ଆବର୍ସନ (abortion) ପାଇଁ ଆବେଦନ କରିଥିବା ମାମଲାର ଶୁଣାଣି ଉପରେ ଏପରି କିଛି କୁହାଯାଇଛି । ଗୁଜୁରାଟ ହାଇକୋର୍ଟ ମନୁସମିତ୍ରୀଙ୍କୁ ଦର୍ଶାଇ ଏପରି ଏକ ମନ୍ତବ୍ୟ ଦେଇଛନ୍ତି । ଜାତୀୟ ଗଣମାଧ୍ୟମ ଖବର ଅନୁଯାୟୀ ଗୁଜୁରାଟ ହାଇକୋର୍ଟ ଜଣେ ନାବାଳିକା ତଥା ଦୁଷ୍କର୍ମ ପୀଡିତାଙ୍କ ଦ୍ୱାରା ଦାଖଲ ହୋଇଥିବା ଏକ ପିଟିସନ (petition)ର ଶୁଣାଣି କରିଥିଲେ । ଗୁଜୁରାଟ ହାଇକୋର୍ଟର ଜଷ୍ଟିସ ସମୀର ଜେଡାଭେ ମୌଖିକ ଭାବରେ କହିଥିଲେ, 'କାରଣ ଆମେ ବର୍ତ୍ତମାନ ଏକବିଂଶ ଶତାବ୍ଦୀରେ ଅଛନ୍ତି । ତୁମ ମାଆ କିମ୍ବା ଜେଜେମା’ଙ୍କୁ ପଚାର, ସେମାନଙ୍କ ସମୟରେ ୧୪-୧୫ ବର୍ଷ ବିବାହ ପାଇଁ ସର୍ବାଧିକ ବୟସ (age) ଥିଲା । ପୂର୍ବରୁ ୧୭ ବର୍ଷ ବୟସ ପୂର୍ବରୁ ପିଲା ମଧ୍ୟ ଜନ୍ମ (birth) ହେଉଥିଲା । ଝିଅମାନେ ପୁଅମାନଙ୍କର ଯଥେଷ୍ଟ ପୂର୍ବରୁ ପରିପକ୍ୱ ହୋଇଯାଆନ୍ତି ।
ଦୁଷ୍କର୍ମ ପୀଡିତାଙ୍କ ପିତାଙ୍କ ଓକିଲ (advocate) ଏହି ମାମଲାରେ ଝିଅର ବୟସକୁ ଦୃଷ୍ଟିରେ ରଖି ଗର୍ଭପାତ ବିଷୟରେ କହିଥିଲେ । ଯାହା ଉପରେ ଗୁଜରାଟ ହାଇକୋର୍ଟ ଏହି ମନ୍ତବ୍ୟ (statement) ଦେଇଛନ୍ତି । ତେବେ ହାଇକୋର୍ଟ ଏହା ମଧ୍ୟ କହିଛନ୍ତି ଯେ, ୭ ମାସରୁ ଅଧିକ ହୋଇଥିବାରୁ ଗର୍ଭପାତ କରାଯାଇପାରିବ କି ନାହିଁ ଏହି ପ୍ରସଙ୍ଗରେ ସେମାନେ ଡାକ୍ତର (doctor)ଙ୍କ ସହ ପରାମର୍ଶ ମଧ୍ୟ କରିଛନ୍ତି । ଉଭୟ ନାବାଳିକା ମାଆ ଏବଂ ଗର୍ଭସ୍ଥ ଶିଶୁର ଜୀବନ ବିପଦରେ ପଡ଼ିବାର ସମ୍ଭାବନା ଥିଲେ ଏହି ଗର୍ଭପାତକୁ ଅନୁମତି ଦିଆଯାଇପାରିବ ନାହିଁ ବୋଲି କୋର୍ଟ ସ୍ପଷ୍ଟ କରିଛନ୍ତି । ଏଥିସହ ନାବାଳିକାର ଡାକ୍ତରୀ ପରୀକ୍ଷା (medical test) ପାଇଁ କୋର୍ଟ ନିର୍ଦ୍ଦେଶ ଦେଇଛନ୍ତି । ଡାକ୍ତର ରିପୋର୍ଟ ଉପସ୍ଥାପନ କରିବା ପରେ ହିଁ ଗୁଜରାଟ ହାଇକୋର୍ଟ ଏହି ପ୍ରସଙ୍ଗରେ ନିଷ୍ପତ୍ତି ନେବେ । ତେବେ ଏହି ମାମଲାର ପରବର୍ତ୍ତୀ ଶୁଣାଣି ଜୁନ୍ ୧୫ ତାରିଖରେ ହେବ ବୋଲି ଓକିଲ ଗଣମାଧ୍ୟମକୁ ସୂଚନା ଦେଇଛନ୍ତି । ପୀଡିତାଙ୍କ ଓକିଲ ପ୍ରତିକ୍ରିୟାରେ ଗଣମାଧ୍ୟମକୁ କହିଛନ୍ତି ଯେ, ମୁସଲିମ ନିୟମ ଅନୁଯାୟୀ ବିବାହର ବୟସ (marriage age) ୧୩ ବର୍ଷ । ଦୁଷ୍କର୍ମର ଶିକାର ହୋଇଥିବା ନାବାଳିକାଙ୍କ ବାପା ୭ ମାସ ପରେ ତାଙ୍କ ଝିଅ ଗର୍ଭବତୀ (pregnant) ଅଛି ବୋଲି ଜାଣିବାକୁ ପାଇଲେ । ଏହା ପରେ ସେ ଗୁଜୁରାଟ ହାଇକୋର୍ଟରେ ନାବାଳିକାର ଗର୍ଭପାତ ପାଇଁ ଆବେଦନ କରିଥିଲେ । ଏହା ପୂର୍ବରୁ ଭାରତରେ କେତେକ କ୍ଷେତ୍ରରେ ୨୦ ସପ୍ତାହ ପର୍ଯ୍ୟନ୍ତ ଗର୍ଭପାତକୁ ଅନୁମତି ଦିଆଯାଇଥିଲା, କିନ୍ତୁ ୨୦୨୧ ମସିହାରେ ଏହି ଆଇନର ସଂଶୋଧନ ପରେ ଏହି ସମୟ ସୀମାକୁ ୨୪ ସପ୍ତାହକୁ ବୃଦ୍ଧି କରାଯାଇଥିଲା । ତଥାପି, କେତେକ ବିଶେଷ ମାମଲାରେ, ୨୪ ସପ୍ତାହ ପରେ ମଧ୍ୟ ଗର୍ଭପାତ ପାଇଁ କୋର୍ଟରୁ ଅନୁମତି ନିଆଯାଇପାରେ ।
ତେବେ ଏହି ଘଟଣା ସାମ୍ନାକୁ ଆସିବା ପରେ ସୋସିଆଲ ମିଡିଆରେ ଅନେକ ପୋଷ୍ଟ୍ ଖୁବ୍ ଭାଇରାଲ୍ ହେବାରେ ଲାଗିଛି । ଲୋକମାନେ ପୋଷ୍ଟ ଗୁଡିକରେ ପ୍ରତିକ୍ରିୟା ରଖିବା ସହ ସେୟାର କରୁଥିବା ଦେଖିବାକୁ ମିଳିଛି । ଉକ୍ତ ରିପୋର୍ଟ ଅନୁଯାୟୀ ସମସ୍ତ ଗଣମାଧ୍ୟମ ଖବର ମଧ୍ୟ ପରିବେଶଣ କରୁଛନ୍ତି । କିଛି ଜନସାଧାରଣ କୋର୍ଟ ରାୟ ସପକ୍ଷରେ ମତ ଦେଇଥିବାବେଳେ ଆଉ କିଛି ବ୍ୟକ୍ତି ବିପକ୍ଷରେ ମତ ପ୍ରକାଶ କରୁଛନ୍ତି ।
Also read- ମାଟ୍ରିକ୍ ପରୀକ୍ଷାରେ ୩୫% ମାର୍କ ରଖି ପାସ କଲା ପୁଅ: ଖୁସିରେ ମିଠା ବାଣ୍ଟିଲେ ବାପା