Bakrid 2024: ଜୁନ୍ ୧୭ ତାରିଖ ଦିନ ଦିଲ୍ଲୀ ସମେତ ସମଗ୍ର ଦେଶରେ ଇଦ୍ ଉଲ୍ ଅଧା ପର୍ବ ପାଳନ କରାଯିବ । ବିଭିନ୍ନ ମୁସଲମାନ ଧାର୍ମିକ ଗୁରୁମାନେ ଏହି ସୂଚନା ଦେଇଛନ୍ତି ବୋଲି ଜାତୀୟ ଗଣମାଧ୍ୟମ ଏବିପି ନ୍ୟୁଜରେ ଖବର ପ୍ରକାଶିତ ହୋଇଛି । ଚାନ୍ଦନି ଚୌକରେ ଅବସ୍ଥିତ ଫତେହପୁରୀ ମସଜିଦର ଶାହି ଇମାମ, ମୁଫତି ମୁକରାମ ଅହମ୍ମଦ ଶନିବାର ଦିନ ପିଟିଆଇକୁ ସୂଚନା ଦେଇ କହିଛନ୍ତି ଯେ, ଶୁକ୍ରବାର ସନ୍ଧ୍ୟାରେ ଦିଲ୍ଲୀରେ ମେଘୁଆ ଆକାଶ ଯୋଗୁଁ ଚାନ୍ଦ ଦେଖି ହୋଇନଥିଲା । କିନ୍ତୁ ବିଳମ୍ବିତ ରାତିରେ ଦେଶର ବିଭିନ୍ନ ସ୍ଥାନରୁ ନିଶ୍ଚିତ କରାଯାଇଛି ।
ବକ୍ରିଦ କେବେ ପାଳନ କରାଯାଏ?
ଶାହି ଇମାମ ମୁଫତି ମୁକରାମ ଅହମ୍ମଦଙ୍କ କହିବାନୁଯାୟୀ, ଚଳିତଥର ଜୁନ୍ ୧୭ ରେ ଇଦ୍-ଉଲ୍-ଅଧା ପର୍ବ ପାଳନ କରାଯିବ । ସେ କହିଛନ୍ତି ଯେ ଇଦ୍-ଉଲ୍-ଫିତର ପରି, ବକ୍ରିଦ୍ ପର୍ବ ଚନ୍ଦ୍ର ଦେଖିବାର ଦଶମ ଦିନରେ ପାଳନ କରାଯାଇଥାଏ । ତେଣୁ ତୁରନ୍ତ ଘୋଷଣା କରିବାକୁ କୌଣସି ତତ୍ପରତା ନଥିଲା ଏବଂ ବିଭିନ୍ନ ସ୍ଥାନରୁ ଚନ୍ଦ୍ର ଦେଖିବାର ନିଶ୍ଚିତତାକୁ ଅପେକ୍ଷା କରାଯାଇଥିଲା ।
ଇସଲାମିକ କ୍ୟାଲେଣ୍ଡରରେ ଚନ୍ଦ୍ରଙ୍କ ଦର୍ଶନ ଉପରେ ପର୍ବ ଘୋଷଣା କରାଯାଇଥାଏ । ମୁସଲିମ ସଂଗଠନ ଇବଦାନ-ଇ-ଶାରିଆ ହିନ୍ଦ କହିଛନ୍ତି ଯେ, ଜୁନ୍ ୮ ହେଉଛି ଜିଲ୍ ହିଜା ୧୪୪୫ ର ପ୍ରଥମ ତାରିଖ । ଇସଲାମିକ୍ କ୍ୟାଲେଣ୍ଡରର ଶେଷ ମାସ ଏବଂ ଇଦ୍ ଉଲ୍-ଜୁହା ସୋମବାର ଜୁନ୍ ୧୭ ରେ ପାଳନ ହେବ।
ଗୁଜୁରାଟରେ ଚନ୍ଦ୍ର ଦୃଶ୍ୟମାନ ହୋଇଛି
ଜାମିଆତ୍ ଉଲେମା-ଏ-ହିନ୍ଦ ସହ ଜଡିତ ଏହି ସଂଗଠନ ଏକ ବିବୃତ୍ତିରେ କହିଛି ଯେ, ଗୁଜୁରାଟ ସମେତ ଦେଶର ବିଭିନ୍ନ ସ୍ଥାନରେ ବକ୍ରିଦ ଚନ୍ଦ୍ର ଦେଖାଯାଇଛନ୍ତି । ଜାମା ମସଜିଦର ପୂର୍ବତନ ଶାହି ଇମାମ ସୟଦ ଅହମ୍ମଦ ବୁଖାରୀ ମଧ୍ୟ ଜୁନ୍ ୧୭ ରେ ବକ୍ରିଦ ପର୍ବ ପାଳନ କରିବାକୁ ଘୋଷଣା କରିଥିଲେ।
ଇସଲାମୀୟ ବିଶ୍ୱାସ ଅନୁଯାୟୀ, ଭବିଷ୍ୟଦ୍ବକ୍ତା ଇବ୍ରାହିମ ଏହି ଦିନ ତାଙ୍କ ପୁଅ ଇସମାଇଲକୁ ଆଲ୍ଲାଙ୍କ ମାର୍ଗରେ ବଳିଦାନ କରିବାକୁ ଯାଉଥିଲେ। ତେଣୁ ଆଲ୍ଲା ନିଜ ପୁଅକୁ ଜୀବନ ଦେଲେ ଏବଂ ସେଠାରେ ଏକ ପଶୁ ବଳି ଦିଆଗଲା । ଯାହାର ସ୍ମୃତିରେ ଏହି ପର୍ବ ପାଳନ କରାଯାଇଥାଏ । ତିନି ଦିନ ଧରି ଚାଲିଥିବା ଏହି ପର୍ବରେ ମୁସଲମାନ ସମ୍ପ୍ରଦାୟର ଲୋକମାନେ ନିଜ ସମ୍ୱଳ ଅନୁଯାୟୀ ବଳିଦାନ କରିଥାନ୍ତି । ଯାହା ଭାରତୀୟ ନିୟମ ଅନୁଯାୟୀ ନିଷେଧ କରାଯାଇନାହିଁ । ମୁଫତି ମୁକରାମ କହିଛନ୍ତି ଯେ, “ମୁସଲମାନ ସମ୍ପ୍ରଦାୟର ଲୋକ ଯେଉଁମାନଙ୍କର ପ୍ରାୟ ୬୧୩ ଗ୍ରାମ ରୂପା କିମ୍ବା ଏହାର ଦାମ ମୁତାବକ ଟଙ୍କା କିମ୍ବା ଅନ୍ୟ କୌଣସି ସାମଗ୍ରୀ ଅଛି ସେମାନେ ବଳିଦାନ କାର୍ଯ୍ୟ କରିବାକୁ ଯୋଗ୍ୟ ବୋଲି ବିବେଚନା କରାଯାଇଥାଏ। ”
Also Read- Shukra Rashi Parivartan 2024: ଶୁକ୍ରଙ୍କ ପ୍ରଭାବରୁ ଏହି ୩ ରାଶିଙ୍କ ଭାଗ୍ୟ ପରିବର୍ତ୍ତନ
Also Read- ବେଦବ୍ୟାସ ଘାଟରେ ଅଘଟଣ, ବ୍ରାହ୍ମଣୀରେ ବୁଡି ୨ ଛାତ୍ର ମୃତ