High Court: ସାବଧାନ! ଆପଣ ଯଦି ଜଣେ ମହିଳାଙ୍କୁ 'ଡାର୍ଲିଂ' ବୋଲି ଡାକନ୍ତି ତେବେ ଯିବେ ଜେଲ୍, ଜାଣନ୍ତୁ ହାଇକୋର୍ଟଙ୍କ ରାୟ

Calcutta High Court: କଲିକତା ହାଇକୋର୍ଟ କହିଛନ୍ତି ଯେ ଯଦି ଜଣେ ବ୍ୟକ୍ତି ଜଣେ ଅଜଣା ମହିଳାଙ୍କୁ ଡାର୍ଲିଂ ବୋଲି ଡାକନ୍ତି ତେବେ ତାଙ୍କୁ ଯୌନ ନିର୍ଯାତନା ମାମଲାରେ ଦୋଷୀ ସାବ୍ୟସ୍ତ କରାଯିବ ଏବଂ ଭାରତୀୟ ଦଣ୍ଡବିଧି ଆଇନର ଧାରା ୩୫୪ଏ ଅନୁଯାୟୀ ତାଙ୍କୁ ଜେଲ ଯିବାକୁ ପଡିବ ଏବଂ ଜରିମାନା ମଧ୍ୟ ଦେବାକୁ ପଡିବ। ହାଇକୋର୍ଟର ପୋର୍ଟ ବ୍ଲେୟାର ବେଞ୍ଚର ବିଚାରପତି ଜଷ୍ଟି ଜୟ ସେନଗୁପ୍ତା କହିଛନ୍ତି ଯିଦି ଅଭିଯୁକ୍ତ ମଦ ପିଇଥାନ୍ତୁ କିମ୍ବା ଅନ୍ୟ କୌଣସି ସ୍ଥିତିରେ ଥାନ୍ତୁ ଯଦି ସେ ଜଣେ ଅଜଣା ମହିଳାଙ୍କୁ ଡାର୍ଲିଂ ବୋଲି ଡାକନ୍ତି ତେବେ ତାଙ୍କୁ ଯୌନ ଉତ୍ପୀଡ଼ନରେ ଦୋଷୀ ବୋଲି ବିବେଚନା କରାଯିବ।

ଏହା ସହିତ ଜଷ୍ଟିସ ସେନଗୁପ୍ତା ଆବେଦନକାରୀ ଅଭିଯୁକ୍ତ ଜନକ ରାମଙ୍କୁ ଦୋଷୀ ସାବ୍ୟସ୍ତ କରିଥିଲେ, ଯିଏ ମଦ୍ୟପାନ କରି ଧରାଯିବା ପରେ ଜଣେ ମହିଳା ପୋଲିସ ଅଧିକାରୀ (ଅଭିଯୋଗକାରୀ) କୁ କହିଥିଲେ, “କଣ ଡାର୍ଲିଂ ଚାଲାଣ କାଟିବାକୁ ଆସିଛ କି?”

ବାର୍ ଆଣ୍ଡ ବେଞ୍ଚ ରିପୋର୍ଟ ଅନୁଯାୟୀ, ଜଷ୍ଟିସ୍ ସେନଗୁପ୍ତା ଧାରା ୩୫୪ଏ (ଜଣେ ମହିଳାଙ୍କ ଗାରିମାକୁ ଅପମାନିତ କରିବା)ର ଉଲ୍ଲେଖ କରି କହିଛନ୍ତି ଯେ ଜଣେ ମହିଳା ପୋଲିସ୍ ଅଧିକାରୀଙ୍କ ଉପରେ ଅଭିଯୁକ୍ତଙ୍କ ବୟାନ ଯୌନ ଟିପ୍ପଣି ପରିସର ମଧ୍ୟରେ ରହିଛି ଏବଂ ଏହି ବ୍ୟବସ୍ଥା ଅଭିଯୁକ୍ତକୁ ଦଣ୍ଡିତ କରିବ। ଦଣ୍ଡର ଅଧିକାର ବିଷୟରେ ସେ କହିଛନ୍ତି ଯେ ରାସ୍ତାରେ ଜଣେ ଅଜ୍ଞାତ ମହିଳାଙ୍କୁ ପୋଲିସ କନଷ୍ଟେବଳ ହୋଇଥିଲେ ମଧ୍ୟ କୌଣସି ପୁରୁଷ ତାଙ୍କୁ ଡାର୍ଲିଂ ବୋଲି ସମ୍ୱୋଧିତ କରିପାରିବେ ନାହିଁ।

ଜଷ୍ଟିସ ସେନଗୁପ୍ତା କହିଛନ୍ତି ଯେ ମଦ୍ୟ ନିଶାରେ ହେଉ କିମ୍ବା ନହେଉ, କୌଣସି ଅଜଣା ମହିଳାଙ୍କୁ 'ଡାର୍ଲିଂ' ଶବ୍ଦ ସହିତ ସମ୍ବୋଧିତ କରିପାରିବେ ନାହିଁ ଏବଂ ଯଦି ସେ ଏହା କରିଛନ୍ତି ତେବେ ଏହା ସ୍ପଷ୍ଟ ଭାବରେ ଅପମାନଜନକ ଏବଂ ତାଙ୍କ ଶବ୍ଦ ମୂଳତଃ ଯୌନ ଟିପ୍ପଣି ଅଟେ। ଯଦିଓ ଅଭିଯୁକ୍ତ ଜଣକ କୋର୍ଟରେ ଦାବି କରିଛନ୍ତି ଯେ ସେ କହିବା ସମୟରେ ସେ ମଦ ପିଇଥିବାର କୌଣସି ପ୍ରମାଣ ନାହିଁ।

ଏହା ଉପରେ ହାଇକୋର୍ଟ କହିଛନ୍ତି, ଯଦି ଅଭିଯୁକ୍ତ ଶାନ୍ତ ଅବସ୍ଥାରେ ଥିବାବେଳେ ମହିଳା ଅଧିକାରୀଙ୍କ ଉପରେ ଏହି ଟିପ୍ପଣୀ ଦେଇଛନ୍ତି, ତେବେ ଅପରାଧ ଅଧିକ ଗମ୍ଭୀର ହୋଇଯାଏ। ଜଷ୍ଟିସ୍ ସେନଗୁପ୍ତା କହିଛନ୍ତି ଯେ ରାସ୍ତାରେ ଯିବାବେଳେ ଆମ ସମାଜ ଆପଣଙ୍କୁ କୌଣସି ଅଜ୍ଞାତ ମହିଳାଙ୍କୁ ଡାର୍ଲିଂ ବୋଲି କହିବାକୁ ଅନୁମତି ଦିଏ ନାହିଁ। ଆପଣଙ୍କୁ କହିରଖୁଛୁ ଯେ ଯୌନ ଉତ୍ପୀଡ଼ନ ମାମଲାରେ ଅପରାଧୀଙ୍କୁ ପାଞ୍ଚ ବର୍ଷ ପର୍ଯ୍ୟନ୍ତ ଜେଲଦଣ୍ଡ କିମ୍ବା ଜରିମାନା କିମ୍ବା ଉଭୟରେ ଦଣ୍ଡିତ କରାଯାଇପାରେ।