Liquid DAP​: ଅମିତ ଶାହ ଚାଷୀମାନଙ୍କ ପାଇଁ କଲେ ବଡ଼ ଘୋଷଣା, ଶୁଣି ଖୁସିରେ ନାଚି ଉଠିବେ ୧୪ କୋଟି କୃଷକ

IFFCO Nano DAP: କେନ୍ଦ୍ର ଗୃହ ମନ୍ତ୍ରୀ ଅମିତ ଶାହ (Amit Shah) ଚାଷୀଙ୍କ (Farmers) ପାଇଁ ଏକ ବଡ଼ ଘୋଷଣା କରିଛନ୍ତି । ଏହି କାରଣରୁ ଆଗାମୀ ସମୟରେ ଚାଷ କରିବାର ମୂଲ୍ୟ ୨୦ ପ୍ରତିଶତ ହ୍ରାସ କରାଯାଇପାରେ । ଅମିତ ଶାହ ଚାଷୀଙ୍କୁ ତରଳ ନାନୋ ଡି-ଆମୋନିୟମ୍ ଫସଫେଟ୍ (DAP) ଓ ତରଳ ନାନୋ ୟୁରିଆର ବ୍ୟବହାର ବୃଦ୍ଧି କରିବାକୁ ଅପିଲ୍ କରିଛନ୍ତି । ଅମିତ ଶାହ କହିଛନ୍ତି ଯେ, ଏହିସବୁ ବ୍ୟବହାର କରି ଭାରତ ସାର ଉତ୍ପାଦନରେ ଆତ୍ମନିର୍ଭରଶୀଳ ହେବ ଓ ଆମଦାନୀ ଉପରେ ନିର୍ଭରଶୀଳତା ହ୍ରାସ ପାଇବ । IFFCO ର ନାନୋ ଲିକ୍ୱିଡ୍ DAP ସାର (IFFCO Nano DAP Fertiliser) ବିକ୍ରୟ ପାଇଁ ୫୦୦ ମିଲି ବୋତଲ ବଜାରକୁ ଆଣିଛି । ଅମିତ ଶାହ କହିଛନ୍ତି ଯେ, ତରଳ ଆକାରରେ ଉପଲବ୍ଧ DAP କୃଷି ଉତ୍ପାଦନର ଗୁଣବତ୍ତା ଓ ପରିମାଣ ବୃଦ୍ଧିରେ ସହାୟକ ହେବ ।

ଅମିତ ଶାହ (Amit Shah) ଆଗକୁ କହିଛନ୍ତି ଯେ, ୫୦୦ ମିଲି ବୋତଲର ମୂଲ୍ୟ ୬୦୦ ଟଙ୍କା ଅଛି । ତରଳ DAP ପାରମ୍ପାରିକ DAP ମୂଲ୍ୟର ଅଧାରୁ କମ୍ ମୂଲ୍ୟରେ ଉପଲବ୍ଧ ଅଛି । ଆଜିର ସମୟରେ ଏକ ବ୍ୟାଗ୍ ପାରମ୍ପାରିକ DAP (୫୦ କିଲୋଗ୍ରାମ) ର ମୂଲ୍ୟ ୧,୩୫୦ ଟଙ୍କା ରହିଛି । ତରଳ DAP ର ବ୍ୟବହାର ଆମଦାନୀ ମୂଲ୍ୟ ହ୍ରାସ କରିବା ବ୍ୟତୀତ ମୃତ୍ତିକା ସଂରକ୍ଷଣ, ଅଧିକ ଫସଲ ଅମଳ, ସହଜ ପରିବହନ ଏବଂ ସଂରକ୍ଷଣରେ ସାହାଯ୍ୟ କରିବ । ଅମିତ ଶାହ (Amit Shah) କହିଛନ୍ତି ଯେ, ଭାରତର ଜନସଂଖ୍ୟାର ୬୦ ପ୍ରତିଶତ କୃଷି ଓ ଆନୁଷଙ୍ଗିକ କାର୍ଯ୍ୟକଳାପ ସହିତ ଜଡିତ । ଏହି 'ବୈପ୍ଳବିକ ବିକାଶ' ସାର କ୍ଷେତ୍ରରେ ଦେଶକୁ 'ଆତ୍ମନିର୍ଭରଶୀଳ' କରିବାରେ ସାହାଯ୍ୟ କରିବ ।

୨୦୨୨-୨୩ ଆର୍ଥିକ ବର୍ଷରେ ସାର ସବସିଡି ବିଲ୍ ଥିଲା ୨.୨୫ ଲକ୍ଷ କୋଟି ଟଙ୍କା । ଅମିତ ଶାହ (Amit Shah) ଆହୁରି କହିଛନ୍ତି ଯେ, ନାନୋ ଡିଏପି (Nano DAP) ବ୍ୟବହାର କରିବା ଦ୍ୱାରା କୃଷକମାନଙ୍କ ଫସଲ ଉତ୍ପାଦନ ପାଇଁ ହେଉଥିବା ଖର୍ଚ୍ଚ ମୂଲ୍ୟ ହ୍ରାସ କରିବାରେ ସାହାଯ୍ୟ କରିବ । ଏହାଦ୍ୱାରା ମୂଲ୍ୟ ୬ରୁ ୨୦ ପ୍ରତିଶତ ହ୍ରାସ ପାଇବ । ଅମିତ ଶାହ କହିଛନ୍ତି ଯେ, ଇଫ୍କୋ (IFFCO) ୨୦ ବର୍ଷ ପାଇଁ ନାନୋ ୟୁରିଆ (Nano Urea) ଓ ନାନୋ ଡିଏପି (Nano DAP) ପାଇଁ ପେଟେଣ୍ଟ ପାଇଛି । IFFCO ସମବାୟ ସଂସ୍ଥାକୁ ଉତ୍ପାଦ ବ୍ୟବହାର ବଦଳରେ ରୟାଲଟି ପାଇବ । IFFCO କହିଛି ଯେ ଗୁଜୁରାଟର କାଲୋଲ, କାଣ୍ଡଲା ଏବଂ ଓଡ଼ିଶାର ପାରାଦୀପରେ ନାନୋ DAP ସାର ଉତ୍ପାଦନ ପାଇଁ ତାର ଉତ୍ପାଦନ ସୁବିଧା ଆରମ୍ଭ କରିଛି ।

ଅଧିକ ପଢ଼ନ୍ତୁ-ଟିମ୍ ଇଣ୍ଡିଆକୁ ଲାଗିଲା ବଡ଼ ଝଟକା, ଏସିଆ କପ୍ ଓ ODI ବିଶ୍ୱକପରୁ ବାହାର ହେଲେ ଏହି ଖତରନାକ୍ ଖେଳାଳି!

ଅଧିକ ପଢ଼ନ୍ତୁ-କେନ୍ଦ୍ର କର୍ମଚାରୀଙ୍କ ପାଇଁ ୨ ଦିନ ପରେ ଆସିବ ବଡ଼ ଖୁସି ଖବର; ପୁଣି ଏତେ ବଢ଼ିଯିବ ଦରମା, ଆକାଉଣ୍ଟକୁ ଆସିବ ମୋଟା ଅଙ୍କର ଟଙ୍କା

ଅଧିକ ପଢ଼ନ୍ତୁ-ଟିମ୍ ଇଣ୍ଡିଆର ଘୋଷଣା ହେବା ମାତ୍ରେ ଶେଷ ହେଲା ଏହି ଖେଳାଳିଙ୍କ ଟେଷ୍ଟ କ୍ୟାରିୟର! ଚୟନକର୍ତ୍ତା ଦଳରୁ କଲେ ବାହାର

ଚଳିତ ବର୍ଷ କାଲୋଲ ପ୍ଲାଣ୍ଟରେ ୨୫ ଲକ୍ଷ ଟନ୍ DAP ସହିତ ବରାବର ନାନୋ ଡିଏପିର (Nano DAP) ୫ କୋଟି ବୋତଲ ଉତ୍ପାଦନ ହେବ । ନାନୋ DAP ଗୋଟିଏ ବୋତଲରେ ୮ ପ୍ରତିଶତ ନାଇଟ୍ରୋଜେନ ଓ ୧୬ ପ୍ରତିଶତ ଫସଫରସ୍ ଧାରଣ କରିଥାଏ । ଯାହା ବିଦ୍ୟମାନ DAP ର ୫୦ କିଲୋଗ୍ରାମ ବ୍ୟାଗ ସହିତ ସମାନ । IFFCO ଚେୟାରମ୍ୟାନ୍ ଦିଲୀପ ସାଙ୍ଗାନି କହିଛନ୍ତି ଯେ, କୃଷକଙ୍କ ଆୟ ବୃଦ୍ଧି ତଥା ସେମାନଙ୍କୁ ଏକ ଉତ୍ତମ ଭବିଷ୍ୟତ ଯୋଗାଇଦେବା ଲକ୍ଷ୍ୟରେ 'ସହକାରୀରୁ ସମୃଦ୍ଧତା ଓ ଆତ୍ମନିର୍ଭରଶୀଳ ଭାରତ'ର ପ୍ରଧାନମନ୍ତ୍ରୀ ମୋଦିଙ୍କ ଦୃଷ୍ଟିଭଙ୍ଗୀ ଅନୁଯାୟୀ ନାନୋ ଡିଏପି ଡିଜାଇନ୍ କରାଯାଇଛି ।