7th Pay Commission: କେନ୍ଦ୍ରୀୟ କର୍ମଚାରୀଙ୍କ (Central Government employee) ପାଇଁ ପୁଣିଥରେ ଏକ ବଡ଼ ଖବର ଆସିପାରେ । ୨୦୨୩ ବର୍ଷରେ ଦ୍ୱିତୀୟ ଥର ପାଇଁ କେନ୍ଦ୍ର ସରକାର ମହଙ୍ଗା ଭତ୍ତା ବୃଦ୍ଧି (DA hike) କରିବାକୁ ଘୋଷଣା କରିପାରନ୍ତି । ସରକାର ଚଳିତ ବର୍ଷ ଜାନୁଆରୀରେ ମଧ୍ୟ ସରକାର ୪ ପ୍ରତିଶତ ମହଙ୍ଗା ଭତ୍ତା ବଢାଇବାକୁ ଘୋଷଣା କରିଥିଲେ । କେନ୍ଦ୍ର ସରକାର ପ୍ରତିବର୍ଷ ଦୁଇଥର ଅର୍ଥାତ୍ ପ୍ରତି ଅଧା ବର୍ଷରେ ଦୁଇଥର ମହଙ୍ଗା ଭତ୍ତା ବୃଦ୍ଧି କରନ୍ତି । ଜାନୁଆରୀରେ ପ୍ରଥମାର୍ଦ୍ଧ ଘୋଷଣା ହୋଇଥିବାବେଳେ, ଦ୍ୱିତୀୟାର୍ଦ୍ଧ ଅର୍ଥାତ ଆସନ୍ତା କିଛି ମାସ ମଧ୍ୟରେ ପୁଣିଥରେ ଏହା ଘୋଷଣା କରାଯାଇପାରେ ।
ସୂତ୍ରରୁ ପ୍ରକାଶ ଯେ ଏଥର ମହଙ୍ଗା ଭତ୍ତା ସହିତ ଫିଟମେଣ୍ଟ ଫ୍ୟାକ୍ଟର୍ (Fitment Factor) ଉପରେ ମଧ୍ୟ ନିଷ୍ପତ୍ତି ନିଆଯାଇପାରେ । ଗତ କିଛି ବର୍ଷ ଧରି ଫିଟମେଣ୍ଟ ଫ୍ୟାକ୍ଟର୍ ସ୍ଥିର ହୋଇନାହିଁ । ବିଶ୍ୱାସ କରାଯାଏ ଯେ ଏଥର ଫିଟମେଣ୍ଟ ବିଷୟରେ କିଛି ନିଷ୍ପତ୍ତି ନିଆଯାଇପାରେ । ଏହା ବ୍ୟତୀତ ସୂତ୍ର ଏହା ମଧ୍ୟ କହିଛି ଯେ ଏଥର ମଧ୍ୟ ମୋଦି ସରକାର DA କୁ ୪ ପ୍ରତିଶତ ବୃଦ୍ଧି କରିବାକୁ ନିଷ୍ପତ୍ତି ନେଇପାରନ୍ତି । ମୁଦ୍ରାସ୍ଫୀତି ଦୃଷ୍ଟିରୁ ଏହି ପଦକ୍ଷେପ ନିଆଯାଇପାରେ, ଯେଉଁଥିପାଇଁ ଦରମା ବୃଦ୍ଧି ପାଇବ ।
ତୃତୀୟ ଥର ପାଇଁ ବୃଦ୍ଧି ପାଇବ ୪ ପ୍ରତିଶତ DA
ଗତ ଦୁଇ ବର୍ଷ ମଧ୍ୟରେ ଡିଏ ଉପରେ ନିଷ୍ପତ୍ତି ନେଉଥିବାବେଳେ ମୋଦୀ ସରକାର ମୁଦ୍ରାସ୍ଫୀତିର ବିଶେଷ ଯତ୍ନ ନେଇଥିଲେ ଓ ଉଭୟ ଥର DA କୁ ୪ ପ୍ରତିଶତ ଲେଖାଏଁ ବୃଦ୍ଧି କରିଛନ୍ତି । ଜାନୁଆରୀରେ, ଡିଏକୁ ୪ ପ୍ରତିଶତ ବୃଦ୍ଧି କରି ୩୮ ପ୍ରତିଶତରୁ ୪୨ ପ୍ରତିଶତକୁ ବୃଦ୍ଧି କରାଯାଇଥିଲା । ଯଦି ଏଥର ମଧ୍ୟ DA ରେ ୪ ପ୍ରତିଶତ ବୃଦ୍ଧି ହୁଏ, ତେବେ ଏହା ୪୬ ପ୍ରତିଶତକୁ ବୃଦ୍ଧି ପାଇବ । ଅର୍ଥାତ, ମୌଳିକ ବେତନର ୪୬ ପ୍ରତିଶତ କର୍ମଚାରୀଙ୍କୁ ମହଙ୍ଗା ଭତ୍ତା ଭାବରେ ଦିଆଯିବ ।
କେତେ ବୃଦ୍ଧି ପାଇବ ଦରମା?
ଯଦି ସରକାରୀ ଦରମା ଏହାର ବେସିକର ୪୬% ରେ ପହଞ୍ଚେ, ଏହାର ଅର୍ଥ ହେଉଛି କର୍ମଚାରୀ ବେତନ ପ୍ରାୟ ଦେଢ ଗୁଣ ବୃଦ୍ଧି ପାଇବ । ଧରାଯାଉ ଜଣେ କର୍ମଚାରୀଙ୍କ ବେସିକ୍ ଦରମା ୪୦,୦୦୦ ଟଙ୍କା, ତେବେ ଯଦି ବର୍ତ୍ତମାନ DA ୪୨% । ତେବେ ଯଦି ଏହା ୪ ପ୍ରତିଶତ ବୃଦ୍ଧି ହୁଏ, ତେବେ ମୋଟ DA ୪୬ ପ୍ରତିଶତ ହେବ । ଏହାର ଅର୍ଥ ହେଉଛି DA ରେ ୧,୬୦୦୦ ଟଙ୍କା ବୃଦ୍ଧି ହେବ । ଅର୍ଥାତ୍ ଜୁଲାଇରୁ ବର୍ଦ୍ଧିତ ଦରମା ୫୮,୪୦୦ ଟଙ୍କା ହୋଇଯିବ ।
ଫିଟମେଣ୍ଟ ଫ୍ୟାକ୍ଟର୍ ଉପରେ ମଧ୍ୟ ହେବ ବଡ ନିଷ୍ପତ୍ତି
ବିଶ୍ୱାସ କରାଯାଉଛି ଯେ ଏଥର ସରକାର ଫିଟମେଣ୍ଟ ଫ୍ୟାକ୍ଟର ଉପରେ ମଧ୍ୟ ଏକ ବଡ ନିଷ୍ପତ୍ତି ନେଇପାରନ୍ତି । ଦୀର୍ଘ ବର୍ଷ ଧରି ଏହି ପ୍ରସଙ୍ଗ ଅଟକି ରହିଥିଲା, କିନ୍ତୁ କେନ୍ଦ୍ରରୁ ଏଭଳି ଖବର ଆସିବା ପରେ ବର୍ତ୍ତମାନ ଏକ ନୂତନ ବେତନ କମିଶନ ଗଠନ ହେବ ନାହିଁ । ଫିଟମେଣ୍ଟ ଫ୍ୟାକ୍ଟର୍ କାର୍ଯ୍ୟକାରୀ ହୋଇପାରେ ବୋଲି ଆଶା କରାଯାଉଛି । ବର୍ତ୍ତମାନ ଫିଟମେଣ୍ଟ ଫ୍ୟାକ୍ଟର୍ ହେଉଛି ୨.୫୭, ଯାହାର ଅର୍ଥ ହେଉଛି କର୍ମଚାରୀଙ୍କ ବେତନ ସେମାନଙ୍କ ବେସିକ ୨.୫୭ ପ୍ରତିଶତରେ ଦିଆଯାଇଛି । ଏହାକୁ ୩.୬୮ ପ୍ରତିଶତକୁ ବୃଦ୍ଧି କରିବାର ଚାହିଦା ବହୁ ବର୍ଷ ଧରି ଚାଲିଆସୁଛି ।
ଏହା ବି ପଢନ୍ତୁ: Suraj Tiwari: ଟ୍ରେନ୍ ଦୁର୍ଘଟଣାରେ କଟି ଯାଇଥିଲା ହାତ ଓ ଗୋଡ, ବର୍ତ୍ତମାନ ୟୁପିଏସି ରେଜଲ୍ଟ ଆସିବା ପରେ ସୁରଜଙ୍କୁ ସଲାମ କରୁଛି ଦୁନିଆ