Top 10 News Today | 16 March | Evening: H1: Odisha Election 2024 Schedule: ନିର୍ବାଚନ ଆୟୋଗ ଓଡି଼ଶାରେ ଏକକାଳୀନ ହେବାକୁ ଥିବା ଲୋକସଭା ଓ ବିଧାନସଭା ନିର୍ବାଚନର ସମ୍ପୂର୍ଣ୍ଣ କାର୍ଯ୍ୟସୂଚୀ ଘୋଷଣା କରିଛି। ଏକ ସାମ୍ୱାଦିକ ସମ୍ମିଳନୀରେ ECI ସୂଚନା ଦେଇଛି ଯେ ଓଡିଶାରେ ନିର୍ବାଚନ ୧୩ ମଇ ୨୦୨୪ ରୁ ଚାରିଟି ପର୍ଯ୍ୟାୟରେ ହେବ। ନିର୍ବାଚନ ଆୟୋଗ ଅନୁଯାୟୀ ୧୩, ୨୦, ୨୫ ମେ' ଓ ୧ ଜୁନରେ ଓଡି଼ଶାରେ ମତଦାନ ଅନୁଷ୍ଠିତ ହେବାକୁ ନେଇ ଘୋଷଣା କରିଛି। ଚତୁର୍ଥ, ପଞ୍ଚମ, ଷଷ୍ଠ ଓ ସପ୍ତମ ପର୍ଯ୍ୟାୟରେ ୧୪୭ଟି ବିଧାନସଭା ନିର୍ବାଚନମଣ୍ଡଳୀ ପାଇଁ ଓଡିଶାରେ ଭୋଟ୍ ଗ୍ରହଣ କରାଯିବ ବୋଲି ECI ସୂଚନା ଦେଇଛି।
H2: Lok Sabha Election 2024 Schedule: ଲୋକସଭା ନିର୍ବାଚନ ୨୦୨୪ କୁ ନେଇ ନିର୍ବାଚନ ଆୟୋଗ ତାରିଖ ଘୋଷଣା କରିଛନ୍ତି। ମୁଖ୍ୟ ନିର୍ବାଚନ କମିଶନର ରାଜୀବ କୁମାର କହିଛନ୍ତି ଯେ ଏଥର ନିର୍ବାଚନ ୭ଟି ପର୍ଯ୍ୟାୟରେ ହେବ। ଭୋଟ୍ ଗଣନା ୪ ଜୁନରେ ହେବ। ସାମ୍ବାଦିକ ସମ୍ମିଳନୀ ଆରମ୍ଭରେ ମୁଖ୍ୟ ନିର୍ବାଚନ କମିଶନର ରାଜୀବ କୁମାର କହିଛନ୍ତି ଯେ ଆମ ଟିମ୍ ବର୍ତ୍ତମାନ ସଂପୂର୍ଣ୍ଣ ପ୍ରସ୍ତୁତ, ଆମେ ଭାରତୀୟ ଗଣତନ୍ତ୍ରର ସବୁଠାରୁ ବଡ ଉତ୍ସବ ପାଇଁ ସମ୍ପୂର୍ଣ୍ଣ ପ୍ରସ୍ତୁତ।
H3: Odisha Cabinet approves 14 proposals: ରାଜ୍ୟ ମନ୍ତ୍ରୀମଣ୍ଡଳର ୭୭ ତମ ବୈଠକ ଆଜି ଅନୁଷ୍ଠିତ ହୋଇଛି। ଏଥିରେ ୭ଟି ବିଭିନ୍ନ ବିଭାଗର ୧୪ ଟି ପ୍ରସ୍ତାବକୁ କ୍ୟାବିନେଟ୍ ପାରିତ କରିଛନ୍ତି। ଲୋକ ସେବା ଭବନର ତୃତୀୟ ମହଲା ସମ୍ମିଳନୀ କକ୍ଷରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ଏହା ଅନୁଷ୍ଠିତ ହୋଇଥିଲା। ପରେ ରାଜ୍ୟ କ୍ୟାବିନେଟ ବୈଠକର ନିଷ୍ପତ୍ତି ସଂପର୍କରେ ରାଜ୍ୟ ଜଳ ସମ୍ପଦ, ବାଣିଜ୍ୟ ଓ ପରିବହନ ମନ୍ତ୍ରୀ ଟୁକୁନି ସାହୁ, ମୁଖ୍ୟ ଶାସନ ସଚିବ ପ୍ରଦୀପ କୁମାର ଜେନା, ଉନ୍ନୟନ କମିଶନର ତଥା ଅତିରିକ୍ତ ମୁଖ୍ୟ ଶାସନ ସଚିବ ଅନୁ ଗର୍ଗ, ଅତିରିକ୍ତ ମୁଖ୍ୟ ଶାସନ ସଚିବ ସତ୍ୟବ୍ରତ ସାହୁ, ପ୍ରମୁଖ ଶାସନ ସଚିବ ସୁରେଶ କୁମାର ବଶିଷ୍ଠ ଏ ସମ୍ପର୍କରେ ସୂଚନା ଦେଇଥିଲେ।
H4: Odisha Weather Update: ବିଭିନ୍ନ ଜିଲ୍ଲାର ଅନେକ ସ୍ଥାନ ଗୁଡିକରେ ହାଲୁକାରୁ ମଧ୍ୟମ ଧରଣର ବର୍ଷା ହେବା ନେଇ ଆକଳନ କରିଛି ପାଣିପାଗ ବିଭାଗ। ଆସନ୍ତାକାଲି ତଥା ୧୭ ମାର୍ଚ୍ଚ (ରବିବାର) ଦିନ ରାଜ୍ୟର ବିଭିନ୍ନ ସ୍ଥାନରେ ବର୍ଷା ହେବାର ସମ୍ଭାବନା ରହିଛି। ଏଥିସହ ଅନେକ ଜିଲ୍ଲାରେ ବଜ୍ରପାତ ହେବାର ସମ୍ଭାବନା ରହିଛି। ଜିଲ୍ଲା ଗୁଡିକ ମଧ୍ୟରେ ରହିଛି ଦେବଗଡ଼, ଅନୁଗୋଳ, ଢେଙ୍କାନାଳ, କେନ୍ଦୁଝର, ଯାଜପୁର, କଟକ, ଭଦ୍ରକ, ବରଗଡ଼, ସୋନପୁର, ସମ୍ୱଲପୁର, ଝାରସୁଗୁଡ଼ା, ସୁନ୍ଦରଗଡ଼, ବାଲେଶ୍ୱର ଏବଂ ମୟୂରଭଞ୍ଜ। ଏହିସବୁ ଜିଲ୍ଲା ପାଇଁ ୟେଲୋ ୱାର୍ଣ୍ଣିଂ ଜାରି କରିଛି ପାଣିପାଗ ବିଭାଗ।
H5: Jammu-Kashmir Election: ଲୋକସଭା ନିର୍ବାଚନ ୨୦୨୪ ତାରିଖ ଘୋଷଣା ହେବା ପରେ ନିର୍ବାଚନ ଆୟୋଗ କହିଛନ୍ତି ଯେ ଲୋକସଭା ନିର୍ବାଚନ ପରେ ତୁରନ୍ତ ଜମ୍ମୁ କାଶ୍ମୀରରେ ବିଧାନସଭା ନିର୍ବାଚନ ଅନୁଷ୍ଠିତ ହେବ। ଜମ୍ମୁ କାଶ୍ମୀରରେ ବିଧାନସଭା ନିର୍ବାଚନ ସମ୍ପର୍କରେ ମୁଖ୍ୟ ନିର୍ବାଚନ କମିଶନର ରାଜୀବ କୁମାର କହିଛନ୍ତି ଯେ ସୁରକ୍ଷା କାରଣରୁ ଜମ୍ମୁ କାଶ୍ମୀରରେ ଏକକାଳୀନ ଲୋକସଭା ଓ ବିଧାନସଭା ନିର୍ବାଚନ ସମ୍ଭବ ନୁହେଁ। ଲୋକସଭା ନିର୍ବାଚନ ସମାପ୍ତ ହେବା ପରେ ରାଜ୍ୟରେ ବିଧାନସଭା ନିର୍ବାଚନ ଅନୁଷ୍ଠିତ ହେବ।
H6: Holi Special Trains 2024: ହୋଲି ଆସିବାକୁ ଯାଉଛି। ଏଭଳି ପରିସ୍ଥିତିରେ, ନିଜ ପରିବାରଠାରୁ ଦୂରରେ ରହୁଥିବା ଲୋକମାନେ ପର୍ବ ପାଳନ କରିବାକୁ ଘରକୁ ଯିବାକୁ ପ୍ରସ୍ତୁତ ହେଉଛନ୍ତି। ଦେଶର ପ୍ରତ୍ୟେକ ବ୍ୟକ୍ତି ଏହି ପର୍ବ ପାଳନ କରିବାକୁ ସୁନିଶ୍ଚିତ କରିବା ପାଇଁ, ଭାରତୀୟ ରେଳବାଇ ଏହି ଅବସରରେ ଅନେକ ସମୟରେ ସ୍ୱତନ୍ତ୍ର ଟ୍ରେନ୍ ଚଲାଇଥାଏ। ରେଳବାଇ ଏହି ବର୍ଷ ପୁଣି ଥରେ ୧୭ଟି ହୋଲି ସ୍ୱତନ୍ତ୍ର ଟ୍ରେନ୍ ଚଲାଇବାକୁ ନିଷ୍ପତ୍ତି ହୋଇଛି।
H7: Financial upgradation for postal workers: ଡାକ ସେବକଙ୍କ ପାଇଁ ଆସିଲା ଖୁସି ଖବର। ଡାକ ବିଭାଗରେ କାର୍ଯ୍ୟ କରୁଥିବା ୨.୫୬ ଲକ୍ଷରୁ ଅଧିକ ଗ୍ରାମୀଣ ଡାକ ସେବକଙ୍କୁ ମିଳିବ ଆର୍ଥିକ ସହାୟତା। ଏନେଇ କେନ୍ଦ୍ରମନ୍ତ୍ରୀ ଅଶ୍ୱିନୀ ବୈଷ୍ଣବ ଶୁକ୍ରବାର ଦିନ ଏକ ବଡ଼ ନିଷ୍ପତ୍ତି ନେଇଛନ୍ତି। GDS ଙ୍କର ସେବା ସ୍ଥିତିରେ ଉନ୍ନତି ଆଣିବା ପାଇଁ ଆର୍ଥିକ ସହାୟତା ଯୋଜନା କାର୍ଯ୍ୟକାରୀ କରିବାକୁ ନିଷ୍ପତ୍ତି ନେଇଛୁ ବୋଲି କହିଛନ୍ତି ଅଶ୍ୱିନୀ ବୈଷ୍ଣବ।
H8: Anuradha Paudwal Joins BJP: ବିଜେପିରେ ଯୋଗଦେବା ପରେ ଗାୟକ ଅନୁରାଧା ପୌଡୱାଲ କହିଛନ୍ତି, ମୁଁ ଖୁସି ଯେ ମୁଁ ସରକାରରେ ଯୋଗ ଦେଉଛି ଯାହାର ସନାତନ (ଧର୍ମ) ସହିତ ଗଭୀର ସମ୍ପର୍କ ଅଛି। ଆଜି ମୋର ବିଜେପିରେ ଯୋଗଦେବା ସୌଭାଗ୍ୟ। ପୌଡୱାଲ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ପ୍ରଶଂସା କରିବା ସହ ମୋଦୀ ନେତୃତ୍ୱାଧୀନ ଦଳରେ ଯୋଗ ଦେଇ ଖୁସି ଥିବା କହିଛନ୍ତି। ବିଜେପିରେ ଯୋଗଦେବା ପରେ ଅନୁରାଧା ପୌଡୱାଲ ସାମ୍ବାଦିକ ସମ୍ମିଳନୀରେ ଜୟ ଶ୍ରୀ ରାମଙ୍କ ସ୍ଲୋଗାନ ଦେଇଥିଲେ।
H9: Asaduddin Owaisi On CAA: ଅସଦୁଦ୍ଦିନ ଓୱେସି ଶନିବାର ଦିନ ନାଗରିକତ୍ୱ ସଂଶୋଧନ ଅଧିନିୟମ (CAA)କୁ ନେଇ ସୁପ୍ରିମକୋର୍ଟରେ ଏକ ପିଟିସନ ଦାଖଲ କରିଛନ୍ତି। ପ୍ରକ୍ରିୟା ବିଚାରାଧୀନ ନହେବା ପର୍ଯ୍ୟନ୍ତ ନାଗରିକତା ଆବେଦନ ଉପରେ ବିଚାର ନକରିବାକୁ ଓୱେସି କୋର୍ଟଙ୍କଠାରୁ ନିର୍ଦ୍ଦେଶ ଲୋଡିଥିଲେ। ମାର୍ଚ୍ଚ ୧୯ ରେ ସୁପ୍ରିମକୋର୍ଟ CAA ଆବେଦନ ଉପରେ ଶୁଣାଣି କରିବେ।
H10: IPL 2024: ଆଇପିଏଲ୍ ୨୦୨୪ ମାର୍ଚ୍ଚ ୨୨ ରୁ ଆରମ୍ଭ ହେବାକୁ ଯାଉଛି। ଲୋକସଭା ନିର୍ବାଚନକୁ ଦୃଷ୍ଟିରେ ରଖି ବିସିସିଆଇ ଆଇପିଏଲର ଦ୍ୱିତୀୟ ପର୍ଯ୍ୟାୟର କାର୍ଯ୍ୟସୂଚୀ ଘୋଷଣା କରିନାହିଁ। ପ୍ରଥମ ପର୍ଯ୍ୟାୟରେ ୭ ଏପ୍ରିଲ ପର୍ଯ୍ୟନ୍ତ ଭାରତରେ ୨୧ ଟି ମ୍ୟାଚ୍ ଖେଳାଯିବ। ତେବେ ୧୭ ତମ ସିଜନର ଦ୍ୱିତୀୟ ପର୍ଯ୍ୟାୟ ଭାରତ ବାହାରେ ଆୟୋଜିତ ହୋଇପାରେ। ଶନିବାର ଦିନ ଲୋକସଭା ନିର୍ବାଚନର ତାରିଖ ଘୋଷଣା କରାଯାଇଛି, ବର୍ତ୍ତମାନ ବିସିସିଆଇ ଏ ବାବଦରେ ଏକ ବଡ ନିଷ୍ପତ୍ତି ନେଇପାରେ। ସଂଯୁକ୍ତ ଆରବ ଏମିରେଟ୍ସ (ୟୁଏଇ) କୁ ଆଇପିଏଲ୍ ସ୍ଥାନାନ୍ତର କରାଯାଇପାରେ।