Top 10 News Headlines Today in Odia | 18th February 2024 | 1. Paytm Crisis: ଆରବିଆଇ ଏହା ସ୍ପଷ୍ଟ କରିଛି ଯେ ପେଟିଏମର ମର୍ଚ୍ଚେଣ୍ଟ ସର୍ଭିସ ଅର୍ଥାତ୍ ସାଉଣ୍ଡବକ୍ସ, QR କୋଡ୍ ଏବଂ କାର୍ଡ ମେସିନ୍ ବ୍ୟବହାର କରିବା ୧୫ ମାର୍ଚ୍ଚ ୨୦୨୪ ପରେ ମଧ୍ୟ ଜାରି ରହିବ। ଏହାର ଅର୍ଥ ହେଉଛି ପେଟିଏମ୍ ଚଳାଉଥିବା ବ୍ୟବସାୟୀ କିମ୍ବା ଦୋକାନୀମାନେ ଏହି ସେବାଗୁଡିକ ସମୟସୀମା ପରେ ମଧ୍ୟ ବିନା କୌଣସି ଅସୁବିଧାରେ ବ୍ୟବହାର କରିପାରିବେ।
2. Odisha Weather: ଆସନ୍ତା ଦୁଇ ଦିନ ମଧ୍ୟରେ ଘନ କୁହୁଡ଼ି ଓଡିଶାର ଅନେକ ସ୍ଥାନରେ ଦେଖାଯିବା ବେଳେ ସାରା ରାଜ୍ୟରେ ପାଗ ଶୁଖିଲା ରହିପାରେ। ତେବେ ଶୁକ୍ରବାର ଏବଂ ଶନିବାର ଦିନ କେତେକ ସ୍ଥାନରେ ହାଲୁକା ବର୍ଷା ହୋଇପାରେ ବୋଲି ଭାରତ ପାଣିପାଗ ବିଭାଗ (ଆଇଏମଡି) ରବିବାର ଦିନ ନିଜ ବୁଲେଟିନ୍ରେ କହିଛି।
3. IGNOU Admission 2024: ଇନ୍ଦିରା ଗାନ୍ଧୀ ନ୍ୟାସନାଲ ଓପନ୍ ୟୁନିଭରସିଟି (IGNOU) ନୂଆ ଆଡମିଶନ ପାଇଁ ପଞ୍ଜୀକରଣର ଶେଷ ତାରିଖକୁ ପୁଣି ଥରେ ଘୁଞ୍ଚାଇ ଦେଇଛି। ଯେଉଁ ପ୍ରାର୍ଥୀମାନେ ଏପର୍ଯ୍ୟନ୍ତ ପଞ୍ଜୀକୃତ କରିନାହାଁନ୍ତି ସେମାନେ ବର୍ତ୍ତମାନ ୨୯ ଫେବୃଆରୀ ୨୦୨୪ ମଧ୍ୟରେ ପଞ୍ଜୀକୃତ କରିପାରିବେ। କେବଳ ଅନଲାଇନ୍ ମୋଡ୍ ମାଧ୍ୟମରେ ପଞ୍ଜୀକରଣ କରାଯାଇପାରିବ।
4. Farmers Protest: ଦେଶରେ ଚାଷୀମାନେ ପୁଣି ଥରେ କିଛି ଦିନ ହେବ ଆନ୍ଦୋଳନ କରୁଛନ୍ତି। ୨୦୨୪ ଲୋକସଭା ନିର୍ବାଚନ ପୂର୍ବରୁ କୃଷକମାନେ ସେମାନଙ୍କ ଦାବି ସମ୍ପର୍କରେ କେନ୍ଦ୍ର ଉପରେ ଚାପ ପକାଇବାକୁ ଚେଷ୍ଟା କରୁଥିବାବେଳେ ମୋଦୀ ସରକାର ମଧ୍ୟ ଚାଷୀଙ୍କ ସହ ଶତ୍ରୁତା କରିବାକୁ ଚାହୁଁନାହାଁନ୍ତି। ଚତୁର୍ଥ ଥର ପାଇଁ ଚଣ୍ଡିଗଡ଼ରେ କୃଷକ ଓ କେନ୍ଦ୍ର ମନ୍ତ୍ରୀମାନେ ଆଲୋଚନା ଟେବୁଲରେ ବସିବେ। ଆଶା କରାଯାଏ ଯେ କିଛି ମଧ୍ୟମ ରାସ୍ତା ନିଶ୍ଚିତ ଭାବରେ ମିଳିବ।
5. Cuttack Road Accident: ସ୍କୁଟି ସହ ଟ୍ରକ୍ ମୁହାଁମୁହିଁ ଧକ୍କା ହେବା ଫଳରେ ଜଣେ ମହିଳାଙ୍କର ମୃତ୍ୟୁ ହେବା ସହ ମହିଳାଙ୍କ ସ୍ୱାମୀ ଏବଂ ଝିଅ ଗୁରୁତର ଆହତ ହୋଇଛନ୍ତି । କଟକ ନୂଆବଜାର ଛକ ନିକଟରେ ଏପରି ଏକ ମର୍ମନ୍ତୁତ ଦୁର୍ଘଟଣା ଘଟିଛି । ସୂଚନା ମୁତାବକ, କନ୍ଦରପୁର ଅଞ୍ଚଳର ଦୀପକ ରାଉତ ଏକ ସ୍କୁଟିରେ ପତ୍ନୀ ସାରଥୀ ରାଉତ ଏବଂ ଝିଅଙ୍କ ସହିତ ବଜାର ଆସୁଥିବା ସମୟରେ ଚାଉଳିଆଗଞ୍ଜ ଛକ ଆଡୁ ଏକ ଟ୍ରକ୍ ଦୃତଗତ୍ତିରେ ଆସି ସ୍କୁଟିକୁ ଧକ୍କା ଦେଇଥିଲା
6. Varun Dhawan shares Good News: ବଲିଉଡର ଲୋକପ୍ରିୟ ଅଭିନେତା ବରୁଣ ଧାୱନ ପିତା ହେବାକୁ ଯାଉଛନ୍ତି। ସେ ଏହି ଖବର ୧୮ ଫେବୃଆରୀ ଅର୍ଥାତ୍ ଆଜି ସେୟାର କରିଛନ୍ତି। ବରୁଣ ତାଙ୍କ ପତ୍ନୀ ନତାଶା ଦଲାଲଙ୍କ ସହ ଏକ ଫଟୋ ସେୟାର କରିଛନ୍ତି, ଯେଉଁଥିରେ ସେ ତାଙ୍କ ପତ୍ନୀଙ୍କ ବେବି ବମ୍ଫ ନଜର ଆସୁଛି। ବରୁଣଙ୍କ ଏହି ଫଟୋରେ ତାଙ୍କ ପ୍ରଶଂସକ, ତାଙ୍କ ସହ-ତାରକା ଏବଂ ଅନ୍ୟାନ୍ୟ ବଲିଉଡ ତାରକା ମଧ୍ୟ ତାଙ୍କୁ ଅଭିନନ୍ଦନ ଜଣାଇଛନ୍ତି।
7. Odisha News: ୫ଟି ଉପକ୍ରମରେ ''ଆମ ହସପିଟାଲ'' (ama hospital) ଯୋଜନାରେ ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଦ୍ୱାରା ଜଗତସିଂହପୁର ଜିଲ୍ଲା ମୁଖ୍ୟ ଚିକିତ୍ସାଳୟର ୧୦୦ ଶଯ୍ୟା ବିଶିଷ୍ଟ ମାତୃ ଓ ଶିଶୁ ସ୍ୱାସ୍ଥ୍ୟ କେନ୍ଦ୍ରର ଲୋକାର୍ପଣ ହୋଇଯାଇଛି। ଜିଲ୍ଲାର ଅନ୍ୟ ୪ଟି ହସ୍ପିଟାଲ ବିରିଡି ପ୍ରାଥମିକ ଚିକିତ୍ସାଳୟ,ମଣିଜଙ୍ଗା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର, ବାଲିକୁଦା ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ର ଓ ରଘୁନାଥପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଆମ ହସ୍ପିଟାଲ ଯୋଜନାରେ ଉନ୍ନତିକରଣ କରାଯାଇଥିବା ବେଳେ ମୁଖ୍ୟମନ୍ତ୍ରୀ ସେଗୁଡିକୁ ଲୋକାର୍ପିତ କରିଛନ୍ତି ।
8. Pakistan Election Rigging News: ପାକିସ୍ତାନରେ ଅନୁଷ୍ଠିତ ସାଧାରଣ ନିର୍ବାଚନର ଫଳାଫଳର ଭବିଷ୍ୟତ କ’ଣ ହେବ ସେନେଇ ପରିସ୍ଥିତି ସ୍ପଷ୍ଟ ହୋଇନାହିଁ। ଏବେ ସାଧାରଣ ନିର୍ବାଚନ ମଧ୍ୟ ବାତିଲ ହୋଇପାରେ ବୋଲି ଅନୁମାନ କରାଯାଉଛି। ଏହାର କାରଣ ହେଉଛି ପାକିସ୍ତାନର ନିର୍ବାଚନ ଆୟୋଗ ଏକ ଉଚ୍ଚସ୍ତରୀୟ କମିଟି ଗଠନ କରି ଜଣେ ଉଚ୍ଚ ପ୍ରଶାସନିକ ଅଧିକାରୀଙ୍କ ଦ୍ୱାରା କରାଯାଇଥିବା ଅଭିଯୋଗର ଯାଞ୍ଚ ଆରମ୍ଭ କରିଛି।
9. IND vs ENG 3rd Test: ଭାରତ ବନାମ ଇଂଲଣ୍ଡ ମଧ୍ୟରେ ଚାଲିଥିବା ୫ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜର ତୃତୀୟ ମ୍ୟାଚ୍ ରାଜକୋଟର ନିରଂଜନ ଶାହା ଷ୍ଟାଡିୟମରେ ଖେଳାଯାଇଥିଲା। ଭାରତ ଏହି ମ୍ୟାଚକୁ ୪୩୪ ରନ୍ ବ୍ୟବଧାନରେ ଜିତି ନେଇଛି। ଟେଷ୍ଟ କ୍ରିକେଟରେ ରନ୍ ଦୃଷ୍ଟିରୁ ଏହା ହେଉଛି ଭାରତର ସବୁଠାରୁ ବଡ ବିଜୟ। ଇଂଲଣ୍ଡ ପାଇଁ ଭାରତ ୫୫୭ ରନ୍ର ଏକ ବୃହତ ଲକ୍ଷ୍ୟ ସ୍ଥିର କରିଥିଲା, କିନ୍ତୁ ଇଂଲଣ୍ଡ ଦଳ ମ୍ୟାଚର ଚତୁର୍ଥ ଇନିଂସରେ ମାତ୍ର ୧୨୨ ରନ୍ରେ ଅଲ୍ ଆଉଟ୍ ହୋଇ ୪୩୪ ରନ୍ ବ୍ୟବଧାନରେ ମ୍ୟାଚ୍ ହାରି ଯାଇଥିଲା।
10. WTC Points Table ରେ ନ୍ୟୁଜିଲ୍ୟାଣ୍ଡ ଦଳ ନମ୍ବର ୱାନରେ ରହିଛି। ଦକ୍ଷିଣ ଆଫ୍ରିକା ବିପକ୍ଷ ପ୍ରଥମ ଟେଷ୍ଟରେ ଜିତିବା ପରେ ନ୍ୟୁଜିଲ୍ୟାଣ୍ଡ ପ୍ରଥମ ସ୍ଥାନ ହାସଲ କରିଥିଲା। ଭାରତୀୟ ଦଳ ଦ୍ୱିତୀୟ ସ୍ଥାନରେ ପହଞ୍ଚିଛି। ରାଜକୋଟ ଟେଷ୍ଟରେ ବିଜୟ ସହିତ ଭାରତ WTC ପଏଣ୍ଟ ଟେବୁଲରେ ଦ୍ୱିତୀୟ ସ୍ଥାନରେ ଓ ଅଷ୍ଟ୍ରେଲିଆ ଗୋଟିଏ ସ୍ଥାନ ତଳକୁ ଖସି ତୃତୀୟ ସ୍ଥାନରେ ରହିଛି।