Top 10 News Today: ରବିବାର ତୃତୀୟ ଥର ପାଇଁ ପ୍ରଧାନମନ୍ତ୍ରୀ ଭାବେ ଶପଥ ନେବେ ମୋଦି; ପଢ଼ନ୍ତୁ ଆଜିର ୧୦ ପ୍ରମୁଖ ଖବର

H1. Modi 3.0 Oath Updates: ଲୋକସଭା ନିର୍ବାଚନରେ ​​ଜିତିବା ପରେ ନରେନ୍ଦ୍ର ମୋଦୀ ରବିବାର କ୍ରମାଗତ ତୃତୀୟ ଥର ପାଇଁ ପ୍ରଧାନମନ୍ତ୍ରୀ ଭାବେ ଶପଥ ଗ୍ରହଣ କରିବେ। ଏହି ସମୟ ମଧ୍ୟରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ନରେନ୍ଦ୍ର ମୋଦୀଙ୍କୁ ଶପଥ ଗ୍ରହଣ କରିବେ। ରାଷ୍ଟ୍ରପତି ଭବନ ଦେଇଥିବା ସୂଚନା ଅନୁଯାୟୀ ନରେନ୍ଦ୍ର ମୋଦୀ ଜୁନ୍ ୯ ରେ ସନ୍ଧ୍ୟା ୭.୧୫ ରେ ଶପଥ ଗ୍ରହଣ କରିବେ।

H2. Sujata Karthikeyan on leave for 6 months: ଛଅ ମାସ ଛୁଟିରେ ଗଲେ ବିଜେଡି ନେତା ଭି.କେ ପାଣ୍ଡିଆନଙ୍କ IAS ପତ୍ନୀ ସୁଜାତା କାର୍ତ୍ତିକେୟନ। ସେ ନଭେମ୍ବର ୨୬ ଯାଏଁ ଛୁଟିରେ ଯାଇଛନ୍ତି। ତେବେ ୬ ମାସ ପାଇଁ ଚାଇଲ୍ଡ କେୟାର ଲିଭ୍‌ରେ ରହିଛନ୍ତି ସୁଜାତା। ଝିଅର ଦଶମ ପରୀକ୍ଷା ପ୍ରସ୍ତୁତି ପାଇଁ ସେ ଛୁଟିରେ ରହିଥିବା ରାଜ୍ୟ ସରକାରଙ୍କ ସାଧାରଣ ପ୍ରଶାସନ ବିଭାଗର ଚିଠିରୁ ଜଣାପଡ଼ିଛି। ମିଶନ ଶକ୍ତିରୁ ଅପସାରଣ ପରେ ଅର୍ଥ ବିଭାଗ ସ୍ୱତନ୍ତ୍ର ସଚିବ ଥିଲେ ସୁଜାତା। 

H3. Odisha New CM: ଓଡିଶାରେ ଅନୁଷ୍ଠିତ ବିଧାନସଭା ନିର୍ବାଚନରେ ​​ବିଜେପି ବିଜୟ ପଞ୍ଜିକରଣ କରିଛି। ବର୍ତ୍ତମାନ ରାଜ୍ୟର ପରବର୍ତ୍ତୀ ମୁଖ୍ୟମନ୍ତ୍ରୀ କିଏ ହେବେ ତାହା ଶନିବାର ଦିନ ଜଣାପଡିବ। ମୁଖ୍ୟମନ୍ତ୍ରୀଙ୍କ ନାମକୁ ନେଇ ସନ୍ଦେହ ମଧ୍ୟରେ ରାଜ୍ୟର ଜଣେ ବରିଷ୍ଠ ଆଦିବାସୀ ବିଜେପି ବିଧାୟକ ଶୁକ୍ରବାର ଦିନ କହିଛନ୍ତି ଯେ ୭୮ ସଦସ୍ୟ ବିଶିଷ୍ଟ ବିଧାନସଭା ଦଳ ଶନିବାର ଦିନ ବୈଠକ କରି ନାମ ଘୋଷଣା କରିବ। 

H4. VK Pandian Delhi visit: ଦଳର ସଙ୍କଟ ସମୟରେ ଦଳର ଦ୍ୱିତୀୟ ନେତା ରାଜ୍ୟ ବାହାରକୁ ଯିବା ସମସ୍ତଙ୍କୁ ଆଲୋଚନା ଲାଗି ଖୋରାକି ଦେଇଥିବା ବେଳେ ଏବେ ଉଠିଛି ପାଣ୍ଡିଆନ୍‍ ସେନିଆ ଗାନ୍ଧିଙ୍କୁ ଭେଟିବା ଯୋଜନା କରୁଛନ୍ତି। ଯାହାଙ୍କ ସହ କଂଗ୍ରେସର ବରିଷ୍ଠ ନେତାଙ୍କୁ ଭେଟି ବିଜେଡି ନେତାଙ୍କ ପାଇଁ ସୁରକ୍ଷା କବଚ ଖୋଜୁଛନ୍ତି। 

H5. Prashant Jagdev Bail: ପ୍ରଶାନ୍ତ ଜଗଦ୍ଦେବଙ୍କୁ ମିଳିଛି ଅନ୍ତରୀଣ ଜାମିନ। ପ୍ରଶାନ୍ତଙ୍କୁ ୯ ତାରିଖରୁ ଅନ୍ତରୀଣ ଜାମିନ ମିଳିଛି। ୩ ଦିନ ପାଇଁ ଅନ୍ତରୀଣ ଜାମିନ ଦେଲେ ଖୋର୍ଦ୍ଧା ପ୍ରଥମ ଅତିରିକ୍ତ ଜିଲ୍ଲା ଦୌରାଜଜ। ଶପଥ ଗ୍ରହଣ, ମେଡିକାଲ ଗ୍ରାଉଣ୍ଡ ଓ ଦଶାହ କ୍ରିୟା ପାଇଁ ଜାମିନ ଆବେଦନ ହୋଇଥିଲା। ଆସନ୍ତା ୯ରୁ ୧୧ ତାରିଖ ଯାଏଁ ଜାମିନରେ ରହିବେ ଖୋର୍ଦ୍ଧାର ବିଜେପି ବିଧା୍ୟକ ପ୍ରଶାନ୍ତ ଜଗଦେବ। ଏନେଇ ତାଙ୍କ ଓକିଲ ସୂଚନା ଦେଇଛନ୍ତି। 

H6. Manas choudhury expelled from congress: କଂଗ୍ରେସ ଦଳରୁ ବହିଷ୍କୃତ ହେଲେ କଟକ ଜିଲ୍ଲା ସଭାପତି ମାନସ ଚୌଧୁରୀ। କଂଗ୍ରେସରୁ ମାନସ ଚୌଧୁରୀଙ୍କୁ ୬ର୍ଷ ପାଇଁ ଦଳ ବହିଷ୍କାର କରିଛି। ସେ ଦଳ ବିରୋଧି କାର୍ଯ୍ୟ ପାଇଁ ତାଙ୍କ ବିରୋଧରେ ପିସିସି ସଭାପତି ଏହିଭଳି ନିଷ୍ପତି ନେଇଥିବା ସୂଚନା ରହିଛି। ମାନସ ଦଳ ପାଇଁ ଏକ ଯୁବ ସଂଗଠକ ଥିଲେ।

H7. SAMS Odisha +2 admission: ଆଜିଠାରୁ  ଯୁକ୍ତଦୁଇ ନାମଲେଖା ପାଇଁ ରେଜିଷ୍ଟ୍ରେସନ ଆରମ୍ଭ ହୋଇଛି। ଛାତ୍ରଛାତ୍ରୀମାନେ www.samsodisha.gov.in ଜରିଆରେ ଆବେଦନ କରିପାରିବେ। ମୋଟ ୨ହଜାର ୨୨୧ ଉଚ୍ଚମାଧ୍ୟମିକ ସ୍କୁଲ୍‍ରେ ନାମ ଲେଖାଇପାରିବେ ଛାତ୍ରଛାତ୍ରୀ। ଏଥିପାଇଁ କଳାରେ ୨ଲକ୍ଷ ୯୪ହଜାର ୮୪୦, ବିଜ୍ଞାନରେ ଲକ୍ଷେ ୬୬ ହଜାର ୯୨୯, ବାଣିଜ୍ୟରେ ୪୦ହଜାର ୧୦୪ ଓ ଧନ୍ଦାମୂଳକ ଶିକ୍ଷାରେ ୧୦ ହଜାର ୫୦୪ ସିଟ୍ ଉପଲବ୍ଧ ରହିଛି। ଜୁଲାଇ ୬ ତାରିଖ ରହିଛି ଆବେଦନର ଶେଷ ତାରିଖ। ଜୁଲାଇ ୧୮ରେ ପ୍ରକାଶ ପାଇବ ପ୍ରଥମ ମେଧା ତାଲିକା। ଯୋଗ୍ୟ ଛାତ୍ରଛାତ୍ରୀ ଜୁଲାଇ ୧୯ରୁ ୨୩ ତାରିଖ ଭିତରେ ନାଁ ଲେଖାଇବେ।

H8. Narendra Modi On Oath Taking Ceremony: ରାଷ୍ଟ୍ରପତି ଦ୍ରୌପଦୀ ମୁର୍ମୁ ଶୁକ୍ରବାର ଦିନ ରାଷ୍ଟ୍ରୀୟ ଡେମୋକ୍ରାଟିକ୍ ଆଲାଇନ୍ସ (ଏନଡିଏ) ସଂସଦୀୟ ଦଳର ନେତା ନରେନ୍ଦ୍ର ମୋଦୀଙ୍କୁ ପ୍ରଧାନମନ୍ତ୍ରୀ ପଦ ପାଇଁ ମନୋନୀତ କରିଛନ୍ତି। ରିପୋର୍ଟ ଅନୁଯାୟୀ, ରବିବାର ଦିନ ସନ୍ଧ୍ୟାରେ ନୂତନ ସରକାରଙ୍କ ଶପଥ ଗ୍ରହଣ ସମାରୋହ ଅନୁଷ୍ଠିତ ହେବ। ଶୁକ୍ରବାର ଦିନ ସନ୍ଧ୍ୟାରେ ନୂଆଦିଲ୍ଲୀର ରାଷ୍ଟ୍ରପତି ଭବନରେ ମୋଦୀ ମୁର୍ମୁଙ୍କୁ ଭେଟିଥିଲେ। ରାଷ୍ଟ୍ରପତି ମୁର୍ମୁ ମୋଦୀଙ୍କୁ ଅନୁମତି ପତ୍ର ଦେଇଥିଲେ।

H9. Share Market Up Sensex All Time High Crossed 76000 Mark: ଶୁକ୍ରବାର ଦିନ ସେୟାର ବଜାରରେ ଚମକ ଦେଖାଦେଇଥିଲା। ଗୋଟିଏ ପଟେ ସେନସେକ୍ସ ସର୍ବକାଳୀନ ଉଚ୍ଚତା ସୃଷ୍ଟି କରି ୭୬ ହଜାର ମାର୍କ ଅତିକ୍ରମ କରିଥିବାବେଳେ ଅନ୍ୟ ପଟେ ନିଫ୍ଟିରେ ମଧ୍ୟ ବୃଦ୍ଧି ଘଟିଥିବାର ଦେଖାଯାଇଛି। ଶୁକ୍ରବାର ଦିନ ନିବେଶକମାନେ ଗୋଟିଏ ଦିନରେ ୭ ଲକ୍ଷରୁ ଅଧିକ ଟଙ୍କା ଲାଭ କରିଛନ୍ତି।

H10. Chhattisgarh Naxal Encounter: ଛତିଶଗଡର ନାରାୟଣପୁର-ଦାନ୍ତେୱାଡା ସୀମାବର୍ତ୍ତୀ ଅଞ୍ଚଳରେ ସୁରକ୍ଷା ବାହିନୀ ଓ ନକ୍ସଲମାନଙ୍କ ମଧ୍ୟରେ ହୋଇଥିବା ଏନକାଉଣ୍ଟରରେ ପାଞ୍ଚ ଜଣ ନକ୍ସଲଙ୍କ ମୃତ୍ୟୁ ଘଟିଛି। ବହୁ ସଂଖ୍ୟକ ନକ୍ସଲ ଆହତ ହୋଇଥିବା ବିଷୟରେ ମଧ୍ୟ ସୂଚନା ରହିଛି। ନ୍ୟୁଜ୍ ଏଜେନ୍ସି ANI ଅନୁଯାୟୀ, ନକ୍ସଲମାନଙ୍କ ସହ ହୋଇଥିବା ଏନକାଉଣ୍ଟର ସମୟରେ ଅସ୍ତ୍ରଶସ୍ତ୍ର ଉଦ୍ଧାର କରାଯାଇଛି। ପୋଲିସ କହିଛି ଯେ ଏପର୍ଯ୍ୟନ୍ତ ପାଞ୍ଚ ଜଣ ସଶସ୍ତ୍ର ନକ୍ସଲଙ୍କ ମୃତଦେହ ଉଦ୍ଧାର କରାଯାଇଛି।