Amla benefits on winter: ଶୀତଦିନ ଦୈନିକ ଖାଆନ୍ତୁ ଅଂଳା,ସପ୍ତାହକ ଭିତରେ ଦେଖିବେ ପରିବର୍ତ୍ତନ

Amla benefits on winter: ଶୀତଦିନ ଆରମ୍ଭ ହେବା ସହିତ ଆମ ଶରୀର  ଅନେକ ପୁଷ୍ଟିକର ଖାଦ୍ୟ ଆବଶ୍ୟକ କରେ । ଖାଦ୍ୟରେ ପରିବର୍ତ୍ତନ ସହିତ ଶାରୀରିକ ବ୍ୟୟାମକୁ ଦୈନିକ କାର୍ଯ୍ୟସୂଚୀରେ  ଅନ୍ତର୍ଭୁକ୍ତ କରିବା ଦ୍ୱାରା ଥଣ୍ଡା, କାଶ ଏବଂ ସଂକ୍ରମଣ ପରି ଋତୁକାଳୀନ ସ୍ୱାସ୍ଥ୍ୟ ସମସ୍ୟାକୁ ଦୂରେଇ ରଖାଯାଇପାରେ । ଶୀତଦିନ ଅଂଳା ଖାଇବା ଦ୍ୱାରା ଶର୍ଦ୍ଦି,କାଶ ଭଳି ରୋଗ ଦୂରରେ ରୁହେ । ଅଁଳା ରସକୁ ମଧ୍ଯ ଆପଣ ଶୀତ ଦିନେ ପିଇ ପାରିବେ । ଆସନ୍ତୁ ପ୍ରଥମେ ଜାଣିବା କେମିତି ଘରେ ଅଁଳା ରସ ପ୍ରସ୍ତୁତ କରାଯାଇ ପାରିବ ।

ଆମଲା ସରବତ କେମିତି ତିଆରି କରିବେ ?
ତିନିଟି ଅଂଳା ନିଅନ୍ତୁ । ଅଂଳା ସହିତ ସମାନ ସଂଖ୍ୟକ ଗୋଲମରିଚ ନିଅନ୍ତୁ । ଅଂଳାକୁ କାଟି  ଏକ ଗ୍ରାଇଣ୍ଡର / ଛୋଟ ବ୍ଲେଣ୍ଡର ପାତ୍ରରେ (ପାଣି ମିଶାଇ) ରଖନ୍ତୁ । ତା’ପରେ ଏହାକୁ ଚିକ୍କଣ ଗ୍ରାଇଣ୍ଡ୍ କରନ୍ତୁ । ଚିକ୍କଣ ପେଷ୍ଟକୁ ଏକ ଚାମଚରେ ରଖନ୍ତୁ ଏବଂ ଏହାର ରସ ବାହାର କରିବା ପାଇଁ ଏହାକୁ  ଦବାନ୍ତୁ ।

ଅଂଳା ଖାଇଲେ କେଶ ଝଡ଼ିବନି
ଅଁଳା ରସ ଥାଇରଏଡକୁ ସନ୍ତୁଳିତ କରିବାରେ ସାହାଯ୍ୟ କରେ ଏବଂ କେଶ ଝଡ଼ାକୁ ଦୂର କରିଥାଏ ।  ଶୀତଋତୁ ଥଣ୍ଡା, ଶୁଖିଲା ବାୟୁ ଚର୍ମ ଉପରେ ପ୍ରତିକୂଳ ପ୍ରଭାବ ପକାଇଥାଏ, ଯାହା ଚର୍ମକୁ ଶୁସ୍କ କରିଦିଏ । ଅଂଳା ଖାଇବା ଦ୍ୱାରା ତ୍ୱଚା ଚମକି ଥାଏ ।  ଅଁଳା ମଧ୍ଯ ହଜମ ପ୍ରକ୍ରିୟାକୁ ଠିକ ରଖେ । କାରଣ ଶୀତଦିନେ ଖାଦ୍ୟପେୟ ପରିବର୍ତ୍ତନ ହେତୁ ହଜମତନ୍ତ୍ର ପ୍ରଭାବିତ ହୋଇଥାଏ । ଅଂଳା ମଧ୍ଯ ହାଇ ସୁଗାର ଏବଂ କୋଲେଷ୍ଟ୍ରଲ ହ୍ରାସ କରିବାରେ ସାହାଯ୍ୟ କରେ । ତେଣୁ ଏହା ହୃଦୟ ପାଇଁ ଭଲ ଅଟେ।

ଭିଟାମିନ୍ ସି’ର ଷ୍ଟୋର
ଅଂଳାରେ ସର୍ବାଧିକ ପରିମାଣର ଭିଟାମିନ୍ ସି ଅଛି ଯାହା  ରୋଗ ପ୍ରତିରୋଧକ ଶକ୍ତି ବଢାଇଥାଏ । ଏହା ମଧ୍ୟ ଏକ ଶକ୍ତିଶାଳୀ ଆଣ୍ଟିଅକ୍ସିଡାଣ୍ଟ ଯାହା ଚର୍ମକୁ ମୁକ୍ତ ରେଡିକାଲ୍ ଦ୍ୱାରା ସୃଷ୍ଟି ହେଉଥିବା ଅକ୍ସିଡେଟିଭ୍ ଚାପରୁ ରକ୍ଷା କରିବାରେ ସାହାଯ୍ୟ କରିଥାଏ । ଏହା ରକ୍ତକୁ ଶୁଦ୍ଧ କରିଥାଏ ଏବଂ ତେଣୁ ସମସ୍ତ ଚର୍ମ ରୋଗ ପାଇଁ ଏହା ବହୁତ ଭଲ । ଅଁଳା ଏହାର ଆଣ୍ଟି-ଇନ୍‌ଫ୍ଲାମେଟୋରୀ ଗୁଣ ପାଇଁ ଜଣାଶୁଣା, ଯାହା ଶ୍ୱାସକ୍ରିୟା ପାଇଁ ବିଶେଷ ଲାଭଦାୟକ ହୋଇପାରେ, କାଶ ଏବଂ ଗଳା ଯନ୍ତ୍ରଣା ଭଳି ଅବସ୍ଥାକୁ ସହଜ କରିବାରେ ସାହାଯ୍ୟ କରିଥାଏ । ଏଥିରେ ଭିଟାମିନ୍ ଏର ଉପସ୍ଥିତି ଯୋଗୁଁ ଏହା ଆଖି ପାଇଁ ଭଲ ଅଟେ ।

ଅଁଳାକୁ ମଧ୍ଯ ଓଜନ ହ୍ରାସ ଏବଂ ଓଜନ ବୃଦ୍ଧି ପାଇଁ ମଧ୍ୟ ବ୍ୟବହାର କରାଯାଇପାରିବ।
ଓଜନ ବୃଦ୍ଧି ପାଇଁ: ୧ ଚାମଚ ଆମଲା ପାଉଡର ନିଅନ୍ତୁ, ଏହାକୁ ୧ ଚାମଚ ଘିଅ ସହିତ ମିଶାନ୍ତୁ - ପାଞ୍ଚ ମିନିଟ୍ ପରେ ଏହାକୁ ଉଷୁମ ପାଣିରେ ପିଅନ୍ତୁ ଏବଂ ଏହାକୁ ଖାଆନ୍ତୁ ।

ଓଜନ ହ୍ରାସ ପାଇଁ : ଆମଲା ସଟରେ 1 ଚାମଚ ମହୁ ମିଶାନ୍ତୁ ଏବଂ ପ୍ରତିଦିନ ସକାଳେ ଏହାକୁ ଖାଆନ୍ତୁ।
ଯଦି ଆପଣଙ୍କର ଉପରୋକ୍ତ ସମସ୍ୟାଗୁଡିକ ମଧ୍ୟରୁ କୌଣସି ସମସ୍ୟା ରହିଛି ତେବେ ପ୍ରତିଦିନ ଅଂଳା ଖାଆନ୍ତୁ । ବିଶେଷକରି ଶୀତଋତୁରେ ଅଂଳା ଖାଇବା ଆପଣଙ୍କୁ ସୁସ୍ଥ ରଖିବ।

Disclaimer: ଏହି ଆର୍ଟିକିଲରେ ଉଲ୍ଲେଖ କରାଯାଇଥିବା ସୂଚନା, ପଦ୍ଧତି ଓ ପରାମର୍ଶକୁ କାର୍ଯ୍ୟକାରୀ କରିବା ପୂର୍ବରୁ ଡାକ୍ତର କିମ୍ବା ସମ୍ପୃକ୍ତ ବିଶେଷଜ୍ଞଙ୍କ ସହିତ ପରାମର୍ଶ କରନ୍ତୁ ।