Odisha Election 2024: ପ୍ରଣବ ପ୍ରକାଶଙ୍କ କଥାରେ ଭାବବିହ୍ୱଳ ହୋଇଗଲେ ଜନତା

Odisha Election 2024: ପ୍ରଣବ ପ୍ରକାଶଙ୍କ କଥାରେ ଭାବବିହ୍ୱଳ ହେଲେ ଯୁଯୋମୁରାର ଜନତା।ମା ସମଲେଶ୍ୱରୀଙ୍କ ଡାକରା ରେ ମୁଁ ଆପଣଙ୍କ ସେବା କରିବା ପାଇଁ ଆସିଛି କହିଲେ ପ୍ରଣବ ପ୍ରକାଶ ଦାସ। ଜୟ ମାଁ ସମଲେଶ୍ୱରୀ କି ଜୟ । ଯୁଯୋମୁରାରେ ନିଜର ବକ୍ତବ୍ୟ ରଖିବା ସମୟରେ ମା ସମଲେଇଙ୍କ ନାମ ନେଇ କହିବା ଆରମ୍ଭ କରିଥିଲେ ପ୍ରଣବ ପ୍ରକାଶ ଦାସ। ଦିନ ସାରା ସଭା କାର୍ଯ୍ୟକ୍ରମରେ ଯୋଗଦେବା, ବୁଲି ବୁଲି ଲୋକଙ୍କ ସହିତ ମିଶିବା ସତ୍ତ୍ୱେ ତାଙ୍କ ମୁହଁରେ ସାମାନ୍ୟ ହାଲିଆପଣ ଦେଖାଯାଉନଥିଲା । ପ୍ରଣବ ପ୍ରକାଶ ସଭାରେ ଲୋକଙ୍କୁ ଯେଉଁ ବାର୍ତ୍ତା ଦେଇଥିଲେ ତାହା ସମସ୍ତଙ୍କ ମନକୁ ଛୁଇଁଥିଲା। ସମ୍ବଲପୁରର ଉନ୍ନତି ଓ ସମ୍ବଲପୁର ଲୋକଙ୍କ ସମସ୍ୟାର ସମାଧାନ କରିବାକୁ ପ୍ରଣବ ପ୍ରକାଶଙ୍କ ମନରେ ଥିବା ଉତ୍କଣ୍ଠା ତାଙ୍କ ବକ୍ତବ୍ୟ ରୁ ସ୍ପଷ୍ଟ ଭାବରେ ବାରି ହେଉଥିଲା।

ଜନସାଧାରଣ ଙ୍କୁ ଉଦବୋଧନ ଦେବା ଅବସରରେ ସେ ଏ ସବୁ କଥା କହିଥିଲେ। ମାନ୍ୟବର ମୁଖ୍ୟମନ୍ତ୍ରୀ ଯେତେବେଳେ ମତେ ସମ୍ବଲପୁର ପଠାଇଛନ୍ତି। ଏହା ମାଁ ସମଲେଶ୍ୱରୀ ଙ୍କ ଡାକରା । କାରଣ ଏଠାରେ ମୋ ବାପା ପାଠ ପଢିଛନ୍ତି । ତାଙ୍କ ଜୀବର ବହୁମୂଲ୍ୟ ସମୟ ଏଠାରେ କଟାଇଛନ୍ତି ବୋଲି ସେ କହିଥିଲେ। ଏହା ସହିତ ସେ ଜନସାଧାରଣଙ୍କୁ ପ୍ରତିଶୃତି ଦେଇଥିଲେ ଯେ ସେ ସମ୍ବଲପୁର ବାସୀ, ଯୁଯୋମୁରା ବାସୀ ଙ୍କ ପାଇଁ ବର୍ଷକର ୧୨ ମାସ ଏଠାରେ ରହିବେ ଓ କାମ କରିବେ ବୋଲି କହିଥିଲେ । ପ୍ରଣବ ପ୍ରକାଶଙ୍କର କଥା ଜନତାଙ୍କୁ ଭାବବିହ୍ୱଳ କରିଥିଲା। ଯୋଡି ଶଙ୍ଖ, ଗୋଟିଏ ଏମପି ପାଇଁ ଓ ଗୋଟିଏ ଏମଏଲଏ ପାଇଁ ଭୋଟ ଦେବାକୁ ସେ ଜନସାଧାରଣ ଙ୍କୁ ନିବେଦନ କରିଥିଲେ। ଭୁବନେଶ୍ୱର ଦରବାର ରେ ପ୍ରସନ୍ନ ଆଚାର୍ଯ୍ୟ ଏବଂ ଦିଲ୍ଲୀ ଦରବାର ପ୍ରଣବ ପ୍ରକାଶ ଦାସ ଆପଣଙ୍କ ପାଇଁ ସର୍ବଦା ସବୁବେଳେ ତତ୍ପର ରହିବେ ବୋଲି କହିଥିଲେ।

ଯୋଡ଼ି ଶଙ୍ଖ ବାଜୁଛି, ବିକାଶର ବାର୍ତ୍ତା ଘରେ ଘରେ ପହଞ୍ଚୁଛି

କଥା ଦେଉଛି, ସମ୍ବଲପୁର ଓ ଯୁଯୋମୁରାବାସୀଙ୍କ ପାଇଁ ବର୍ଷକ ୧୨ ମାସ ଏଠାରେ ରହିବି, କାମ କରିବି। ଆସନ୍ତୁ ସମସ୍ତେ ମିଶି କରିବା ପଣ, ‘ଶଙ୍ଖ’ ଚିହ୍ନରେ ଭୋଟ ଦେଇ ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ @Naveen_Odisha ଙ୍କ ହାତମୁଠାକୁ କରିବା ଟାଣ।#JodiShankha#ସମୃଦ୍ଧସମ୍ବଲପୁର… pic.twitter.com/RV2LhFKPO7

— Pranab Prakash Das (@pranabpdas) April 25, 2024

ସେହିଭଳି ନବୀନ ପଟ୍ଟନାୟକଙ୍କୁ ଆମେ ଷଷ୍ଠ ଥର ପାଇଁ ମୁଖ୍ୟମନ୍ତ୍ରୀ ଭାବରେ ନିର୍ବାଚିତ କରିବାକୁ ପଣ କରିବା ବୋଲି ରେଢାଖୋଲ ବିଧୟକ ପ୍ରାର୍ଥୀ ପ୍ରସନ୍ନ ଆଚାର୍ଯ୍ୟ କହିଥିଲେ। ରେଢାଖୋଲ ନିର୍ବାଚନ ମଣ୍ଡଳୀ ମୁଖ୍ୟମନ୍ତ୍ରୀଙ୍କ ଫୋକସରେ ରହିଛି । ଏଠାରେ ବିକାଶମୂଳକ କାମ ହୋଇଛି ଏବଂ ଆଗାମୀ ଦିନରେ ଅନବରତ ଭାବରେ ବିକାଶ କାର୍ଯ୍ୟ ଜାରି ରହିବ ବୋଲି ସମ୍ବଲପୁର ବିଧାୟକ ପ୍ରାର୍ଥୀ ରୋହିତ ପୂଜାରୀ କହିଥିଲେ।