 "ବିଏମ୍ସିର ଆନ୍ତଃ ବିଭାଗୀୟ ବୈଠକ, ବିନା ଅନୁମତିରେ ରାସ୍ତା କାଟିଲେ ଦିଆଯିବ ଏତଲା")
ଭୁବନେଶ୍ୱର; ବିଏମ୍ସିର ବିନା ଅନୁମତିରେ ରାସ୍ତା ଖୋଳିଲେ ସଂପୃକ୍ତ ସଂସ୍ଥା କିମ୍ବା ବ୍ୟକ୍ତିଙ୍କ ବିରାଧରେ ଏତାଲା ଦାୟର କରାଯିବ । ଆଜି ବିଏମସି ମୁଖ୍ୟାଳୟ (BMC Headquarters)ରେ ବସିଥିବା ଆନ୍ତଃ ବିଭାଗୀୟ ବୈଠକରେ ଏହି ନିଷ୍ପତି ନିଆଯାଇଛି । କମିଶନର ବିଜୟ ଅମୃତା କୁଲାଙ୍ଗେଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ଉଚ୍ଚ ସ୍ତରୀୟ ବୈଠକରେ ଅତିରିକ୍ତ କମିଶନର ସୂର୍ଯ୍ୟବଂଶୀ ମୟୁର ବିକାଶ, ଡେପୁଟି କମିଶନର ରେଭିନ୍ୟୁ ଶ୍ରୀ ପ୍ରିୟବ୍ରତ ପାଢୀ, ୱାଟ୍କୋ, ଇଡ୍କୋ ଓ ପୂର୍ତ୍ତ ବିଭାଗର ବରିଷ୍ଠ ଅଧିକାରୀ, ବିଏସ୍ଏନ୍ଏଲ୍, ଓପିଟିସିଏଲ୍, ଗେଲ୍ ଇଣ୍ଡିଆ ଲିମିଟେଡ, ପାୱାର ଗ୍ରୀଡ, ଜିଓ ରିଲାଏନ୍ସ, ଭାରତୀ ଏୟାରଟେଲ, ଟାଟା କମ୍ୟୁନିକେଶନ ଲିମିଟେଡ୍, ଭୋଡା ଫୋନ୍ ଆଦି କଂପାନୀର ବରିଷ୍ଠ ଅଧିକାରୀମାନେ ଯୋଗଦେଇଥିଲେ । ଯେ କୌଣସି ସଂସ୍ଥା ଓ ବ୍ୟକ୍ତି ବିଶେଷ ରାସ୍ତାରେ କେବୁଲ ବିଛାଇବା, ଖୁଣ୍ଟି ପୋତିବା, ଗ୍ୟାସ୍ ପାଇ ଲାଇନ୍, ସ୍ୱେରେଜ କାମ କିମ୍ବା ନିର୍ମାଣ କାମ ପାଇଁ ରାସ୍ତା ଖୋଳିବା ମନା । ଏହା କରିବା ପୂର୍ବରୁ ନିଶ୍ଚିତ ଭାବେ ବିଏମସିରୁ ଅନୁମତି ନେବାକୁ ପଡିବ ।
ସୂଚନା ଯୋଗ୍ୟ, ବିଏମ୍ସିର ଅଭିଯୋଗ ପ୍ରକୋଷ୍ଠକୁ ଏ ସଂକ୍ରାନ୍ତୀୟ ଅନେକ ଆବେଦନ କର୍ତୃପକ୍ଷଙ୍କ ହସ୍ତଗତ ହୋଇଛି । ଏପରିକି ବିଏମ୍ସିର କର୍ପୋରେସନ ବୈଠକରେ ମଧ୍ୟ କର୍ପୋରେଟରମାନେ ଏହି ଭଳି ସମସ୍ୟା ସଂପର୍କରେ ଦୃଷ୍ଟି ଆକର୍ଷଣ କରିଛନ୍ତି । ଜନସାଧାରଣଙ୍କର ଚଳପ୍ରଚଳ ଏ ଦିଗରେ ଅନେକ ବାଧା ଦେଉଛି ଏବଂ ଛୋଟ ବଡ ଦୁର୍ଘଟଣା ମଧ୍ୟ ଘଟୁଛି । ଅନ୍ୟପକ୍ଷରେ ସହରର ବାସୋପଯୋଗୀତା ଏବଂ ସୌର୍ନ୍ଦ୍ୟକରଣ କ୍ଷୁର୍ଣ୍ଣ ହେଉଛି । ଜନସାଧାରଣଙ୍କ ସ୍ୱାର୍ଥକୁ ଦୃଷ୍ଟିରେ ରଖି ଯେ କୌଣସି ବିଭାଗ, କର୍ପୋରେସନ, ଅନଷ୍ଠାନ ପ୍ରଚଳିତ ନିୟମକୁ ଅନୁସରଣ କରିବାକୁ ପଡିବ । ତେଣୁ ରାସ୍ତା କାଟିବା ପୂର୍ବରୁ ଉପଯୁକ୍ତ କାରଣ ଦର୍ଶାଇବା ସହ ବିଏମ୍ସିର ଅନୁମତି (BMC permission) ନେବାକୁ ପଡିବ । ଅନୁମତି ଦେବା ପୂର୍ବରୁ ବିଏମସିର ଏକ ଟିମ୍ ସଂପୃକ୍ତ ଘଟଣାସ୍ଥଳ ପରିଦର୍ଶନ କରି ରିପୋର୍ଟ ଦେବା ପରେ, ତାହା ଯଥାର୍ଥ ହୋଇଥିଲେ, ଅନୁମତି ପ୍ରଦାନ କରାଯିବ । ଏଥିରେ ଖିଲା ପରିଦର୍ଶିତ ହେଲେ, ସଂପୃକ୍ତ ସଂସ୍ଥା ବା ବ୍ୟକ୍ତି ବିଶେଷଙ୍କ ବିରୋଧରେ ଏତଲା (FIR) ଦାୟର କରାଯିବ ବୋଲି ଏହି ବୈଠକରେ କମିଶନର କହିଛନ୍ତି । କେବଳ ସେତକି ନୁହେଁ, ରାସ୍ତାରେ ନିର୍ମାଣ ଓ ଭଗ୍ନାବଶେଷ ବାଲି, ମାଟି, ଗୋଡି ଆଦି ଗଦା କରିପାରିବେ ନାହିଁ କି କେବୁଲ ଝୁଲାଇ ପାରିବେ ନାହିଁ ବୋଲି କହିଛନ୍ତି କମିଶନର ।
Also Read- ଅଞ୍ଜୁ ଭାରତ ଫେରିବା ପରେ ଏମିତି କହିଲେ ପ୍ରଥମ ସ୍ୱାମୀ ଅରବିନ୍ଦ
Newsletter
