Electoral Bonds: BJP ପାଇଛି ସର୍ବାଧିକ ଚାନ୍ଦା, ଜାଣନ୍ତୁ BJD କୁ ମିଳିଛି କେତେ ଟଙ୍କା?

Electoral Bonds: ନିର୍ବାଚନ ଆୟୋଗ ଲୋକସଭା ନିର୍ବାଚନ ପୂର୍ବରୁ ନିଜ ୱେବସାଇଟରେ ଇଲୋକ୍ଚୋରାଲ ବଣ୍ଡର ତଥ୍ୟ ଅପଲୋଡ୍ କରିବା ପରେ ଚିତ୍ର ସମ୍ପୂର୍ଣ୍ଣ ସ୍ପଷ୍ଟ ହୋଇଯାଇଛି। ନିର୍ବାଚନ ଚାନ୍ଦାର ସମ୍ପୂର୍ଣ୍ଣ ତଥ୍ୟ ଅନଲାଇନରେ ରହିଛି। ଏଥିରୁ ଏହା ମଧ୍ୟ ସ୍ପଷ୍ଟ ହୋଇଛି ଯେ କେଉଁ ରାଜନୈତିକ ଦଳ ଇଲୋକ୍ଚୋରାଲ ବଣ୍ଡ ଅଧୀନରେ କେତେ ଟଙ୍କା ପାଇଛନ୍ତି। ଭାରତୀୟ ଜନତା ପାର୍ଟି, କଂଗ୍ରେସ, ବିଜେଡି, ଶିବସେନା, ଟିଡିପି, ତୃଣମୂଳ କଂଗ୍ରେସ, ଜେଡିୟୁ, ଆରଜେଡି, ଏଆଇଏଡିଏମକେ, ବିଆରଏସ ସମେତ ଅନ୍ୟାନ୍ୟ ରାଜନୈତିକ ଦଳକୁ କୋଟି କୋଟି ଟଙ୍କାର ଚାନ୍ଦା ମିଳିଛି। ଜାତୀୟ ଦଳ ବ୍ୟତୀତ ଆଞ୍ଚଳିକ ଦଳ ମଧ୍ୟରେ ବିଜୁ ଜନତା ଦଳକୁ ଇଲୋକ୍ଚୋରାଲ ବଣ୍ଡ ମାଧ୍ୟମରେ ୭,୭୫,୫୦,୦୦,୦୦୦ କୋଟି ଟଙ୍କା ମିଳିଛି। ଏହା ସମୁଦାୟ ଚାନ୍ଦାର ୬.୦୭ ପ୍ରତିଶତ ଅଟେ।

ବିଜେପି ପାଇଛି ସର୍ବାଧିକ ଚାନ୍ଦା (BJP)
ପ୍ରକାଶିତ ତଥ୍ୟ ଅନୁଯାୟୀ, ବିଜେପି ସର୍ବାଧିକ ୬୦,୬୦,୫୧,୧୧,୦୦୦ ଟଙ୍କା ଚାନ୍ଦା ପାଇଛି। ଯଦି ଆମେ ପୂର୍ବ ବର୍ଷ ବିଷୟରେ କଥା ହେବା ତେବେ ୨୦୨୧୯ ରେ ବିଜେପି ୧୯,୭୧,୭୫,୦୧,୦୦୦ ଟଙ୍କା, ୨୦୨୦ ରେ ୭୩,୮୯,୦୦,୦୦୦ ଟଙ୍କା, ୨୦୨୧ ରେ ୩,୭୨,୯୯,୫୦,୦୦୦ ଟଙ୍କା, ୨୦୨୨ ମସିହାରେ ୧୬,୭୬,୩୨,୬୧,୦୦୦ ଟଙ୍କା, ୨୦୨୩ ରେ ୨,୦୨,୦୦,୦୦,୦୦୦ ଟଙ୍କା ଓ ୨୦୨୪ ରେ ୬୦,୬୦,୫୧,୧୧,୦୦୦ ଟଙ୍କା ଚାନ୍ଦା ଗ୍ରହଣ କରିଛି।

ଦୁଇ ନମ୍ବରରେ ତୃଣମୂଳ କଂଗ୍ରେସ (TMC)
ଇଲୋକ୍ଚୋରାଲ ବଣ୍ଡ ମାଧ୍ୟମରେ ଚାନ୍ଦା ପାଇଥିବା ଦଳ ମଧ୍ୟରେ TMC ଦ୍ୱିତୀୟ ସ୍ଥାନରେ ଅଛି। ନିର୍ବାଚନୀ ବଣ୍ଡ ମାଧ୍ୟମରେ ତୃଣମୂଳ କଂଗ୍ରେସ ୧୬,୦୯,୫୩,୧୪,୦୦୦ ଟଙ୍କା ଚାନ୍ଦା ଗ୍ରହଣ କରିଛି। ଏହି ମାଧ୍ୟମ ମାଧ୍ୟମରେ ଚାନ୍ଦା ଗ୍ରହଣ କରୁଥିବା ୨୨ ଟି ଆଞ୍ଚଳିକ ଦଳର ମୋଟ ଦାନର ଏହା ୩୦ ପ୍ରତିଶତ ଅଟେ। ଏହା ସହ ସମୁଦାୟ ଚାନ୍ଦାର ୧୨.୬୦ ପ୍ରତିଶତ ଅଟେ।

ତୃତୀୟ ସ୍ଥାନରେ ରହିଛି କଂଗ୍ରେସ (Congress)
ନିର୍ବାଚନ ଚାନ୍ଦା ପାଇବାରେ କଂଗ୍ରେସ ତୃତୀୟ ସ୍ଥାନରେ ରହିଛି। କଂଗ୍ରେସକୁ ମୋଟ ୧୪,୨୧,୮୬,୫୫,୦୦୦ ଟଙ୍କା ମିଳିଛି। ଏହା ସମୁଦାୟ ଚାନ୍ଦାର ୧୧.୧୩ ପ୍ରତିଶତ ଅଟେ।

ଚତୁର୍ଥ ସ୍ଥାନରେ ରହିଛି ବିଜୁ ଜନତା ଦଳ (BJD)
ନିର୍ବାଚନ ଚାନ୍ଦା ପାଇବାରେ ବିଜୁ ଜନତା ଦଳ ଚତୁର୍ଥ ସ୍ଥାନରେ ରହିଛି। ଓଡିଶାର ବିଜୁ ଜନତା ଦଳ ଇଲୋକ୍ଚୋରାଲ ବଣ୍ଡ ମାଧ୍ୟମରେ ମୋଟ ୭,୭୫,୫୦,୦୦,୦୦୦ କୋଟି ଟଙ୍କା ପାଇଛି। ଏହା ସମୁଦାୟ ଚାନ୍ଦାର ୬.୦୭ ପ୍ରତିଶତ ଅଟେ।

ଡିଏମକେ ପାର୍ଟି (DMK)
ଡିଏମକେ ପାର୍ଟି ୬,୩୯,୦୦,୦୦,୦୦୦ ଟଙ୍କା ଦାନ ପାଇଛି। ଏହା ସମୁଦାୟ ଚାନ୍ଦାର ୫.୦୮ ପ୍ରତିଶତ ଅଟେ।

ରାଷ୍ଟ୍ରୀୟ ଜନତା ଦଳ (RJD)
ଲାଲୁ ପ୍ରସାଦ ଯାଦବଙ୍କ ଆରଜେଡି ମୋଟ ୭୨,୫୦,୦୦,୦୦୦ ଟଙ୍କା ଦାନ ଭାବରେ ଗ୍ରହଣ କରିଛି। ଏହା ସମୁଦାୟ ଚାନ୍ଦାର ୧.୨୪ ପ୍ରତିଶତ ଅଟେ।

ଆମ୍ ଆଦମୀ ପାର୍ଟି (AAP)
ନିର୍ବାଚନ ଦାନ ଭାବରେ ଆମ୍ ଆଦମୀ ପାର୍ଟି ମଧ୍ୟ ୬୫,୪୫,୦୦,୦୦୦ ଟଙ୍କା ପାଇଛି। ଏହା ସମୁଦାୟ ଚାନ୍ଦାର ୦.୫୧ ପ୍ରତିଶତ ଅଟେ।

ଏସବିଆଇରୁ ନିର୍ବାଚନ ଆୟୋଗ ଦ୍ୱାରା ପ୍ରାପ୍ତ ସୂଚନା ଏହି ଲିଙ୍କରେ କ୍ଲିକ୍ କରି ଦେଖିପାରିବେ।