WPL 2024 Final: ୱମେନ୍ସ ପ୍ରିମିୟର ଲିଗ୍ ୨୦୨୪ ର ଫାଇନାଲରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଦିଲ୍ଲୀ କ୍ୟାପଟାଲ୍ସକୁ ୮ ୱିକେଟରେ ପରାସ୍ତ କରିଛି। ସ୍ମୃତି ମନ୍ଦନାଙ୍କ ନେତୃତ୍ୱରେ ଆରସିବି ଫ୍ରାଞ୍ଚାଇଜ୍ ପ୍ରଥମ ଥର ପାଇଁ ଟାଇଟଲ୍ ଜିତିବାରେ ସଫଳ ହୋଇଛି। ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ପୁରୁଷ ଦଳ ଏପର୍ଯ୍ୟନ୍ତ ଟ୍ରଫି ଜିତିବାରେ ସକ୍ଷମ ହୋଇ ନାହିଁ। ଅନ୍ୟପକ୍ଷରେ ମେଗ ଲାନ୍ନିଂ ନେତୃତ୍ୱାଧୀନ ଦିଲ୍ଲୀ କ୍ୟାପିଟାଲ୍ସ ଦଳ ଲଗାତାର ଦ୍ୱିତୀୟ ଥର ପାଇଁ ଫାଇନାଲରେ ହାରିଯାଇଛି। ଏହାପୂର୍ବରୁ ମୁମ୍ବାଇ ଇଣ୍ଡିଆନ୍ସ ପ୍ରଥମ ସିଜନରେ ଦିଲ୍ଲୀ କ୍ୟାପିଟାଲ୍ସ ୭ ୱିକେଟରେ ପରାସ୍ତ କରିଥିଲା। ୱେମେନ୍ସ ପ୍ରିମିୟର ଲିଗ୍ ୨୦୨୪ ର ଫାଇନାଲରେ ଦିଲ୍ଲୀ କ୍ୟାପିଟାଲ୍ ବ୍ୟାଟ୍ସମ୍ୟାନ୍ ନିରାଶ କରିଥିଲେ। ଶେଫାଲୀ ଓ ମେଗ ଲାନିଙ୍ଗଙ୍କ ମଧ୍ୟରେ ୬୪ ରନର ଦୃଢ଼ ପାର୍ଟନରସିପ ସତ୍ତ୍ୱେ ଦିଲ୍ଲୀ ଦଳ ୧୮.୩ ଓଭରରେ ମାତ୍ର ୧୧୩ ରନ୍ ସ୍କୋର କରିପାରିଥିଲା। ଏହାର ଜବାବରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ୧୯ ଓଭରରେ ଦୁଇଟି ୱିକେଟ୍ ହରାଇ ୧୧୫ ରନ୍ ସ୍କୋର କରି ମ୍ୟାଚ୍ ଜିତି ନେଇଥିଲା।
ଆରସିବି ଫ୍ରାଞ୍ଚାଇଜ୍ ପ୍ରଥମ ଥର ପାଇଁ ଟାଇଟଲ୍ ଜିତିବାରେ ସଫଳ ହୋଇଛି। ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ପୁରୁଷ ଦଳ ଏପର୍ଯ୍ୟନ୍ତ ଟ୍ରଫି ଜିତିବାରେ ସକ୍ଷମ ହୋଇ ନାହିଁ। ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ୧୧୪ ରନ୍ର ଟାର୍ଗେଟକୁ ପିଛା କରି ଭଲ ଆରମ୍ଭ କରିଥିଲା। ସୋଫି ଡିଭାଇନ୍ ଓ ଅଧିନାୟକ ସ୍ମୃତି ମନ୍ଦନା ଭଲ ଖେଳ ପ୍ରଦର୍ଶନ କରିନଥିଲେ ଓ ଧୀରେ ଧୀରେ ସ୍କୋରକୁ ଆଗକୁ ନେଇଥିଲେ। ପ୍ରଥମ ୬ ଓଭରରେ ଆରସିବି ମାତ୍ର ୨୫ ରନ୍ ସଂଗ୍ରହ କରିଥିଲା। ଏହା ପରେ, ସପ୍ତମ ଓଭରରେ ଡିଭାଇନ୍ ଚାରିଟି ବାଉଣ୍ଡ୍ରି ସହିତ ମୋଟ ୧୮ ରନ୍ ସ୍କୋର କରିଥିଲେ। ତେବେ ୨୭ ବଲରେ ୩୨ ରନ୍ ସ୍କୋର କରିବା ପରେ ସୋଫି ଡିଭାଇନ୍ ଆଉଟ୍ ହୋଇଥିଲେ। ତାଙ୍କ ଇନିଂସରେ ସେ ପାଞ୍ଚ ଚୌକା ଓ ଗୋଟିଏ ଛକା ମାରିଥିଲେ। ଶିଖା ପାଣ୍ଡେ ତାଙ୍କୁ ଆଉଟ୍ କରିଥିଲେ। କ୍ୟାପଟେନ ସ୍ମୃତି ମନ୍ଦନା ୩୯ଟି ବଲରେ ୩୧ ରନ୍ ସଂଗ୍ରହ କରିଥିଲେ। ତାଙ୍କୁ ମନି ଆଉଟ୍ କରିଥିଲେ। ସେ ନିଜ ଇନିଂସରେ ତିନି ଚୌକା ମାରିଥିଲେ। ଏହା ପରେ ରିଚା ଏବଂ ପେରି ଇନିଂସ ଦାୟିତ୍ୱ ଗ୍ରହଣ କରି ଦଳକୁ ବିଜୟ ଆଡକୁ ନେଇଥିଲେ। ପ୍ୟାରୀ ୩୪ ରନ୍ ସଂଗ୍ରହ କରିଥିଲେ।
ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଫ୍ରାଞ୍ଚାଇଜ୍ ପାଇଁ ଏହା ମଧ୍ୟ ପ୍ରଥମ ଟାଇଟଲ୍। ୧୬ ବର୍ଷ ଧରି ପ୍ରଶଂସକମାନେ ଆଇପିଏଲରେ ପୁରୁଷ ଖେଳାଳିଙ୍କଠାରୁ ଟ୍ରଫି ପାଇଁ ଅପେକ୍ଷା କରିଥିଲେ। ସେହି ଆଶା ସ୍ମୃତି ମନ୍ଦନାଙ୍କ ଅଧିନାୟକତ୍ୱରେ ବାଙ୍ଗାଲୋର ମହିଳା ଦଳ WPL 2024 ଜିତି ପୂରା କରିଛି। RCB ପ୍ରଶଂସକମାନେ ପଡ଼ିଆରେ ସେମାନଙ୍କର ପ୍ରିୟ ଦଳକୁ ଦୃଢ଼ ଭାବରେ ସମର୍ଥନ କରୁଥିବା ଦେଖାଯାଇଥିଲା। ବାଙ୍ଗାଲୋରର ବୋଲିଂ ଏହି ଟାଇଟଲର ମୂଳଦୁଆ ପକାଇଲା ଓ ବ୍ୟାଟ୍ସମ୍ୟାନ୍ ମାନେ ଏହା ଟାଇଟଲ ଜତାଇବାରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ।