Virat Kohli Viral: ନିଜ ସାଙ୍ଗ ମାନଙ୍କୁ ଏହି ବିଶେଷ ଅପିଲ୍ କଲେ ବିରାଟ କୋହଲି, ଅନୁଷ୍କା ମଧ୍ୟ ଦେଲେ ପ୍ରତିକ୍ରିୟା

Virat Kohli Special demand to friends: ଭାରତୀୟ କ୍ରିକେଟର ବିରାଟ କୋହଲି ଆଜି (୪ ଅକ୍ଟୋବର) ସକାଳେ ଇନଷ୍ଟାଗ୍ରାମରେ ଏକ ମଜାଦାର ଷ୍ଟୋରି ସେୟାର କରିଛନ୍ତି । ଏହି ଷ୍ଟୋରିରେ ସେ ତାଙ୍କ ବନ୍ଧୁମାନଙ୍କ ପାଖରେ ଏକ ବିଶେଷ ଅପିଲ୍ କରିଛନ୍ତି, ଯେଉଁମାନେ ବିଶ୍ୱକପ୍ ମ୍ୟାଚ୍ ପାଇଁ ତାଙ୍କୁ ଟିକେଟ ମାଗୁଛନ୍ତି । ସେ ଘରେ ରହି ମ୍ୟାଚ୍ ଉପଭୋଗ କରିବାକୁ ନିଜ ସାଙ୍ଗମାନଙ୍କୁ ପରାମର୍ଶ ଦେଇଛନ୍ତି । ବିରାଟଙ୍କ ଏହି ଇନଷ୍ଟା ଷ୍ଟୋରି ପରେ ଅନୁଷ୍କା ଶର୍ମା ଏହାକୁ ସେୟାର କରି ଏକ ମଜାଦାର ପୋଷ୍ଟ ମଧ୍ୟ ଲେଖିଛନ୍ତି ।

କୋହଲି କରିଛନ୍ତି ଏହି ବିଶେଷ ଅପିଲ୍
କୋହଲି ଏକ ଇନଷ୍ଟାଗ୍ରାମର ଷ୍ଟୋରି ପୋଷ୍ଟ କରି ଲେଖିଛନ୍ତି, “ଯେତେବେଳେ ଆମେ ବିଶ୍ୱକପ୍‌ର ନିକଟତର ହୋଇଥାଉ, ମୁଁ ମୋର ସମସ୍ତ ସାଙ୍ଗମାନଙ୍କୁ ଭଦ୍ର ଭାବରେ କହିବାକୁ ଚାହେଁ ଯେ ସମଗ୍ର ଟୁର୍ଣ୍ଣାମେଣ୍ଟରେ ମୋତେ ଟିକେଟ୍ ମାଗିବେ ନାହିଁ । ଦୟାକରି ଆପଣ ଘରୁ ଏହାକୁ ଉପଭୋଗ କରନ୍ତୁ ।” ଏହା ପରେ କୋହଲି ଏକ ସ୍ମାଇଲ୍ ଇମୋଜି ମଧ୍ୟ ଯୋଡିଛନ୍ତି ।

ଅନୁଷ୍କା ଶର୍ମା ମଧ୍ୟ ଦେଇଛନ୍ତି ପ୍ରତିକ୍ରିୟା
କୋହଲିଙ୍କ ଷ୍ଟୋରିକୁ ପୁନଃ ପୋଷ୍ଟ କରିବାବେଳେ ଅନୁଷ୍କା ଏହା ମଧ୍ୟ କହିଛନ୍ତି ଯେ ଯଦି ବିଶ୍ୱକପ ସମୟରେ ତାଙ୍କୁ ମେସେଜ୍ କରୁଥିବା ବ୍ୟକ୍ତିଙ୍କ ଉପରେ କ୍ରିକେଟର ପ୍ରତିକ୍ରିୟା ନ ଦିଅନ୍ତି, ତେବେ ସେ ତାଙ୍କୁ ସାହାଯ୍ୟ କରିପାରିବେ ନାହିଁଁ ।

ଅନୁଷ୍କା ଲେଖିଛନ୍ତି - “ଏବଂ ମୋତେ କେବଳ ଏହାକୁ ଯୋଡିବାକୁ ଦିଅ... ଯଦି ତୁମର ମେସେଜ୍ ଉତ୍ତରହୀନ ହୋଇଯାଏ ଦୟାକରି ମୋ ଠାରୁ ସାହାଯ୍ୟ ମାଗ ନାହିଁ । ଆପଣ ବୁ ଝିବା ପାଇଁ ଧନ୍ୟବାଦ” ଏହା ସହ ଅନୁଷ୍କା ଏକ ସ୍ମାଇଲ୍ ଇମୋଜି ମଧ୍ୟ ଯୋଡିଥିଲେ ।

ବିଶ୍ୱକପରେ ଭାରତ ମ୍ୟାଚ୍ ପାଇଁ ଟିକେଟ୍ ମିଳିବା ହୋଇଛି କଷ୍ଟକର
ଭାରତରେ କ୍ରିକେଟ୍ ପାଇଁ କ୍ରେଜର କୌଣସି ସୀମା ନାହିଁ ଓ ଯେତେବେଳେ ବିଶ୍ୱକପ୍ କଥା ଆସେ ଏବଂ ଯଦି ଏହା କେବଳ ଘରୋଇ ପଡ଼ିଆରେ ଅନୁଷ୍ଠିତ ହୁଏ, ତେବେ ଏହି କ୍ରେଜ୍ ଶିଖରରେ ପହଞ୍ଚିଥାଏ । ବିଶ୍ୱକପ୍ ମ୍ୟାଚ୍ ପାଇଁ ଶୀଘ୍ର ଟିକେଟ୍ ବିକ୍ରି ହେବାର ଖବରରୁ ଏହା ଜାଣିହେବ । ପ୍ରତ୍ୟେକ କ୍ରିକେଟ୍ ପ୍ରେମୀଙ୍କର ଷ୍ଟାଡିୟମରେ ବସିଥିବା ବିଶ୍ୱକପ୍ ମ୍ୟାଚ୍ ଦେଖିବାକୁ ଇଚ୍ଛା ଥାଏ, ଯଦିଓ ପ୍ରତ୍ୟେକ ପ୍ରଶଂସକଙ୍କ ପାଇଁ ଟିକେଟ୍ ପାଇବା ସମ୍ଭବ ନୁହେଁ ।