Virat Kohli: ଭାରତୀୟ କ୍ରିକେଟ୍ ଦଳର ଜବରଦସ୍ତ ବ୍ୟାଟ୍ସମ୍ୟାନ୍ ବିରାଟ କୋହଲି ପୁଣିଥରେ ଫର୍ମକୁ ଫେରିଛନ୍ତି। ଶ୍ରୀଲଙ୍କା ସହିତ ୱାନଡେ ସିରିଜର ପ୍ରଥମ ମ୍ୟାଚ୍ରେ ବିରାଟ କୋହଲି ଏକ ଶକ୍ତିଶାଳୀ ଶତକ ହାସଲ କରିଥିଲେ। ଏହାପୂର୍ବରୁ ବିରାଟ କୋହଲି ଦୀର୍ଘ ସମୟ ଧରି ଖରାପ ଫର୍ମ ସହ ସଂଘର୍ଷ କରୁଥିଲେ। ବିରାଟ ଧୀରେ ଧୀରେ ଟି -20 ବିଶ୍ୱକପରୁ ନିଜର ଫର୍ମକୁ ବ୍ୟାକ କରିଥିଲେ। ଏବେ ତାଙ୍କର ଖରାପ ଫର୍ମ ପର୍ଯ୍ୟାୟ ବିଷୟରେ ଉଲ୍ଲେଖ କରି ବିରାଟ କୋହଲି କହିଛନ୍ତି ଯେ ସେ ସମୟରେ ବହୁତ ରାଗିଯାଇଥିଲେ ଏବଂ ତାଙ୍କ ପତ୍ନୀ ଅନୁଷ୍କାଙ୍କ ସହ ବହୁତ ଅନ୍ୟାୟ କରିଥିବା କଥା ସେ ନିଜେ ସ୍ୱୀକାର କରିଛନ୍ତି।
ପ୍ରଥମ ୱାନଡେ ମ୍ୟାଚ (One Day Match) ପରେ BCCI.TV ପାଇଁ ସୂର୍ୟକୁମାର ଯାଦବ ବିରାଟ କୋହଲିଙ୍କ ସହ କଥା ହୋଇଥିଲେ। ଯେତେବେଳେ ସୂର୍ୟ ତାଙ୍କ ଖରାପ ପର୍ଯ୍ୟାୟ ବା ଖରାପ ସମୟ ବିଷୟରେ କୋହଲିଙ୍କ ସହ କଥା ହୋଇଥିଲେ ସେତେବେଳେ ବିରାଟ କୋହଲି କହିଥିଲେ, "ମୋର ନିରାଶା ଦିନକୁ ଦିନ ବଢିବାରେ ଲାଗିଥିଲା। ମୁଁ ଅତ୍ୟଧିକ ଚିଡଚିଡା ଏବଂ ଅଜବ ବ୍ୟବହାର କରୁଥିଲି। ମୋ ପରିବାର, ବିଶେଷକରି ମୋ ପତ୍ନୀ ଅନୁଷ୍କା ଶର୍ମାଙ୍କ (Anushka Sharma) ପାଇଁ ଏହି ସବୁ ଅନ୍ୟାୟ ଭଳି ଥିଲା। ଏହା ଅନ୍ୟାୟ ବହୁତ ଖରାପ ଥିଲା। ଯେଉଁମାନେ ଆପଣଙ୍କୁ ସର୍ବଦା ସମର୍ଥନ କରନ୍ତି ତାଙ୍କ ସହ ଏପରି ବ୍ୟବହାର ଆଦୌ ଠିକ୍ ନୁହେଁ ବୋଲି ସେ କହିଛନ୍ତି। ତେଣୁ ମୋତେ ଦାୟିତ୍ୱ ଗ୍ରହଣ କରିବାକୁ ପଡିଲା ଏବଂ ସବୁ ଖରାପ ଜିନିଷ ଗୁଡିକ ଠିକ୍ କରିବାକୁ ପଡିଲା। "
ତାଙ୍କର ଖରାପ ସମୟ ବିଷୟରେ ବିରାଟ କୋହଲି (Virat Kohli) କହିଛନ୍ତି,ଯେ ମୋର କ୍ରିକେଟ ଖେଳ ପ୍ରତି ଦିନକୁ ଦିନ ବଢିବାରେ ଲାଗିଥିଲା ।ମୋର ଇଚ୍ଛା ଓ ଆତ୍ମବିଶ୍ୱାସ ଯେମିତି ମୋ ଉପରେ ଭାରି ହୋଇପଡୁଥିଲା । ତା’ପରେ ମୁଁ ଅନୁଭବ କଲି ଯେ ମୁଁ କ୍ରିକେଟ ଠାରୁ ଦୂରେଇ ରହି ପାରିବି ନାହିଁ। ମୁଁ ପାରିବି। ମୋତେ ନିଜ ପ୍ରତି ସେତିକି ଦୃଢ ହେବାକୁ ପଡିବ। ମୁଁ ଯେତେବେଳେ ଦୁର୍ବଳ, ଭଲ ଖେଳୁ ନାହିଁ, ମୁଁ ସବୁଠାରୁ ଖରାପ ଖେଳାଳି, ମୋତେ ଏହାକୁ ଗ୍ରହଣ କରିବାକୁ ପଡ଼ିବ। ମୁଁ ଏହାକୁ ଅସ୍ୱୀକାର କରିପାରିବି ନାହିଁ। "
କୋହଲି କହିଛନ୍ତି ଯେ ସେ ଏତେ ଖରାପ ଖେଳୁଛନ୍ତି ବୋଲି ସେ ଗ୍ରହଣ କରିପାରୁନଥିଲେ । ଏହି କାରଣରୁ ସେ ନିଜ ଘରେ ମଧ୍ୟ କ୍ରୋଧିତ ରହୁଥିଲେ, ସେ କହିଛନ୍ତି ଯେ, ମୈଦାନର ହେଉଥିବା ରାଗରୁଷା ଘରେ ଆସି କାଢିବା ଠିକ୍ ନଥିଲେ। ଏହି ସମୟରେ ମୁଁ ମୋ ପତ୍ନୀଙ୍କ ପ୍ରତି ଖୁବ ଅନ୍ୟାୟ କରିଛି। ଠିକ୍ ଅଛି, ବର୍ତ୍ତମାନ ମୁଁ ନିଜ ଫର୍ମକୁ ଧିରେ ଧିରେ ଫେରୁଛି ବୋଲି ସେ କହିଛନ୍ତି। ତେବେ ଏଠାରେ କହିରଖୁଛୁ ଯେ, ଶ୍ରୀଲଙ୍କା(Ind Vs Sl) ବିପକ୍ଷ ପ୍ରଥମ ଦିନିକିଆରେ ବିରାଟ କୋହଲି ୮୭ ବଲରେ ୧୧୩ ରନ୍ ସଂଗ୍ରହ କରି ଭାରତୀୟ ଦଳକୁ ପୁନର୍ବାର ବିଜୟ ପ୍ରଦାନ କରିଥିଲେ।
Also Read: KS Bharat: ଟିମ୍ ଇଣ୍ଡିଆରେ ରାତାରାତି ହେଲା ଏହି ୱିକେଟ୍ କିପରଙ୍କ ଏଣ୍ଟ୍ରି, ଋଷଭ ପନ୍ତଙ୍କ ପାଇଁ ବିପଦ!