T20 World Cup 2024 Final: ଦକ୍ଷିଣ ଆଫ୍ରିକାକୁ ୭ ରନରେ ହରାଇ ୧୭ ବର୍ଷ ପରେ ବିଶ୍ୱ ବିଜେତା ହେଲା ଭାରତ

T20 World Cup 2024 Final IND vs SA: ସମଗ୍ର ଭାରତବାସୀ ଯେଉଁ ଟ୍ରଫି ପାଇଁ  ବର୍ଷ ବର୍ଷ ଧରି ଅପେକ୍ଷା କରିଥିଲା ତାହାକୁ ​​ଭାରତ ହାସଲ କରିଛି। ଶନିବାର କେନ୍ସିଙ୍ଗଟନ୍ ଓଭାଲରେ ଖେଳାଯାଇଥିବା ଟି-୨୦ ବିଶ୍ୱକପ୍-୨୦୨୪ ଫାଇନାଲରେ ଦକ୍ଷିଣ ଆଫ୍ରିକାକୁ ସାତ ରନରେ ପରାସ୍ତ କରି ଭାରତ ବିଶ୍ୱ ବିଜେତା ହୋଇଛି। ଫାଇନାଲ୍ ମ୍ୟାଚରେ ଭାରତ ପ୍ରଥମେ ବ୍ୟାଟିଂ କରି ୭ ୱିକେଟ୍ ୧୭୬ ରନ୍ ସ୍କୋର କରିଥିଲା। ଦକ୍ଷିଣ ଆଫ୍ରିକା ଦଳ ଏହାର ପ୍ରଥମ ଫାଇନାଲ୍ ମ୍ୟାଚ୍ ଖେଳି କଠିନ ପରିଶ୍ରମ କରିଥିଲା ​​କିନ୍ତୁ ନିର୍ଦ୍ଧାରିତ ୨୦ ଓଭରରେ ମାତ୍ର ୧୬୯ ରନ୍ ସ୍କୋର କରି ଟାଇଟଲରୁ ବଞ୍ଚିତ ହୋଇଥିଲା।

ଭାରତ ଦ୍ୱିତୀୟ ଥର ପାଇଁ ଟି-୨୦ ବିଶ୍ୱକପ ଚାମ୍ପିୟନ ହୋଇଛି। ୨୦୦୭ ମସିହାରେ ଭାରତ ପ୍ରଥମ ଥର ପାଇଁ ଏହି ଟ୍ରଫି ଜିତିଥିଲା। ଏହା ସହ ଭାରତ ଦ୍ୱିତୀୟ ଥର ପାଇଁ ଟି-୨୦ ଟାଇଟଲ ଜିତିବାରେ ତୃତୀୟ ଦଳ ହୋଇପାରିଛି। ଏହାପୂର୍ବରୁ ସେ ଇଂଲଣ୍ଡ ଓ ୱେଷ୍ଟଇଣ୍ଡିଜ ଏପିରି କାରାନାମା କରିଥିଲେ। ୨୦୧୩ ମସିହାରୁ ଚାଲିଥିବା ଆଇସିସି ଟ୍ରଫି ମରୁଡ଼ି ଓ ୧୭ ବର୍ଷ ଧରି ଚାଲିଥିବା ଟି-୨୦ ବିଶ୍ୱକପ ମରୁଡ଼ିକୁ ଭାରତ ସମାପ୍ତ କରିଛି।

୧୭୭ ରନ୍‌ର ଟାର୍ଗେଟକୁ ପଛରେ ପକାଇ ଭାରତ ଦକ୍ଷିଣ ଆଫ୍ରିକା ଦଳକୁ ଭାରତ ଭଲ ଆରମ୍ଭ କରିବାକୁ ଦେଇନଥିଲା। ଦ୍ୱିତୀୟ ଓଭରର ତୃତୀୟ ବଲରେ ଜସପ୍ରୀତ ବୁମ୍ରା ରେଜା ହେଣ୍ଡ୍ରିକ୍ସଙ୍କୁ ବୋଲ୍ଡ କରିଥିଲେ। ତୃତୀୟ ଓଭରରେ ଅର୍ଶଦୀପ ଦକ୍ଷିଣ ଆଫ୍ରିକାର ଅଧିନାୟକ ଆଡେନ ମାର୍କ୍ରାମଙ୍କୁ ଋଷଭ ପନ୍ତଙ୍କ ଦ୍ୱାରା କ୍ୟାଚ୍ କରାଇଥିଲେ। ସେ ଚାରି ରନ୍ ସ୍କୋର କରିବା ପରେ ଆଉଟ୍ ହୋଇଥିଲେ। ଏହି ସମୟରେ କ୍ୱିଣ୍ଟନ୍ ଡି କକ୍ ୱିକେଟ୍ ଦଳକୁ ଆଗକୁ ବଢ଼ାଇଥିଲେ। ତାଙ୍କ ସହ ଟ୍ରିଆଷ୍ଟ ଷ୍ଟବ୍ସ ଯୋଗଦାନ ଦେଇଥିଲେ। ଷ୍ଟବ୍ସ କିନ୍ତୁ ନିଜ ଭୁଲ ଦ୍ୱାରା ୱିକେଟ୍ ହରାଇଥିଲେ। ସେ ଅକ୍ଷରର ପଟେଲଙ୍କ ବଲକୁ ଅଫ୍ ଷ୍ଟମ୍ପ ବାହାରେ ମାରିବାକୁ ଚାହୁଁଥିଲେ କିନ୍ତୁ ମିସ୍ ହୋଇ ବୋଲ୍ଡ ହୋଇଥିଲେ। ଷ୍ଟବ୍ସ ୩୧ ରନ୍ ସ୍କୋର କରିଥିଲେ।

ଷ୍ଟବ୍ସଙ୍କ ଆଉଟ୍ ଡି କକ୍ ଉପରେ କୌଣସି ପ୍ରଭାବ ପଡି଼ ନଥିଲା ଏବଂ ସେ ରନର ଗତିକୁ ଜାରି ରଖିଥିଲେ। ହେନ୍ରିଚ୍ କ୍ଲାସେନ୍ ତାଙ୍କର ଚିରାଚରିତ ଶୈଳୀରେ ଲମ୍ବା ସଟ୍ ମାରିବା ଆରମ୍ଭ କରିଥିଲେ। ଡି କକ୍ ବିପଜ୍ଜନକ ଦେଖାଯାଉଥିଲେ। ଉଭୟ ବ୍ୟାଟ୍ସମ୍ୟାନ୍ ସ୍ପିନରଙ୍କୁ ଭଲ ଖେଳୁଥିଲେ ତେଣୁ ରୋହିତ ଅର୍ଶଦୀପ ସିଂଙ୍କୁ ବୋଲିଂ ଦେଇଥିଲେ। ରୋହିତଙ୍କ ଏହି ପ୍ଲାନ କାମ କରିଥିଲା ଓ ୧୩ ତମ ଓଭରର ତୃତୀୟ ବଲରେ ଡି କକ୍ କୁଲଦୀପ ଯାଦବଙ୍କୁ କ୍ୟାଚ୍ ଦେଇଥିଲେ। ଏହି ବାମହାତୀ ବ୍ୟାଟ୍ସମ୍ୟାନ୍ ଚାରିଟି ଚୌକା ଓ ଗୋଟିଏ ଛକା ସହାୟତାରେ ୩୧ ବଲରେ ୩୯ ରନ୍ ସଂଗ୍ରହ କରିଥିଲେ।

ଅକ୍ଷର ପଟେଲ କରିଥିବା ୧୫ ତମ ଓଭରରେ କ୍ଲାସେନ୍ ୨୪ ରନ୍ ସ୍କୋର କରିଥିଲେ ଓ ଏଠାରୁ ମ୍ୟାଚ୍ ଭାରତର ହାତରୁ ମ୍ୟାଚ୍ ଚାଲିଥିବା ପରି ମନେ ହେଉଥିଲା। ରୋହିତ ୧୬ ତମ ଓଭରରେ ବୁମରାଙ୍କୁ ଡାକି ବୋଲିଂ ଦେଇଥିଲେ। ବୁମରା ମାତ୍ର ଚାରି ରନ୍ ଦେଇ ଭାରତକୁ ମ୍ୟାଚକୁ ଫେରାଇ ଆଣିଥିଲେ। ୧୭ ତମ ଓଭରର ପ୍ରଥମ ବଲରେ କ୍ଲାସେନଙ୍କୁ ଆଉଟ୍ କରି ହାର୍ଦ୍ଦିକ ପାଣ୍ଡ୍ୟା ମ୍ୟାଚକୁ ଭାରତ ସପକ୍ଷରେ ନେଇ ଆସିଥିଲେ।

ସୂର୍ଯ୍ୟକୁମାର ଧରିଥିଲେ ଚତ୍ମକାର କ୍ୟାଚ୍
ଡେଭିଡ ମିଲର ତଥାପି କ୍ରିଜରେ ରହିଯାଇଥିଲେ ଓ ଭାରତ ପାଇଁ ବିପଦ ଥିଲା, କିନ୍ତୁ ବ୍ୟାଟିଂରେ ବିଫଳ ହୋଇଥିବା ସୁର୍ଯ୍ୟକୁମାର ଯାଦବ ଶେଷ ଓଭରର ପ୍ରଥମ ବଲରେ ମିଲରଙ୍କ ଏକ ଆଶ୍ଚର୍ଯ୍ୟଜନକ କ୍ୟାଚ୍ ନେଇଥିଲେ ଓ ମ୍ୟାଚରେ ଭାରତର ବିଜୟ ନିଶ୍ଚିତ କରିଥିଲେ। ଶେଷ ଓଭରରେ ହାର୍ଦ୍ଦିକ ପାଣ୍ଡ୍ୟା ଅବଶିଷ୍ଟ ରନ୍ ସଞ୍ଚୟ କରି ଭାରତକୁ ବିଜୟ ଦେଇଥିଲେ।

କୋହଲି ଖେଳିଥିଲେ ଚତ୍ମକାର ଇନିଂସ
ଟିମ୍ ଇଣ୍ଡିଆର ଏହି ବିଜୟର ହିରୋ ସେହି ଖେଳାଳି, ଯାହାର ବ୍ୟାଟ୍ ଫାଇନାଲ୍ ପୂର୍ବରୁ ସମ୍ପୂର୍ଣ୍ଣ ଶାନ୍ତ ଥିଲା। ତାଙ୍କୁ ଦଳରୁ ଓହରିଯିବାର ଆଲୋଚନା ହୋଇଥିଲା କିନ୍ତୁ ଏହି ମ୍ୟାଚରେ ସେ ବିରାଟ କୋହଲି କାହିଁକି ମହାନ ବୋଲି ବୁଝାଇଥିଲେ। କୋହଲି ଫାଇନାଲରେ ୭୬ ରନର ଇନିଂସ ଖେଳିଥିଲେ। ତାଙ୍କର ଏହି ଇନିଂସ ଚାପରେ ଆସିଥିଲା। ଦ୍ୱିତୀୟ ଓଭରରେ ରୋହିତ ଶର୍ମା (୯) ଆଉଟ୍ ହୋଇଥିଲେ। ଋଷଭ ପନ୍ତ ଖାତା ମଧ୍ୟ ଖୋଲିପାରିନଥିଲେ। ଏଠାରୁ କୋହଲି ଏକ ଦଳର ଦାୟିତ୍ୱ ସମ୍ଭାଳଇ ଇନିଂସ ଖେଳିଥିଲେ। ସେ ଅକ୍ଷର ପଟେଲଙ୍କ ସହ ୭୨ ରନର ଭାଗିଦାରୀ କରିଥିଲେ। ଅକ୍ଷର ପଟେଲ ନିଜର ଅର୍ଦ୍ଧଶତକ ପୂରଣ କରିପାରି ନଥିଲେ। ସେ ୩୧ ବଲରେ ୪୭ ରନ୍ ସଂଗ୍ରହ କରିଥିଲେ। ଅକ୍ଷୟ ତାଙ୍କ ଇନିଂସରେ ୪ଟି ଛକା ଓ ଗୋଟିଏ ଛକା ମାରିଥିଲେ।

ଦୁବେ ମଧ୍ୟ ଚମକିଥିଲେ
ଏହା ପରେ କୋହଲି ଶିବମ୍ ଦୁବେଙ୍କ ସହ ୫୭ ରନ୍ ଯୋଡିଥିଲେ। କୋହଲି ୧୮ ଓଭରର ପଞ୍ଚମ ବଲରେ ଆଉଟ୍ ହୋଇଥିଲେ। ତାଙ୍କ ଇନିଂସରେ ଏହି ବ୍ୟାଟ୍ସମ୍ୟାନ୍ ୫୯ ବଲରେ ସମ୍ମୁଖୀନ ହୋଇ ୬ଟି ଚୌକା ଓ ଦୁଇଟି ଛକା ମାରିଥିଲେ। ଶେଷ ଓଭରର ଚତୁର୍ଥ ବଲରେ ଦୁବେ ଆଉଟ୍ ହୋଇଥିଲେ। ସେ ୧୬ଟି ବଲରେ ୨୭ ରନ୍ ସ୍କୋର କରିଥିଲେ। ଦୁବେଙ୍କ ଇନିଂସରେ ତିନୋଟି ଚୌକା ଓ ଗୋଟିଏ ଛକା ସାମିଲ ଥିଲା। ଦୁଇଟି ବଲରେ ହାର୍ଦ୍ଦିକ ପାଣ୍ଡ୍ୟା ଅପରାଜିତ ପାଞ୍ଚ ରନ୍ ସଂଗ୍ରହ କରିଥିଲେ। ରବିନ୍ଦ୍ର ଜାଡେଜା ଦୁଇ ରନ୍ ସ୍କୋର କରିବା ପରେ ଆଉଟ୍ ହୋଇଥିଲେ।

ଦକ୍ଷିଣ ଆଫ୍ରିକା ପାଇଁ ମହାରାଜ ଓ ଏନ୍ରିକ୍ ନୋର୍କିଆ ଦୁଇଟି ଲେଖାଏଁ ୱିକେଟ୍ ନେଇଥିଲେ। ମାର୍କୋ ୟାନସେନ୍ ଏବଂ କାଗିସୋ ରାବାଡା ଗୋଟିଏ ଲେଖାଏଁ ୱିକେଟ୍ ନେଇଥିଲେ।