Shoaib Akhtar vs Mohammed Shami: ଆଇସିସି ଟି-20 ବିଶ୍ୱକପ ୨୦୨୨ (ICC T20 World Cup 2022) ଟାଇଟଲ୍ ଇଂଲଣ୍ଡ ଦଳ (England Team) ଜିତିଛି । ରବିବାର ଅର୍ଥାତ ନଭେମ୍ବର ୧୩ରେ ଅଷ୍ଟ୍ରେଲିଆର ମେଲବର୍ଣ୍ଣରେ ଖେଳାଯାଇଥିବା ଫାଇନାଲ ମ୍ୟାଚ (England vs Pakistan) ରେ ପାକିସ୍ତାନକୁ ଶୋଚନୀୟ ପରାଜୟର ସାମ୍ନା କରିବାକୁ ପଡ଼ିଛି । ପାକିସ୍ତାନର ପରାଜୟ ପରେ ପାକିସ୍ତାନୀ ଓ ଭାରତୀୟ ଦିଗଜ୍ଜଙ୍କ ମଧ୍ୟରେ ଟ୍ୱିଟର୍ ୱାର୍ ମଧ୍ୟ ଦେଖିବାକୁ ମିଳିଛି । ଏଥିମଧ୍ୟରୁ ସବୁଠାରୁ ଅଧିକ ଚର୍ଚ୍ଚା ଭାରତୀୟ ଦ୍ରୁତ ବୋଲର ମହମ୍ମଦ ଶାମି (Mohammed Shami) ଓ ପାକିସ୍ତାନର ପୂର୍ବତନ ଦ୍ରୁତ ବୋଲର ଶୋଏବ ଅଖତର (Shoaib Akhtar) ଙ୍କ ମଧ୍ୟରେ ହୋଇଥିବା କମେଣ୍ଟକୁ ନେଇ ହେଉଛି । ଏହି ଦୁଇଜଣଙ୍କ ମଧ୍ୟରେ ହୋଇଥିବା କମେଣ୍ଟ ୱାର୍ ସୋସିଆଲ ମିଡିଆରେ ଛାଇ ରହିଛି । ଏହାର ଆରମ୍ଭ ମହମ୍ମଦ ଶାମିଙ୍କ ଟ୍ୱିଟରୁ ହୋଇଛି ।
ବାସ୍ତବରେ, ଶୋଏବ ଅଖତର ଏକ ଭଙ୍ଗା ହୃଦୟର ଏକ ଇମୋଜି ଟ୍ୱିଟ୍ କରିବା ପରେ ମହମ୍ମଦ ଶାମି ଏହା ଉପରେ ଲେଖିଥିଲେ ଯେ, 'ସୋରୀ ବ୍ରଦର, ଏହାକୁ କର୍ମ କୁହାଯାଏ' । ମହମ୍ମଦ ଶାମିଙ୍କର ଏହି ଟ୍ୱିଟ୍ ବହୁତ ଭାଇରାଲ୍ ହୋଇଛି ଓ ଟ୍ରେଣ୍ଡରେ ମଧ୍ୟ ରହିଛି । କିନ୍ତୁ ବର୍ତ୍ତମାନ ଶୋଏବ ଅଖତର ମଧ୍ୟ ଏହାର ଜବାବ ମହମ୍ମଦ ଶାମିଙ୍କୁ ଦେଇଛନ୍ତି । ଶୋଏବ ଅଖତର ହର୍ଷା ଭୋଗଲେଙ୍କ ଏକ ଟ୍ୱିଟ୍ ସେୟାର କରିଛନ୍ତି, ଯେଉଁଥିରେ ସେ ପାକିସ୍ତାନୀ ବୋଲିଂକୁ ପ୍ରଶଂସା କରିଛନ୍ତି ।
ଶୋଏବ ଅଖତର ଯେଉଁ ଟ୍ୱିଟ୍ ସେୟାର କରି ଜବାବ ଦେଇଛନ୍ତି, ସେଥିରେ ହର୍ଷା ଭୋଗଲେ ଲେଖିଛନ୍ତି, 'ପାକିସ୍ତାନକୁ କ୍ରେଡିଟ୍ । କେବଳ ଅଳ୍ପ କିଛି ଦଳ ଅଛନ୍ତି, ଯେଉଁମାନେ ୧୩୭ ରନର ଲକ୍ଷ୍ୟକୁ ଡିଫେଣ୍ଡ କରିଛନ୍ତି । ବେଷ୍ଟ୍ ବୋଲିଂ ଟିମ୍ ।' ଏଥିରୁ ସ୍ପଷ୍ଟ ଯେ ଫାଇନାଲ ମ୍ୟାଚରେ ହର୍ଷା ଭୋଗଲେ ପାକିସ୍ତାନୀ ବୋଲିଂକୁ ପ୍ରଶଂସା କରିଛନ୍ତି । ଶୋଏବ ଅଖତର ଏହି ଟ୍ୱିଟକୁ ସେୟାର କରି ମହମ୍ମଦ ଶାମିଙ୍କୁ ଜବାବ ଦେଇଛନ୍ତି । ଆହୁରି ମଧ୍ୟ ଲେଖିଛନ୍ତି ଯେ, '... ଆଉ ଆପଣ ଏହାକୁ ଏକ ବୁଦ୍ଧିମାନର ଟ୍ୱିଟ୍ ବୋଲି କହିବେ କି?'
And this what you call sensible tweet .. pic.twitter.com/OpVypB34O3
— Shoaib Akhtar (@shoaib100mph) November 13, 2022
ଅଧିକ ପଢ଼ନ୍ତୁ:-LPG ଗ୍ୟାସ ମୂଲ୍ୟକୁ ନେଇ ଏହି ନିଷ୍ପତ୍ତି ନେଲେ ସରକାର, ପ୍ରଭାବିତ ହେବେ କୋଟି କୋଟି ଗ୍ରାହକ
ଅଧିକ ପଢ଼ନ୍ତୁ:-ଟିମ୍ ଇଣ୍ଡିଆରେ ରୋହିତ-ରାହୁଲଙ୍କ ସ୍ଥାନ ନେବେ ଏହି ୨ ଷ୍ଟାର୍ ବ୍ୟାଟ୍ସମ୍ୟାନ୍! ହେବେ ଦଳର ଓପେନିଂ ଯୋଡ଼ି
ଅଧିକ ପଢ଼ନ୍ତୁ:-ଫାଇନାଲରେ ପାକିସ୍ତାନର ପରାଜୟ ପରେ ବି ସ୍ୱପ୍ନ ଦେଖୁଛନ୍ତି ଶୋଏବ ଅଖତର, କହିଲେ-ଏବେ ଭାରତରେ ବିଶ୍ୱକପ...
ଆପଣଙ୍କୁ କହି ରଖୁଛୁ ଯେ, ଟି-20 ବିଶ୍ୱକପ ସମୟରେ ଶୋଏବ ଅଖତର କ୍ରମାଗତ ଭାବେ ଟିମ୍ ଇଣ୍ଡିଆକୁ ସମାଲୋଚନା କରୁଥିଲେ । ସେମିଫାଇନାଲରେ ଟିମ୍ ଇଣ୍ଡିଆର ପରାଜୟ ପରେ ଖୁସି ବ୍ୟକ୍ତ କରିଥିଲେ । ଏଭଳି ପରିସ୍ଥିତିରେ ଯେତେବେଳେ ପାକିସ୍ତାନ ଫାଇନାଲରେ ହାରିଥିଲା, ସେତେବେଳେ ମହମ୍ମଦ ଶାମି ମଧ୍ୟ ସେମାନଙ୍କ ଉପରେ ଏପରି କଟାକ୍ଷ କରିଥିଲେ । ଯାହା ଭାଇରାଲ ହୋଇଛି । ୟୁଜର୍ସମାନେ ମଧ୍ୟ ମହମ୍ମଦ ଶାମିଙ୍କ ଏହି ଟ୍ୱିଟକୁ ନେଇ ମଜା ନେଉଛନ୍ତି । ଜଣେ ଲେଖିଛନ୍ତି ଯେ, ଶାମି ଭୋଇ ରକି ମୋଡରେ ଆସି ଯାଇଛନ୍ତି ଓ ଫାୟର କରୁଛନ୍ତି ।