IND vs ZIM: ଏହି ୩ ଆଇପିଏଲ୍ ଖେଳାଳିଙ୍କ ହଠାତ୍ ଚମକିଲା ଭାଗ୍ୟ, ଜିମ୍ବାୱେ ଗସ୍ତରେ ଟିମ୍ ଇଣ୍ଡିଆରେ ପାଇଲେ ସ୍ଥାନ

IND vs ZIM T20I Series: ଶୁବମନ ଗିଲଙ୍କ ନେତୃତ୍ୱରେ ଭାରତୀୟ ଦଳ ଜିମ୍ବାୱେ ଗସ୍ତ କରିଛି। କିନ୍ତୁ ଏହା ପରେ ବୋର୍ଡ ଅଫ୍ କଣ୍ଟ୍ରୋଲ ଫର କ୍ରିକେଟ୍ ଇନ୍ ଇଣ୍ଡିଆ (BCCI) ଦଳରେ ବଡ଼ ପରିବର୍ତ୍ତନ ଆଣି ତିନିଜଣ ଖେଳାଳିଙ୍କୁ ସାମିଲ କରିଛି। ଏହି ତିନି ଖେଳାଳିଙ୍କ ମଧ୍ୟରେ ସାଇ ସୁଦର୍ଶନ, ଜିତେଶ ଶର୍ମା ଏବଂ ହର୍ଷିତ ରାଣା ଅଛନ୍ତି। ଭାରତ ଓ ଜିମ୍ବାୱେ ମଧ୍ୟରେ ପାଞ୍ଚ ମ୍ୟାଚ୍ ବିଶିଷ୍ଟ ଟି-୨୦ ସିରିଜ୍ ଖେଳାଯିବ। ଏହି ତିନୋଟି ଖେଳାଳିଙ୍କୁ ପ୍ରଥମ ଦୁଇଟି ମ୍ୟାଚ୍ ପାଇଁ ଭାରତୀୟ ଦଳର ଏକ ଅଂଶ କରାଯାଇଛି। ପ୍ରଥମ ଥର ପାଇଁ ହର୍ଷିତ ରାଣାଙ୍କୁ ଟିମ୍ ଇଣ୍ଡିଆରେ ସୁଯୋଗ ମିଳିଛି।

ଏହି ତିନି ଖେଳାଳି ଶିବମ୍ ଦୁବେ, ଯଶସ୍ୱୀ ଜୈସୱାଲ ଓ ସଞ୍ଜୁ ସାମସନଙ୍କ ବଦଳରେ ପ୍ରଥମ ଦୁଇଟି ମ୍ୟାଚ୍ ପାଇଁ ସ୍ଥାନ ଦିଆଯାଇଛି। ସମସ୍ତ ତିନି ଖେଳାଳି ଟି-୨୦ ବିଶ୍ୱକପ ୨୦୨୪ ର ଅଂଶବିଶେଷ ଥିଲେ। ବର୍ତ୍ତମାନ ବିଶ୍ୱକପ ବିଜେତା ଦଳ ଭାରତ ବାରବାଡୋସରୁ ଫେରିବାରେ ସକ୍ଷମ ହୋଇ ନାହିଁ, ଏହି କାରଣରୁ ତିନିଜଣ ଖେଳାଳି ଶୁବମନ ଗିଲଙ୍କ ଅଧିନାୟକତ୍ୱ ଦଳ ସହିତ ଜିମ୍ବାୱେ ଯାଇପାରିବେ ନାହିଁ। ଏଥିପାଇଁ ଅନ୍ୟ ତିନି ଖେଳାଳିଙ୍କୁ ଦଳରେ ସୁଯୋଗ ମିଳିଛି।

କହିରଖୁଛୁ ଯେ ଆଇପିଏଲରେ କୋଲକାତା ନାଇଟ୍ ରାଇଡର୍ସ ପାଇଁ ଖେଳିଥିବା ହର୍ଷିତ ରାଣା ପ୍ରଥମ ଥର ପାଇଁ ଟିମ୍ ଇଣ୍ଡିଆରେ ସାମିଲ ହୋଇଛନ୍ତି। ଏହାପୂର୍ବରୁ ଯେତେବେଳେ ଜିମ୍ବାୱେ ଗସ୍ତ ପାଇଁ ଟିମ୍ ଇଣ୍ଡିଆ ଘୋଷଣା କରାଯାଇଥିଲା, ପ୍ରଶଂସକମାନେ ହର୍ଷିତଙ୍କ ଦଳରେ ସୁଯୋଗ ନ ମିଳିବା ଉପରେ ପ୍ରଶ୍ନ ଉଠାଇଥିଲେ। ତେବେ ବର୍ତ୍ତମାନ ହର୍ଷୀତ ଦଳରେ ସ୍ଥାନ ପାଇଛନ୍ତି।

ଭାରତ ଓ ଜିମ୍ବାୱେ ମଧ୍ୟରେ ଖେଳାଯିବାକୁ ଥିବା ପାଞ୍ଚ ମ୍ୟାଚ୍ ବିଶିଷ୍ଟ ଟି-୨୦ ସିରିଜ୍ ୬ ଜୁଲାଇ ଶନିବାର ଠାରୁ ଆରମ୍ଭ ହେବ। ସିରିଜର ଶେଷ ମ୍ୟାଚ୍ ୧୪ ଜୁଲାଇ ଶନିବାର ଦିନ ଖେଳାଯିବ। ଭାରତୀୟ ଅଧିନାୟକ ଭାବରେ ଶୁବମନ ଗିଲଙ୍କ ପାଇଁ ଏହା ପ୍ରଥମ ସିରିଜ୍ ହେବ।

NEWS 

Sai Sudharsan, Jitesh Sharma and Harshit Rana added to India’s squad for first two T20Is against Zimbabwe.

Full Details  #TeamIndia | #ZIMvINDhttps://t.co/ezEefD23D3

— BCCI (@BCCI) July 2, 2024

ଜିମ୍ବାୱେ ବିପକ୍ଷରେ ପ୍ରଥମ ଓ ଦ୍ୱିତୀୟ ଟି-୨୦ ପାଇଁ ଭାରତର ନୂଆ ଦଳ

ଶୁବମନ ଗିଲ (ଅଧିନାୟକ), ରୁତୁରାଜ ଗାଇକୱାଡ, ଅଭିଷେକ ଶର୍ମା, ରିଙ୍କୁ ସିଂ, ଧ୍ରୁଭ ଜୁରେଲ (ୱିକେଟ୍ କିପର), ରିୟାନ୍ ପାରାଗ, ୱାଶିଂଟନ୍ ସୁନ୍ଦର, ରବି ବିଷ୍ଣୋଇ, ଆବେଶ ଖାନ୍, ଖଲିଲ ଅହମ୍ମଦ, ମୁକେଶ କୁମାର, ତୁଷାର ଦେଶପାଣ୍ଡେ, ସାଇ ସୁଦର୍ଶନ, ଜିତେଶ ଶର୍ମା (ୱିକେଟ୍ କିପର), ହର୍ଷିତ ରାଣା।