ବିଶ୍ୱକପ୍‌ ଫାଇନାଲ୍ ହାରିବାର କାରଣ ପଚାରିଲା BCCI; କୋଚ୍‌ ଓ ଅଧିନାୟକ ଦେଲେ ଏହି ଆଶ୍ଚର୍ଯ୍ୟଜନକ ଉତ୍ତର

ICC Cricket World Cup 2023 final: ଆଇସିସି ବିଶ୍ୱକପ ୨୦୨୩ ର ଫାଇନାଲ୍ ମ୍ୟାଚରେ ଭାରତ ପରାଜୟର ସମ୍ମୁଖୀନ ହୋଇଥିଲା । ଅଷ୍ଟ୍ରେଲିଆ ଏହି ମ୍ୟାଚକୁ ୬ ୱିକେଟରେ ଜିତି ବିଶ୍ୱକପ ଟାଇଟଲ ଜିତିଥିଲା । ଏହି ଟୁର୍ଣ୍ଣାମେଣ୍ଟରେ ଭାରତୀୟ ଦଳ ଚମତ୍କାର ପ୍ରଦର୍ଶନ କରିଥିଲା, କିନ୍ତୁ ଫାଇନାଲକୁ ଆସିବା ପରେ ରୋହିତଙ୍କ ସେନା ପରାଜୟର ସମ୍ମୁଖୀନ ହୋଇଥିଲା । ଏହି ପରାଜୟ ଦ୍ୱାରା କୋଟି କୋଟି ପ୍ରଶଂସକ ହୃଦୟ ଭାଙ୍ଗିଯାଇଥିଲା । ପ୍ରଥମ ଥର ପାଇଁ ବିସିସିଆଇ ସିଧାସଳଖ ଭାରତର ଅଧିନାୟକ ତଥା କୋଚଙ୍କୁ ଭାରତର ପରାଜୟ ଉପରେ ପ୍ରଶ୍ନ କରିଛି । ଭାରତୀୟ ଦଳର ପରାଜୟର କାରଣ ବିସିସିଆଇ ପଚାରିଛି । ଏହା ଉପରେ କୋଚ୍ ଦେଇଥିବା ବୟାନ ଆଶ୍ଚର୍ଯ୍ୟଜନକ ଅଟେ ।

ରାହୁଲ ଦ୍ରାବିଡ କାହାକୁ ଦାୟୀ କରିଛନ୍ତି 
ବିସିସିଆଇ ଭାରତୀୟ ଦଳର କୋଚ୍ ତଥା ଅଧିନାୟକଙ୍କ ସହ ଏକ ବୈଠକ କରିଛି । ଏହି ବୈଠକରେ ବିସିସିଆଇ ସଚିବ ଜୟ ଶାହା, ଉପ-ସଭାପତି ରାଜୀବ ଶୁକ୍ଲା ଓ କୋଷାଧ୍ୟକ୍ଷ ଆଶିଷ ଶେଲାର ଯୋଗ ଦେଇଥିଲେ । ଦୈନିକ ଜାଗରଣରେ ପ୍ରକାଶିତ ଏକ ରିପୋର୍ଟ ଅନୁଯାୟୀ, ବୋର୍ଡର ଅଧିକାରୀମାନେ କୋଚ୍ ଦ୍ରାବିଡଙ୍କୁ ପଚାରିଥିଲେ ଯେ ଭାରତର ପରାଜୟର କାରଣ କ’ଣ? ଏହା ସହିତ ୧୯ ନଭେମ୍ବରରେ ହେବାକୁ ଥିବା ଫାଇନାଲ ମ୍ୟାଚରେ ଭାରତର ଖରାପ ପ୍ରଦର୍ଶନ ହେବାର କାରଣ ବିଷୟରେ ଅଧିନାୟକ ରୋହିତଙ୍କୁ ମଧ୍ୟ ପଚରାଯାଇଥିଲା । ବିସିସିଆଇର ଏହି ପ୍ରଶ୍ନ ଉପରେ ଦ୍ରାବିଡ ଏଥିପାଇଁ ଅହମ୍ମଦାବାଦର ନରେନ୍ଦ୍ର ମୋଦୀ ଷ୍ଟାଡିୟମର ପିଚକୁ ଦାୟୀ କରିଛନ୍ତି ।

କାହିଁକି କରିପାରିଲ ନାହିଁ ଏକ ବଡ଼ ସ୍କୋର?
ଭାରତ ଅଧିନାୟକ ରୋହିତ ଶର୍ମା ଏହା ମଧ୍ୟ କହିଛନ୍ତି ଯେ ପିଚ୍ ଭାରତୀୟ ଟିମ୍ ମ୍ୟାନେଜମେଣ୍ଟ ଆଶା କରିଥିବା ପରି ଅଧିକ ଟର୍ଣ୍ଣ ଦେଇ ନ ଥିଲା । ଏହି କାରଣରୁ, ପ୍ରଥମେ ବ୍ୟାଟିଂ କରୁଥିବାବେଳେ ଆମର ବ୍ୟାଟିଂ ଭଲ ହୋଇପାରିଲା ନାହିଁ ଏବଂ ଆମେ ବଡ଼ ସ୍କୋର କରିପାରିଲୁ ନାହିଁ । କହିରଖୁଛୁ ଯେ ଫାଇନାଲ୍ ପାଇଁ ବ୍ୟବହୃତ ହୋଇଥିବା ପିଚ୍ ସେହି ସମାନ ଷ୍ଟ୍ରିପ୍ ଥିଲା ଯାହା ପାକିସ୍ତାନ ବିପକ୍ଷ ଲିଗ୍ ମ୍ୟାଚ୍ ରେ ବ୍ୟବହୃତ ହୋଇଥିଲା । ପାକିସ୍ତାନକୁ ପରାସ୍ତ କରି ଭାରତ ସହଜରେ ଲିଗ୍ ମ୍ୟାଚ୍ ଜିତିଥିଲା । ଏହି ମ୍ୟାଚରେ ପାକିସ୍ତାନ ପ୍ରଥମେ ବ୍ୟାଟିଂ କରିଥିଲା ​ଓ ଭାରତକୁ ପିଛା କରିବାକୁ ପଡିଥିଲା ତେଣୁ ଭାରତ ସହଜରେ ଏହି ମ୍ୟାଚରେ ଜିତିଥିଲା, କିନ୍ତୁ ଫାଇନାଲ ମ୍ୟାଚରେ ଭାରତକୁ ପ୍ରଥମେ ବ୍ୟାଟିଂ କରିବାକୁ ପଡିଥିଲା, ଯେଉଁଥିପାଇଁ ଭାରତ ବଡ଼ ସ୍କୋର କରିପାରି ନଥିଲା ।