Mayank Agarwal: ଟିମ୍ ଇଣ୍ଡିଆ (Team India) ରୁ ବାହାର ଚାଲୁଥିବା ବ୍ୟାଟ୍ସମ୍ୟାନ୍ ମୟଙ୍କ ଅଗ୍ରୱାଲ (Mayank Agarwal) ଙ୍କୁ ଏକ ବଡ଼ ଦାୟିତ୍ୱ ମିଳିଛି । ୨୦୨୦ ମସିହାରେ ନିଜର ଶେଷ ଅନ୍ତର୍ଜାତୀୟ ମ୍ୟାଚ୍ ଖେଳିଥିବା ଏହି ଧୁରନ୍ଧର ଖେଳାଳିଙ୍କୁ ରେଷ୍ଟ୍ ଅଫ୍ ଇଣ୍ଡିଆ ଦଳ (Rest of India) ର ଅଧିନାୟକ କରାଯାଇଛି । ମୟଙ୍କ ଅଗ୍ରୱାଲ ଇରାନ କପ (Irani Cup) ରେ ମଧ୍ୟପ୍ରଦେଶ ବିପକ୍ଷରେ ରେଷ୍ଟ ଅଫ୍ ଇଣ୍ଡିଆ ଦଳର ନେତୃତ୍ୱ (Rest of India Captain) ନେବେ । ମାର୍ଚ୍ଚ ୧ ତାରିଖରୁ ଗ୍ୱାଲିଅରରେ ଆରମ୍ଭ ହେବାକୁ ଥିବା ଇରାନ କପ୍ ମ୍ୟାଚରେ କର୍ଣ୍ଣାଟକ ଅଧିନାୟକ ମୟଙ୍କ ଅଗ୍ରୱାଲ ମଧ୍ୟପ୍ରଦେଶ ବିପକ୍ଷରେ ରେଷ୍ଟ ଅଫ୍ ଇଣ୍ଡିଆ ଦଳର ନେତୃତ୍ୱ ନେବେ ।
ନିକଟ ଅତୀତରେ ରଣଜୀ ଟ୍ରଫି ସିଜନରେମୟଙ୍କ ଅଗ୍ରୱାଲ (Mayank Agarwal) ସର୍ବାଧିକ ରନ୍ କରିଥିଲେ । ଟେଷ୍ଟ ଦଳରେ ପ୍ରତ୍ୟାବର୍ତ୍ତନ କରିବାକୁ ଚେଷ୍ଟା କରୁଥିବା ମୟଙ୍କ ଅଗ୍ରୱାଲ (Mayank Agarwal) ଅଭିମନ୍ୟୁ ଇଶ୍ୱରନଙ୍କ ସହ ଇନିଂସ ଖୋଲିବେ ବୋଲି ଆଶା କରାଯାଉଛି । ଏହି ମ୍ୟାଚ୍ ପ୍ରଥମେ ଇନ୍ଦୋରରେ ଅନୁଷ୍ଠିତ ହେବାକୁ ଥିଲା କିନ୍ତୁ ହୋଲକର ଷ୍ଟାଡିୟମରେ ମାର୍ଚ୍ଚ ୧ ରୁ ଭାରତ ଓ ଅଷ୍ଟ୍ରେଲିଆ ମଧ୍ୟରେ ତୃତୀୟ ଟେଷ୍ଟ (India vs Australia 3rd Test Match) ଆୟୋଜନ କରିବାର ଅଧିକାର ପାଇବା ପରେ ଏହାକୁ ଗ୍ୱାଲିଅରକୁ ସ୍ଥାନାନ୍ତର କରାଯାଇଛି ।
ରେଷ୍ଟ ଅଫ୍ ଇଣ୍ଡିଆ ଦଳର ବ୍ୟାଟିଂ ଦାୟିତ୍ୱ ମୟଙ୍କ ଅଗ୍ରୱାଲ (Mayank Agarwal) ଓ ଇଶ୍ୱରନଙ୍କ ବ୍ୟତୀତ ସୁଦୀପ କୁମାର ଘରାମି, ଯଶସ୍ୱୀ ଜୟସୱାଲ, ବି ଇନ୍ଦ୍ରଜିତ ଏବଂ ଯଶ ଧୁଲଙ୍କ ଉପରେ ରହିବ । ବର୍ତ୍ତମାନର ରଣଜୀ ଟ୍ରଫି ଚାମ୍ପିଅନ୍ ସୌରାଷ୍ଟ୍ର ଦଳରୁ ୱିକେଟ୍ କିପର ଓପନର୍ ହାର୍ଭିକ୍ ଦେଶାଇ ଓ ବାମହାତୀ ପେସର୍ ଚେତନ ସାକାରିଆ ରେଷ୍ଟ ଅଫ୍ ଇଣ୍ଡିଆ ଦଳରେ ସ୍ଥାନ ପାଇଛନ୍ତି । ରେଷ୍ଟ୍ ଅଫ୍ ଇଣ୍ଡିଆ ଦଳର ବୋଲିଂ ଆଟାକର ଦାୟିତ୍ୱ ମୁକେଶ କୁମାର ଓ ଆକାଶ ଦୀପଙ୍କ ବଙ୍ଗଳା ଯୋଡ଼ିଙ୍କ ଉପରେ ରହିବ । ତାଙ୍କୁ ସାଥ୍ ଦେବା ପାଇଁ ସାକାରିଆ ଓ ଦିଲ୍ଲୀର ନବଦୀପ ସୈନି ରହିବେ ।
ଏସ୍ ଇଣ୍ଡିଆ ଦାସ, ଏସ୍ ଶରତ, ସାଲିଲ ଅଙ୍କୋଲା ଏବଂ ସୁବ୍ରତ ବାନାର୍ଜୀଙ୍କ ଚୟନ ପ୍ୟାନେଲ ଉତ୍ତର ପ୍ରଦେଶର ବାମହାତୀ ସ୍ପିନର ସୌରଭ କୁମାର ଓ ପଞ୍ଜାବର ଲେଗ ସ୍ପିନର ମୟଙ୍କ ମାର୍କାଣ୍ଡେଙ୍କୁ ମଧ୍ୟ ରେଷ୍ଟ ଅଫ୍ ଇଣ୍ଡିଆ ଟିମରେ ସ୍ଥାନ ଦେଇଛନ୍ତି । ନିୟମିତ ଅଧିନାୟକ ଆଦିତ୍ୟ ଶ୍ରୀବାସ୍ତବଙ୍କ ଅନୁପସ୍ଥିତିରେ ମଧ୍ୟପ୍ରଦେଶ ଦଳର ନେତୃତ୍ୱ ୱିକେଟ୍ କିପର ବ୍ୟାଟ୍ସମ୍ୟାନ୍ ହିମାଂଶୁ ମୈତ୍ରୀ ନେବେ । ଗତ ବର୍ଷ ଜୁନ୍ ମାସରେ ରଣଜୀ ଟ୍ରଫି ଟାଇଟଲ୍ ଜିତିଥିବା ମଧ୍ୟପ୍ରଦେଶ ଦଳରେ ରଜତ ପାଟିଦାର, ଭେଙ୍କଟେଶ ଆୟର, ଆବେଶ ଖାନ, ଶୁଭମ୍ ଶର୍ମା ଏବଂ ଯଶ ଦୁବେଙ୍କୁ ସାମିଲ କରାଯାଇଛି ।
ଅଧିକ ପଢ଼ନ୍ତୁ:-ରୋହିତ ଶର୍ମାଙ୍କ ବଢ଼ିଲା ଟେନସନ୍! ଆହତ ସତ୍ତ୍ୱେ ତୃତୀୟ ଟେଷ୍ଟ ଖେଳିବେ ଏହି ଖତରନାକ୍ ଖେଳାଳି
ଅଧିକ ପଢ଼ନ୍ତୁ:-କେବଳ ଦିନିକିଆ ବିଶ୍ୱକପ ୨୦୨୩ ନୁହେଁ, ଟି-20 ବିଶ୍ୱକପ ୨୦୨୪ ବି ଖେଳିପାରିବେନି ଋଷଭ ପନ୍ତ! ହଠାତ୍ ସାମ୍ନାକୁ ଆସିଲା ଏହି ବଡ଼ ଅପଡେଟ୍
ଅଧିକ ପଢ଼ନ୍ତୁ:-ଓଡ଼ିଶାର ଏହି ୩ ଜିଲ୍ଲାରେ ମିଳିଲା ସୁନା ଖଣି, ରାଜ୍ୟ ସରକାର ଦେଲେ ସୂଚନା
ରେଷ୍ଟ ଅଫ୍ ଇଣ୍ଡିଆ
ମୟଙ୍କ ଅଗ୍ରୱାଲ (ଅଧିନାୟକ), ସୁଦୀପ କୁମାର ଘରାମି, ଯଶସ୍ୱୀ ଜୈସୱାଲ, ଅଭିମନ୍ୟୁ ଇଶ୍ୱରନ, ହାର୍ଭିକ ଦେଶାଇ, ମୁକେଶ କୁମାର, ଅତୀତ ସେଠ୍, ଚେତନ ସାକରିଆ, ନବଦୀପ ସୈନି, ଉପେନ୍ଦ୍ର ଯାଦବ, ମୟଙ୍କ ମାର୍କଣ୍ଡେୟ, ସୌରଭ କୁମାର, ଆକାଶ ଦୀପ, ପୁଲକିତ ନାରଙ୍ଗ ଏବଂ ଯଶ ଧୁଲ ।
ମଧ୍ୟପ୍ରଦେଶ ଦଳ
ହିମାଂଶୁ ମନ୍ତ୍ରୀ (ଅଧିନାୟକ), ରଜତ ପାଟିଦାର, ଯଶ ଦୁବେ, ହର୍ଷ ଗାୱଲି, ଶୁଭମ୍ ଶର୍ମା, ଭେଙ୍କଟେଶ ଆୟର, ଅକ୍ଷତ ରଘୁବଂଶୀ, ଅମନ ସୋଲାଙ୍କି, କୁମାର କାର୍ତ୍ତିକେୟ, ସାରାଂଶ ଜୈନ, ଆବେଶ ଖାନ, ଅଙ୍କିତ କୁଶୱାହା, ଗୌରବ ଯାଦବ, ଅନୁଭବ ଅଗ୍ରୱାଲ, ମିହିର ହିରୱାନି ।