IPL 2023: GT vs KKR, ଆଇପିଏଲ୍ ୨୦୨୩ ର ସବୁଠାରୁ ରୋମାଞ୍ଚକର ମ୍ୟାଚରେ କୋଲକାତା ନାଇଟ୍ ରାଇଡର୍ସ ଗୁଜୁରାଟ ଟାଇଟାନ୍ସକୁ (GT vs KKR) ୩ ୱିକେଟରେ ପରାସ୍ତ କରିଛି । ଏକ ସମୟରେ ମ୍ୟାଚ୍ ଯେଉଁଠାରେ ରସିଦ୍ ଖାନଙ୍କ ପ୍ରଥମ ହ୍ୟାଟ୍ରିକ୍ (Rashid Khan Hat-trick) ସହିତ ଗୁଜୁରାଟ ବିଜୟ ଆଡକୁ ଗତିକରୁଥିଲା, ଠିକ୍ ସେହି ସମୟରେ କୋଲକତାର ବ୍ୟାଟ୍ସମ୍ୟାନ୍ ରିଙ୍କୁ ସିଂଙ୍କ (Rinku Singh) ଚମତ୍କାର ବ୍ୟାଟିଂ ଦେଖିବାକୁ ମିଳିଥିଲା । ଶେଷ ଓଭରରେ କ୍ରମାଗତ ୫ଟି ଛକା ସହ ମାରି ଗୁଜୁରାଟ ମୁହଁରୁ ବିଜୟ ଛଡାଇ ଆଣିଥିଲେ ଏହି କେକେଆର ବ୍ୟାଟ୍ସମ୍ୟାନ୍ ।
ଆଇପିଏଲର ୧୬ ତମ ସିଜନର ୧୩ ତମ ଲିଗ୍ ମ୍ୟାଚ୍ ଅତ୍ୟନ୍ତ ରୋମାଞ୍ଚକର ଥିଲା, ଯେଉଁଥିରେ କୋଲକାତା ନାଇଟ୍ ରାଇଡର୍ସ (KKR) ଦଳ ୨୦ ଓଭରରେ ୭ ୱିକେଟ୍ ହରାଇ ଡିଫେଣ୍ଡିଂ ଚାମ୍ପିଅନ୍ ଗୁଜୁରାଟ ଟାଇଟାନ୍ସ (GT) ବିପକ୍ଷରେ ୨୦୫ ରନ୍ ଲକ୍ଷ୍ୟ ହାସଲ କରି ନେଇଥିଲା । ଏହି ମ୍ୟାଚରେ କୋଲକାତା ଦଳ ଶେଷ ଓଭରରେ ଜିତିବା ପାଇଁ ୨୯ ରନ୍ ଆବଶ୍ୟକ କରୁଥିଲା, ଯେଉଁଥିରେ ରିଙ୍କୁ ସିଂ ପ୍ରଥମ ବଲରୁ ଛକା ମାରିବା ଆରମ୍ଭ କରିଥିଲେ, କ୍ରମାଗତ ୫ଟି ଛକା ମାରି ଦଳକୁ ରୋମାଞ୍ଚକର ବିଜୟ ଦେଇଥିଲେ । ଏହି ମ୍ୟାଚରେ ରିଙ୍କୁ ୨୧ଟି ବଲରେ ୪୮ ରନର ବିସ୍ଫୋରକ ଇନିଂସ ଖେଳିଥିଲେ ।
History created by Rinku Singh.
What a finish. pic.twitter.com/NDAiGjQVoI
— Johns. (@CricCrazyJohns) April 9, 2023
ଗୁଜୁରାଟ ଟାଇଟାନ୍ସ ଷ୍ଟାର ଅଧିନାୟକ ହାର୍ଦ୍ଦିକ ପାଣ୍ଡ୍ୟାଙ୍କ ବିନା ଏହି ମ୍ୟାଚକୁ ଖେଳୁଥିଲା । ଏଭଳି ପରିସ୍ଥିତିରେ ରସିଦ ଖାନ ଅଧିନାୟକତ୍ୱ ଭାର ସମ୍ଭାଳି ଥିଲେ । ହାର୍ଦ୍ଦିକ ଅସୁସ୍ଥ ଥିଲେ ତେଣୁ ତାଙ୍କୁ ଏହି ମ୍ୟାଚ୍ରୁ ବାଦ ପଡ଼ିଥିଲେ । ରସିଦ ଖାନ ପୂର୍ବରୁ ମଧ୍ୟ ଗତ ବର୍ଷ ଏକ ମ୍ୟାଚରେ ଅଧିନାୟକ କରିଥିଲେ ଓ ଗୁଜରାଟ ମଧ୍ୟ ସେହି ମ୍ୟାଚ୍ ଜିତିଥିଲା ।
କାମ ଦେଲାନି ରସିଦ୍ ଖାନଙ୍କ ହ୍ୟାଟ୍ରିକ୍
ଭେଙ୍କଟେଶ ଆୟର, ରିଙ୍କୁ ସିଂଙ୍କ ସହ ରନ୍ର ରେଟ୍ ବଜାୟ ରଖିବାକୁ ଚେଷ୍ଟା କରିଥିଲେ ମଧ୍ୟ ୪୦ ବଲରେ ୮୩ ରନ୍ର ଇନିଂସ ଖେଳିବା ପରେ ସେ ଆୟର ଆଉଟ ହୋଇ ପାଭିଲିୟନକୁ ଫେରିଥିଲେ । ଏହା ପରେ ଗୁଜୁରାଟ ଦଳ ପାଇଁ ଏହି ମ୍ୟାଚରେ ଅଧିନାୟକ ଥିବା ରସିଦ ଖାନଙ୍କ ବୋଲିଂ ଆଶ୍ଚର୍ଯ୍ୟଜନକ ବୋଲିଂ ଦେଖିବାକୁ ମିଳିଥିଲା, ଯିଏ ୧୭ ତମ ଓଭରର ପ୍ରଥମ ୩ ବଲରେ ଲଗାତାର ୩ ୱିକେଟ୍ ନେଇ ଗୁଜୁରାଟ ଆଡକୁ ମ୍ୟାଚ୍ ବୁଲାଇ ଦେଇଥିଲେ । ଯାହାକୁ ରିଙ୍କୁ ସିଂ ଗୁଜୁରାଟ ମୁହଁରୁ ଛଡାଇ ନେଇଥିଲେ ।
ରିଙ୍କୁ ଶେଷ ଓଭରରେ ଲଗାତାର ପାଞ୍ଚଟି ଛକାମାରି ଦଳକୁ ବିଜୟୀ କରାଇଥିଲେ । ଏହି ମ୍ୟାଚରେ ରିଙ୍କୁ ୨୧ ଟି ବଲରେ ୪୮ ରନର ଏକ ବିସ୍ଫୋରକ ଇନିଂସ ଖେଳିଥିଲେ ।
ଏହା ବି ପଢ଼ନ୍ତୁ: IPL ଇତିହାସରେ ଶୁଭମନ ଗିଲ ହାସଲ କଲେ ବଡ ସଫଳତା; ପଛରେ ରହିଗଲେ ବିରାଟ, ରାଇନା ଓ ସଞ୍ଜୁ ସାମସନ
ଏହା ବି ପଢ଼ନ୍ତୁ: Shaun Tait on Suryakumar Yadav: ସୂର୍ଯ୍ୟକୁମାର ଯାଦବଙ୍କର ଦୁର୍ବଳତା କ’ଣ? ପାକିସ୍ତାନ ପୂର୍ବତନ ବୋଲିଂ କୋଚ୍ ଦେଲେ ଏହି ଜବାବ