CSK Vs RCB Match Weather: ଆଇପିଏଲ ୨୦୨୪ ସିଜିନର ୬୮ ତମ ମ୍ୟାଚ୍ ଆସନ୍ତାକାଲି ଅର୍ଥାତ୍ ଶନିବାର ଦିନ ବେଙ୍ଗାଲୁରୁର ଏମ୍ ଚିନ୍ନାସ୍ୱାମୀ ଷ୍ଟାଡିୟମରେ ଆରସିିବି ଓ ସିଏସକେ (RCB vs CSK) ମଧ୍ୟରେ ଖେଳାଯିବ। ଆରସିବି ବନାମ ସିଏସକେ ମ୍ୟାଚରେ ବର୍ଷା ହେବାର ସମ୍ଭାବନା ରହିଛି। ଏଭଳି ପରିସ୍ଥିତିରେ ପ୍ରଶଂସକମାନେ ଜାଣିବାକୁ ବହୁତ ଆଗ୍ରହୀ ଯେ ଯଦି ବେଙ୍ଗାଲୁରୁ ବନାମ ଚେନ୍ନାଇ ମ୍ୟାଚ୍ ମଧ୍ୟ ବର୍ଷା ଯୋଗୁଁ ଧୋଇଯାଏ, ତେବେ କେଉଁ ଦଳ ପ୍ଲେ ଅଫ୍ (playoff) ପାଇଁ ଟିକେଟ୍ ପାଇବେ। କହିରଖୁଛୁ ଯେ କ୍ୱାର୍ଟରଫାଇନାଲ ସମାନ ଏହି ମ୍ୟାଚ୍ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର (Royal Challengers Bengaluru) ଏବଂ ଚେନ୍ନାଇ ସୁପର କିଙ୍ଗ୍ସ ମଧ୍ୟରେ ଖେଳାଯିବ। ଏହି ମ୍ୟାଚ୍ ଜିତିଥିବା ଦଳ ପ୍ଲେ ଅଫରେ ପ୍ରବେଶ କରିବ, ଯଦିଓ ଆରସିବିକୁ ଏହାର ନେଟ୍ ରନ୍ ହାର ଉପରେ ନଜର ରଖିବାକୁ ପଡିବ। ଯେତେବେଳେ କି ଚେନ୍ନାଇ ଯୋଗ୍ୟତା ପାଇବା ପାଇଁ କେବଳ ଗୋଟିଏ ବିଜୟ ଆବଶ୍ୟକ କରେ।
ଭାରତ ପାଣିପାଗ ବିଭାଗ (IMD) ୧୮ ମେ'ରୁ ବେଙ୍ଗାଲୁରୁ ପାଇଁ ଏକ "ଅରେଞ୍ଜ ଆଲର୍ଟ" ଜାରି କରି ଭୟଙ୍କର ପାଣିପାଗ ପରିସ୍ଥିତି ବିଷୟରେ ଚେତାବନୀ ଦେଇଛି। ଯାହା ଦୈନନ୍ଦିନ ଜୀବନରେ ବାଧା ସୃଷ୍ଟି କରିପାରେ। ଏହି ଆଲର୍ଟ ସର୍ବୋଚ୍ଚ ସ୍ତରର ଚେତାବନୀ (ରେଡ୍ ଆଲର୍ଟ) ଠାରୁ ଗୋଟିଏ ପାଦ ତଳେ। ୧୬ ମେ'ରେ, ପ୍ରବଳ ବର୍ଷାକୁ ଦୃଷ୍ଟିରେ ରଖି ବେଙ୍ଗାଲୁରୁ ସହରାଞ୍ଚଳ ତଥା ଗ୍ରାମାଞ୍ଚଳ ପାଇଁ ଆଇଏମଡି ୟେଲୋ ଆଲର୍ଟ ଜାରି କରିଥିଲା। Accuweather ଅନୁଯାୟୀ, ୧୮ ମେ'ରେ ବେଙ୍ଗାଲୁରୁରେ ୭୦ରୁ ୮୦ ପ୍ରତିଶତ ବର୍ଷା ହେବାର ସମ୍ଭାବନା ରହିଛି।
RCB ବନାମ CSK ମ୍ୟାଚ୍ ବର୍ଷା ହୋଇ ଧୋଇଗଲେ କିଏ ପାଇବ ପ୍ଲେ ଅଫ୍ ଟିକେଟ୍?
ବର୍ଷା ଯୋଗୁଁ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ବନାମ ଚେନ୍ନାଇ ସୁପର କିଙ୍ଗ୍ସ ମ୍ୟାଚ୍ ଯଦି ବାତିଲ ହୁଏ, ତେବେ CSK ପ୍ଲେ ଅଫ୍ ପାଇଁ ଟିକେଟ ପାଇବ। ବାସ୍ତବରେ, ବର୍ତ୍ତମାନର ପଏଣ୍ଟ ଟେବୁଲରେ ଚେନ୍ନାଇ ୧୪ ପଏଣ୍ଟ ସହ ଚତୁର୍ଥ ସ୍ଥାନରେ ଏବଂ ବେଙ୍ଗାଲୁରୁ ୧୨ ପଏଣ୍ଟ ସହ ଷଷ୍ଠ ସ୍ଥାନରେ ରହିଛି। ଯଦି RCB ବନାମ CSK ମ୍ୟାଚ୍ ବାତିଲ ହୁଏ ତେବେ ଉଭୟ ଦଳ ମଧ୍ୟରେ ଗୋଟିଏ ପଏଣ୍ଟ ଲେଖାଁଏ ପାଇବ, ଏହି କ୍ଷେତ୍ରରେ CSK ୧୫ ପଏଣ୍ଟ ଓ RCB ୧୩ ପଏଣ୍ଟ ପାଇବ। ଏହି ପରିସ୍ଥିତିରେ ଚେନ୍ନାଇ ପ୍ଲେ ଅଫ୍ ଟିକେଟ୍ ପାଇବ।