IPL 2023: ଆଇପିଏଲ୍ ୨୦୨୩ରେ ଋଷଭ ପନ୍ତଙ୍କ ସ୍ଥାନରେ ଖେଳିବେ ଏହି ଡ୍ୟାସିଂ ବ୍ୟାଟ୍ସମ୍ୟାନ! ସାମ୍ନାକୁ ଆସିଲା ବଡ଼ ଅପଡେଟ୍

Rishabh Pant IPL 2023: ଟିମ୍ ଇଣ୍ଡିଆର ଷ୍ଟାର ୱିକେଟ୍ କିପର (Team India Wicket Keeper) ବ୍ୟାଟ୍ସମ୍ୟାନ୍ ଋଷଭ ପନ୍ତ (Rishabh Pant) ୩୦ ଡିସେମ୍ବର ୨୦୨୨ରେ ଏକ କାର ଦୁର୍ଘଟଣାରେ ଗୁରୁତର ଆହତ ହୋଇଥିଲେ । ଏହି ଆହତ ଯୋଗୁଁ ତାଙ୍କୁ ଆଇପିଏଲ୍ ୨୦୨୩ (IPL 2023) ରୁ ବାହାର ହେବାକୁ ପଡ଼ିଛି । ଋଷଭ ପନ୍ତ (Rishabh Pant) ଙ୍କ ସ୍ଥାନରେ ଧୁରନ୍ଧର ବ୍ୟାଟ୍ସମ୍ୟାନ୍ ଡେଭିଡ ୱାର୍ନର (David Warner) ଙ୍କୁ ଦିଲ୍ଲୀ କ୍ୟାପିଟାଲ୍ସର ଅଧିନାୟକ (Delhi Capitals Captain) ଦାୟିତ୍ୱ ଦିଆଯାଇଛି । ଏଥି ସହିତ ଜଣେ ଯୁବ ଖେଳାଳି ୱିକେଟ୍ କିପର ଭାବରେ ତାଙ୍କ ସ୍ଥାନ ନେବାକୁ ପ୍ରସ୍ତୁତି ଆରମ୍ଭ କରିଛନ୍ତି ।

ଇଣ୍ଡିଆନ୍ ପ୍ରିମିୟର ଲିଗ୍ ୨୦୨୩ (IPL 2023) ଆରମ୍ଭ ପାଇଁ କିଛି ସମୟ ବାକି ଅଛି, ସମସ୍ତ ଦଳ ପ୍ରସ୍ତୁତି ଆରମ୍ଭ କରିଛନ୍ତି । ଏଥିସହିତ ସର୍ଫରାଜ ଖାନ (Sarfaraz Khan) ଋଷଭ ପନ୍ତ (Rishabh Pant) ଙ୍କ ସ୍ଥାନରେ ୱିକେଟ୍ କିପିଂ ଭୂମିକା ପାଇଁ ପ୍ରସ୍ତୁତି ଆରମ୍ଭ କରିଛନ୍ତି । ଦିଲ୍ଲୀ କ୍ୟାପିଟାଲ୍ସରେ ଫିଲ୍ ସଲ୍ଟ ୱିକେଟ୍ କିପର ଭାବରେ ସାମିଲ ଅଛନ୍ତି । କିନ୍ତୁ ସର୍ଫରାଜ ଖାନ ନିକଟ ଅତୀତରେ ୱିକେଟ୍ କିପିଂ କରୁଥିବା ଦେଖିବାକୁ ମିଳିଛି । ତେଣୁ ତାଙ୍କୁ ୱିକେଟ୍ କିପର ଭାବରେ ଦଳରେ ଅନ୍ତର୍ଭୁକ୍ତ କରାଯାଇପାରିବ ବୋଲି ମନେ କରାଯାଉଛି । ଦିଲ୍ଲୀ କ୍ୟାପିଟାଲ୍ସ (Delhi Capitals) ର ପ୍ରଥମ ମ୍ୟାଚ୍ ଏପ୍ରିଲ୍ ୧ରେ ଲକ୍ଷ୍ନୌ ସୁପର ଜିଆଣ୍ଟସ୍ ବିପକ୍ଷରେ ହେବ ।

ଏହି ସମୟରେ ସର୍ଫରାଜ ଖାନ (Sarfaraz Khan) ମଧ୍ୟ ବହୁତ ଭଲ ଫର୍ମରେ ଅଛନ୍ତି । ସର୍ଫରାଜ ଖାନ ଚଳିତ ବର୍ଷ ଘରୋଇ କ୍ରିକେଟରେ ବହୁତ ରନ୍ କରିଛନ୍ତି । ଏହି କାରଣରୁ ସେ ପ୍ଲେଇଙ୍ଗ-11ରେ ଯୋଗଦେବା ପାଇଁ ମଧ୍ୟ ସବୁଠାରୁ ବଡ ପ୍ରତିଦ୍ୱନ୍ଦ୍ୱୀ । ସର୍ଫରାଜ ଖାନ ଏପର୍ଯ୍ୟନ୍ତ ଆଇପିଏଲରେ ମୋଟ ୪୬ଟି ମ୍ୟାଚ୍ ଖେଳିଛନ୍ତି । ଏହି ମ୍ୟାଚଗୁଡିକରେ ସର୍ଫରାଜ ଖାନ ୨୪.୧୮ ଏଭେରେଜରେ ୫୩୨ ରନ୍ ସ୍କୋର କରିଛନ୍ତି । ଏହି ସମୟ ମଧ୍ୟରେ ତାଙ୍କର ଷ୍ଟ୍ରାଇକ୍ ରେଟ୍ ୧୩୭.୮୨ ରହିଛି । ତେବେ ଗତ ସିଜନରେ ସର୍ଫରାଜ ଖାନ ମାତ୍ର ୬ଟି ମ୍ୟାଚ ଖେଳିବାର ସୁଯୋଗ ପାଇଥିଲେ ।

ଅଧିକ ପଢ଼ନ୍ତୁ-ଲଢ଼େଇ ଯୋଗୁଁ ଟିମ୍ ଇଣ୍ଡିଆ ହାରିଛି ଦ୍ୱିତୀୟ ଦିନିକିଆ! ବିରେନ୍ଦର ସେହୱାଗ କହିଲେ ପୂରା କାହାଣୀ

ଅଧିକ ପଢ଼ନ୍ତୁ-ସରକାରୀ କର୍ମଚାରୀଙ୍କ ପାଇଁ ବଡ଼ ଖୁସି ଖବର; ମହଙ୍ଗା ଭତ୍ତାରେ ହେଲା ବୃଦ୍ଧି, ମାର୍ଚ୍ଚରେ ମିଳିବ ୯୦,୦୦୦ ଟଙ୍କା!

ଅଧିକ ପଢ଼ନ୍ତୁ-ଚିନ୍ତା ବଢ଼ାଉଛି ବର୍ଷର ପ୍ରଥମ ସୂର୍ଯ୍ୟ ପରାଗ, ୨ ରାଶି ପାଇଁ ଲାଭ ଓ ୩ ରାଶି ପାଇଁ କ୍ଷତିର ଯୋଗ

ଦିଲ୍ଲୀ କ୍ୟାପିଟାଲ୍ସର ସ୍କ୍ୱାଡ୍

ଡେଭିଡ ୱାର୍ନର (ଅଧିନାୟକ), ମନୀଷ ପାଣ୍ଡେ, ପୃଥ୍ୱୀ ଶ', ରେଲି ରୋସୋ, ରିପଲ ପଟେଲ, ରୋଭମାନ ପାଓ୍ୱେଲ, ସରଫରାଜ ଖାନ, ୟଶ ଢୁଲ, ଅମାନ ହାକିମ ଖାନ, ଅକ୍ସର ପଟେଲ, ଲଲିତ ଯାଦବ, ମିଚେଲ ମାର୍ଶ, ଫିଲ୍ ସାଲ୍ଟ, ଅନରିଚ୍ ନୋର୍କିଆ, ଚେତନ ସାକାରିଆ, ଇଶାନ୍ତ ଶର୍ମା, କମଲେଶ ନାଗରକୋଟି, ଖଲିଲ ଅହମ୍ମଦ, କୁଲଦୀପ ଯାଦବ, ଲୁଙ୍ଗି ନାଗିଡ଼ି, ମୁକେଶ କୁମାର, ମୁସ୍ତାଫିଜୁର ରହମାନ, ପ୍ରବୀଣ ଦୁବେ, ବିକି ଓଷ୍ଟୱାଲ ।