India vs Sri Lanka 2nd ODI: ଭାରତ ଓ ଶ୍ରୀଲଙ୍କା ମଧ୍ୟରେ ପ୍ରଥମ ଦିନିକିଆ ମ୍ୟାଚ୍ ଏକ ରୋମାଞ୍ଚକ ଭାବରେ ଟାଇ ହୋଇଥିଲା। ଶ୍ରୀଲଙ୍କା ଭାରତକୁ ୨୩୧ ରନ୍ର ଏକ ଚ୍ୟାଲେଞ୍ଜିଂ ଟାର୍ଗେଟ୍ ଦେଇଥିଲା କିନ୍ତୁ ଟିମ୍ ଇଣ୍ଡିଆର ବ୍ୟାଟ୍ସମ୍ୟାନଙ୍କ ଲଜ୍ଜାଜନକ ବ୍ୟାଟିଂ ଯୋଗୁଁ ମ୍ୟାଚ୍ ଟାଇ ହୋଇଥିଲା। ଶ୍ରୀଲଙ୍କାର ଅଧିନାୟକ ଚାରିଥ ଆସାଲଙ୍କା କ୍ରମାଗତ ଦୁଇଟି ବଲରେ ଶେଷ ଦୁଇଟି ୱିକେଟ୍ ନେଇଥିଲେ ଓ ୧୩ଟି ବଲ୍ ପୂର୍ବରୁ ୨୩୦ ରନ୍ କରି ଟିମ୍ ଇଣ୍ଡିଆ ଅଲ୍ ଆଉଟ୍ ହୋଇ ଯାଇଥିଲା। ଏହି ମ୍ୟାଚ୍ ପରେ ଭାରତୀୟ ଦଳକୁ ନେଇ ଅନେକ ପ୍ରଶ୍ନ ଉଠିଛି।
ଏହି ମ୍ୟାଚରେ ଟିମ୍ ଇଣ୍ଡିଆ ଯେପରି ସୁଯୋଗ ହରାଇଥିଲା ତାହା ଦେଖିବା ପରେ ଏହା ନିଶ୍ଚିତ ଯେ କିଛି ଖେଳାଳି ଦ୍ୱିତୀୟ ମ୍ୟାଚରୁ ବାଦ ପଡିବେ। ବର୍ତ୍ତମାନ ଦ୍ୱିତୀୟ ଦିନିକିଆ ମ୍ୟାଚ୍ ପାଇଁ ଭାରତୀୟ ଦଳରେ ଆଉ ଏକ ଷ୍ଟାର ଖେଳାଳିଙ୍କୁ ସାମିଲ କରିବା ପାଇଁ ମ୍ୟାନେଜମେଣ୍ଟ ବିଚାର କରୁଛି।
ଶ୍ରୀଲଙ୍କା ବିପକ୍ଷ ଦ୍ୱିତୀୟ ଦିନିକିଆ ମ୍ୟାଚ୍ ପାଇଁ ରିଆନ୍ ପାରାଗଙ୍କୁ ଭାରତୀୟ ଦଳରେ ସୁଯୋଗ ଦିଆଯାଇପାରେ। ୱାଶିଂଟନ୍ ସୁନ୍ଦରକୁ ବାଦ ଦିଆଯାଇ ରିୟାନ୍ ପାରାଗଙ୍କୁ ପ୍ଲେଇଂ ଇଲେଭେନରେ ସ୍ଥାନ ଦିଆଯାଇପାରେ। ଶ୍ରୀଲଙ୍କା ବିପକ୍ଷ ପ୍ରଥମ ଦିନିକିଆରେ ୱାଶିଂଟନ୍ ସୁନ୍ଦରଙ୍କ ପ୍ରଦର୍ଶନ କିଛି ବିଶେଷ ଭଲ ନଥିଲା। ସେ ବୋଲିଂ ସମୟରେ ମାତ୍ର ଗୋଟିଏ ୱିକେଟ୍ ନେଇପାରିଥିଲେ। ସେ ୯ ଓଭରରେ ୪୬ ରନ୍ ଦେଇ ଗୋଚିଏ ୱିକେଟ୍ ନେଇଥିଲେ। ଏହା ପରେ ସେ ବ୍ୟାଟିଂରେ ମଧ୍ୟ ମାତ୍ର ୫ ରନ୍ ସ୍କୋର କରିପାରିଥିଲେ। ଦଳର ଆବଶ୍ୟକତା ସମୟରେ ସେ ବିଶେଷ ଯୋଗଦାନ ଦେଇପାରିନଥିଲେ ଏବଂ ଏହି କାରଣରୁ ତାଙ୍କୁ ଦଳରୁ ବାଦ୍ ଦିଆଯାଇପାରେ।
ଦ୍ୱିତୀୟ ଦିନିକିଆରେ ୱାଶିଂଟନ୍ ସୁନ୍ଦରଙ୍କ ସ୍ଥାନରେ ରିଆନ୍ ପାରାଗ ଖେଳାଯାଇପାରେ। ଏହାର କାରଣ ହେଉଛି ରିୟାନ୍ ପାରାଗ ଉଭୟ ବ୍ୟାଟିଂ ଓ ବୋଲିଂ କରିବାରେ ମଧ୍ୟ ସକ୍ଷମ ଅଟନ୍ତି। ସେ ଶ୍ରୀଲଙ୍କା ବିପକ୍ଷ ତୃତୀୟ ଟି-୨୦ ମ୍ୟାଚରେ ଉତ୍କୃଷ୍ଟ ସ୍ପିନ୍ ବୋଲିଂ ପ୍ରଦର୍ଶନ କରିଥିଲେ ଏବଂ ଏହା ଦର୍ଶାଏ ଯେ ବୋଲିଂରେ ମଧ୍ୟ ତାଙ୍କର ଅନେକ ଦକ୍ଷତା ଅଛି। ଏହା ବ୍ୟତୀତ ସେ ଦ୍ରୁତ ବ୍ୟାଟିଂ କରିବାରେ ମଧ୍ୟ ପାରଙ୍ଗମ। ଏହି କାରଣରୁ ରିୟାନ୍ ପାରାଗ୍ ଏକ ଉପଯୁକ୍ତ ବିକଳ୍ପ ହୋଇପାରେ।
ଆପଣଙ୍କୁ କହିରଖୁଛୁ ଯେ ପ୍ରଥମ ଦିନିକିଆ ମ୍ୟାଚ୍ ଯେପରି ଟାଇ ହୋଇଥିଲା, ଏହା ନିଶ୍ଚିତ ଭାବରେ ଟିମ୍ ଇଣ୍ଡିଆକୁ ବହୁତ କଷ୍ଟ ଦେଇଛି। ଭାରତ ଏହି ମ୍ୟାଚ୍ ସହଜରେ ଜିତି ପାରିଥାନ୍ତା କିନ୍ତୁ ଶେଷ ମୁହୂର୍ତ୍ତରେ ସୁଯୋଗକୁ ହାତଛଡ଼ା କରିଥିଲା।