IND vs SA: ଟିମ୍ ଇଣ୍ଡିଆକୁ ବଡ଼ ଝଟକା, ଟେଷ୍ଟ ସିରିଜ୍ ପୂର୍ବରୁ ହଠାତ୍ ଭାରତ ଫେରିଲେ ବିରାଟ, ଜଣେ ଷ୍ଟାର୍ ପ୍ଲେୟାର୍ ଆଉଟ୍

Virat Kohli IND vs SA: ଦକ୍ଷିଣ ଆଫ୍ରିକା ଗସ୍ତରେ ଟି-୨୦ ଓ ODI ସିରିଜ୍ ଶେଷ ହେବା ପରେ ଭାରତୀୟ ଦଳକୁ ଦୁଇ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ୍ ଖେଳିବାକୁ ପଡିବ । ଟେଷ୍ଟ ସିରିଜ୍ ଆରମ୍ଭ ପୂର୍ବରୁ ଏକ ବଡ଼ ଖବର ଆସିଛି । ପାରିବାରିକ ଜରୁରୀକାଳୀନ ପରିସ୍ଥିତି ଯୋଗୁଁ ଭାରତୀୟ ଦଳର ଅଭିଜ୍ଞ ବ୍ୟାଟ୍ସମ୍ୟାନ୍ ବିରାଟ କୋହଲି (Virat Kohli) ଘରକୁ ଫେରିଛନ୍ତି । କେବଳ ଏତିକି ନୁହେଁ ଦଳର ଯୁବ ଷ୍ଟାର ବ୍ୟାଟ୍ସମ୍ୟାନ୍ ରିତୁରାଜ ଗାଇକୱାଡଙ୍କୁ ମଧ୍ୟ ଆଗାମୀ ସିରିଜରୁ ବାଦ ଦିଆଯାଇଛି । କୁହାଯାଉଛି ଯେ ଗାଇକୱାଡଙ୍କ ଆଙ୍ଗୁଠିରେ ଆଘାତ ଲାଗିଛି ।

କିଙ୍ଗ କୋହଲି ଅଷ୍ଟ୍ରେଲିଆ ଓ ଦକ୍ଷିଣ ଆଫ୍ରିକା ବିପକ୍ଷରେ ଶେଷ ହୋଇଥିବା ସୀମିତ ଓଭର ଫର୍ମାଟରୁ ବିଶ୍ରାମ ନେଇଥିଲେ । ତେବେ ଟେଷ୍ଟ ସିରିଜ ପାଇଁ ତାଙ୍କୁ ଦଳରେ ସାମିଲ କରାଯାଇଛି । କିନ୍ତୁ ସିରିଜ୍ ଆରମ୍ଭ ପୂର୍ବରୁ ସେ ଘରକୁ ଫେରି ଆସିବାକୁ ସ୍ଥିର କରିଥିଲେ । କେବଳ ଏତିକି ନୁହେଁ ଆଫ୍ରିକାରେ ଟେଷ୍ଟ ସିରିଜ ପୂର୍ବରୁ ଅନୁଷ୍ଠିତ ହେବାକୁ ଥିବା ତିନି ଦିନିଆ ଇଣ୍ଟ୍ରା-ସ୍କ୍ୱାଡ ମ୍ୟାଚର ମଧ୍ୟ ସେ ଅଂଶ ଗ୍ରହଣ କରିନାହାଁନ୍ତି । ସେ ଘରକୁ ଫେରିବା ପୂର୍ବରୁ ଟିମ୍ ମ୍ୟାନେଜମେଣ୍ଟ ଠାରୁ ଅନୁମତି ନେଇଥିଲେ ।

କ୍ରିକବଜ୍ ରିପୋର୍ଟ ଅନୁଯାୟୀ ବିରାଟ କୋହଲିଙ୍କୁ ହଠାତ୍ କାହିଁକି ଘରକୁ ଫେରିଲେ ସେ ସମ୍ପର୍କରେ ସମ୍ପୂର୍ଣ୍ଣ ସୂଚନା ଏପର୍ଯ୍ୟନ୍ତ ଜଣା ପଡିନାହିଁ । ସେ ୨୨ ଡିସେମ୍ବର (ଶୁକ୍ରବାର) ରେ ଦକ୍ଷିଣ ଆଫ୍ରିକାକୁ ଫେରିବେ ।

ବିଶ୍ୱକପରେ ଭଲ ବ୍ୟାଟିଂ କରିଥିଲ ବିରାଟ କୋହଲି
ବିଶ୍ୱକପ ସମୟରେ ବିରାଟ କୋହଲିଙ୍କୁ ଭାରତୀୟ ଦଳ ପାଇଁ ନୀଳ ଜର୍ସିରେ ଶେଷ ଥର ପାଇଁ ଦେଖିବାକୁ ମିଳିଥିଲା । ଏହି ଅବଧି ମଧ୍ୟରେ ତାଙ୍କ ବ୍ୟାଟରୁ ରନ୍ ବର୍ଷା ହୋଇଥିଲା । ସେ ଏହି ସମ୍ମାନଜନକ ଟୁର୍ଣ୍ଣାମେଣ୍ଟରେ ଦଳ ପାଇଁ ମୋଟ ୧୧ ଟି ମ୍ୟାଚ୍ ଖେଳିଥିଲେ । ଏହି ଅବଧି ମଧ୍ୟରେ ୧୧ ଟି ଇନିଂସରେ ହାରାହାରି ୯୫.୬୨ ରେ ୭୬୫ ରନ୍ ସ୍କୋର କରାଯାଇଥିଲା । ଟୁର୍ଣ୍ଣାମେଣ୍ଟରେ କିଙ୍ଗ କୋହଲିଙ୍କ ବ୍ୟାଟରୁ ମୋଟ ତିନି ଶତକ ଓ ଛଅଟି ଅର୍ଦ୍ଧଶତକ ଦେଖିବାକୁ ମିଳିଥିଲା ।

ଦକ୍ଷିଣ ଆଫ୍ରିକା ବିପକ୍ଷ ଟେଷ୍ଟ ସିରିଜ୍ ପାଇଁ ଭାରତୀୟ ଦଳ:
ରୋହିତ ଶର୍ମା (ଅଧିନାୟକ), ଶୁବମନ ଗିଲ, ଯଶସ୍ୱୀ ଜୈସୱାଲ, ବିରାଟ କୋହଲି, ଶ୍ରେୟସ ଆୟର, ଋତୁରାଜ ଗାଇକୱାଡ, କେ.ଏଲ୍ ରାହୁଲ (ୱିକେଟ୍ କିପର), ରବିଚନ୍ଦ୍ରନ୍ ଅଶ୍ୱିନ୍, ରବିନ୍ଦ୍ର ଜାଡେଜା, ଶାର୍ଦ୍ଦୁଲ ଠାକୁର, ମହମ୍ମଦ ସିରାଜ, ମୁକେଶ କୁମାର, ଯଶପ୍ରୀତ ବୁମ୍ରା, ପ୍ରସିଦ୍ଧ କ୍ରୀଷ୍ଣା ଓ କେ.ଏସ୍ ଭରତ (ୱିକେଟ୍ କିପର) ।