IND vs ENG: ଦ୍ୱିତୀୟ ଟେଷ୍ଟରେ ଏହି 'ପାକିସ୍ତାନୀ' ଖେଳାଳିଙ୍କୁ ଦଳରେ ସ୍ଥାନ ଦେବ ଇଂଲଣ୍ଡ? କୋଚ୍ ଦେଲେ ସୂଚନା

IND vs ENG 2nd Test: Playing 11, ହାଇଦ୍ରାବାଦରେ ଖେଳାଯାଇଥିବା ପାଞ୍ଚ ମ୍ୟାଚ୍ ଟେଷ୍ଟ ସିରିଜର ପ୍ରଥମ ମ୍ୟାଚରେ ଟିମ୍ ଇଣ୍ଡିଆକୁ (Team India) ୨୮ ରନରେ ପରାସ୍ତ କରିବା ପରେ ଇଂଲଣ୍ଡ କ୍ରିକେଟ୍ ଦଳ (Engaland Cricket Team) ଦ୍ୱିତୀୟ ଟେଷ୍ଟ ପାଇଁ ପ୍ରସ୍ତୁତିରେ ବ୍ୟସ୍ତ ଅଛି। ପ୍ରଥମ ଟେଷ୍ଟ ଜିତିବା ସତ୍ତ୍ୱେ ଇଂଲଣ୍ଡ ଦଳ ଗୋଟିଏ ପରିବର୍ତ୍ତନ ସହିତ ଦ୍ୱିତୀୟ ଟେଷ୍ଟ ଖେଳିପାରେ। ବାସ୍ତବରେ, ଭାରତ ବିପକ୍ଷ ଦ୍ୱିତୀୟ ଟେଷ୍ଟରେ ଇଂଲଣ୍ଡ ପାକିସ୍ତାନୀ ମୂଳ ସ୍ପିନର ଶୋଏବ ବଶୀରଙ୍କୁ (Shoaib Bashir) ପ୍ଲେଇଂ ଇଲେଭେନରେ ସାମିଲ କରିପାରେ।

କହିରଖୁଛୁ ଯେ ପାକିସ୍ତାନୀ ମୂଳ ସ୍ପିନର ଶୋଏବ ବଶୀର ଜଣେ ବ୍ରିଟିଶ ନାଗରିକ। ତେବେ ଭିସା ସମସ୍ୟା ଯୋଗୁଁ ସେ ଟେଷ୍ଟ ସିରିଜ ଆରମ୍ଭ ପୂର୍ବରୁ ଭାରତରେ ପହଞ୍ଚିପାରିନଥିଲେ। ତେବେ ବର୍ତ୍ତମାନ ସେ ଭାରତ ଆସି ସାରିଛନ୍ତି ଏବଂ ଦ୍ୱିତୀୟ ଟେଷ୍ଟରେ ସେ ଇଂଲଣ୍ଡର ପ୍ଲେଇଂ ଇଲେଭେନରେ ସ୍ଥାନ ପାଇବେ ବୋଲି ବିଶ୍ୱାସ କରାଯାଉଛି। ସେନ୍ରାଡିଓଙ୍କ ସହ କଥାବାର୍ତ୍ତା କରି ଇଂଲଣ୍ଡ ଟେଷ୍ଟ ଦଳର ପ୍ରଶିକ୍ଷକ ବ୍ରେଣ୍ଡନ ମ୍ୟାକକୁଲମ କହିଛନ୍ତି ଯେ 'ଶୋଏବ ବଶୀର ତାଙ୍କ ଗ୍ରୁପରେ ସମ୍ପୂର୍ଣ୍ଣ ଭାବେ ଫିଟ୍ ହୋଇଛନ୍ତି ଓ ତାଙ୍କ ଦକ୍ଷତା ଭାରତୀୟ ଅବସ୍ଥାରେ ଦଳକୁ ସାହାଯ୍ୟ କରିପାରିବ।'

ହାଇଦ୍ରାବାଦରେ ଖେଳାଯାଇଥିବା ପ୍ରଥମ ଟେଷ୍ଟରେ ଇଂଲଣ୍ଡ ଦଳ ତିନି ଜଣ ସ୍ପିନରଙ୍କୁ ସୁଯୋଗ ଦେଇଥିଲା। ତେବେ ଲେଗ ସ୍ପିନର ରେହାନ ଅହମ୍ମଦ ଏତେ ପ୍ରଭାବଶାଳୀ ନଥିଲେ। ପ୍ରଥମ ଇନିଂସରେ ରେହାନ୍ ୨୪ ଓଭରରେ ୧୦୫ ରନ୍ ପାଇଁ ଦୁଇଟି ୱିକେଟ୍ ନେଇଥିଲେ। ଦ୍ୱିତୀୟ ଇନିଂସରେ ସେ କୌଣସି ୱିକେଟ୍ ପାଇନଥିଲେ ଏବଂ ୬ ଓଭରରେ ୩୩ ରନ୍ ମଧ୍ୟ ଖର୍ଚ୍ଚ କରିଥିଲେ। ଏଭଳି ପରିସ୍ଥିତିରେ ଯୁବ ଶୋଏବ ବଶୀର ଦ୍ୱିତୀୟ ଟେଷ୍ଟରେ ତାଙ୍କ ସ୍ଥାନରେ ପ୍ଲେଇଂ ଇଲେଭେନରେ ସାମିଲ ହୋଇପାରନ୍ତି।

ଇଂଲଣ୍ଡ ଟେଷ୍ଟ ଦଳର ପ୍ରଶିକ୍ଷକ ବ୍ରେଣ୍ଡନ ମ୍ୟାକକୁଲମ କହିଛନ୍ତି, "ଶୋଏବ ବଶୀର ଆବୁଧାବିରେ ଆମର ଶିବିରର ଅଂଶ ଥିଲେ। ସେ ଦଳରେ ଭଲ ଭାବେ ଫିଟ୍ ହୋଇ ଯାଇଥିଲେ। ସେ ତାଙ୍କ ଦକ୍ଷତା ଦ୍ୱାରା ଆମକୁ ବହୁତ ପ୍ରଭାବିତ କରିଥିଲେ। ସେ ଜଣେ ଉତ୍ସାହୀ ଖେଳାଳି। ତାଙ୍କ ବୟସ ବହୁତ କମ୍। ସେ ଛୋଟ, କିନ୍ତୁ ଟମ ହାର୍ଟଲିଙ୍କ ପରି ସେ ମଧ୍ୟ ଭାରତୀୟ ଅବସ୍ଥାରେ ଆମ ପାଇଁ ଲାଭଦାୟକ ହୋଇପାରନ୍ତି।''