ICC ODI World Cup 2023: ବିଶ୍ୱକପ୍ ୨୦୨୩ ରେ ବିଜୟ ହାସଲ କରିବାକୁ ଭାରତୀୟ ଦଳ କଠିନ ପରିଶ୍ରମ କରୁଛି । ଦଳର ପରବର୍ତ୍ତୀ ମ୍ୟାଚ୍ ବାଂଲାଦେଶ କ୍ରିକେଟ୍ ଟିମ୍ ସହିତ ରହିଛି । ୧୯ ଅକ୍ଟୋବରରେ ପୁଣେରେ ଉଭୟ ଦଳ ମୁଁହାମୁହିଁ ହେବେ । ଏହି ମ୍ୟାଚ୍ ପାଇଁ ରୋହିତଙ୍କ ନେତୃତ୍ୱରେ ଜୋରାଦର ଝାଳ ବୁହାଉଛି । ଏହି ମ୍ୟାଚ୍ ସମୟରେ ସମସ୍ତ ଆଖି ଭେଟେରାନ୍ ବ୍ୟାଟ୍ସମ୍ୟାନ୍ ବିରାଟ କୋହଲିଙ୍କ ଉପରେ ରହିବ । ପୂର୍ବ ମ୍ୟାଚରେ ଟିମ୍ ଇଣ୍ଡିଆର ବିଜୟରେ କୋହଲି ଏକ ଗୁରୁତ୍ୱପୂର୍ଣ୍ଣ ଅବଦାନ ରଖିଛନ୍ତି ।
ତେବେ ବାଂଲାଦେଶ ବିରୋଧରେ କୋହଲିଙ୍କୁ ଟିକେ ସତର୍କ ରହିବାକୁ ପଡ଼ିବ । କାରଣ ଜଣେ ଖେଳାଳୀ ଏପରି ଅଛନ୍ତି ଯିଏ ତାଙ୍କୁ ODI ଫର୍ମାଟରେ ବହୁତ ଅସୁବିଧାରେ ପକାନ୍ତି ଓ ସେ ଏହି ମ୍ୟାଚରେ ମଧ୍ୟ ତାଙ୍କୁ ଅସୁବିଧାରେ ପକାଇ ପାରନ୍ତି । ସେହି ଖେଳାଳି ବାଂଲାଦେଶର ବର୍ତ୍ତମାନର ଅଧିନାୟକ ଶାକିବ ଅଲ ହାସନଙ୍କ ବ୍ୟତୀତ ଆଉ କେହି ନୁହଁନ୍ତି । ଅନ୍ତର୍ଜାତୀୟ କ୍ରିକେଟରେ ହାସନ କୋହଲିଙ୍କ ବିପକ୍ଷରେ ୨୩ ଟି ମ୍ୟାଚ୍ ଖେଳିଛନ୍ତି । ଏହି ସମୟରେ କୋହଲିଙ୍କୁ ୬ଥର ପ୍ୟାଭିଲିୟନର ରାସ୍ତା ଦେଖାଇଛନ୍ତି ।
ବିରାଟ କୋହଲିଙ୍କ ବିପକ୍ଷରେ ଶାକିବ ଅଲ ହାସନଙ୍କ ରେକର୍ଡ ODI ଫର୍ମାଟରେ ଭଲ ହୋଇଯାଏ । ଏଠାରେ ଉଭୟ ଖେଳାଳି ୧୪ ଟି ମ୍ୟାଚରେ ମୁହାଁମୁହିଁ ହୋଇଛନ୍ତି । ଏହି ସମୟରେ ଶାକିବ ବିରାଟଙ୍କୁ ଡ୍ରେସିଂ ରୁମକୁ ପାଞ୍ଚଥର ରାସ୍ତା ଦେଖାଇଛନ୍ତି ।
ଭାରତ ବିପକ୍ଷରେ ଶାକିବ ଅଲ ହାସନଙ୍କ ଖେଳିବା ନେଇ ସସପେନ୍ସ:
କହି ରଖୁଛୁ ଯେ ବାଂଲାଦେଶୀ ଅଧିନାୟକ ଭାରତ ବିପକ୍ଷରେ ଅଂଶଗ୍ରହଣ କରିବେ କି ନାହିଁ ଏଥିରେ ସସପେନ୍ସ ରହିଛି । ନ୍ୟୁଜିଲ୍ୟାଣ୍ଡ ବିପକ୍ଷ ମ୍ୟାଚରେ ଶାକିବ ଅଲ ହାସନ ଆହତ ହୋଇଥିଲେ । ଏହା ପରେ ତାଙ୍କର ଆଜି ସ୍କାନ କରିବା ପାଇଁ ହସ୍ପିଟାଲ ନିଆଯାଇଥିଲା । ବାଂଲାଦେଶ ଗୁରୁବାର ଦିନ ଭାରତ ବିପକ୍ଷରେ ଏକ ମ୍ୟାଚ୍ ଖେଳିବାର କାର୍ଯ୍ୟକ୍ରମ ରହିଛି, କିନ୍ତୁ ବୁଧବାର ଦିନ ଅଭ୍ୟାସ ସେସନରେ ସେ ବୋଲିଂ କରିନାହାଁନ୍ତି । ଯାହା ପରେ ତାଙ୍କ ଖେଳିବା ଉପରେ ପ୍ରଶ୍ନ ଉଠିଛି ।