Dinesh Karthik On Yuzvendra Chahal: ଟି -20 ବିଶ୍ୱକପ ୨୦୨୨ (T20 World Cup 2022) ର ସେମିଫାଇନାଲରେ ଭାରତ (Indian Cricket Team) କୁ ଇଂଲଣ୍ଡ ଠାରୁ ଶୋଚନୀୟ ଭାବେ ପରାଜିତ ହେବାକୁ ପଡ଼ିଥିଲା । ଏହାପରେ ଟିମ୍ ଇଣ୍ଡିଆ (Team India) ଟି-20 ବିଶ୍ୱକପ ଟୁର୍ଣ୍ଣାମେଣ୍ଟରୁ ବାଦ୍ ପଡ଼ିଥିଲା । ଏହା ପରେ ଭାରତୀୟ ଅଧିନାୟକ (Indian Captain) ରୋହିତ ଶର୍ମା (Rohit Sharma) ଙ୍କ ନିଷ୍ପତ୍ତି ଉପରେ ପ୍ରଶ୍ନ ଉଠିଥିଲା । ସମଗ୍ର ଟିମ୍ ଇଣ୍ଡିଆକୁ କଡ଼ା ସମାଲୋଚନାର ସାମ୍ନା କରିବାକୁ ପଡ଼ୁଛି । ସେପଟେ ପୂରା ଟୁର୍ଣ୍ଣାମେଣ୍ଟରେ ୟୁଜଭେନ୍ଦ୍ର ଚହଲ (Yuzvendra Chahal) ନ ଖେଳିବା ବିଷୟ ମଧ୍ୟ ଏକ ବଡ଼ ପ୍ରଶ୍ନ ଥିଲା । ଟି-20 ବିଶ୍ୱକପ ୨୦୨୨ରୁ ବାଦ୍ ପଡ଼ିବା ପରେ ଭେଟେରାନ ଓ ବିଶେଷଜ୍ଞମାନେ ୟୁଜଭେନ୍ଦ୍ର ଚହଲଙ୍କ ଚୂଡ଼ାନ୍ତ ଏକାଦଶରେ ସ୍ଥାନ ନ ଦେବାକୁ ନେଇ ପ୍ରଶ୍ନ ଉଠାଇଛନ୍ତି ।
ୟୁଜଭେନ୍ଦ୍ର ଚହଲ (Yuzvendra Chahal) ଙ୍କ ସହ ହର୍ଷଲ ପଟେଲ (Harshal Patel) ଟିମ୍ ଇଣ୍ଡିଆ (Team India) ର ଅନ୍ୟତମ ଖେଳାଳି, ଯିଏ ଟି-20 ବିଶ୍ୱକପ ୨୦୨୨ (ICC T20 World Cup 2022) ରେ ଗୋଟିଏ ମ୍ୟାଚରେ ବି ଚୂଡ଼ାନ୍ତ ଏକାଦଶରେ ସ୍ଥାନ ପାଇନଥିଲେ । ୟୁଜଭେନ୍ଦ୍ର ଚହଲଙ୍କୁ ଚୂଡ଼ାନ୍ତ ଏକାଦଶରେ ସାମିଲ ନ କରିବାର ଆଶ୍ଚର୍ଯ୍ୟଜନକ ନିଷ୍ପତ୍ତିକୁ ନେଇ ଭାରତୀୟ ଅଧିନାୟକ ରୋହିତ ଶର୍ମା (Rohit Sharma) ଓ ମୁଖ୍ୟ କୋଚ୍ ରାହୁଲ ଦ୍ରାବିଡ (Rahul Dravid) ସମାଲୋଚନାର ଶିକାର ହୋଇଛନ୍ତି । ବର୍ତ୍ତମାନ ଟିମ୍ ଇଣ୍ଡିଆର ୱିକେଟ୍ କିପର ଦୀନେଶ କାର୍ତ୍ତିକ (Dinesh Karthik) ଏ ବିଷୟରେ ଖୁଲାସା କରିଛନ୍ତି ।
ଦୀନେଶ କାର୍ତ୍ତିକ (Dinesh Karthik) କ୍ରିକବଜ୍ ସହିତ ଆଲୋଚନା ସମୟରେ କହିଛନ୍ତି ଯେ, ଟୁର୍ଣ୍ଣାମେଣ୍ଟ ଆରମ୍ଭରେ ଉଭୟ ଲେଗ୍ ସ୍ପିନର ୟୁଜଭେନ୍ଦ୍ର ଚହଲ ଓ ପେସର୍ ହର୍ଷଲ ପଟେଲଙ୍କୁ ସ୍ପଷ୍ଟ କରିଦିଆଯାଇଥିଲା ଯେ ସେମାନେ ଚୂଡ଼ାନ୍ତ ଏକାଦଶରେ ସେତେବେଳେ ସାମିଲ ହେବେ ଯେତେବେଳେ ସେମାନଙ୍କ ଉପସ୍ଥିତିର ଅନୁକୂଳ ହେବ, ନଚେତ୍ ସେମାନଙ୍କୁ ପୂରା ଟୁର୍ଣ୍ଣାମେଣ୍ଟରେ ବାହାରେ ବସିବାକୁ ପଡିପାରେ ।
ଦୀନେଶ କାର୍ତ୍ତିକ (Dinesh Karthik) କହିଛନ୍ତି ଯେ, ସେମାନେ (ୟୁଜଭେନ୍ଦ୍ର ଚହଲ ଓ ହର୍ଷଲ ପଟେଲ) ଆରମ୍ଭରୁ ଆଶ୍ୱସ୍ତ ଥିଲେ, ସେଥି ପାଇଁ ସେମାନେ ଥରେ ବି ଅସନ୍ତୁଷ୍ଟ କିମ୍ୱା ବିରକ୍ତ ହୋଇ ନଥିଲେ । ଟୁର୍ଣ୍ଣାମେଣ୍ଟ ଆରମ୍ଭରେ ତାଙ୍କୁ କୁହାଯାଇଥିଲା ଯେ ଏହି ପରିସ୍ଥିତିରେ ଆପଣଙ୍କୁ ଖେଳାଇବା କଷ୍ଟସାଧ୍ୟ ହୋଇପାରେ । ସେଥିପାଇଁ ସେମାନେ ଏହା ବିଷୟରେ ଅବଗତ ଥିଲେ । ସେମାନେ ଏପରି ଭାବେ ପ୍ରସ୍ତୁତି କରୁଥିଲେ କି ଯେତେବେଳେ ସୁଯୋଗ ଦିଆଯିବ ସେତେବେଳେ ସେମାନେ ନିଜର ସର୍ବୋତ୍ତମ ଦେବାକୁ ଚେଷ୍ଟା କରିବେ ।
ଅଧିକ ପଢ଼ନ୍ତୁ:-ସରକାରୀ କର୍ମଚାରୀଙ୍କ ନିଜ ଘରର ସ୍ୱପ୍ନ ହେବ ସାକାର, ସରକାର କଲେ ବଡ଼ ଘୋଷଣା
ଅଧିକ ପଢ଼ନ୍ତୁ:-ପୁରୁଷମାନେ ପ୍ରତିଦିନ ଏହି ସମୟରେ ଖାଆନ୍ତୁ ରସୁଣର କେବଳ ଗୋଟିଏ କୋଲା, ତା’ପରେ ଦେଖନ୍ତୁ ଚମତ୍କାର!
ଅଧିକ ପଢ଼ନ୍ତୁ:-ହରଡ ଡାଲିର ସେବନ ଏହି ୩ଟି ରୋଗରେ ବିଷ ପରି କରେ କାମ, ଜାଣନ୍ତୁ କିପରି
ଦୀନେଶ କାର୍ତ୍ତିକ ଆହୁରି କହିଛନ୍ତି ଯେ, ତେଣୁ ଯେତେବେଳେ କୋଚ୍ ଓ ଅଧିନାୟକଙ୍କ ଠାରୁ ଏହି ସ୍ପଷ୍ଟତା ଆସେ, ଏହା ଖେଳାଳିଙ୍କ ପାଇଁ କାମକୁ ସହଜ କରିଥାଏ । କାରଣ ଆପଣ କେବଳ ନିଜ ଭିତରେ ଦେଖିବା ଆରମ୍ଭ କରନ୍ତି ଓ ଭଲ ପ୍ରସ୍ତୁତି ଆରମ୍ଭ କରିବା ପାଇଁ ମୁଁ କ’ଣ କରିବି ବୋଲି ଭାବନ୍ତି । ସେମାନେ ତାହା ହିଁ କରୁଥିଲେ ଓ ଯଦି ସୁଯୋଗ ଦିଆଯାଏ ତେବେ ସେମାନେ ନିଜର ଶ୍ରେଷ୍ଠତ୍ୱ ଦେଇଥାନ୍ତେ । ଦୀନେଶ କାର୍ତ୍ତିକ କହିଛନ୍ତି ଯେ, ଏହା ଅତ୍ୟନ୍ତ ହାଇ ଇଣ୍ଟେନ୍ସିଟି ଟୁର୍ଣ୍ଣାମେଣ୍ଟ । ସେମାନେ ଭାରତ ପାଇଁ ଅନେକ ମ୍ୟାଚ୍ ଖେଳିଛନ୍ତି ଓ ସେମାନେ ବାହାର ହେବାର ଅନୁଭବ ଜାଣିଛନ୍ତି । ବର୍ତ୍ତମାନ ଉଭୟ ଖେଳାଳି ନ୍ୟୁଜିଲ୍ୟାଣ୍ଡ ବିପକ୍ଷ ତିନି ମ୍ୟାଚ୍ ବିଶିଷ୍ଟ ଟି-20 ସିରିଜର ଅଂଶ ଅଛନ୍ତି ।