Team India, Indian Cricket Team: ଟିମ୍ ଇଣ୍ଡିଆ ବର୍ତ୍ତମାନ ଅଷ୍ଟ୍ରେଲିଆ ବିପକ୍ଷରେ ୩ ମ୍ୟାଚ ବିଶିଷ୍ଟ ଦିନିକିଆ ସିରିଜ୍ (India vs Australia ODI Series) ଖେଳୁଛି । ଟିମ୍ ଇଣ୍ଡିଆ (Team India) ର ଜଣେ ମାରାତ୍ମକ ଦ୍ରୁତ ବୋଲର (Indian Fast Bowler) ଏହି ସିରିଜରେ ସ୍ଥାନ ପାଇବାରେ ବିଫଳ ହୋଇଛନ୍ତି । ଏଭଳି ପରିସ୍ଥିତିରେ ଏହି ଖେଳାଳି ଏକ ବଡ଼ ନିଷ୍ପତ୍ତି ନେଇଛନ୍ତି । ଏହି ଖେଳାଳି ବର୍ତ୍ତମାନ ଅନ୍ୟ ଦେଶରେ ଖେଳୁଥିବାର ନଜରକୁ ଆସିବ । ଏହି ଖେଳାଳି ଗତ ବର୍ଷ ଏସିଆ କପ୍ ୨୦୨୨ (Asia Cup 2022) ଓ ଟି-20 ବିଶ୍ୱକପ ୨୦୨୨ (T20 World Cup 2022) ପରି ବଡ଼ ଟୁର୍ଣ୍ଣାମେଣ୍ଟରେ ଟିମ୍ ଇଣ୍ଡିଆର ଅଂଶ ହୋଇଥିଲେ । କିନ୍ତୁ ଏଥର ସେ ଦଳରୁ ବାହାର ଅଛନ୍ତି ।
ଭାରତୀୟ ଦଳର ମୁଖ୍ୟ କୋଚ୍ ରାହୁଲ ଦ୍ରାବିଡ (Rahul Dravid) ଙ୍କ ପରାମର୍ଶରେ ପ୍ରତିଭାଶାଳୀ ବାମହାତୀ ଦ୍ରୁତ ବୋଲର ଅର୍ଶଦୀପ ସିଂ (Arshdeep Singh) ଇଂଲଣ୍ଡର ଆଗାମୀ କାଉଣ୍ଟି ସିଜନରେ କାଉଣ୍ଟି ଚାମ୍ପିଅନସିପ (County Championship) ର ପାଞ୍ଚଟି ମ୍ୟାଚ୍ରେ କେଣ୍ଟ ଦଳ (Kent Team) ପାଇଁ ଖେଳିବେ । କେଣ୍ଟ କାଉଣ୍ଟି ଦଳ ଏହାର ୱେବସାଇଟରେ ଏହି ଘୋଷଣା କରିଛି । ଜାରି ବିଜ୍ଞପ୍ତିରେ କୁହାଯାଇଛି ଯେ, କେଣ୍ଟ କ୍ରିକେଟକୁ ଏହା ଘୋଷଣା କରି ଖୁସି ହେଉଛି କି ଭାରତର ଅନ୍ତର୍ଜାତୀୟ ବୋଲର ଅର୍ଶଦୀପ ସିଂ ଜୁନ୍ ଓ ଜୁଲାଇ ମଧ୍ୟରେ କାଉଣ୍ଟି ଚାମ୍ପିଅନସିପର ପାଞ୍ଚଟି ମ୍ୟାଚରେ ଦଳର ପ୍ରତିନିଧିତ୍ୱ କରିବାକୁ ଉପଲବ୍ଧ ହେବେ । ତାଙ୍କର ଉପଲବ୍ଧି ତଥାପି ଆବଶ୍ୟକୀୟ ଅନୁମୋଦନ ଅଧୀନରେ ରହିବ ।
ଅର୍ଶଦୀପ ସିଂ (Arshdeep Singh) କହିଛନ୍ତି ଯେ, ସେ ନାଲି ବଲର ଖେଳରେ ନିଜର ଦକ୍ଷତା ବୃଦ୍ଧି ପାଇଁ କାଉଣ୍ଟିରେ ଖେଳିବାକୁ ନିଷ୍ପତ୍ତି ନେଇଛନ୍ତି । ସେ ଏକ ବିଜ୍ଞପ୍ତିରେ କହିଛନ୍ତି ଯେ, ମୁଁ ଇଂଲଣ୍ଡରେ ରେଡ-ବଲ କ୍ରିକେଟ୍ ଖେଳିବାକୁ ଅପେକ୍ଷା କରିଛି । ପ୍ରଥମ ଶ୍ରେଣୀ ଖେଳରେ ମୋର ଦକ୍ଷତା ବୃଦ୍ଧି କରିବାକୁ ଚାହୁଁଛି । ମୁଁ କେଣ୍ଟର ସଦସ୍ୟ ଓ ସମର୍ଥକଙ୍କ ସାମ୍ନାରେ ନିଜର କୌଶଳ ପ୍ରଦର୍ଶନ କରିବାକୁ ଅପେକ୍ଷା କରିଛି । ରାହୁଲ ଦ୍ରାବିଡ ମୋତେ କହି ସାରିଛନ୍ତି ଯେ ଏହି କ୍ଲବର ଇତିହାସ ଚମତ୍କାର ଅଟେ ।
ଅଧିକ ପଢ଼ନ୍ତୁ-ଟିମ୍ ଇଣ୍ଡିଆରେ ଏହି ଖେଳାଳିଙ୍କ ଏଣ୍ଟ୍ରିରୁ ଥରିବ କଙ୍ଗାରୁ ଦଳ, ନାମ ଶୁଣିବା ମାତ୍ରେ ଭୟଭୀତ ହୋଇଯାଆନ୍ତି ସ୍ମିଥ୍!
ଅଧିକ ପଢ଼ନ୍ତୁ-ଲୋକପ୍ରିୟ ଓଡ଼ିଆ DJ Azexଙ୍କ ନିଧନ, ରହସ୍ୟ ଘେରରେ ମୃତ୍ୟୁ
ସୂଚନାଯୋଗ୍ୟ, ଗତ ବର୍ଷ ନଭେମ୍ବରରେ ନ୍ୟୁଜିଲ୍ୟାଣ୍ଡ ବିପକ୍ଷରେ ଅର୍ଶଦୀପ ସିଂ (Arshdeep Singh) ନିଜର ODI ଡେବ୍ୟୁ କରିଥିଲେ । ସେ ସୀମିତ ଓଭରରେ ଭାରତ ପାଇଁ ମୋଟ ୨୯ଟି ଅନ୍ତର୍ଜାତୀୟ ମ୍ୟାଚ୍ ଖେଳିଛନ୍ତି । ଏହି ୨୯ଟି ମ୍ୟାଚରେ ଅର୍ଶଦୀପ ସିଂ ମୋଟ ୪୧ଟି ୱିକେଟ୍ ନେଇଛନ୍ତି । ସେ ପ୍ରଥମ ଶ୍ରେଣୀ ୭ଟି ମ୍ୟାଚରେ ୨୩.୮୪ ଏଭେରେଜରେ ୨୫ ୱିକେଟ୍ ନେଇଛନ୍ତି । ସେ କେଣ୍ଟ କାଉଣ୍ଟି ଦଳରେ ଯୋଗ ଦେଇଥିବା ଚତୁର୍ଥ ଭାରତୀୟ ଖେଳାଳି । ଏହାପୂର୍ବରୁ କୁଁୱର ଶ୍ୟାମସେରା ସିଂ, ଦ୍ରାବିଡ ଏବଂ ନବଦୀପ ସୈନି ଏହି ଦଳର ପ୍ରତିନିଧିତ୍ୱ କରିଛନ୍ତି ।